حراير دزاير

السلام عليكم. بالنسبة لدورة الإدارة المنزلية بعد الفيديو الكامل درت سلسلة حلقات في كل حلقة نفصل في موضوع.  بصح بزاف لي عرفوش يلقاو المحتوى ويبعتولي مافهمتش السبب مع انو ماعليكم غير اتبعو الروابط. نظن الأغلب يدخلو لليوتوب ما يلقاوهش الفيديوهات كلها تم يتخلطو خاطر راني دايرة الفيدوهات غير مدرجه يعني لازم تدخلو من التيليغرام. راح نعاود ندير الفيديوهات معلنة بصح ما نقدرش نحط كلش كيما كنت في تيليغرام خاطر اليوتوب يعاقب القناة لي تنشر بزاف علاجيه ممبعد تنقص ويولي يحجبها. على هادا راح نحطهم تدريجيا. ونشوف حسب الاقبال نزيد. كيما علابالكم مانيش مفعلة الارباح يعني ماعندي حتى فايده.  نتمنى تنشرو الفيديوهات على أوسع نطاق باش يكون عندي حافز للإستمرار

لي دخلو جدد محتوى دورة الإدارة المنزلية في هاد الرابط والفيديوهات ماشي كامل علنية فاليوتوب لازم تدخلو من تيليغرام https://t.me/+rwo3mrrBZgQ0OGFh

بالنسبة لورشة الوعي الصحي مازلت مع المونتاج يدي وقت طويل كاين مقاطع يروح فيهم الصوت نحب ندير مونتاج باش ما يكون ازعاج من تقطع الصوت شدتني بزاف الدورة ونطم عليا شغل الدار راني كي نكمل راني نحطهولكم. والبنات لي راهم يقولولي وعلاش تطولي فالمحتوى اولا العبرة بالنوعية ماشي الكمية وفيديو واحد تبقى معاه مدة طويلة ونزيد نعدلو مليح باش ما يكونش تكرار. وكيما قلتلكم انا ماشي مفعله ارباح اليوتوب يعني واش راني نقدم كامل محبه خاطر ماشي كيما لي تكون هادي مهنتهم لازم يحطو كل يوم. والعبرة بقيمة المعلومه ماشي حتى كل يوم نطل نعاود في نفس الكلام. ومادام مانيش نربح من هاد المحتوى تأكدو ماراح يكون اي تصادم للمصالح يعني اذا درت فيديو طويل معنتها صح فيه معلومات مانيش نجبد فالوقت باش تشوفو اعلانات اكثر. وانا اصلا ضد الاعلانات ومديتلكم تطبيق لي يحجبها. لذلك رجاءا ما تضغطوش عليا باش قدمت هاد الحلقات وماكانتش ساهله

ربي يحفضكم على تعليقاتكم حول دورة الادارة المنزلية لكن رجاءا علقو فاليوتوب افضل خاطر التعليقات تساهم في انتشار الفيديوهات

لي دخلو جدد محتوى دورة الإدارة المنزلية في هاد الرابط والفيديوهات ماشي كامل علنية فاليوتوب لازم تدخلو من تيليغرام https://t.me/+rwo3mrrBZgQ0OGFh

هاداوين سمعت الحرائق راهي في عدة ولايات مل يكون غير الخير ان شاء الله لي راهم فالولايات المتضررة يطمنونا

يتطلق اللايف بعد خمس دقائق

موعدنا على الساعة السابعة مساءا في لايف الوعي الصحي للمرأة. شاركوا رابط القناة لدعوة صديقاتكم https://t.me/+RSQe_-vwKCMxZDFh

يقدم لكم نادي حراير دزاير ورشة تدريبية مباشرة بعنوان الوعي الصحي للمرأة مع الدكتورة لمية مصطفى تهامي 👈موعد اللايف يوم الثلاثاء على السابعة مساءا بتوقيت الجزائر 👈شاركوا رابط القناة لدعوة صديقاتكم https://t.me/+RSQe_-vwKCMxZDFh

وكاين مفاجأة تاني ورشة مجانية مع طبيبة مختصه رانا نحضرو فيها تاني على هاديك ما قعدتش. بصح كي نجي نجيبلكم غير المفيد ان شاء الله

السلام عليكم البنات. راني نقرا كامل تعليقاتكم بصح ما نقدرش نجاوب بالوحدة. بالنسبة لسلسلة الادارة المنزلية درتلكم حلقه على تنظيف المطبخ وهي راح تحطها على شكل دورة راني كل يوم معاها بالمونتاج وخرجت فيها عدة ساعات بصح علابالي تعجبكم غالبا نحطها نهار السبت

لي راهم يبعتولي طلب انضمام هنا ولا في مجموعه المناقشة ما نقبلش لي اسمها غريب ولا حروف ولا رموز. سواءا الفايسبوك ولا هنا معليش ما تحطوش اسمكم الحقيقي بصح ديرو اسم يدعو للثقة خاصه ولا تحوسو تسوقو لاعمالكم ولا تدخلو دورات

السلام عليكم. بالنسبة للقناة راح نفتح التعليقات بصح رجعنها خاصه حتى نقبل الاعضاء باش يدخلو. ولي اسمهم رمز ولا حروف ما نقبلهمش. لازم اسم مرأة وكلمات واضحة

لي دخلو جدد محتوى دورة الإدارة المنزلية في هاد الرابط والفيديوهات ماشي معلنه فاليوتوب لازم تدخلو من تيليغرام https://t.me/+rwo3mrrBZgQ0OGFh

السلام عليكم. راني نشوف بزاف بنات يخرجو من الفناة قلتلكم حاولو يخترقوها لذلك غلقت التعلبقات وجددت الرابط. بصح القناة هادي مازالها الرابط برك لي تغير. ولي حبت تعلق تدخل لدورة الادارة المنزلية ولا قناة التدابير راهم الفوق. حاليا ما نقدرش نفتح التعليقات هنا حتى نشوف طريقه حماية مضمونه

هادا رابط القناة:

السلام عليكم البنات. رابط القناة انا بدلتو خاطر رجعتها خاصه لقيت ناس يحاولو يخترقوها. نسيت ما قلتلكمش حتى وحده علقت في قناة التدابير