2 007
Subscribers
No data24 hours
No data7 days
-830 days
- Subscribers
- Post coverage
- ER - engagement ratio
Data loading in progress...
Subscriber growth rate
Data loading in progress...
اللي بعدها مابعد غض لي طرف
موضوعها في كل عصماً جديده
علي الحرام اني فلا ارسل لها حرف
استغفر الله يمكن ارسل قصيده (:
سلامي على وجهه المفارق سلامً حار
يغير طروق الشاعر اليا نفض بشته
ذهيبيّ بعد فرقاك والقلب فـ استنفار
مبادي الرجوم وغيبة الشمس خارشته
اطري وصالك عل تاتي بك الاقدار (:
سبق وان طريت البعد وايام ثم عشته
غدا الحال عودً مبطي ماروح المطار
لواهيب … حرّ القيض والعج نايشته
طاري فالراس طاري ومرواسي بعيد
والطواري لا لفتني تجيب الغايبه (:
قد لي اجامل واعدي واسوي اني بليد
لين شفت النفس من بعض الانفس طايبه
عالمً وقت الفهاني يفلون الحديد
مادريت ان الهقاوي بعضها خايبه
يالله من كثر السوالف ومن كثر الهبيد
يوم بان الصدق والله ماسدوا النايبه (:
حن نعرف الغايه اللي لهم غاية مراد
غير دون احلامهم حط حبلً من مسد
اشغلونا بـ المدايح صباح وفي هجاد
يمدحون اللي بَلا فعل .. ما بَلا جسّد
الله اللي حط فرق البياض من السواد
واحسدونا في نبانا "اللهم لا حسد"
لو راع الروغه الماكر يعين له .. شداد
كان شفت الحصني يعيش في هيبة الاسد
تقول كبدي تعنز فوق حدً رهيف
اليا طرا لي نهارً فيه ساق ضعنه
انا دخيلً على الله .. لا اتعايش كسيف
عقب المواصيل ماينشد ولا ادري عنه
في غيبته مدهلي في راس رجمً منيف
اعيش عيشة غريبً حن لـ ارض وطنه
استحكم الحزن صدري مثل حكم الشريف
وبايعته الحكم قد لي اليوم ثالث سنه (:
عيد الركايب عاد الايام في جور
قبل الامان وقبل فض النزاعي
اسلافً تورث تواريخ لـ عصور
تبقى على روس البيان الرفاعي
ونبقى هل الطاله ، ويبقى لنا دور
يوم ان بعض الناس طيبه صناعي
والمجد والتاريخ .. مايصنعه زور
لو زود بـ كذبه خبيث المساعي
على الهون يالفح الهبايب عصر الاثنين
ترى صدري المشحون ماعاد به طاقه
اجاهد وكن الكبد .. تركا على السكين
جدا اللي سواتي يكتب الحبر بـ اوراقه
على الحال ذا قد لي حوالي ثلاث سنين
يجيني البلا .. لا جات ذكراه منساقه
تقول ان بصدري دوي بندق وردة دين
عسى الله يكافي شر ذا الليل واشواقه
طاري فالراس طاري ومرواسي بعيد
والطواري لا لفتني تجيب الغايبه (:
قد لي اجامل واعدي واسوي اني بليد
لين شفت النفس من بعض الانفس طايبه
عالمً وقت الفهاني يفلون الحديد
مادريت ان الهقاوي بعضها خايبه
يالله من كثر السوالف ومن كثر الهبيد
يوم بان الصدق والله ماسدوا النايبه (: