AIR & TECH

🇰🇭 អបអរសាទរខួបលើកទី៤៤ សហភាពសហព័ន្ធយុវជនកម្ពុជា (០២ ធ្នូ ១៩៧៨ - ០២ ធ្នូ ២០២២) ✨ កាលពី ៤៤ឆ្នាំមុន យុវជនកម្ពុជាបានចូលរួមយ៉ាងសកម្មចំពោះការពលីដើម្បីជាតិមាតុភូមិ ក្នុងការស្វែងរកសន្តិភាពជូនប្រជាជន។ ២ធ្នូ ១៩៧៨ សមាគមយុវជនសាមគ្គីសង្រ្គោះជាតិកម្ពុជា ដែលជាផ្នែកដ៏សំខាន់មួយ នៃរណសិរ្សសាមគ្គីសង្គ្រោះជាតិកម្ពុជា ក្រោមការដឹកនាំរបស់សម្ដេច ជា ស៊ីម សម្ដេច ហេង សំរិន និងសម្ដេច ហ៊ុន សែន ក្នុងបេសកកម្មសំខាន់គឺ រំដោះជាតិ និងប្រជាជនកម្ពុជាចេញពីរបបប្រល័យពូជសាសន៍ ប៉ុល ពត (៣ឆ្នាំ ៨ខែ ២០ថ្ងៃ) ដោយផ្ដល់នូវកំណើតទី២ ដល់ប្រជាជនកម្ពុជា ក៏ដូចជាប្រទេសជាតិវិញ។ ក្រោយប្រទេសជាតិត្រូវបានរំដោះ និងមានសុខសន្តិភាពពេញបរិបូណ៌ សមាគមយុវជនសាមគ្គីសង្រ្គោះជាតិកម្ពុជា ក៏បានវិវឌ្ឍឈ្មោះទៅជា សមាគមយុវជនកម្ពុជា និងមកដល់បច្ចុប្បន្ននេះដែលហៅថា សហភាពសហព័ន្ធយុវជនកម្ពុជា (ស.ស.យ.ក.)។ ឆ្នាំនេះគឺជា ស.ស.យ.ក. មានអាយុ ៤៤ឆ្នាំហេីយ ដែលយុវជនកម្ពុជាបន្តប្តេជ្ញា ចូលរួមថែរក្សានូវស្មារតី ២ធ្នូ តទៅមុខទៀត។ រយៈពេល ៤៤ឆ្នាំ កន្លងទៅនេះ យុវជន ស.ស.យ.ក. បានចូលរួមយ៉ាងសស្រាក់ សស្រាំ ក្នុងការធ្វេីកិច្ចការងារសង្គមគ្រប់ពេលវេលា គ្រប់កាលៈទេសៈ ព្រមទាំងការចូលរួមជាមួយរាជរដ្ឋាភិបាល ដោយទឹកចិត្ត កម្លាំងស្មារតីក្នុងការពារថែរក្សាជាតិ សាសនា ព្រះមហាក្សត្រ។ #Cambodia #Congratulations #UYFC44 #UYFC #UYFCSvayRieng #សសយក #សសយកខេត្តស្វាយរៀង

✨ រីករាយថ្ងៃខួបកំណើតបងប្រធាន ហ៊ុន ម៉ានី ✨ ក្នុងឱកាសពិធីខួបកំណើត ៣៩ឆ្នាំ ឈានចូល ៤០ឆ្នាំ សូមគោរពជូនពរ បវរមហាប្រសើរ ជូនឯកឧត្តមប្រធាន ប្រកបដោយសុខភាពល្អ បរិបូរណ៍ អាយុយឺនយូរ កម្លាំងមាំមួន សុខសុភមង្គល និងទទួលជោគជ័យគ្រប់ភារកិច្ច ជានិច្ចនិរន្តរ៍។ គោរពជូនពរពី សហភាពសហព័ន្ធយុវជនកម្ពុជា ខេត្តស្វាយរៀង និងក្រុមការងារទាំងអស់ 🙏🏻🙏🏻🙏🏻 #Cambodia #39th_40th #HunMany #UYFC #UYFCSvayrieng

