Ethiopian Football Federation

ቀጥታ ስርጭት ! የኢትዮጵያ እግር ኳስ ፌዴሬሽን የ2018 የውድድር ዘመን የሽልማት እና እውቅና መርሐ ግብር - ከኢሊሊ ሆቴል https://youtube.com/live/Fup30xMHrCU?feature=share

ቀጥታ ስርጭት ! የኢትዮጵያ እግር ኳስ ፌዴሬሽን የ2018 የውድድር ዘመን የሽልማት እና እውቅና መርሐ ግብር በዛሬው ዕለት ከቀኑ 11፡00 ጀምሮ በኢሊሊ ሆቴል (አዲሱ ሆቴል - 7ኛ ፎቅ) ይካሄዳል። ሁነቱ በኢትዮጵያ እግር ኳስ ፌዴሬሸን የዩቲዩብ ቻነል (EFF PLAY) በቀጥታ ስርጭት ይተላለፋል። https://www.youtube.com/@effplay

የኢትዮጵያ ብሔራዊ ቡድን አባላት ተስፋ አዲስ ፓረንትስ የህፃናት ካንሰር ማዕከልን ጎበኙ የኢትዮጵያ ብሔራዊ ቡድን አባላት ከኢ/እ/ፌ ፕሬዝዳንት፣ የካፍ የሥራ አሰፈፃሚ ኮሚቴ እና የፊፋ ቋሚ ኮሚቴ አባል አቶ ኢሳያስ ጅራ፣ ዋና ሥራ አስፈፃሚአቶ ባህሩ ጥላሁን፣ የህክምና ዳይሬክተርና የስትራቴጂ አማካሪ ዶ/ር ሳሙኤል የሺዋስ ጋር በመሆን ተስፋ አዲስ ፓረንትስ የህፃናት ካንሰር ማዕከልን ጎብኝተዋል። የኢትዮጵያ እግር ኳስ ፌዴሬሽን የህክምና አጋሩ ከሆነው ከውዳሴ ዳያግኖስቲክ ማዕከል ጋር በመተባበር የጳጉሜ የበጎ አድራጎት ወርን በማስመልከት የኢትዮጵያ ብሔራዊ ቡድን ተጫዋቾች እና የአሰልጣኝ ቡድን አባላት ተሳታፊ በሆኑበት በዚህ መርሐ ግብር ከካንሰር ታማሚ ህፃናቱ ጋር ከኳስ ጋር እንቅስቃሴ በአዲስ አበባ ስታዲየም ትንሿ ሜዳ ሲያከናውኑ የካንሰር ታማሚ ህፃናቱ ከካንሰር ጋር እየታገሉ ህመሙን ለማሸነፍ ነገን ተስፋ በማድረግ በሜዳ ላይ ከብሄራዊ ቡድን ተጫዋቾች ጋር ሲደሰቱ ማየት ከእርካታም በላይ ነው። ከዚህ ሁነት በመቀጠል የብሔራዊ ቡድኑ አባላት ከእለቱ እንግዶችና ከውዳሴ ዳያግኖስቲክ ማዕከል አባላት ጋር በመሆን በተስፋ አዲስ ፓረንትስ የህፃናት ካንሰር ማዕከል ጉብኝት አካሂደዋል። በተስፋ አዲስ ፓረንትስ የህፃናት ካንሰር ማዕከል በነበረው ጉብኝት ላይ ክቡር ፕሬዝዳንት አቶ ኢሳያስ ጅራ "የህፃናቱ ሁኔታ እጅግ ልብ ይነካል። ይሄ ስራ ለተወሰኑ ሰዎች የሚተው አይደለም። እኛም እንደፌዴሬሽን የበኩላችንን እንወጣለን የብሔራዊ ቡድን አባላትም ካላችሁበት አንፃር ሰፊ ስራ ይጠበቅባችኃል። ሌሎችንም በማስተባበር ግዴታችሁን መወጣት ቸለባችሁ። ሜዳ ላይ ልጆቹን