Supriya Sule

नाफेड आणि एनसीसीएफ या शासकीय संस्थांनी खुल्या बाजारात कांदा विक्री करण्यास सुरुवात केली आहे. याखेरीज शासनाने कांद्यावर ४० टक्के निर्यातशुल्क लावून कांदा उत्पादक आणि व्यापारी या दोघांचेही नुकसान करण्याची भूमिका घेतली आहे. याच्या विरोधात कांदा व्यापारी संपावर गेले आहेत. याबाबत शासनाने व्यापाऱ्यांसोबत घेतलेल्या बैठका निष्फळ ठरत आहे. शासन सातत्याने शेतकरी विरोधी भूमिका घेत आहे. यावर्षी कमी पावसामुळे हातची पिकं गेली आहेत. दुसरीकडे महागाईचा आगडोंब उसळला असताना शेतकऱ्यांना चार पैसे मिळत असतील तर त्याला शासन विरोध करीत आहे, हे खेदजनक आहे. सत्ताधाऱ्यांना शेतकरीविरोधी निर्णय घेण्यासाठी कोण भाग पाडत आहे, हे जनतेसमोर आले पाहिजे. शासनाने आपली अडवणूकीची भूमिका सोडून शेतकरी,ग्राहक आणि व्यापारी अशी तिघांच्याही हिताची भूमिका घ्यावी हि विनंती. https://twitter.com/supriya_sule/status/1706545905082716399?t=QHoAmLZFlX5GIofFXzv8Ug&s=19

विरोधी आवाज हे लोकशाहीचे मुलभूत सौंदर्य आहे. परंतु भाजपाला हे मान्य नाही‌. लोकशाहीत वर्तमानपत्रे हि विरोधी पक्षाचे काम करतात. राज्यकर्त्यांवर अंकुश ठेवण्याचं काम करणे हे त्यांचे काम आहे. परंतु हे आवाज दाबण्याचे धडे खुद्द भाजपाचे प्रदेशाध्यक्ष आपल्या कार्यकर्त्यांना देतात हि अतिशय गंभीर आणि निषेधार्ह बाब आहे. ज्याअर्थी बावनकुळे जी कार्यकर्त्यांना असे सल्ले देत आहेत त्याअर्थी त्यांनी स्वतः अशा पद्धतीने काम केले असण्याची शक्यता नाकारता येत नाही. पत्रकारांना निर्भिडपणे काम करु द्यायचे नाही हे भाजपाचे धोरणच आहे. भाजपाने एकतर उघडपणे त्यांना लोकशाही व्यवस्था मान्य नाही हे सांगावे अन्यथा अशी बेजबाबदार विधाने केल्याबद्दल पत्रकारांची आणि जनतेची माफी मागावी‌. https://twitter.com/supriya_sule/status/1706162725431480496?t=Mg1prYEdRsXFreO3KAgbvA&s=19

एक सूर्य सर्वां प्रकाश देतो//उद्योगा लावीतो// प्राणीमात्रा//१// मानवासहित प्राण्यांचे जीवन//सर्वांचे पोषण//तोच करी//२// सर्वां सुख देई जनकाच्या परी//नच धरी दुरी//कोणी एका//३// मानवाचा धर्म एकच असावा//सत्याने वर्तावा//ज्योती म्हणे //४// - महात्मा जोतीराव फुले मानवता आणि विज्ञाननिष्ठ विचारांचा थोर वारसा असणाऱ्या सत्यशोधक समाजाच्या स्थापनेस दिडशे वर्षे पुर्ण झाली. महाराष्ट्राच्या प्रागतिक विचारांच्या आणि प्रबोधनाच्या परिवेशात सत्यशोधक समाजाचे स्थान अनन्यसाधारण आहे. माझी आजी शारदाबाई पवार व आजोबा गोविंदराव आबा पवार हे दोघेही सत्यशोधकी विचारांचे होते. त्यांच्या विचारांची देणगी आजही आमच्यासाठी मार्गदर्शक ठरते. त्याच वाटेवर चालण्याचा आमचा आजही प्रयत्न आहे. आजच्या या दिवशी क्रांतिसूर्य महात्मा जोतीराव फुले आणि क्रांतिज्योती सावित्रीबाई फुले यांच्यासह सत्यशोधक विचारांची पताका फडकवित ठेवणाऱ्या प्रत्येकाचे आम्ही सर्वजण कृतज्ञ स्मरण करीत आहोत.