🇰🇭✨ អបអរសាទរខួបទី៦៩ នៃទិវាបុណ្យឯករាជ្យជាតិ (០៩ វិច្ឆិកា ១៩៥៣-០៩ វិច្ឆិកា ២០២២) ✨🇰🇭 បុណ្យឯករាជ្យជាតិ តែងប្រារព្ធធ្វើឡើងនៅទូទាំងប្រទេស និងជារៀងរាល់ឆ្នាំ ហើយនៅថ្ងៃទី០៩ ខែវិច្ឆិកា ឆ្នាំ២០២២ នេះគឺជាខួបគម្រប់ទី៦៩ ដែលជាផលសមិទ្ធិផលដ៏ឧត្តុងឧត្តមក្រោមព្រះរាជបូរណីយកិច្ចរបស់ព្រះករុណា ព្រះបាទសម្តេចព្រះនរោត្តម សីហនុ ព្រះមហាក្សត្រ ព្រះវររាជបិតា ឯករាជ្យ បូរណភាពទឹកដី និងឯកភាពជាតិខ្មែរ «ព្រះបរមរតនកោដ្ឋ» ដែលប្រទេសកម្ពុជា បានឯករាជ្យពេញបរិបូរណ៍ពីប្រទេសបារាំង ដែលបានដាក់អាណានិគមមកលេីប្រទេសកម្ពុជាជិតមួយសតវត្ស។ #អរគុណសន្តិភាព 🕊 #Cambodia #CambodiaIndependenceDay #Peace #KingFather #UYFC #UYFCSvayRieng #សសយក #សសយកខេត្តស្វាយរៀង

🇰🇭 អបអរសាទរខួប ១៩ឆ្នាំ នៃរបាំព្រះរាជទ្រព្យ ដែលបានចុះបញ្ជី ជាសម្បត្តិបេតិកភណ្ឌវប្បធម៌អរូបីនៃមនុស្សជាតិ (០៧ វិច្ឆិកា ២០០៣ - ០៧ វិច្ឆិកា ២០២២) 🇰🇭 របាំព្រះរាជទ្រព្យ ឬរបាំក្បាច់បុរាណខ្មែរនេះ មានភាពល្បីល្បាញខាងមានកាយវិការទន់ភ្លន់ គួរឱ្យចង់គយគន់ និងមានទ្រង់គ្រឿងចាំងភ្លឺ។ របាំព្រះរាជទ្រព្យ របាំក្បាច់បុរាណខ្មែរ ជាប្រភេទរបាំ ដែលនាដករ ប្រើចលនាកាយវិការក្បាច់ និងមនោសញ្ចោតនា យ៉ាងប៉ិនប្រសប់ទៅតាមការវិវត្តនៃសាច់រឿង ដែលរៀបរាប់បញ្ជាក់ដោយទំនុកច្រៀង នៃក្រុមចម្រៀង ជាពួក (ជហៀរាលេ) ដែលមានតួនាទីច្រៀងជូនរបាំនេះ ជាមួយនឹងវង់ភ្លេងពិណពាទ្យ ដែលមានតួនាទីប្រគុំជូនរបាំនេះផងដែរ។ ✨ថ្ងៃនេះគឺជាខួបទី១៩ឆ្នាំហើយ ដែលកម្ពុជាបានចុះបញ្ជី “របាំព្រះរាជទ្រព្យ” ជាសម្បត្តិបេតិកភណ្ឌដ៏មានតម្លៃមិនអាចកាត់ថ្លៃបានរបស់ព្រះរាជាណាចក្រកម្ពុជាតែមួយគត់ ដែលបានថែរក្សានាដកម្មបុរាណមួយនេះ អស់រយៈពេលយូរលង់ណាស់មកហើយ។ #Cambodia #IntagibleCultural #UNESCO #HeritageofHumanity #UYFC #UYFCSvayRieng #សសយក #សសយកខេត្តស្វាយរៀង

