Bugun.uz | Расмий канал
Open in Telegram
📈 Analytical overview of Telegram channel Bugun.uz | Расмий канал
Channel Bugun.uz | Расмий канал (@bugunrasmiy) in the Uzbek language segment is an active participant. Currently, the community unites 19 246 subscribers, ranking 11 778 in the News & Media category and 4 151 in the Uzbekistan region.
📊 Audience metrics and dynamics
Since its creation on невідомо, the project has demonstrated rapid growth, gathering an audience of 19 246 subscribers.
According to the latest data from 09 September, 2026, the channel demonstrates stable activity. Although there has been a change in the number of participants by -294 over the last 30 days and by -1 over the last 24 hours, overall reach remains high.
- Verification status: Not verified
- Engagement rate (ER): The average audience engagement rate is 9.95%. Within the first 24 hours after publication, content typically collects 5.65% reactions from the total number of subscribers.
- Post reach: On average, each post receives 1 915 views. Within the first day, a publication typically gains 1 087 views.
- Reactions and interaction: The audience actively supports content: the average number of reactions per post is 0.
📝 Description and content policy
The author describes the resource as a platform for expressing subjective opinions:
“Bugun.uz нашрининг расмий Telegram-канали.”
Thanks to the high frequency of updates (latest data received on 10 September, 2026), the channel maintains relevance and a high level of publication reach. Analytics show that the audience actively interacts with content, making it an important point of influence in the News & Media category.
19 246
Subscribers
-124 hours
-747 days
-29430 days
Posts Archive
19 241
Ҳафта давомида Ўзбекистонда ҳаво 42 даражагача исийди
Ўзгидрометга кўра, ҳафта давомида республикада иссиқ об-ҳаво сақланиб, кундузги ҳарорат асосан 37–40 даража, 12–13 август кунлари айрим жойларда 41–42 даражагача кўтарилади.
Кечалари ҳарорат 21–26 даража атрофида бўлади. Асосий ҳудудларда ёғингарчилик кутилмайди, фақат тоғли жойларда айрим кунлари қисқа муддатли ёмғир ва момақалдироқ бўлиши мумкин.
Шимол ва чўл ҳудудларда, шунингдек 14 август куни республика бўйича айрим жойларда шамол 13–18 м/с гача кучайиб, чанг-тўзон кузатилиши мумкин.
Тошкентда ҳарорат кундузи 37–40 даража, 12–13 августда эса 41 даражагача етади.
19 241
Татаристондаги дрон ҳужумида 7 нафар Ўзбекистон фуқароси ҳалок бўлди
10 август куни Татаристоннинг Нижнекамск шаҳридаги объектларга дронлар ҳужуми оқибатида 7 нафар Ўзбекистон фуқароси ҳалок бўлди. Буни Ўзбекистоннинг Қозондаги Бош консулхонаси тасдиқлади.
Маҳаллий ҳуқуқни муҳофаза қилувчи органлар маълумотига кўра, ҳужум оқибатида жами 13 киши ҳалок бўлган, яна 39 киши турли даражада жароҳатланган.
Бош консулхона марҳумларнинг жасадлари суд-тиббий экспертизаси ва зарур расмий жараёнлар якунлангач, Ўзбекистонга олиб келинишини маълум қилди.
Татаристонда 10 август мотам куни деб эълон қилинган. Россия тергов органлари ҳолат юзасидан жиноят иши қўзғатган.
19 241
Павел Дуров Тошкентдаги информатика олимпиадаси ғолибларига 117 минг долларлик совға беради
Telegram асосчиси Павел Дуров Тошкентда ўтаётган 2026 йилги Халқаро информатика олимпиадаси (IOI) иштирокчиларини қўллаб-қувватлашини маълум қилди.
Унинг ёзишича, Telegram олимпиаданинг 235 нафар ғолибига умумий қиймати камида 117 минг долларлик Algorithm Cups рақамли коллекцияларини тақдим этади.
Дуров Ўзбекистонни «алгоритм» сўзига ном берган Муҳаммад ал-Хоразмий ватани сифатида ҳам тилга олган.
«Энг яхши алгоритм ғалаба қозонсин», — деб ёзди у.
19 241
Repost from N/a
«Бунёдкор»га ажратилган 5 млрд сўмнинг ярми солиққа ушлаб қолинган. Бу ҳақда жамоа бош мураббийи Илёс Зейтуллаев маълум қилди.
30 июль куни молиявий қийинчиликка дуч келган клубга ПҚ-107-сон қарор асосида 5 млрд сўм ажратилган эди.
