پەل وەچ░(شعر کوردی کلهری)
Open in Telegram
901
Subscribers
No data24 hours
No data7 days
No data30 days
Posts Archive
◾️
هەرکەسێ وارانتره، مێمان° م°
پاێ وە بان° دەروەچەیل° گیان° م°
هەرکەسێ چۊزەیل° گیانێ وا نەۊه
بووسیەێ له نمنم° واران° م°
تا ئەبەد کەس دی وە سەرکیشی م° ناێ
باو°شد ئەر بوودنه زندان° م°!
ڕووژگار ئەر من بکەێده تیرکەوان
هۊچ جامەک، نیەشکیەێ له سان° م°
ئاوه، سانه، داره، ئاگر یا کۊه
هەر کەسێ ئاشقتره، باوان° م°
تام° واران ڕا م° شیرینەو بکه!
ژێر° چەترێ بەو بنیشه شان° م°!
مەرگ هەێفه ناز° نازاران بۆەێ
خۆەم هساو کەم، گێشتێدان مێمان° م°
#رضا_موزونیt.me/kalherr ◼️https://sarmast90.blogfa.com/post/441
◾️
نیەزانم دڵتەنڰی، کی ناێه بنیاێ؟
ها هۊر° هەرکه، دی تیەڵە دنیاێ...
دڵتەنڰی چۊ ژار، گیان گرێ له وەر
بێهازد کەێدن له پا تا وە سەر...
دڵتەنڰی شەوێگه، له لید ڕووژەو نیەود!
مینید وە بێکەس، له ساێ چەرخ° کەو...
#غفار_مرادپورt.me/kalherr ◼️https://sarmast90.blogfa.com/post/440
◾️
مانێشت
کۊە نیه
وشەێگە
خاک
هێما
نەیشتگه گێشتێ بۊشێ...
#علیرضا_خانیt.me/kalherr ◼️https://sarmast90.blogfa.com/post/439
◾️
هەڵۆێک پیر
ساڵانێک له قەفەسدا
ئێتر ئارەزووی فڕینی نەبوو...
قەفەسێک گەورەتری ئەویست
بۆ
هەموو مەلەکان...
#زاهد_قادریt.me/kalherr ◼️https://sarmast90.blogfa.com/post/438
◾️
وەتی تیەیدەوو گڕێگ نیشید له شانم!
دەسێگ کیشید لە زامەیلو له ژانم!
چەوم وشک بۊ وه دەرو ناتید ت° کافر!
تمام بۊ ئمر° م°، هۊرد بۊ سقانم...
#حمزه_ابراهیمیt.me/kalherr ◼️https://sarmast90.blogfa.com/post/437
◾️
م° ماڵێگم ک° لەێ ئەورەیلە سێرم
خۆەرم گێشتێ بەرەفتاوەل لە فێرم
لە هەر نەقشێ وسم تاگەر ت° بۊنم
م° لە کۆل دییمەنێ دووس° ت° دێرم
#سمیه_مهریt.me/kalherr ◼️https://sarmast90.blogfa.com/post/436
◼️
وارانیه ئەور°چەوم،
گلیەی نەکە!!!
بوومه گیری...
چماێ ت° له م° فیشترەک، داخ° بێ پەێ له دڵ دیری!!؟
وەلا بۆەرەم،
مەیلەمە جی!!!
ئڕا کوو چی؟
هانا ڕەسم!!!
زانم لە گیاند سێر بـۊدە...!
زانی وە پادەو نیەڕەسم...!
#غفار_مرادپورt.me/kalherr ◼️https://sarmast90.blogfa.com/post/435
◾️
خۆەزەو خۆدا دە سینگێ دە جی° دڵ، سانێ نەناۊ
ئێ دڵه ئاگر چگه دەێ، تەڵ° تر ئەو بانێ نەناۊ
ها دە کەشم بۊە وە کەسم دەسێ ک° ها نام° دە... نه
یه نەقڵ° مەوقەێگه ک° ئەۊ دڵ ده م° هێمانێ نەناۊ
دڵێ هە ها دە لاێ ئەۊو خۆدا بۊه خۆداێ ئەۊو
گۆڵێ بنەم ده ئەو خۆدا ک° کەس ده گۆڵدانێ نەناۊ
وە سەر° خۆەم نیم ئەمان، دەێ جەنڰه هام ئەو سەر° تو
وەر ژه م° کەس ده تاو° خۆەێ، چەقوو دە گیفانێ نەناۊ
سەرت نەنایه سینگم، ده بان° قورئان° دڵم
یه ئمرێگه هە ڕا قەسەم، کەسێ دەس ئەڵ بانێ نەناۊ
وەێ چنه دەمتەقەێ تو کەن، بردیو کۆشتیو چگی...