ሳይ ስሜታዊ ሆኜ ነበር አሁን ደግሞ ይሄን ሳይ ተስፋ ፈጥሮብኛል። ከዚህ ድነው ጥሩ ተማሪ ጥሩ ኳስ ተጫዋች ጥሩ ዜጋ እናገኛለን ብዬ ተስፋ አደርጋለሁ። ያን ማድረግ የምንችለው እጅ ለእጅ ተያይዘን ስንሰራ ነው ስለዚህ የብሔራዊ ቡድን አባላትም እዚህ መምጣት ብቻ ሳይሆን የቤት ስራም ይዛችሁ ነው የምትመለሱት ትኩረት ልትሰጡት ይገባል፡፡ ድጋፋችንን በተግባር ማሳየት አለብን አሁን ቃል የምገባው ተግባራዊ የሚሆነው እዚህ ያላችሁ በሙሉ ስትሳተፉበት ነው በጋራ ሆነን ማህበራዊ ግዴታችንን እንወጣለን ይህንንም ፕሮግራም ያዘጋጁትን በሙሉ አመሰግናለው።" ብለዋል የድርጅቱ ዋና ሥራ አስኪያጅ ወ/ሮ ሳራ ኢብራሂም በበኩላቸው "ድርጅታችን በዋናነት በህፃናት ካንሰርና ወላጆቻቸውን ማገዝ ነው ስራው። የህፃናት ካንሰር በከፍተኛ ደረጃ መዳን የሚችል ስለሆነ ከተጋገዝን ከዚህ የተሻለ መስራት እንችላለን። በተቋማችን በአሁኑ ሰዓት ለህመምተኞች የሚሆን ማደሪያ አለን። ታክመው ድነው ትልቅ ደረጃ የደረሱም አሉ። ይህንንም ሥራ የምንሰራው ከተለያዩ አጋር ድርጅቶች ጋር በመሆን ነው። ዛሬም የመጡትን እንግዶች ፌዴሬሽኑንና የብሔራዊ ቡድን አባላት ይህንን እድል ስለሰጣችሁን እጅግ በጣም እናመሰግናለን። በቀጣይ ያለባችሁን ጨዋታ በድል እንድትወጡ ምኞቴን አገልፃለሁ።" ወ/ሮ ውዳሴ እንቁብርሃን በበኩላቸው "እንዴት እንደሚኖሩ ማየት ዓይን ይገልጣል። እውነትም ተስፋ ይሰጣል የማለዳ ፀሃይ ስትወጣ አዲስ ተስፋ አዲስ ቀን ነው። ስለዚህ በአዲስ ተስፋ በአዲስ ዓመት ደግሞ አብራችሁን እንደምትቆሙ ቃል እየገባችሁልን ስለሆነ በጣም ደስተኛ ነኝ። ምስጋናዬንም በውዳሴና በአጋሮቻችን ስም አመሰግናለው " ብለዋል፡፡ የኢትዮጵያ እግር ኳስ ፌዴሬሽን ዋና ስራ አስፈፃሚ አቶ ባህሩ ጥላሁን ባስተላለፉት መልእክት " ከውዳሴ ጋር መሰል ሀላፊነትን ስንወጣ ቆይተናል አሁንም የብሔራዊ ቡድን ተጫዋቾችም ከእግር ኳስ ጎን ለጎን እንደዚህ አይነት የበጎ አድራጎት ስራ መሳተፍና ተቀባይነታቸውን ተጠቅመው የግንዛቤ ማስጨበጥ ስራ ላይ መሳተፍና መሰል ልጆችን መንከባከብና ማገዝ ከኛ ይጠበቃል ማድረግ በምንችለው በሙሉ እንሳተፋለን ይህንንም ፕሮግራም የዘጋጁትን እናመሰግናለን።" ያሉ ሲሆን በመጨረሻም የኢትዮጵያ እግር ኳስ ፌዴሬሽን ያዘጋጀውን ድጋፍ የኢትዮጵያ አግር ኳስ ፌዴሬሽን ፕሬዝዳንት አቶ ኢሳያስ ጅራ አበርክተዋል፡፡

