Yasmeen Ali❤️

وحدة من ألطف لحظات الحياة . لما تواجه موقف فتلقى آية في قلبك تطمن فؤادك و توحي ليك بالحل و تقوم اتجاهك و تبلغك وجهتك.. لما تلقاه فعلا نور قلبك و ربيع عمرك ، و تدرك أنك به حي . الحقيقة انه الحاجة دي مابتحصل بين يوم و ليلة بتحصل بتطبيق اللفظ اللي في الموعظة النبوية : " لقد عرفت فالزم " . طالما عرفت قدر الخير في القرآن الزمه ، الزم لغته ، آياته ، تكراره ، تلاوته ، تجويده ، تطلع على تفسيره ، تلازمه كأنه صديق ليك .. حتلقاه معاك في أعقد و أصعب و أحلى لحظات عمرك 🫶.. #Jasmeen_Ali #القرآن 🌹🥀

الراضي فوق السعيد بدرجة .... بعد ما تتقبل و ترضى انه الحاجات اللي ما اتكتبت ليك دي ما نصيبك و تتحرك تاني في الحياة عشان تلقى بدايل و خيارات تانية اتذكر انه كل خيار في الدنيا عنده تبعاته و مسؤولياته .. مافي شي في الحياة حتختاره حيحول حياتك لسعادة تامة و بس كأنك دخلت مدينة ألعاب . صح من حقك تحس انك مرتاح في شغلك و بيتك و علاقتك بشريكك و حتى في اختيارك لأقل شي في يومك بس لازم تصل لمستوى وعي يخليك تفهم انه العسر و الرفض في حاجات معينة ممكن يودينا لاختيارات تانية برضو ليها متاعبها .. زي لما كتير مننا طلعوا من مصاعب الحياة في بلدنا عشان الاحداث والحرب .. فلقوا انهم في أماكن تانية عايزة تفكير و و ورق و شهادات و امكانيات مختلفة عن توقعاتهم بل حتى مستوى مادي معين . و كمان في دول فيها غلاء يوازي الوضع في دولتنا و هي في حالة حرب .... و اكتر .. لأنه كل خيار ليه تبعاته .. نصيبك برضو لازم تسعى ليه و تختاره بوعي كامل و تتذكر انه تبعا لكل اختيار حتمشي لمجموعة تانية من الاختيارات و يتسع وعيك لتفاصيل تانية ما كنت مدركها في تجربتك السابقة .. حتى في علاقاتك .... كل ما حتوعى لشي في نفسك او في الطرف التاني في صداقاتك او زواجك،، حتواجه شي مختلف في التجربة البعدها ، او في نفس التجربة . بس مافي علاقة انسانية بتكون كلها لحظات حلوة و بس ،، صح مهم تكون مرتاح حتى في الاختلاف بس خليك متذكر انه الاختلاف طبيعي .. الفكرة ما انه لازم يكون في عقدة بس الحياة عاملة زي puzzle 🧩 كبيرة .. ما بتنتهي منها الا لما تصنع صورة مكتملة لوعيك من جوة و شكل حياتك من برة .. اللي بيقول ليك انه فاهم الحياة كليا مغشوش ، و اللي بيتوقع انه اتعلم كل شي الأيام حتفاجئه ، كل المطلوب منك تسترخي و تقبل كل حدث بنفس راضية و تستعد لأي تغيير .. و نسأل الله أن يجعل لنا من أمرنا رشدا .. الكلام دا حسي قد يبدو ليك تعقيد لكن الحقيقة انه حيخليك تسبق الحياة بخطوة انك ما بتتفاجئ و لا بتنصدم كتير بل حتقرا الحاصل بهدوء و مرونة و تشوفه كمستوى جديد في ال puzzle game أخد نفس طويل و كمل مشيك عادي ممكن يكون خيارك صح بس محتاج شوية modifications او غلط و قدامك خيارات تانية بس خليك مطمئن و مستخير دايماً.. و حتى لما تحب شخص او تختار شي اتوقع انه ليه متاعبه و انك قادر تقبلها لأنه يستحق .. سل الله الهداية و الرشد و صواب المسير و يسر الخطوات و أن تتسع عين بصيرتك فلا تتمنى مالا يستحق وقوفك خلف استحالته .. #Jasmeen_Ali #توازن 🎈

عارفين احنا عايشين حسي استجابات كم دعوة و كم قيام ❤️.. الله عالم الله شايف .. كان يملئنا اليقين الآن يملئنا شعور الحامدين ❤️.. #Jasmeen_Ali #الخرطوم قربنا ❤️.. ..