Зейтуллаевнинг айтишича, 2,5 млрд сўм дарҳол солиққа ушлаб қолинган, қолган 2,5 млрд сўм эса футболчиларнинг йиғилиб қолган маошларига берилган. Бу маблағ бор-йўғи 1—1,5 ойлик маошни қоплаган, клубни тарк этган айрим ўйинчилар эса ҳали ҳам пул олмаган.
«Бунёдкор»даги молиявий муаммолар шу даражага етганки, жамоа аввалроқ «Қизилқум»га қарши сафарга маблағ етишмаслиги сабаб бора олмай, 0:3 ҳисобида техник мағлубият олган.
19 241
11 август куни Ўзбекистонда ҳаво 42 даражагача исийди
Ўзгидромет прогнозига кўра, 11 август куни Қорақалпоғистон, Хоразм, Бухоро, Навоий, Қашқадарё ва Сурхондарёда ҳаво ҳарорати 42 даражагача кўтарилади.
Тошкент шаҳрида кундузи 38–40 даража, кечаси 23–25 даража бўлади. Ёғингарчилик кутилмайди.
Тошкент, Самарқанд, Жиззах, Сирдарё ҳамда Фарғона водийси вилоятларида ҳарорат 35–40 даража атрофида бўлади.
Фақат тоғли ҳудудларнинг айрим жойларида қисқа муддатли ёмғир ва момақалдироқ кузатилиши мумкин.
19 241
Ўзбекистонда катта ёшли аҳолининг 64 фоизи ортиқча вазнли
ЖССТ маълумотларига асосланган Our World in Data ҳисоб-китобига кўра, 2024 йилда Ўзбекистонда 18 ёшдан катта аҳолининг 64 фоизи ортиқча вазн ёки семизликка эга бўлган. Бу ерда ортиқча вазн BMI 25 дан юқори бўлган ҳолатларни қамраб олади.
Шу билан бирга, «Ўзбекистон МДҲда биринчи ўринда» деган тезисни эҳтиёт билан бериш керак. Мен ЖССТ ёки Our World in Data’нинг очиқ рейтингида айнан МДҲ давлатлари кесимида шундай расмий рейтингни топмадим.
Алоҳида семизлик кўрсаткичида эса Ўзбекистонда катта ёшли аҳолининг 27,9 фоизи BMI 30 дан юқори тоифага киради.
19 241
Repost from Майор Қодиров
Навоийда қувур таъмирлаётган ишчини қум босиб қолди
7 август куни Қизилтепа туманида ер остидан ўтган эски қувурларни таъмирлаётган 59 ёшли ишчи устига қум ўпирилиб тушиши оқибатида воқеа жойида вафот этди.
Марҳум «Сфат плюс қурилиш» МЧЖда ёлланма ишчи бўлиб ишлаган.
Ҳозирда ҳолат юзасидан Қизилтепа тумани ИИБ томонидан суриштирув олиб борилмоқда.
19 241
Repost from Майор Қодиров
Навоийда қувур таъмирлаётган ишчини қум босиб қолди — у ҳалок бўлди
7 август куни Қизилтепа туманида ер остидан ўтган эски қувурларни таъмирлаётган 59 ёшли ишчи устига қум ўпирилиб тушиши оқибатида воқеа жойида вафот этди.
Марҳум «Сфат плюс қурилиш» МЧЖда ёлланма ишчи бўлиб ишлаган.
Ҳозирда ҳолат юзасидан Қизилтепа тумани ИИБ томонидан суриштирув олиб борилмоқда.
19 241
Ўзбекистонга келган хорижий туристлар сони бир йилда қарийб 47 фоизга ошди
2025 йилда Ўзбекистонга 11,7 млн нафар хорижий сайёҳ ташриф буюрган. Келтирилган маълумотларга кўра, бу 2024 йилга нисбатан 46,8 фоизга кўп.
Жаҳон саёҳат ва туризм кенгашининг 2026 йилги ҳисоботида Марказий Осиё туризм энг тез ўсган минтақалардан бири сифатида қайд этилган. WTTC Ўзбекистон бўйича ҳам алоҳида иқтисодий таъсир ҳисоботини тайёрлаган.
Марказий Осиёда туризм соҳасининг ЯИМга қўшган ҳиссаси 2025 йилда 17,7 фоизга, тўғридан-тўғри иқтисодий ҳиссаси эса 19,6 фоизга ўсгани айтилмоқда.
19 241
Ўзбекистонда отанинг исмини болага фамилия қилиб бериш мумкин бўлади
Сенат болага отасининг исмини фамилия сифатида беришга рухсат беришни назарда тутувчи қонунни маъқуллади.
