د محمود غباشي ( طبيب النفوس )

ازاي ممكن الفكرة تغير المشاعر و التصرف ؟ من اوي يوم في دورة " كيفية ادارة الغضب "

سلام عليكم 😊 صباح الخير عليكم جميعاً 🌷 بما اننا في رمضان و ناس كثيرة بتبقي عايزة تبدأ في تعلم الدين بشكل ميسر و سهل و مش عارف يبدأ منين دي فيديوهات كنت عاملها عن العقيدة بشكل بسيط و سهل كان ناقص فيديو واحد و يكون خلصنا اساسيات العقيدة عند كل مسلم رفعتها علي القناة و اللي حابب ممكن يشوف اللينك فيديوهات ١٠ دقايق و تقريبا. مجموعهم حوالي ساعة https://youtube.com/playlist?list=PLh1f8BeEs2zZFkskz2xVgf30l6zNhPqBm

اكثر المشاكل النفسية بتكون بسبب الغضب سواء غضب علي النفس او غضب تجاه الاخرين و اللي ممكن بيؤدي لكوارث زي هدم علاقات بين ازواج او ابناء او اصدقاء 👌 الدورة هتكون عبارة عن ▪️ : - ثلاثة جلسات جماعية بتتكون من ( 5-10 ) افراد - جلسة فردية لكل شخص فيهم - تواصل بشكل دائم خلال الدورة علي التليجرام للمساعدة علي التطبيق علي حياتهم ايه اللي مفروض هتطلع متعلمه من الدورة ؟ ▪️ ---------------------------------------------- - ايه هو مشاعر الغضب و ليه بتحصل ؟ - ازاي عن طريق العلاج المعرفي السلوكي تقدر تغير من افكارك؟ - كيفية التصرف في الاوقات اللي بتشعر بيها لغضب؟ - كيفية تحويل مشاعر الغضب من مشاعر سلبية لمشاعر ايجابية زي حماس او فرحة او امتنان ؟ - كيفية التعامل مع الشخص الغاضب ؟ مدة الدورة : 3 اسابيع الميعاد الثابت : كل يوم جمعة و الجلسة الفردية بتحديد ميعاد مناسب مع كل واحد لوحده سعر الجلسة هتكون بنفس السعر الخاص بالطلبة و هو 70 جنيه للجلسة الواحدة سواء جماعية او فردية. شروط القبول في الدورة : - سن اكثر من 16 سنة - تسجل في الفورم و الاولوية بأسبقية الحجز ( غالبا هنبدأ بمجموعة واحدة او اتنين علشان الوقت فلو محدش تواصل معاك اعرف انك في قايمة الانتظار للدورة اللي بعدها الشهر الجاي باذن الله ) للحجز لينك الفورم : http://bit.ly/AngerGH بالتوفيق جميعا و نتمني لكم صحة نفسية سليمة ❤️

اعلان اول دورة عن صفة الغضب / العصبية . https://ask.fm/MahmoudGhobashy/answers/167146845092

سلام عليكم يا جماعة 💕 نشارك في الفوتنج بعد اذنكم .. لو الاقتراح ده اتعمل ممكن يساعد ناس كتير انها متدخلش في اضطراب نفسي و في نفس الوقت يوفر اماكن في الجلسات الفردية لاصحاب الاضطرابات النفسي او عندهم مشاكل معقدة اكتر. https://ask.fm/MahmoudGhobashy/photopolls/194999716

عقلك فين؟😕 لا طاعة لمخلوق في معصية الخالق! اي فعل او تصرف لازم تفكر فيه الاول قبل اما تعمله حتي لو اللي طلب ده صاحبك او استاذك في الجامعة او حتي والدك و والدتك .. انت شخص عاقل مكلف .. هنتحاسب يوم القيامة كل واحد لوحده علي افعاله. مش كل ابليكيشن تنزله و مش كل جروب تشارك فيه و مش كل بوست تشيره و مش كل حاجة علشان هتخدم هواك هتمشي ورا القطيع. انت بتشارك في التغيير البطئ للأسوأ من غير وعي 😞 ربنا يحفظنا من الفتن جميعاً . البوست علي الفيس بوك : https://www.facebook.com/100003498546633/posts/3660262067433709/?d=n