https://fb.watch/nefzLSqtO1/?mibextid=Nif5oz पुण्यातील मानाचा पहिला, कसबा गणपतीचे दर्शन घेतले. यावेळी माध्यमांशी बोलताना गणरायाने केंद्र आणि राज्य सरकारला जनतेसाठी काम करण्याची सुबुद्धी द्यावी अशी अपेक्षा व्यक्त केली. नुकतेच भाजपा खासदाराने संसदेत अतिशय असभ्य वर्तन करुन संसदिय कार्यपद्धतीला काळीमा फासण्याचे काम केले. अशा पद्धतीने आपला असंस्कृतपणा भाजपाच्या खासदाराने भर सभागृहात उघड केला,असे सांगितले. सभागृहात बोलताना मी पंतप्रधान महोदयांनी राष्ट्रवादी काँग्रेसवर केलेल्या आरोपांची चौकशी करण्याची मागणी केली. यामध्ये कोणाच्याही वैयक्तिक चौकशीचा विषय नाही. पंतप्रधान महोदयांनी केलेले आरोप गंभीर आहेत. एकतर त्यांनी त्याची चौकशी करावी किंवा बेछूट आरोप केल्याबद्दल माफी मागावी अशी मागणी केली. इन्कमटॅक्स, सीबीआय आणि ईडीला पुढे करुन भाजपा सूडाचे राजकारण करीत आहे. यामुळे अनेकांची घरे आणि कुटुंबे उद्ध्वस्त झाली आहेत. हे पाप भाजपाचे आहे. राष्ट्रवादी काँग्रेस हा पक्ष विचारांचा पक्ष आहे. तो ना माझा आहे ना अजितदादांचा.... भाजपा मराठी माणसांचे खच्चीकरण करीत आहे. स्व. वंदनीय बाळासाहेब ठाकरे यांची शिवसेना आणि आदरणीय पवार साहेब यांची राष्ट्रवादी भाजपाने फोडली. या दोन मराठी माणसांच्या आयकॉन्सचे नेतृत्व असणारे पक्ष फोडण्याचे पाप भाजपाने केले. राष्ट्रवादी काँग्रेसची स्थापना कुणाच्या नेतृत्वाखाली झाली हे सर्वांना माहित आहे. त्यामुळे राष्ट्रवादी काँग्रेसचा चेहरा फक्त आणि फक्त आदरणीय पवार साहेबच आहेत. इतर कुणीही नाही. एकीकडे ,'विठ्ठल' म्हणायचे आणि त्याच विठ्ठलाला बाहेर काढायचे प्रयत्न करायचे ही कोणती संस्कृती आहे? जनता हे सर्व बघत आहे. महाराष्ट्राचे विधानसभा अध्यक्ष दिल्लीला गेल्यावर आमच्या आमदारांच्या अपात्रतेची नोटीस येते हा निव्वळ योगायोग असू शकत नाही. दिल्लीच्या आदेशानुसार येथील यंत्रणा हालत आहे.

बहुजन समाजातील मुलांसाठी शिक्षणाची कवाडे खुली करणारे कर्मवीर भाऊराव पाटील यांची आज जयंती. रयत शिक्षण संस्थेच्या माध्यमातून अविरत जनसेवेचा वटवृक्ष आजही त्यांच्या कार्याची महती सांगत डौलाने उभा आहे. त्यांच्या स्मृतींना विनम्र अभिवादन...!