🇰🇭 សូមអបអរសាទរ ព្រះរាជពិធីបុណ្យអុំទូក បណ្ដែតប្រទីប អកអំបុក និងសំពះព្រះខែ ✨ #Cambodia #UYFC #UYFCSvayRieng #សសយក #សសយកខេត្តស្វាយរៀង #WaterFestival

🇰🇭 អបអរសាទរព្រះរាជពិធីបុណ្យខួបលើកទី១៨ នៃការឡើងគ្រងរាជសម្បត្តិ ព្រះករុណា ព្រះបាទសម្ដេចព្រះបរមនាថ នរោត្ដម សីហមុនី ព្រះមហាក្សត្រ នៃព្រះរាជាណាចក្រកម្ពុជា បន្ទាប់ពីព្រះករុណាសម្ដេចព្រះនរោត្តម សីហនុ ទ្រង់ដាក់រាជសម្បត្តិ ព្រះអង្គត្រូវបានក្រុមប្រឹក្សារាជសម្បត្តិ ជ្រើសតាំងជាឯកច្ឆ័ន្ទ ជាព្រះមហាក្សត្រនៃព្រះរាជាណាចក្រកម្ពុជាបន្តរាជ្យពីព្រះបិតា។ ព្រះរាជពិធីរាជាភិសេកព្រះអង្គជាផ្លូវការត្រូវបានប្រារព្ធឡើងនៅក្នុងព្រះបរមរាជវាំង រាជធានីភ្នំពេញ នាថ្ងៃទី២៩ ខែតុលា ឆ្នាំ២០០៤។ ព្រះបរមនាមក្នុងរាជរបស់ព្រះករុណា ព្រះបាទសម្ដេចព្រះបរមនាថ នរោត្ដម សីហមុនី គឺ៖ "ព្រះករុណាព្រះបាទសម្តេចព្រះបរមនាថ នរោត្តម សីហមុនី សមានភូមិជាតិសាសនា រក្ខតខត្តិយា ខេមរារដ្ឋរាស្ត្រ ពុទ្ធិន្ទ្រាធរាមហាក្សត្រ ខេមរាជនា សមូហោភាស កម្ពុជឯករាជរដ្ឋបូរណសន្តិ សុភមង្គលា សិរីវិបុលា ខេមរាស្រីពិរាស្ត្រ ព្រះចៅក្រុងកម្ពុជាធិបតី" ប្រែសេចក្ដីថា៖ "អ្នកបម្រើមាតុភូមិ សាសនា ប្រជាជាតិ និងប្រជារាស្ត្រខ្មែរ ដោយស្វាមីភក្តិ និងភក្ដីភាព។ មហាក្សត្រដែលព្រះពុទ្ធ និងព្រះឥន្ទ្រលោកឧបត្ថម្ភ។ អ្នករួបរួមខេមរជនទាំងអស់។ អ្នកការពារឯករាជ្យ បូរណភាពទឹកដី និងសន្តិភាពរបស់កម្ពុជា ព្រមទាំងសុភមង្គល សេរីភាព និងវិបុលភាព របស់ប្រជារាស្ត្រខ្មែរ។" ក្នុងឱកាសដ៏មហានក្ខត្តឫក្ស នៃព្រះរាជពិធីបុណ្យខួបលើកទី១៨ នៃការគ្រងរាជសម្បត្តិ យើងខ្ញុំទូលព្រះបង្គំជាយុវជន និងជាសមាជិក សមាជិកា សហភាពសហព័ន្ធយុវជនកម្ពុជា ខេត្តស្វាយរៀង សូមក្រាបបង្គំទូលថ្វាយព្រះពរជ័យសិរីមង្គលបវរមហាប្រសើរ ថ្វាយ ព្រះករុណា ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា។ #KingdomOfCambodia #Cambodia #LongLiveTheKing #HisMajestyKingNorodomSihamoni #18thCoronationDay #UYFC #UYFCSvayRieng

