سلمان ⚔️📈💵.

سابقا ومنذ سنتين وانا اتداول امامكم ويعلم الله وهو الشاهد على كلامي ان المنصه سابقا كانت مصدر دخل لي بالتداول فقط ولكن من بعد سياستهم المخيسه واللي اعتبره حقاره ودناءه منذ ست شهور وجاي انا اعتزل هذه المنصه اولا : المنصة كما قلت لكم سابقا كان فيها ارباح وشى طبيعي يكون فيها خساير ولكن الان بعد تحديثاتهم اللي من قبل رمضان الى الان الوضع بات سرقه مو تداول ، الوضع بالنسبه لهم صار نهب فلوس لااكثر وقد نصحتهم بحكم اني معاهم وقلت لهم ارجعوا للسياسه السابقه نظام النهب والتذبذب اللي قاعدين يسوونه عشان ياكلون اموال الناس ولكن يعاندون ورافضين هالشىء ملاحظه ( يوجد لدي جميع الاثباتات التي تدينهم كمنصه من اوراق ومستندات وصور ) ثانيا : يعلم الله اني مافكرت بهالقرار الا بعد مشوره مع نفسي وايضا مابي اظلم البقيه اللي معي ، وايضا بعد ماشفت بعيني التلاعب اللي قاعد اشوفه بهالمنصه ، سابقا كنت انا شخصيا احلل الشارت تحليل فني وادخل صفقاتي ولله الحمد اغلبها ربح لكن الان تحلل والا ماتحلل تحس يخسرونك غصب والامر بات فيه سرقه ! مو معقول اسوي بيع والشارت له ساعتين نازل يعكس ويعطي طلوع على ساعتين ثانيه !!! مو مره ولامرتين ولاعشر هالشىء يصير معي ويصير مع اغلب اللي يتداولون بهالمنصه !!! وبلغت الشركه بهالشىء ، الامر صار سرقه مو تداول !! اخيرا : انا شخصيا سلمان الشمري ابرىء لله من كل مايتعلق بهالمنصه من دجل وكذب وسرقه اموال الناس كما بديت سابقا بالصدق انهي هذه المرحله بالصدق مع متابعيني ايضا بعد ماقررت هالقرار واللي اعتبره شى مفصلي بحياتي لان هالمنصه كانت تدخل علي شهريا لايقل عن ٢٠ الف ولكن اضحي فيها اولا ارضاء لنفسي وارضاء لمتابعيني وليس انا اللي يوهم الناس على منصه كذابه ! يعلم الله وربي شاهد ع كلامي ان هالمنصه سابقا كانت منصه تداول ليس فيها احتيال ولا سرقه ولاغيره ولكن منذ ست اشهر اي من قبل رمضان الماضي الموضوع صار علني وصارت السرقه بوضح النهار بختصر عليكم الكلام بكلمتين وبختم فيهم كلامي انا اعتزلت هالمنصه منذ شهر ولكن القرار اتخذته قبل يومين ، رزقكم الله من واسع فضله وكرمه والله لايحدكم على هالمنصه الخايسه 📈 التقيكم على خير بمنصات اكثر صدقا واكثر احترافيه واكثر وضوحا 📊