लोकसभेत आज चांद्रयान-३ मोहिम आणि भारताच्या अवकाश क्षेत्रातील उल्लेखनीय कामगिरीबद्दल आयोजित चर्चेत सहभागी झाले. चांद्रयान मोहीम गेल्या साठ वर्षांतील आपल्या शास्त्रज्ञांनी केलेल्या अथक परीक्षांचे फलित आहे. आपल्या शास्त्रज्ञांचे प्राविण्य, क्षमता आणि गुणवत्ता यांच्या जोरावर 'इस्त्रो'ने हे शक्य करुन दाखविले.इस्त्रोच्या यशात देशाचे पहिले पंतप्रधान पंडित जवाहरलाल नेहरु, थोर शास्त्रज्ञ विक्रम साराभाई यांच्यासह इ. व्ही.‌चिटणिस, प्राफेसर धवन, डॉ ब्रह्मप्रकाश, यू. आर. राव, डॉ. नायर, डॉ. के. कस्तुरीरंगन, डॉ कृष्णा, डॉ शिवम्, डॉ सोमनाथ अशा थोर शास्त्रज्ञांचे अतुलनिय योगदान आहे. चांद्रयान मोहिमेबाबत सरकारच्या वतीने करण्यात आलेलं भाषण जोरदार होते. परंतु या भाषणाने किंचित निराशा हाती आली. सरकारच्या वतीने करण्यात आलेल्या भाषणातून चांद्रयान ४ किंवा आदित्य एल वन टू थ्री मोहिमेबाबत काही वाट दिसेल. भविष्याची दिशा दिसेल अशी अपेक्षा होती. या भाषणादरम्यान चांद्रयान ३ मोहिमेत बारामती लोकसभा मतदारसंघातील वालचंदनगर येथील वालचंद इंडस्ट्रीज् आणि खेड शिवापूर येथील व्हिसीबी इलेक्ट्रॉनिक्स यांचेही योगदान असल्याचे नमूद केले. प्रधानमंत्री स्वदेशी बनावटीच्या उपकरणांचा उल्लेख करतात. चांद्रयान मोहिमेतील इलेक्ट्रॉनिक चिप्स आणि इतर उपकरणे आपल्या बारामती लोकसभा मतदारसंघात तयार झाली ही अभिमानास्पद बाब असल्याचे नमूद केले. वालचंदनगर इंडस्ट्री ही शंभराहून अधिक वर्षांची तर व्हिसीबी इलेक्ट्रॉनिक्स तेरा चौदा वर्षांची असल्याचे सांगितले. भानुदास भोसले, सुजाता भोसले, संदिप चव्हाण आणि सोमसुंदर यांनी या कंपनीच्या माध्यमातून चांद्रयान मोहीमेसाठी काम केले. अशा मतदारसंघाचे प्रतिनिधित्व करणे हि माझ्यासाठी भाग्याची गोष्ट आहे. भारताला गणित,मापनशास्त्र, अवकाशशास्त्र आदी क्षेत्रात भारतीयांनी प्राचीन काळापासून अतिशय उत्तम कामगिरी केली आहे. हि कामगिरी लक्षात घेता आपण ते ज्ञान पुढे घेऊन जाणे गरजेचे आहे. पण काही लोक अंधश्रद्धेत अडकले आहेत. श्रद्धा असावी पण अंधश्रद्धा असू नये.महाराष्ट्रात एका भाजपा आमदाराकडे एक बाबा आला होता. ती व्यक्ती अंगावर कांबळं टाकून लोकांना बरे करीत असल्याचा दावा करीत होता. आपण चांद्रयानाची चर्चा करताना दुसरीकडे अशा गोष्टींवर विश्वास ठेवतो हे बरोबर नाही. डॉ नरेंद्र दाभोळकर, गौरी लंकेश, गोविंद पानसरे आणि एम एम कलबुर्गी आदींनी अंधश्रद्धेच्या विरोधातील लढ्यात आणि विज्ञाननिष्ठ विचारांसाठी बलिदान दिले, हे आपण विसरता कामा नये, असे नमूद केले‌. भाषणाच्या शेवटी माजी राष्ट्रपती व थोर शास्त्रज्ञ डॉ ए पीजी अब्दुल कलाम यांच्या, 'झोपेत पडलेली स्वप्ने ही स्वप्ने नव्हेत तर जी पुर्ण होईपर्यंत तुम्ही झोपत नाही ती खरी स्वप्ने' या वचनाचा उल्लेख केला. या भाषणादरम्यान एकही कॅबिनेट मंत्री सभागृहात उपस्थित नव्हता ही सखेद आश्चर्याची गोष्ट होती. Participated in the discussion regarding the success of Chandrayaan-3 mission and other achievements of our nation in the space sector in Lok Sabha today and raised the following points: 1. Highlighted that the success of Chandrayaan-3 was because of competencies, capabilities and capacities we have built over 60 years. The incredible growth story of ISRO is made possible through efforts of eminent scientists like EV Chitnis, Prof Dhawan, Dr. Brahman Prakash, UR Rao, DR.Nair, Dr. Kasturranga, Dr. Krishna, Dr. Shivam, Vikram Sarabhai, Dr. Somnathan; 2. Stressed the importance of scientific temper vis-a-vis blind faith being promoted by some elected representatives from BJP; 3. Highlighted the contribution of Baramati Lok Sabha constituency to Indian space exploration. Walchandnagar Industries (Indapur) and VCB Electronics (Khed Shivapur) have manufactured electronic chips and promoted Indian space development through indigenous growth; 4. Concluded my speech by paying respect to our scientists and technocrats who have contributed to India’s space exploration in the past 6 decades. Quoted Bharat Ratna Dr. APJ Abdul Kalam that dreams are not those which come while we are sleeping, but are those when you don’t sleep until you fulfill them. https://youtu.be/XnGHuOjv5Fg