🇰🇭 អបអរសាទរខួបទី៣១ឆ្នាំ នៃកិច្ចព្រមព្រៀងសន្តិភាពទីក្រុងប៉ារីស «២៣ តុលា ១៩៩១ - ២៣ តុលា ២០២២» 🕊 ខួបទី៣១ឆ្នាំ នៃកិច្ចព្រមព្រៀងសន្តិភាពទីក្រុងប៉ារីស គឺជាខួបអនុស្សាវរីយ៍នៃកិច្ចព្រមព្រៀងមួយ ដែលបង្កើតឡើងក្នុងគោលបំណង ដេីម្បីបញ្ចប់សង្រ្គាមសុីវិលនៅកម្ពុជា និងជាដំណោះស្រាយរួម នយោបាយផ្សះផ្សា ក្នុងការអភិវឌ្ឍស្តារប្រទេសជាតិឡេីងវិញ។ យើងខ្ញុំសូមគោរពដឹងគុណយ៉ាងជ្រៀលជ្រៅ ជូនចំពោះឥស្សរជនទាំងអស់ ដែលបានធ្វើពលិកម្មសព្វបែបយ៉ាង ដើម្បីចូលរួមចំណែកក្នុងដំណើរស្វែងរកសុខសន្តិភាពជូនជាតិមាតុភូមិកម្ពុជា។ ជាពិសេស យើងខ្ញុំនឹងចងចាំជានិច្ចនូវទស្សនៈ "ការដោះស្រាយបញ្ហាកម្ពុជា ត្រូវតែដោះស្រាយដោយខ្មែរនឹងខ្មែរខ្លួនឯង" ដែលបានបើកផ្លូវឲ្យមានជំនួបជាប្រវត្តិសាស្រ្ត រហូតឆ្ពោះទៅដល់កិច្ចព្រមព្រៀងមួយ ក្នុងការកំណត់ជោគវាសនាកម្ពុជារួមគ្នា។ ក្នុងនាមជាយេីងខ្ញុំជាយុវជនជំនាន់ក្រោយ សូមប្តេជ្ញាការពារ និងថែរក្សាសន្តិភាព ដេីម្បីជាតិខ្មែរ រុងរឿងថ្កេីងថ្កាន! "អរគុណសន្តិភាព!" #ខួបទី៣១អនុស្សាវរីយ៍សន្ធិសញ្ញាសន្តិភាពទីក្រុងប៉ារីស #31stAnniversaryParisPeaceAgreement #Cambodia #UYFC #UYFCSvayrieng #សសយក #សសយកស្វាយរៀង

🇰🇭 «១៥ តុលា ២០១២ - ១៥ តុលា ២០២២» ព្រះរាជពិធីគម្រប់ខួប ១០ឆ្នាំ នៃការយាងសោយព្រះទិវង្គត ព្រះករុណាព្រះបាទសម្តេច ព្រះនរោត្តម សីហនុ ព្រះមហាវីរក្សត្រ ព្រះវររាជបិតា ឯករាជ្យបូរណភាពទឹកដី និងឯកភាពជាតិខ្មែរ ព្រះបរមរតនកោដ្ឋ ជាទីសក្ការៈដ៏ខ្ពង់ខ្ពស់បំផុត 🙏🏻🙏🏻🙏🏻 យើងខ្ញុំព្រះករុណា សូមថ្វាយព្រះរាជកុសលព្រះវិញ្ញាណក្ខន្ធ ព្រះករុណាព្រះបាទសម្ដេច ព្រះនរោត្តម សីហនុ ព្រះមហាវីរក្សត្រ ព្រះវររាជបិតាជាតិ «ព្រះបរមរតនកោដ្ឋ» សូមបានយាងសោយព្រះបរមសុខ ក្នុងសុគតិភព 🙏🏻🙏🏻🙏🏻 #KingFather #CommemorationDay #UYFCsvayrieng #សសយកខេត្តស្វាយរៀង