Ҳозир амалдаги тартибга кўра, болага ота ёки она фамилияси, шунингдек, миллий анъана асосида бобосининг исмидан фамилия бериш мумкин. Отанинг исмини фамилия сифатида бериш имконияти эса қонунда аниқ белгиланмаган.
Янги ўзгариш Оила кодексининг 69-моддасига киритилмоқда. Сенаторлар бу фуқароларга миллий ва диний анъаналарга мувофиқ фамилия танлаш имконини кенгайтиришини таъкидлади.
19 241
Самарқанд шаҳрига қўшни 4 тумандан 17,2 минг гектар ер қўшилади
Самарқанд шаҳри ҳудудини кенгайтириш учун 4 та қўшни тумандан жами 17 226,5 гектар ер шаҳар таркибига ўтказилади.
Шундан 13 308 гектари Самарқанд тумани, 1 410,6 гектари Оқдарё, 1 265,6 гектари Тойлоқ ва 1 242,3 гектари Паст Дарғом тумани ҳиссасига тўғри келади.
Сенат маълумотига кўра, чегараларни қайта белгилаш кадастр ва коммунал хизматлардаги ҳудудий чалкашликларни бартараф этиш учун ҳам керак. Айрим ҳолларда ҳатто битта кўп қаватли уйнинг бир қисми шаҳарга, бошқа қисми туманга қараб қолган.
Янги ҳудудларни шаҳар маркази билан боғлаш ва тирбандликларни камайтириш учун Самарқанднинг транспорт мастер-режаси ҳам янгиланади.
19 241
Repost from N/a
Беҳруз Каримов фаолиятини Швейцариянинг «Лугано» клубида давом эттиради. Ўзбекистон миллий терма жамоасининг 19 ёшли ҳимоячиси Европа клуби билан шартнома имзолади. Бу ҳақда Ўзбекистон футбол ассоциацияси маълум қилди.
2007 йил 7 августда туғилган Каримов футболчилик фаолиятини «Одил Жуниор» академиясида бошлаган. Кейин «Олимпик»да ўйнаган, 2025 йил февралида эса Термизнинг «Сурхон» клубига ўтган.
Ўнг қанот ҳимоячиси қисқа вақт ичида миллий терма жамоагача етиб борди. ЖЧ-2026да Колумбия ва Португалияга қарши учрашувларда Ўзбекистоннинг асосий таркибида майдонга тушди.
Энди у Швейцариянинг энг тарихий клубларидан бири саналган «Лугано» сафида ўйнайди. 1908 йилда ташкил этилган клуб уч марта Швейцария чемпиони бўлган ва тўрт марта мамлакат кубогини қўлга киритган.
«Лугано» 2025/26 йилги мавсумни Швейцария Суперлигасида 3-ўринда якунлади ва УЕФА Конференциялар лигаси саралашида иштирок этиш ҳуқуқини қўлга киритди.
19 241
Болалар омбудсманига болаларга қарши жиноят ишлари материаллари билан танишиш ҳуқуқи берилади
Сенат Болалар омбудсмани ваколатларини кучайтиришни назарда тутувчи қонунни маъқуллади.
Қонунга кўра, ҳуқуқни муҳофаза қилувчи органлар болаларга қарши содир этилган жиноятлар ҳақида омбудсманни хабардор қилиши ва уни тегишли иш материаллари билан таништириши шарт бўлади.
Шунингдек, қамоқда ёки озодликдан маҳрум этилган вояга етмаганларнинг мурожаатларини омбудсманга юбориш тартиби белгиланади. Болалар манфаатини кўзлаб судга мурожаат қилганда эса давлат божи тўлашдан озод этилади.
Бундан ташқари, Болалар омбудсмани фаолиятига тўсқинлик қилганлик учун маъмурий жавобгарлик жорий этилади. Қонун билан жами 13 та қонун ҳужжатига ўзгартиш киритилмоқда.
19 241
Repost from N/a
Ўзбекистонлик ҳакамлар Жанубий Кореядаги интим массаж можаросида тилга олинди
Жанубий Кореяда 2011–2012 йилларда хорижлик футбол ҳакамлари учун интим хизматлар кўрсатилган массаж салонларига KFA корпоратив карталари орқали тўлов қилингани ҳақида аудит ҳужжатлари очиқланди.
Yonhap маълумотига кўра, ушбу ўйинларда ишлаган ҳакамлар орасида Ўзбекистон вакиллари ҳам бўлган. Хусусан, 2011 йил сентябрда Жанубий Корея — Уммон учрашувидан олдин тўрт нафар ҳакам учун 760 минг вон тўланган. Бу ўйинни ўзбекистонлик ҳакамлар бригадаси бошқарган.