लोकसभेत आज १२८ वे घटनादुरुस्ती विधेयक मांडण्यात आले. या विधेयकाच्या माध्यमातून महिलांना ३३ टक्के आरक्षणाची तरतूद आहे. या विधेयकास राष्ट्रवादी काँग्रेसचा पाठिंबा असल्याचे सांगितले. या विधेयकासोबत कॅनडा येथे घडलेल्या घटनेबाबत सभागृहात चर्चा करण्यात यावी. यासह मराठा, धनगर, मुस्लिम आणि लिंगायत यांना आरक्षण देण्याबाबत चर्चा करावी अशी मागणी केली. कांदा प्रश्न, दुष्काळ, अवर्षण आदी मुद्दे देखील महत्त्वाचे असून शासनाने तयारी दर्शविली तर आम्ही यावर चर्चा करु असे स्पष्ट केले. मी स्वतः स्त्री पुरुष समानतेची पुरस्कर्ती आहे. आम्हा महिलांच्या आयुष्यावर प्रभाव टाकणाऱ्या पुरुषांचा जेंव्हा विचार करते तेंव्हा महिलांनाही मतदानाचा अधिकार देणारे भारतरत्न डॉ बाबासाहेब आंबेडकर, स्त्रीशिक्षणासाठी आयुष्य वेचणारे महात्मा जोतीराव फुले यांची नावे समोर येतात.‌ मी अभिमानाने सांगू इच्छिते की महाराष्ट्रात महिला धोरण राबवून स्थानिक स्वराज्य संस्थांमध्ये महिलांना आरक्षण देण्याचा निर्णय तत्कालिन प्रधानमंत्री स्व. राजीवजी गांधी यांच्या नेतृत्वाखाली आदरणीय पवार साहेब यांनी घेतला. माझा जन्म स्त्री-पुरुष समानता असणाऱ्या घरामध्ये जन्म झाला. माझ्या वडीलांनी एकाच अपत्यानंतर स्वतःची कुटुंबनियोजन शस्त्रक्रिया करण्याचा निर्णय घेतला. हि गोष्ट साधारण पन्नास वर्षांपूर्वीची आहे. त्या काळात हा निर्णय घेणे सोपे नव्हते आता अशी अनेक कुटुंबे आहेत जी लिंगभावाच्या पुढे आहेत हि आनंदाची बाब आहे,असे नमूद केले. आता एससी, एसटी, ओबीसी समूहाच्या महिलांनाही आरक्षण देण्याची मागणी होईल असे काही सदस्य म्हणाले. माझं म्हणणं आहे की अशी मागणी का करु नये ? सरकारने एवढं औदार्य दाखविण्यास हरकत नाही. भाजपाचे याबाबत वेगळे मत असेल तर त्यांनी ते मांडावे. हे विधेयक पुढे येण्यासाठी गीता मुखर्जी, सुषमा स्वराज, वृंदा करात, मार्गारेट अल्वा, मीरा कुमार, आदरणीय पवार साहेब, नितीश कुमार अशा अनेक सदस्यांचे योगदान आहे. महाराष्ट्रातील तत्कालीन खासदार प्रमिला दंडवते यांनी १९९६ साली याबाबत खासगी विधेयक दाखल केले होते याचीही आठवण करुन दिली. महाराष्ट्र भाजपाचे एक ज्येष्ठ नेत्यांनी जाहिरपणे मला स्वयंपाक करा असे म्हटले होते‌. या मानसिकतेतून आपण अशी सुटका करुन घ्याल असा प्रश्नही विचारला. हे विधेयक परीसीमन झाल्यावर लागू होईल असे सांगण्यात येत आहे. पण याची नेमकी टाईमलाइन काय आणि कशी असेल हे सरकारने स्पष्ट करण्याची गरज आहे असे सभागृहाला सांगितले. https://youtu.be/10QwXxCV1XE

आनंद, उत्साह आणि भक्तीभावाच्या वातावरणात आज गणरायाचे आगमन होत आहे. चैतन्याने सळसळणारा गणेशोत्सव, आपण सर्वजण या उत्सवात सहभागी होऊन आनंदाची उधळण करुया. सर्वांना गणेशोत्सवाच्या हार्दिक शुभेच्छा. #GaneshChaturthi2023 #Ganeshotsav2023