🇰🇭 «១៥ តុលា ២០១២ - ១៥ តុលា ២០២២» ព្រះរាជពិធីគម្រប់ខួប ១០ឆ្នាំ នៃការយាងសោយព្រះទិវង្គត ព្រះករុណាព្រះបាទសម្តេច ព្រះនរោត្តម សីហនុ ព្រះមហាវីរក្សត្រ ព្រះវររាជបិតា ឯករាជ្យបូរណភាពទឹកដី និងឯកភាពជាតិខ្មែរ ព្រះបរមរតនកោដ្ឋ ជាទីសក្ការៈដ៏ខ្ពង់ខ្ពស់បំផុត 🙏🏻🙏🏻🙏🏻 យើងខ្ញុំព្រះករុណា សូមថ្វាយព្រះរាជកុសលព្រះវិញ្ញាណក្ខន្ធ ព្រះករុណាព្រះបាទសម្ដេច ព្រះនរោត្តម សីហនុ ព្រះមហាវីរក្សត្រ ព្រះវររាជបិតាជាតិ «ព្រះបរមរតនកោដ្ឋ» សូមបានយាងសោយព្រះបរមសុខ ក្នុងសុគតិភព 🙏🏻🙏🏻🙏🏻 #KingFather #CommemorationDay #UYFCsvayrieng #សសយកខេត្តស្វាយរៀង

🇰🇭 អបអរសាទរ ទិវាគ្រូបង្រៀន ០៥ តុលា ២០២២ ក្រោមប្រធានបទ «គ្រូបង្រៀនយើង អនាគតយើង ប្រទេសជាតិយើង» ✨ វិស័យអប់រំគឺជាកត្តាមួយដ៏សំខាន់ក្នុងសង្គមជាតិ កើតចេញសុខសន្តិភាព ដែលរាជរដ្ឋាភិបាលកម្ពុជា ខិតខំ និងរក្សាបានរហូតមកដល់សព្វថ្ងៃ រួមទាំងមានការជឿជាក់ពីសំណាក់បងប្អូនប្រជាពលរដ្ឋក្នុងការដឹកនាំនាវាកម្ពុជា ឱ្យរីកចម្រើនលើគ្រប់វិស័យជាពិសេសគឺវិស័យអប់រំនេះតែម្តង ដែលជាមធ្យោបាយគ្រឹះ និងសំខាន់បំផុត ដើម្បីជំរុញ និងបង្កើនសមត្ថភាពយុវជនជំនាន់ក្រោយឱ្យក្លាយខ្លួនជាអ្នកបន្តវេនក្នុងការរក្សានិរន្តរភាព នៃវឌ្ឍនភាពសង្គមដែលពោពេញដោយសន្តិភាពនេះជានិច្ចនិរន្តន៍ 🕊 #Cambodia #WorldTeacherDay #UYFC #UYFCSvayrieng

🇰🇭 សូមអនុមោទនា ពិធីបុណ្យភ្ជ៉ំបិណ្ឌ 🙏🏻🙏🏻🙏🏻 ពិធីបុណ្យភ្ជុំបិណ្ឌ ជាពិធីបុណ្យដ៏ធំមួយ ដែលធ្វេីឡេីងតាមបែបព្រះពុទ្ធសាសនា ហេីយ…….ចុចតំណភ្ជាប់ ដើម្បីអានបន្ត 👉🏻🔗 https://m.facebook.com/story.php?story_fbid=pfbid02rZDEBqHwsEUKdX1A7VGB93KULLZiNGC44MMnAnTQt4yfS6QFSLGBKsUX15PkocSHl&id=189526024507016 #Cambodia #UYFC #UYFCSvayrieng #PchumBenDay #SvayRiengProvince