Бироқ очиқланган ҳужжатларда қайси ўзбекистонлик ҳакам ушбу хизматдан фойдалангани аниқ кўрсатилмаган. Шунингдек, бу тўловлар ҳакамлар қарорлари ёки ўйин натижасига таъсир қилганини тасдиқловчи далиллар ҳам йўқ.
KFA воқеалар қарийб 15 йил аввал содир бўлганини билдирган. 2013 йилдан федерация корпоратив карталарни массаж салонлари ва караокеларда ишлатишни тақиқлаган.
19 241
«Ўргимчак одам» Ўзбекистонда биринчи куни 1,07 млрд сўм касса йиғди
Ascar Cinema’нинг дастлабки маълумотларига кўра, 6 август куни прокатга чиққан «Ўргимчак одам: Янги кун» фильмини биринчи куннинг ўзида Ўзбекистонда 15 838 нафар томошабин кўрган.
Фильмнинг бир кунлик касса тушуми 1,07 млрд сўм ёки қарийб 90,2 минг доллар бўлган. Ўзбек тилида дубляж қилинган сеанслар умумий тушумнинг 11,5 фоизини ташкил этган.
19 241
Қашқадарёда қурилаётган кўприк балкаси қулаб тушди
6 август куни Деҳқонобод туманида М-39 автомобиль йўлининг реконструкция қилинаётган қисмида кўприк балкаси монтаж вақтида синиб, қулаб тушди.
Автомобиль йўллари қўмитасига кўра, краннинг бир томони олдин кўтарилгани сабаб балканинг иккинчи қисмига ортиқча юк тушган.
Ҳодиса оқибатида ҳеч ким жабрланмаган. Синган қисмлар олиб чиқилган, ҳозирда воқеа сабаблари Temelsu International Engineering Services Inc. мутахассислари томонидан ўрганилмоқда.
19 241
30 йилдан ортиқ хизмат қилган ҳарбийлар пенсияси 100 фоизгача оширилиши мумкин
Сенат ҳарбий хизматчилар ва ҳуқуқни муҳофаза қилувчи органлар ходимларининг давлат пенсия таъминотини ягона қонун билан тартибга солишни маъқуллади.
Қонунга кўра, календарь ҳисобида 30 йилдан ортиқ хизмат қилганлар учун пенсияни ҳисоблашнинг энг юқори миқдори 75 фоиздан 100 фоизгача оширилади.
Янги тартиб фақат кейин пенсияга чиқадиганларга эмас, ҳозирда пенсия олаётган ва 30 йилдан ортиқ хизмат қилган ҳарбийлар ҳамда ходимларга ҳам татбиқ этилади.
Ҳужжатда хизмат йиллари учун пенсия, ногиронлик пенсияси ва боқувчисини йўқотганлик пенсиясини тайинлаш ва тўлаш тартиби ҳам белгиланган.
19 241
Кредит рекламаларида қарзни тўлай олмаслик хавфи ҳақида огоҳлантириш бўлади
Сенат «Реклама тўғрисида»ги қонунга ўзгартиш киритишни маъқуллади.
Қонунга кўра, молиявий хизматлар, жумладан кредит рекламаларида қарз мажбуриятларини бажармаслик молиявий хатарларга олиб келиши мумкинлиги ҳақида огоҳлантириш бўлиши керак.
Шунингдек, суғурта саводхонлигини оширишга қаратилган ахборот ижтимоий ахборот таркибига киритилади.
Сенаторлар ўзгаришлар аҳоли ва тадбиркорларнинг кредит билан боғлиқ хатарлар ҳақида хабардорлигини оширишини таъкидлаган.
19 241
9 августдан банкларда 500 долларгача нақд валютани ҳужжатсиз сотиб олиш мумкин бўлади
9 августдан жисмоний шахслар банкларда эквиваленти 500 АҚШ долларигача бўлган нақд чет эл валютасини паспорт ёки ID-картасиз сотиб олиши мумкин.
Ҳозиргача шахсни тасдиқловчи ҳужжатсиз валюта сотиб олиш лимити 100 доллар эди. Янги қоидалар билан бу миқдор 5 баробарга оширилди.
Ўзгартишлар Марказий банк ва Бош прокуратура ҳузуридаги Иқтисодий жиноятларга қарши курашиш департаменти қарори билан киритилган. Ҳужжат Адлия вазирлигида 8 май куни 2886-12-сон билан давлат рўйхатидан ўтказилган ва уч ойдан кейин кучга киради.
500 доллардан юқори миқдорда нақд валюта сотиб олишда эса мижозни идентификация қилиш талаби сақланиб қолади.