ک° ئاگرێ نایه دڵم، <مغوڵ> دە ئێرانێ نەناۊ
دڵم پڕە، پڕ، بڕشن! نەوس!! گۆڕاگۆڕ بڕشن!!!
کەفتمسە دام° یەکێ، ک° ڕام ئەسڵ دانێ نەناۊ
ئڕا قۆمار° ئاشقی، هەرکه وە یەێ بەرگ دیاێ
دە بان° ئێ ئێشق° تۆنە، بێژه م° کەس گیانێ نەناۊ...
#موسا_اماییt.me/kalherr ◼️https://sarmast90.blogfa.com/post/434
◾️
خێاڵد ئاگرێ هەم خس لە گیانم
چەپاوم کردێەو لەت دەێ زوانم
وەتم بایدەو، تیەو واران بوارێ
ک° گۆڵ بەێدن لە واراند، سقانم
#بارانـخسرویt.me/kalherr ◼️
◾️
یا ژیینگەم وە سەر چوو
یا دەس کیشم له دەردم
تا کەێ له پەێ چەوەیلد
هەڵەت هەڵەت بگەردم...؟!
#فرزانه_حاتم_نژادیان_فریمادt.me/kalherr ◼️
◾️
چەنێ دەس وە سەرم کەێدن، چەوەیلد؟!
له مــاڵ° خۆەم دەرم کەێدن، چــــەوەیلد!
وە باخ° لێو ئەگەر گۆڵ کاریم کەی؟!
دوواره پەڕپەڕم کەێدن، چــەوەیلد!!!
#جلیل_نیک_نژادt.me/kalherr ◼️
◾️
وادە دای ڕا لیسک خۆەر ، خۆەر هڵاتو ت° نەڵاتی
دڵ بەسام وە شۊەڵەێ مانڰ، مانڰ هەڵقە داو ت° ناتی
سەر وە چیتە وهاریش، م° چۊ گۆڵەیل خەمینیم
پایز مینڰەێ نوو خەێدن، خەزان ها لە کەمینیم
شەوان لە ناو هسارەیل، شوون° پایلد کەفتۊدن
نزانسم لە باوش° مانڱ سەر ناۊدنو خەفتۊدن
منیش هەر وە هەڵک° دەو، شەوار وە ڕوژ ڕەسانم
تا واداگەێ لـــیسک° خۆەر، تا مەوداێ دڵ بەسانم
شەوار بێ دووس چێەو سەر، هەم تەک دا لە بەێانەو
ئاخر هسارەیش نۊرێ، لە جنس° خەم وەشانەو
هەم ڕوژ هاتوو گۆڵ° سوو، خۆەر هڵات لە مانــ°شت کوو
نۊر خوو ئۊشن همێدە، قوومڕ کیشام هەم لەنوو
هامە تەماێ هاتند، یەێ هنـــــاسم مەنێە
ترسم وەختێ بایدنەو، دی مەرگ گیانم سەنێە
ت° خوو لە جنس° مانڰید، بەورەو تەنیـا هســـارەم!
چارەێ ژیان دی نەێرم، هە خۆەد بۊدە وە چارەم!
#رحیم_اداریt.me/kalherr
◼️
ڕووزگارە
چەرخ°
چراخ°
چەود
دەمد دوواێ دڵەیل° بێقەراره
هناسد ئەتر° وارانه لە زەۊ وشک
لە لێـــــــــود خۊن° داڕشیاێ ئناره
دەنڰد ملۆدی خۆەزێەۆەیل° هەرشەو
کلگـــــــــد سازو مزراب° ســـ°ـــــتاره
تکێ تک تک... ئەرەق تک تک له زڵفــد!
هە جوو واران لە سینەێ ئێ شــەواره
ئـــڕام قسیــــــەێگ بکه! پـــەڵپێ بگر دی!!!
شــــــــــەوارو دەرد° دڵ، فـــــرەس دوواره
بخەن!! شێتم بکه، شیرین° چەو مەس!!!
م° مەجوونم، مــــــ° فەرهادم، گــــــلاره!
ئەگەر ڕووژێگ لە ئێـــــره هەڵفڕیدن!
له لیم مینێد د° بەیت ئاخو پەژاره...