የኢትዮጵያ ብሔራዊ ቡድን አባላት ተስፋ አዲስ ፓረንትስ የህፃናት ካንሰር ማዕከልን ጎበኙ

የኢትዮጵያ ብሔራዊ ቡድን የ2027 አፍሪካ ዋንጫ ማጣርያ ዝግጅቱን ለማከናወን ወደ ሀዋሳ ተጉዟል። በዚህም መሠረት በነገው ዕለት ማክሰኞ ጳጉሜ 3 ጠዋት (3:00 / ሀዋሳ አርቴፊሻል ሜዳ) የሚከናወነው የልምምድ መርሐ ግብር የመጀመርያዎቹ 15 ደቂቃዎች ለመገናኛ ብዙሃን ክፍት መሆናቸውን እንገልጻለን - ተጫዋቾች እና አሰልጣኞች ማንኛውንም የተናጠል ቃለመጠይቆች እና መግለጫዎች ለሚድያዎች አይሰጡም።

የኢትዮጵያ እግር ኳስ ፌዴሬሽን ሸልማት የ2018 የውድድር ዘመን የሽልማት እና እውቅና መርሐ ግብር በነገው ዕለት በኢሊሊ ሆቴል ከ11፡00 ጀምሮ ይካሄዳል። ሁነቱን በአካል ተገኝታችሁ መዘገብ የምትሹ የሚዲያ አካላት በዚህ አድራሻ (https://accreditation.ethioff.com) በመመዝገብ መገኘት የምትችሉ መሆኑን እንገልፃለን። *ማስታወሻ - በዚህ የአክሬዲቴሽን ሲስተም ላይ Active events በሚለው ቁልፍ ስር EFF Awards የሚለውን ቁልፍ በመጫን መመዝገብ የምትቸሉ ሲሆን ከዚህ ቀደም በዚህ (EFF Awards) ላይ የተመዘገባችሁ በድጋሚ መመዝገብ አይጠበቅባችሁም።

የ2026 የፊፋ የ"ያንግ ታለንት" የወጣት ዳኞች ስልጠና ተጠናቀቀ የኢትዮጵያ እግር ኳስ ፌዴሬሽን ከፊፋ ጋር በመተባበር ያዘጋጀው የፊፋ "ያንግ ታለንት" የወጣት የጨዋታ አመራሮች ስልጠና ላለፉት አምስት ተከታታይ ቀናት በተግባር እና ንድፈ ሐሳብ ሲሰጥ ቆይቶ ዛሬ በአዜማን ሆቴል በይፋ ተጠናቋል። በፊፋ ቴክኒክ ኢንስትራክተር ሊ ቾንግ፣ በፊፋ የአካል ብቃት ኢንስትራክተር ማርክ ምዜንጎ እንዲሁም በሀገር ውስጥ ኢንስትራክተሮች አማካኝነት ሲሰጥ የቆየው ስልጠና ማጠናቀቂያ ላይ ኢንስትራክተር ጌራወርቅ ከተማ ባደረጉት ንግግር ስልጠናው ምንም እንኳን አጭር ቆይታ ቢሆንም ሰልጣኞች ከፍተኛ እውቀት ያገኙበት እንደነበር ገልጸዋል። አክለውም ሰልጣኞች ወደየመጡበት ሲመለሱ ያገኙትን እውቀት መተግበር እንዳለባቸው አሳስበዋል። የፊፋ ቴክኒክ ኢንስትራክተር ሚስተር ሊ ቾንግ በበኩላቸው ፌዴሬሽኑ ለወጣት ዳኞች ትኩረት ሰጥቶ ይህንን መርሐ ግብር በአንድ ሆቴል በማሰባሰብ ስላዘጋጀ ምስጋናቸውን አቅርበዋል። በስልጠናው ወቅት በዘመናዊ የመግባቢያ ቴክኖሎጂዎች እና በቪዲዮ የተደገፉ አዳዲስ የዳኝነት ፅንሰ-ሀሳቦችን ማስተዋወቅ መቻሉን የገለጹት ሚስተር ሊ "ይህ አሰራር አርአያነት ያለው ሞዴል በመሆኑ ሌሎች ሀገራትም እንደሚተገብሩት አልጠራጠርም" ብለዋል። በተጨማሪም ቀደም ሲል ኢንተርናሽናል ዳኛ ባምላክ ተሰማን በወጣትነቱ ተመልከተው አቅሙን እንደተረዱ በማስታወስ የወጣት ዳኞች አቅም በስልጠና እና በተግባር ማደግ እንደሚችልና በቀጣይም ከእነዚህ ሰልጣኞች መካከል በዓለም አቀፍ ደረጃ ሀገራቸውን የሚያስጠሩ ዳኞች እንደሚወጡ ያላቸውን እምነት ገልጸዋል። የፊፋ የአካል ብቃት ኢንስትራክተር ሚስተር ማርክ ምዜንጎ በስልጠናው የተሳተፉት ወጣት ዳኞች ከኤሊት ዳኞች ጋር ያላቸው የአቅም ልዩነት በጣም አነስተኛ መሆኑን ጠቁመው "አካል ብቃት ለዳኝነት እንደ ቪዛ ነው፤ ያለ ቪዛ ትኬት ቢኖራችሁ እንኳ መጓዝ እንደማትችሉ ሁሉ ያለ አካል ብቃትም ወደ ላቀ ደረጃ መሸጋገር አይቻልም" በማለት ሰልጣኞች ጠንክረው እንዲሰሩ መክረዋል። የኢ/እ/ፌ ዋና ሥራ አስፈጻሚ አቶ ባሕሩ ጥላሁን በበኩላቸው ፌዴሬሽኑ አዳዲስ አሰራሮችንና ስትራቴጂዎችን በመቅረፅ ወጣት ዳኞችን ለማፍራት እያደረገ ያለውን ጥረት አብራርተዋል። እንደ ባምላክ ተሰማ እና ሊድያ ታፈሰ ያሉ አንጋፋ ዳኞች ከዳኝነት መገለላቸውን ተከተሎ የተፈጠረውን ክፍተት ለመሙላት የትውልድ ቅብብሎሹ አስፈላጊ መሆኑን ጠቁመዋል። አዳዲስ አሰራሮች ሲዘረጉ ከውስጥም ከውጭም ተቃውሞዎች ማጋጠማቸው አልቀሬ ቢሆንም ፌዴሬሽኑ ወጣት ዳኞች ላይ ኢንቨስት ማድረጉን እንደሚቀጥልና ለሰልጣኞች ማደሪያና ስልጠና ከፍተኛ ወጪ በማውጣት ድጋፍ እያደረገ እንደሚገኝ ገልጸዋል። አቶ ባሕሩ የኢትዮጵያ ዳኞች በታማኝነት እና በቅንነት ሥራቸውን በማከናወን በአፍሪካ እና በዓለም አቀፍ ደረጃ መልካም ስም ያላቸው መሆኑን ገልጸው አዲሶቹ ወጣት ዳኞችም ይህንን ታማኝነት እና ሙያዊ ብቃት አስጠብቀው እንዲቀጥሉ አደራ ብለዋል።