🇰🇭 «អបអរសាទរខួប ២៩ឆ្នាំ នៃទិវាប្រកាសរដ្ឋធម្មនុញ្ញ» កាលពី២៩ឆ្នាំមុន គឺនៅថ្ងៃទី២៤ ខែកញ្ញា ឆ្នាំ១៩៩៣ ព្រះករុណា ព្រះបាទ សម្តេចព្រះនរោត្តម សីហនុ អតីតមហាវីរក្សត្រព្រះបរមរតនកោដ្ឋ ព្រះអង្គបានឡាយព្រះហត្ថលេខា លេីព្រះរាជក្រម ប្រកាសឱ្យប្រេីប្រាស់រដ្ឋធម្មនុញ្ញ នៃព្រះរាជាណាចក្រកម្ពុជា ជាផ្លូវការ។ រដ្ឋធម្មនុញ្ញ គឺជាច្បាប់កំពូលនៃព្រះរាជាណាចក្រកម្ពុជា ដែលរាល់ច្បាប់ និងឯកសារគតិយុត្តិទាំងឡាយនៃស្ថាប័ននានារបស់រដ្ឋត្រូវអនុលោមទៅនឹងរដ្ឋធម្មនុញ្ញជាដាច់ខាត ដេីម្បីបង្ហាញពីធម្មនុញ្ញភាព ហេីយប្រជាជនគ្រប់រូបត្រូវគោរព និងអនុវត្តតាម។ រដ្ឋធម្មនុញ្ញរបស់ព្រះរាជាណាចក្រកម្ពុជា បានផ្តល់ឱ្យប្រជាពលរដ្ឋមាននូវសិទ្ធិ សេរីភាព ក្នុងការរស់នៅក្នុងសង្គម ដែលប្រកបទៅដោយ សេចក្តីសុខ សុភមង្គល និងសន្តិភាពពេញលេញពិតប្រាកដ 🕊 #Cambodia #Constitution #សសយក #សសយកខេត្តស្វាយរៀង #UYFC #UYFCSvayRieng

🇰🇭 #cambodia បងប្អូនយើងណាខ្លះនឹក #ATS? ជួបគ្នាម្តងទៀតណាឆ្នាំ២០២៣ ធានាណាថ្មីប្លែក តែសូមលាក់ទុកសិន 🥰🥰🥰 Stay tuned na…❗️ពិព័ណ៌យន្តហោះ និងបច្ចេកវិទ្យា ២០២៣ (Air & Tech Show) #ATS2023 👉FB Page: https://www.facebook.com/AIRandTECHSHOW/ 👉Telegram Channel: https://t.me/airandtechshow

🇰🇭 យើងខ្ញុំជាយុវជន ស.ស.យ.ក. ខេត្តស្វាយរៀង សូមគោរពចូលរួមអបអរសាទរ ប្រកបដោយក្តីមោទកភាពយ៉ាងក្រៃលែងចំពោះសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា ទទួលសញ្ញាបត្របណ្ឌិតកិត្តិយស ផ្នែកអភិវឌ្ឍន៍ ពីសាកលវិទ្យាល័យភូមិន្ទភ្នំពេញ។ ការសម្រេចផ្តល់សញ្ញាបត្រកិត្តិយសនេះ គឺជាការទទួលស្គាល់គុណបំណាច់ នៃការលះបង់ និងការដឹកនាំប្រកបដោយបញ្ញាញាណ ចក្ខុវិស័យវែងឆ្ងាយ ធ្វើអោយកម្ពុជាក្លាយជាប្រទេសដែលមានការអភិវឌ្ឍន៍ពីមួយឆ្នាំទៅមួយឆ្នាំ និងប្រជាជនរស់នៅពោពេញដោយសុខសន្តិភាព។ យើងខ្ញុំជាយុវជនជំនាន់ក្រោយពិតជាមានមោទកភាព ដែលមានថ្នាក់ដឹកនាំដែលប្រកបដោយសមត្ថភាព ភាពជាអ្នកដឹកនាំ ជាពិសេសជាថ្នាក់ដឹកនាំដែលផ្តល់តម្លៃទៅលើការអប់រំ។ #Cambodia #PrimeMinister #SamdachTecho #ThankPeace 🕊 #UYFC #UYFCSvayrieng