قبل كم يوم بنتونس قلت : تتذكروا سماحة الشهور دي و خريف الخرطوم مهما كان صعب كيف كان حلو ؟؟. و قعدنا نتذكر و نفتش الصور .. سبحان الله.. حقيقي : "انت لا تتخيل كم معجزة أجراها الله ليحفظنا و يسعدنا و كم لطف أحاط بنا و نحن لا ندري و كم جمال و نعمة كانت في يدك و لم تنتبه لها حينها 💕... لكن غمة و تزول و نرجع نقدر النعمة و نصونها 💕... #Jasmeen_Ali 💕

القوة ما بس في التغييرات البنختارها .. القوة نتأقلم على تغييرات ما اخترناها ،، و نكيفها بحيث تشبه اختياراتنا .. القوة و الذكاء و المرونة كلها نعرف نلقى الخير و نقدمه في كل حال و ظرف حتى لو ما اخترناه ❤️.. #Jasmeen_Ali #توازن 💕🎈

وعيت تماما انه ما حظ انما لطف ربنا ،، و ما صدف و انما توفيق ربنا و حبه لعباده و رحمته 💕🙏🏻.. كل يوم بيزيد يقيني اننا بالله و مع الله و في جوار الله أوفر عباده نعيما والله ❤️... ❤️..

قناة للإعلان عن حلقات قرآن حفظاً ومراجعة وتصحيح تلاوة  و فيها منشورات دينية وأذكار وهي للنساء فقط https://t.me/Eda_att

أحلى خبر عرفته لما رجعت للفيسبوك .. د.ندى حمد حبيبة قلبي ❤️.. حتبدا لينا استشارات اونلاين .. د ندى طريقتها ولمستها و اختياراتها في ال products هي أرهب شي تمنحيه لنفسك دايما ❤️❤️ .. لو انتي داخل او خارج السودان وبتعاني من بشرتك ابدا ما تترددي واتواصلي معاها .. حتلقي التشخيص و العلاج الي بتستحقه بشرتك .. ❤️..

التفت لمعنى عظيم في الآية : (( وَلَوْ جَعَلْنَٰهُ قُرْءَانًا أَعْجَمِيًّا لَّقَالُواْ لَوْلَا فُصِّلَتْ ءَايَٰتُهُۥٓ ۖ ءَا۬عْجَمِىٌّ وَعَرَبِىٌّ ۗ قُلْ هُوَ لِلَّذِينَ ءَامَنُواْ هُدًى وَشِفَآءٌ ۖ وَٱلَّذِينَ لَا يُؤْمِنُونَ فِىٓ ءَاذَانِهِمْ وَقْرٌ وَهُوَ عَلَيْهِمْ عَمًى ۚ أُوْلَٰٓئِكَ يُنَادَوْنَ مِن مَّكَانٍ بَعِيد)).. كلمة بعيد هنا جاءت كاملة المعنى ... بُعد الانسان عن القرآن و عدم ملازمته هو البيعيق فهمه ليه و ليس عوائق اللغة وحدها .. المسافة الزمانية و المكانية بيننا و بين كتاب الله هي اللي بتخلينا ما نفهمه .. #Jasmeen_Ali #القرآن ..

من الحاجات اللي حصلت في رمضان ❤️.. قالو لي: عليك الله لما تمشي الغرفة نادي فلانة من ما تمسك المصحف ما بتحس بالوقت عادي يفوتها السحور 💕.. اخذت قلبي والله من جمالها العبارة دي .. ولما دخلت اناديها لقيتها بترتل بصوت هادئ الاية 31 من سورة فاطر ف ليها حق ما تحس بالدنيا ❤️.. سائلة الله بجميع جوارحي ان اظل طول العمر اجد راحة جنات النعيم في ارض العبادة . #Jasmeen_Ali #القرآن 💕

عُدنـا ❤️ وعادت لنا ياسمين وكلماتها الجميلة ❤️ الحمدلله ❤️ عسّاها دوم بأفضل حال ربي يسعدها ويشرح صدرها ويحقق مرادها ❤️

الآية دي لازم تفضل قدامنا كل لحظة عشان الحياة ما تفرغ من معناها 💕.. حمدا لله على القرآن الذي ملئنا هدى جمالاً ، علماً ، و حكمة و توازن و خيرا لا ينتهي 💕🥀.. #Jasmeen_Ali #قيام_الليل 💕🥀

إتأكدي إنك " بتُحسني " الإختيار . بتعرفي كيف تختاري علاقاتك و محيطك و عاداتك و كيف تقضي وقتك ، الحاجات اللي بتنافسي عليها و الحاجات اللي بتحاولي فيها . الحياة كلها مجموعة اختيارات اختيار يضيف ليك و اختيار يخصم منك . إنت اللي بتختاري تسلطي التركيز و الضوء و المجهود على ايه و تتجاهلي ايه . الرابح في الحياة من يعرف أين يصب جهده و يبذل عطاءه و أين يطفئ الضوء و ينسحب 🥀.. #Jasmeen_Ali #توازن 💕🥀

~ في كل شيء في الحياة .. من قال : أنا لها ،، نالها 🥀🫰.. ~

سمعت دعاء جميل جداً .. " ربنا يرزقك حال تحمد الله عليه كل يوم " . و دا بيشمل انك سعيد و حاسس بالنعمة و شعورك بالنعمة في حد ذاته نعيم .. فالحمد لله على الآتي و الماضي و المتقدم و المتأخر و الخير الظاهر و النعيم المستقر ,, على الخفي و المنسي و ما كان و مايكون و كل هبات رحمن الوجود و معطي العافية . #Jasmeen_Ali 💕🥀