የ2026 የፊፋ የ"ያንግ ታለንት" የወጣት ዳኞች ስልጠና ተጠናቀቀ የኢትዮጵያ እግር ኳስ ፌዴሬሽን ከፊፋ ጋር በመተባበር ያዘጋጀው የፊፋ "ያንግ ታለንት" የወጣት የጨዋታ አመራሮች ስልጠና ላለፉት አምስት ተከታታይ ቀናት በአዜማን ሆቴል በተግባር እና በንድፈ ሐሳብ ሲሰጥ ቆይቶ ዛሬ በይፋ ተጠናቋል። በፊፋ ቴክኒክ ኢንስትራክተር ሊ ቾንግ፣ በፊፋ የአካል ብቃት ኢንስትራክተር ማርክ ምዜንጎ እንዲሁም በሀገር ውስጥ ኢንስትራክተሮች አማካኝነት ሲሰጥ የቆየው ስልጠና ማጠናቀቂያ ላይ ኢንስትራክተር ጌራወርቅ ከተማ ባደረጉት ንግግር ስልጠናው ምንም እንኳን አጭር ቆይታ ቢሆንም ሰልጣኞች ከፍተኛ እውቀት ያገኙበት እንደነበር ገልጸዋል። አክለውም ሰልጣኞች ወደየመጡበት ሲመለሱ ያገኙትን እውቀት መተግበር እንዳለባቸው አሳስበዋል። የፊፋ ቴክኒክ ኢንስትራክተር ሚስተር ሊ ቾንግ በበኩላቸው ፌዴሬሽኑ ለወጣት ዳኞች ትኩረት ሰጥቶ ይህንን መርሐ ግብር በአንድ ሆቴል በማሰባሰብ ስላዘጋጀ ምስጋናቸውን አቅርበዋል። በስልጠናው ወቅት በዘመናዊ የመግባቢያ ቴክኖሎጂዎች እና በቪዲዮ የተደገፉ አዳዲስ የዳኝነት ፅንሰ-ሀሳቦችን ማስተዋወቅ መቻሉን የገለጹት ሚስተር ሊ "ይህ አሰራር አርአያነት ያለው ሞዴል በመሆኑ ሌሎች ሀገራትም እንደሚተገብሩት አልጠራጠርም" ብለዋል። በተጨማሪም ቀደም ሲል ኢንተርናሽናል ዳኛ ባምላክ ተሰማን በወጣትነቱ ተመልከተው አቅሙን እንደተረዱ በማስታወስ የወጣት ዳኞች አቅም በስልጠና እና በተግባር ማደግ እንደሚችልና በቀጣይም ከእነዚህ ሰልጣኞች መካከል በዓለም አቀፍ ደረጃ ሀገራቸውን የሚያስጠሩ ዳኞች እንደሚወጡ ያላቸውን እምነት ገልጸዋል። የፊፋ የአካል ብቃት ኢንስትራክተር ሚስተር ማርክ ምዜንጎ በስልጠናው የተሳተፉት ወጣት ዳኞች ከኤሊት ዳኞች ጋር ያላቸው የአቅም ልዩነት በጣም አነስተኛ መሆኑን ጠቁመው "አካል ብቃት