✨ សូមគោរពជូនពរ និងបួងសួងដល់វត្ថុស័ក្តិសិទ្ធិក្នុងលោក ប្រោសប្រទានពរជ័យ សិរីមង្គល វិបុលសុខ មហាប្រសើរ ជូនចំពោះ «សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា ក្នុងឱកាសដ៏នក្ខត្តឬក្ស ចម្រើនជន្មាយុគម្រប់ខួប ៧០ឆ្នាំ ឈានចូល ៧១ឆ្នាំ» ✨ សូមសម្តេចអគ្គមហាសេនាបតីតេជោ ហ៊ុន សែន ទទួលបាននូវសុខភាពល្អបរិបូរណ៍ កាយពលមាំមួន បញ្ញាញាណភ្លឺថ្លា ជន្មាយុយឺនយូរ ដើម្បីបន្តដឹកនាំព្រះរាជាណាចក្រកម្ពុជា ទទួលបានសុខសន្តិភាព និងភាពរីកចម្រើនរុងរឿង 🕊 សូមគោរពជូនពរពី សមាជិកសមាជិកា និងយុវជនសហភាពសហព័ន្ធយុវជនកម្ពុជា ខេត្តស្វាយរៀង 🙏🏻🙏🏻🙏🏻 #Cambodia #CambodianPrimeMinister #70th_71th #ThankPeace 🕊 #UYFC #UYFCSvayrieng

🇰🇭 ​៨ កក្កដា ២០១៧-២០២២ អបអរសាទរខួប៥ឆ្នាំ នៃការដាក់បញ្ចូលតំបន់ប្រាសាទសំបូរព្រៃគុក ក្នុងបញ្ជីបេតិកភណ្ឌពិភពលោក ✨ ប្រាសាទសំបូរព្រៃគុក គឺជាសំណង់ប្រាសាទរាងប្រាំបីជ្រុងដែលសាងអំពីឥដ្ឋនៅស.វ.ទី៧។ នៅខាងលិចតំបន់ប្រាសាទ ក៏មាននៅសល់ស្លាកស្នាមទីក្រុងបុរាណមួយដែលគេស្គាល់ថា "ឦសានបុរ"។ តាមឯកសារចិននិយាយថា ក្រុងបុរាណនេះ គឺជារាជធានីនៃអាណាចក្រចេនឡាដែលមានមនុស្សរស់នៅជាង ១០ម៉ឺននាក់ ហើយជាទីក្រុងដ៏ល្បីល្បាញនៅតំបន់អាស៉ីអាគ្នេយ៍កាលពីស.វ.ទី៧។ ប្រទេសពេញដោយសន្តិភាព រួមទាំងកិច្ចខិតខំប្រឹងប្រែងរបស់ប្រមុខរាជរដ្ឋាភិបាលកម្ពុជា តំបន់ប្រាសាទសំបូរព្រៃគុក បានចុះក្នុងបញ្ជីសម្បត្តិបេតិកភណ្ឌពិភពលោក កាលពីថ្ងៃទី០៨ ខែកក្កដា ឆ្នាំ២០១៧ នៅទីក្រុងក្រាកូវ ប្រទេសប៉ូឡូញ។ ក្នុងនាមយើងខ្ញុំជាយុវជនខ្មែរជំនាន់ក្រោយទាំងអស់គ្នា សូមប្តេជ្ញាបន្តចូលរួមថែរក្សាកេរ្តិ៍មរតកដ៏មានតម្លៃបំផុតនេះ ក៏ដូចជាសិល្បៈ វប្បធម៌ ប្រពៃណីរបស់ជាតិខ្មែរយើងតាំងពីបុរាណកាល រហូតដល់បច្ចុប្បន្ននេះតរៀងទៅជាដរាប!!! #Cambodia #SamborPreiKukTemples #WorldHeritage #UNESCO #សសយក #UYFC #សសយកខេត្តស្វាយរៀង #UYFCSvayRieng