رمضان كريم عليكم جميعاً 💕 و بالمناسبة الجلسات المجانية و خصم الطلبة هيكمل طول شهر رمضان و باذن الله يكمل و هنحاول نزود المواعيد و ناخد عدد اكبر . و سيتم الاعلان عن سيشنات اونلاين باذن الله قريب في رمضان 🥰 #رمضان_كريم اللي كان مستني فرصة لتغيير عادة معينة او تنظيم يومه اعتقد رمضان افضل مساحة للتغيير و نلاقي السبورت من حوالينا 🌷

ايه هي جلسات العلاج المعرفي السلوكي؟ فكرة العلاج المعرفي السلوكي بكل بساطة تتلخص في ان كل شخص بيتعرض لمواقف في حياته ده ⁃ كل موقف الشخص بيستجيب ليه بتصرف معين بناءً علي فكرة معينة جت في دماغه و الفكرة ادت لمشاعر تعالي ناخد مثال توضيحي : ⁃ موقف : الام بتقول لبنتها قومي ذاكري ⁃ الفكرة : انا الامتحان اللي فات جبت درجة مش حلوة ⁃ المشاعر : حزن ⁃ التصرف : حاضر يا ماما هقوم اذاكر .. و تقفل الباب و تدخل تنام ( هروب ). لو الفكرة اتغيرت و ليكن و بقت ان هي بتقلل مني او بتقارني ببنت خالتي المشاعر هتكون غضب و التصرف هيكون عصبية و تقولها ما خلاص بقي انتي فكراني صغيرة!! انا هذاكر من نفسي. و ممكن الفكرة تكون انها بتعملي سبورت و بتشجعني و دي حاجة كويسة فهيجلي مشاعر امتنان و حماس و التصرف اني اشكرها و اقوم اذاكر. في الجلسات بقي بعد اما نحدد مشكلة الشخص و عايز يتخلص منها ازاي .. بنجيب المواقف البسيطة دي علشان نعرف جذور الافكار دي ايه و هل التصرف كان سلبي ولا ايجابي؟ و ايه انواع المشاعر و اسبابها؟ ليه موقف ١ غير ٢ غير ٣ مع انهم نفس الاشخاص و نفس الظروف!. و بعد تحديد المشكلة بنبدأ نشوف ازاي نعدلها و نصلحها لحد اما الموضوع يتحول من : افكار و مشاعر و تصرفات سلبية 🥲 إلي فكار و مشاعر و تصرفات ايجابية 💪 وده بيتم من خلال الطبيب او المعالج بعد التشخيص و بدون اي وسيلة للحكم منه او التوجيه علي حسب رأي او معتقد شخصي.

امتي اعرف اني محتاج طبيب نفسي ؟ من اكثر الاسئلة اللي بتتسأل الطبيب النفسي بيساعدنا في 3 حاجات : 1- لو شخص عنده اضطراب نفسي : و ده بيعرفه من : / مشكلة نفسية مش بيقدر يتكيف معاها و بتستمر معاها لفترة اكثر من اسبوعين بنفس الحال زي ان مزاجي حزين او شعور بالضيق من غير سبب مفهوم لوقت طويل او لو وصل لمحاولات او افكار ايذاء النفس زي الانتحار / تدهور في المستوي الوظيفي او الدراسي / تدهور في حياته الاجتماعية بعلاقاته مع اسرته او اصدقاؤه بشكل يخليه يفقدهم او يبعد عنهم زي اني مش حابب اخرج معاهم او مبقتش اروح الافراح لخوف ما مثلا او الموضوع واصل لعنف او ضرب بشكل غير منطقي في البيئة دي. 2- استشارة نفسية او اجتماعية او زوجية : حد عنده مشكلة ما و محتاج حد يساعده في انه ازاي ياخد القرار او يتصرف ازاي في مشكلة بتواجهه. 3- الجلسات النفسية : من دور الطبيب النفسي هو عمل جلسات نفسية تتمثل في اساليب و طرق متنوعة زي العلاج المعرفي السلوكي اللي بتشتغل مع الشخص علي تغيير افكاره و بيتعلم من خلالها تحديد مشاعره و اكتشاف نفسه و العمل علي حل المشاكل اللي بتتواجهه و مسببة ليها مشكلة. و اوقات بتبقي لوحدها مثل حالات الاكتئاب البسيط او الوسواس البسيط او مع الادوية في حالة الوسواس الشديد او الاكتئاب المتوسط.