ለመገናኛ ብዙሃን ! የኢትዮጵያ እግር ኳስ ፌዴሬሽን የህክምና አጋሩ ከሆነው ከውዳሴ ዳያግኖስቲክ ማዕከል ጋር በመተባበር የጳጉሜ የበጎ አድራጎት ወርን በማስመልከት ነገ ጳጉሜ 2 ቀን 2018 ዓ.ም. በተስፋ አዲስ ፓረንትስ የህፃናት ካንሰር ማዕከል ጉብኝት ያደርጋል። የኢትዮጵያ ብሔራዊ ቡድን ተጫዋቾች እና የአሰልጣኝ ቡድን አባላት ተሳታፊ በሚሆኑበት በዚህ መርሐ ግብር ብሔራዊ ቡድናችን በተስፋ አዲስ ፓረንትስ የህፃናት ካንሰር ማዕከል በመገኘት ህሙማንን የሚጠይቅ እና ለተቋሙም ድጋፍ የሚያደርግ ይሆናል። የመገናኛ ብዙሃን አካላት ነገ ጳጉሜ 2 ቀን 2018 ዓ.ም. ከቀኑ 5 ሰዓት ላይ አራት ኪሎ ከናዝሬት ስኩል ወረድ ብሎ የአርሜኒያ ትምህርት ቤት አጠገብ በሚገኘው የተስፋ አዲስ ፓረንትስ የህፃናት ካንሰር ህሙማን መኖሪያ ግቢ በመገኘት ለዚህ የበጎ አድራጎት ስራ ሽፋን መስጠት የምትችሉ መሆኑን በማክበር እንገልፃለን።

የኢትዮጵያ ከ20 ዓመት በታች ብሔራዊ ቡድን የሴካፋ ውድድር ዝግጅቱን ቀጥሎ በዛሬው ዕለት ከሀዋሳ ከተማ ጋር የአቋም መፈተሻ አከናውኗል። ጨዋታውንም ያለ ግብ በአቻ ውጤት አጠናቋል።

የኢትዮጵያ እግር ኳስ ፌዴሬሽን ከፊፋ ጋር በመተባበር እየተካሄደ የሚገኘው የፊፋ ያንግ ታለንት የጨዋታ አመራሮች ስልጠና በንድፈ ሐሳብ እና በተግባር እየተሰጠ አራተኛ ቀኑን ያስቆጠረ ሲሆን በነገው ዕለት ፍጻሜውን ያገኛል።

የኢትዮጵያ ብሔራዊ ቡድን የ2027 የአፍሪካ ዋንጫ ማጣርያ ዝግጅቱን ቀጥሎ 21ኛ ቀኑን አስቆጥሯል። በዛሬው ዕለትም በቢሾፍቱ ክቡር አቶ ይድነቃቸው ተሰማ አካዳሚ ከቅዱስ ጊዮርጊስ ጋር የአቋም መፈተሻ ጨዋታ አከናውኖ አንድ አቻ ተለያይቷል።

EFF X FIFA - Young Talent Referee Course 2026 https://youtu.be/X_wEp3Zqzkw

የኢትዮጵያ እግር ኳስ ፌዴሬሽን ከካፍ ጋር በመተባበር የተዘጋጀው የካፍ ሲ ላይሰንስ የመጨረሻ ሞጁል ስልጠና በዛሬው ዕለት በባህር ዳር ከተማ የባህር ዳር ዩኒቨርሲቲ ስፖርት አካዳሚ ፍጻሜውን አግኝቷል። ስልጠናው ላለፉት ሁለት ወራት ከአስራ አምስት ቀናት በተግባር እና በንድፈ ሃሳብ ሲሰጥ ቆይቷል። በስልጠናው መዝጊያ ስነስርዓት ላይ የኢ/እ/ፌ ምክትል ፕሬዝዳንት ዶ/ር ዳኛቸው ንግሩ የመዝጊያ ንግግር እና የሥራ መመሪያ በመስጠት ተጠናቋል። ለስልጠናው መሳካት የባህር ዳር ዩኒቨርሲቲ ትልቅ አስተዎፅኦ አበርክቷል።

የኢትዮጵያ ከ20 ዓመት በታች ብሔራዊ ቡድን የሴካፋ ውድድር ዝግጅቱን በሀዋሳ ማከናወን ቀጥሎ የ6ኛ ቀን ልምምዱን በሀዋሳ አርቴቴፊሻል ሜዳ አከናውኗል።

በኢትዮጵያ እግር ኳስ ፌዴሬሽን የፀደቁ ውሎች የኢትዮጵያ ሴቶች ፕሪምየር ሊግ ዓርብ ነሐሴ 29/2018

በኢትዮጵያ እግር ኳስ ፌዴሬሽን የፀደቁ ውሎች የኢትዮጵያ ወንዶች ፕሪምየር ሊግ ዓርብ ነሐሴ 29/2018

ማክሰኞ ጳጉሜ 3 በኢሊሊ ሆቴል የሚካሄደው የኢትዮጵያ እግር ኳስ ፌዴሬሽን ሽልማት እጩዎች

የኢትዮጵያ እግር ኳስ ፌዴሬሽን ሽልማት የኢትዮጵያ እግርኳስ ፌዴሬሽን የ2018 የውድድር ዓመት ምርጦችን ዕውቅና የመስጠት መርሐ ግብር ማክሰኞ ጳጉሜ 3/2018 በኢሊሊ ሆቴል ይካሄዳል። የኢትዮጵያ ሴቶች ፕሪምየር ሊግ፣ የወንዶች ከፍተኛ ሊግ፣ የሴቶች ከፍተኛ ሊግ፣ የሊግ አንድ እና ከ20 ዓመት በታች ፕሪምየር ሊግ የ2018 የውድድር ዘመን ኮከብ ተጫዋች፣ ኮከብ አሰልጣኝ፣ ኮከብ ግብ ጠባቂ፣ ከፍተኛ ጎል አስቆጣሪ እንዲሁም ምስጉን ዳኛ እና ረዳት ዳኞች ሽልማት ይበረከታል።

የኢትዮጵያ ብሔራዊ ቡድን የ2027 አፍሪካ ዋንጫ ማጣርያ ዝግጅት የዓርብ ነሐሴ 29 ጠዋት (2:30 / አዲስ አበባ ስታዲየም) ልምምድ መርሐ ግብር የመጀመርያዎቹ 15 ደቂቃዎች ለመገናኛ ብዙሃን ክፍት መሆኑን መገልጻችን ይታወሳል። ሆኖም በጣለው ዝናብ ምክንያት የልምምድ መርሐ ግብሩን በአዲስ አበባ ስታዲየም ማከናወን ባለመቻሉ ወደ አደይ አበባ ስታዲየም የልምምድ ሜዳ (3:00) የዞረ መሆኑን ከይቅርታ ጋር እናሳውቃለን።