🇰🇭 អបអរសាទរខួប ១៤ឆ្នាំ នៃការដាក់បញ្ចូល ប្រាសាទព្រះវិហារ ជាសម្បត្តិបេតិកភណ្ឌពិភពលោក «៧ កក្កដា ២០០៨-៧ កក្កដា ២០២២» ✨ ដោយកិច្ចខិតខំប្រឹងប្រែងរបស់ប្រមុខរាជរដ្ឋាភិបាលកម្ពុជា និងប្រទេសពេញដោយសន្តិភាព ប្រាសាទព្រះវិហារត្រូវបានដាក់បញ្ចូលជាសម្បត្តិបេតិកភណ្ឌពិភពលោកនាកិច្ចប្រជុំទី៣២របស់គណៈកម្មាធិការបេតិកភណ្ឌពិភពលោករបស់អង្គការយូណេស្កូ (UNESCO) កាលពីថ្ងៃទី៧ ខែកក្កដា ឆ្នាំ២០០៨ នៅទីក្រុងកេបិច ប្រទេសកាណាដា ក្រោយឈ្នះក្តីលើប្រទេសថៃនៅតុលាការអន្តរជាតិក្រុងឡាអេ នាថ្ងៃទី១៥ខែមិថុនា ឆ្នាំ១៩៦២។ សូមចូលរួមថែរក្សាការពារប្រាសាទបុរាណទាំងអស់នៅទូទាំងប្រទេសឱ្យបានគង់វង្ស ដើម្បីកូនចៅខ្មែរគ្រប់ជំនាន់! #Cambodia #PreahVihear #WorldHeritage #UNESCO #UYFC #UYFCSvayrieng

🇰🇭 សូមថ្វាយព្រះពរ សម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ ក្នុងឱកាសព្រះរាជពិធីបុណ្យ ចម្រើនព្រះជន្មគម្រប់ ៨៦ព្រះវស្សាយាងចូល ៨៧ព្រះវស្សា របស់សម្តេចព្រះមហាក្សត្រី ព្រះវររាជមាតាជាតិខ្មែរ ដែលប្រព្រឹត្តទៅនៅថ្ងៃទី១៨ ខែមិថុនា ឆ្នាំ២០២២នេះ ✨ សូមព្រះបរមរាជានុញ្ញាត អភិវន្ទលំឱនកាយវាចាចិត្តក្រាបបង្គំ សម្តែងថ្វាយនូវព្រះសព្ទសាធុការពរជ័យ បវរសួស្តី សិរីមង្គល វិបុលសុខ និងមហាប្រសើរ ចំពោះសម្តេចព្រះមហាក្សត្រី ព្រះវររាជមាតាជាតិខ្មែរ ជាទីគោរពសក្ការៈដ៏ខ្ពង់ខ្ពស់បំផុត និងសូមព្រះអង្គទ្រង់ប្រកបដោយ ព្រះកាយពលរឹងមាំខ្លាំងក្លា បញ្ញាញាណភ្លឺថ្លាត្រចះត្រចង់ ព្រះរាជសុខភាពល្អបរិបូរណ៍ ព្រះជន្មាយុយឺនយូរជាងរយព្រះវស្សា និងចាកផុតពីព្រះរោគាព្យាធិនានា ជាអង្វែងតរៀងទៅ។ ក្រាបថ្វាយបង្គំពីខ្ញុំព្រះករុណា ឌី វិជ្ជា ព្រមទាំងសមាជិក សមាជិកា និងយុវជន ស.ស.យ.ក. ខេត្តស្វាយរៀងទាំងអស់ 🙏🙏🙏 #Cambodia #KingdomOfCambodia #LongLiveTheQueen #សសយក #សសយកខេត្តស្វាយរៀង #UYFC #UYFCSvayrieng #យុវជនខេត្តស្វាយរៀង #SvayRiengYouths