#حمزه_ابراهیمیt.me/kalherr ◾️
◾️
ڕەنڰ° دەفتەر° دڵم چۊ ڕەنڰ° خــۆەر° ئێواره
شەو تا وه سوو هاودەمیم، منو خەمو پـەژاره
وه ڕووشنای ڕێ نەێرێ، دەروەچەیل° خێاڵــــم
م° پاپیای مەێنەتی، خـــەمی، داێم سوواره
خۆەزێەو له داخ° مەێنەت بچیام لەێ ئــاسمانه
تا له بنا بکەنیام، زڵف° خۆەرو هســـــاره
بدبختیەیل° بـەختم، کڵووڵیەیل° سەختم
وەختێ کەفنەو هـــۊرم، لەشم تێده چناره
قووقوو باێه قۆش تێدن له سەر دیار° دڵــم
له شـــوون° میلکان° دڵ، مەێنەت مینڰه نوواره
سووار° خۆەشی ڕەم کرد، سۊن° شادی دا له زەۊ
له سەر پەچیەێ دڵ° م°، دەنڰ° هاوار هـــــــــاواره
دۊەشەو خەم میلێ کیشا وه ڕووشنای گــــلارەم
یەسه رووژمی ئمڕوو، وێنەێ نیمە شـــــەواره
له مەکتەبخانەێ جەفا، مەدرەکم بان° بانه
م° تاسیل کەردەێ خەمم، له دانشگاێ پـــــەژاره...
#یحیی_صادقیt.me/kalherr ◼️
لە هۊرم چێه ئاخرین جارم
لە کام دەروەن منو وا وە گیسەیڵ° کەڵافە کریاێ گەر° دەسم چووپی کیشایمن؟
لە هۊرم نیە
لە کام قەورسان دەمچەوم هیشتمە جی
تا تمام° زامەیلێ بگیرێد
لە هۊرم چێە
لە بان° کام جەسەم کەفتمە سەر° زرانی ...
لە هۊر° قلاجە
یا لە پاێ کام بەڕۊ
موور هاوردمو کۆتکۆت لە خۆەم کوو کردم
من مەرگ° هزار جار
من مەلێگ داێەم ئازیەت بارم...
#نسرین_شفیعی_هاناhttp://t.me/kalherr ◼️
◾️
دنیا هەرچەن گەناڵدان گەوراێگە
ئەمانڰ،
جار وە جار
بوو تیەڵێ هەزوە
لە قاتێگ
یا لە ژێر° تیەتێگ
تۊەنێد بەشەر لە مردن بەتاڵەوە بکەێدن
باێە بمینیم،
باێە بژیەیم
جوور کەو لانەورێزیگ
ک° هەرشەو لە شوونێگ لێز گرێد...
#علی_الفتیt.me/kalherr ◼️
◾️
خەمد کوورپە مناڵێ بۊ، لە داوان° م° گەورا بۊ
دڵم نەوتۊل سەونزێ بۊ، لە جهوڵان ت° پاسا بۊ
وە قەڵب° کۆت کۆتەو زانم! لە بانم پا وە گەز دایدن!
هه چۊ سەرباز° تەنیاێ ک° سەرێ چۊدو وە پاوا بۊ
#رضا_موزونیt.me/kalherr ◼️
◾️
ئمشەو کەمێ گلەو بوەس، تاگەر پەشێوی هاڵم
شار وە دەرم نەکەێدن، خۆەدی کوورپەێ خێاڵم
کوورپەێ خێاڵات م°! خۆسەێ دەقەو سات° م°؟!
باوەڕ وە پیم نیەکەیدن، مانڰ بۊە وە شات° م°
هەڵەت هەڵەت خۆسەو خەم،
خۊن لە چەوم جوور° چەم
ڕشێ لە هجران° ت°
ڕا لاێ ت°، م° هاتمە!
#حمزه_شیرزادیt.me/kalherr ◼️
◾️
تا داڵگ° ڕۆژەیل° ژان
تا داڵگ° شەوەیل° وا
تا داڵگ° ساڵ° سەرد° بێ هۊرم
ها وە هۊرم...
#سعید_عبادتیان_بانانt.me/kalherr ◼️
◾️
ئەگەر
واز بکەیم ڕاز° دڵخۆەشی
له دڵ° ئەزرەتی دەردە دارمان،
تەنیا مەڵهەمێ ئڕا ڕووژەیل° پڕ ئەزاومانە؛
هەرچەن زانیم بێفایدەس
وەلێ خەم لە دڵەگان°ڕۊ خۆەشاڵیم...
#غفار_مرادپورt.me/kalherr ◼️