كلم شاب أباه أنه ينوي أن يتزوج و أخبره عن الفتاة التي اختارها ... سُر أباه لما زارهم مع ابنه و رأى كيف اختار أخلاقها و دينها و علمها و نسبها .. قال الشاب : يشبهوننا يا ابي ، البيت هادئ و الأم طيبة كريمة و الأب رجل ودود يفتح قلبه قبل مجلسه و أخوتها مزجو العلم بالعمل و هي تسبق كل الناس رقيا و ادباً .. قال أباه : الحمد لله أيام و نعقد قرانك يا بني .. و قد مَن الله علي إذ أشهد هذا و إن رؤية مفتاح شقتك بين يداك يبهج خاطري و يبكيني من شدة حمد الله.. ها أنا ربيت رجلا غدا يلقى الله مسؤولا عن رعيته ، كريماً ، أبا للبنات و البنين و إذ تأخذ ابنة الناس من دارهم تضعها في عيونك يا بني .. همس الشاب و قد فهم مغزى اباه : اوصني يا ابي ... قال : زواجك رحمة من الله بك يا بني .. لتعلم يا بني أن الرجل لو ملك الارض و من عليها لا يسعده شيء كطيبة صالحة تسلم حالها و مآلها و ترضى برزقه كيفما كان مادامت معه،، و كل مايفعله لها أجر والله يابني تخيل ان حتى محبتك لزوجتك فيها اجر لك إن نويت . إمرأة صالحة يا بني ترضى برزقك و لا تقبل الحرام ، و تذكرك الخير و تصحبك بالتقوى و تدفعك لتكون خير الناس . سرني خيارك بنت طيبة متعلمة و متدينة و اهلها طيبون و ارى لك رزقا معها بإذن الله لكن الزواج استثمار يا بني ، يختار الإنسان أين يستثمر و كيف سيربح أضعافا مضاعفة لكن الأهم ان تكون ارضا صالحة . فإن كنتما صالحين عاد الكرم بالكرم ، و الخير بالخير و رزقتما معا بخير الأيام و ألطف الصحبة . اختارا المودة و الرحمة ولا تغالبا بعضكما ، لا تستسهلا شدة البأس و القسوة .. ( مافائدة باب قصر يغلق و أهله داخل الدار مختصمون ) ... تعاهدا اللين و اعتادا اللطف و الأدب و الرحمة ، و تشاركا طاعة الله .. كن كريما في بيتك و قدر ما تفعله لك و اكرمها بفعلك و قولك. ستشهد انها رغم ضعفها تصبر ، و رغم رقتها ترحم ، و تجعل من حياتك جنة كاملة . ابنة الحلال يا بني تستحق .. غدا تجد يدها الصغيرة تصون عافيتك طعاما و دواء لعشرات السنين و تتلو بها الرقية لك و لعيالك فتشفى ، و تحفظ سرك و مالك و تضع يدها في يدك و تخبرك انها و ان ضاق رزقك راضية .. تقسم أدبها و جمال ملامحها و كرم أخلاقها في عيالك و بناتك . لذا أكرمها ما استطعت . . كن حليما ، و اعتذر ان أخطأت و اقبل عذرها إن أخطئت هي ... و لا تهدا بيتكما بدافع الغضب ، و عاودا بناءكما مهما حاولت الحياة الهدم . والله يا بني عشت تسع و عشرون عاما قبل زواجي بوالدتك ما شعرت بقيمة المال إلا لما صنعته منه هي فرشاً ، و ثيابا للصغار و طعاما شهيا ، و اختارت ثيابي و بخرتها .. قسمت مالي فأحسنت ، و حفظت ميعاد عملي و تعينني فيه و تكرم ضيفي و تحفظ سري ، و أشاورها في كل خطو و تستخير معي ، و تسر عيني ، و تفعل الواجب لأهلها و أهلي .. مع العشرة صارت تفهم عيني إن نظرت و انا أحب ان اشرح نفسي لها .. يا بني كنت أ أتي بكيس خضرة بسيط قليل ف تدعو لي أن زادك الله ،، و تهتفون انتم و كأني جلبت لكم ملك كسرى .. حتى بسببكم رزقني الله الكثير الذي ترى بفضله .. يكون الرجل بسيطاً عاديا مهما ملك ،، حتى ينجب ابنا او ابنة فيشعر أنه خير رجال الأرض ... فصن النعمة يا بني و احفظ عهد الرجل لك و اسعد بخيارك الطيب و سل الله التمام .. يقول الشاب : كتبت وصية أبي و احتفظت بها على هاتفي ،، أفتحها و اقرأها كلما غضبنا ،، و بعد سبع سنوات وجدت ان ابي كان صادقا .. مع العشرة قل الخصام و كثر الحب و اشتد ميثاق المودة بيننا و ثبتنا .. #Jasmeen_Ali #بيوت_آمنة ❤️🥀