𝘾𝙖𝙥𝙞𝙩𝙖𝙣𝙤𝙤

عمر كمال يكشف كواليس أزمته مع الحسين عموتة 🗣️ عمر كمال في تصريحات عبر برنامج "الكابتن" "أنا خلصت إعارتي من سيراميكا ووصلت رسالة على الجروب إن كل اللاعيبه هترجع في يوم محدد،رجعت واتقالنا إن الحسين عموتة عايز 30 لاعيب يشوفهم في الملعب، وهيستقر على مين يكمل ومين لا، واتمرنت أول أسبوع وثاني أسبوع حصل موقف اثبت لي حاجات لم أكن أتخيلها". "اتمرنت وكان فيه تقسيمة كانت فيها 3 فرق، الكابتن هشام المدرب العام قالي هتلبس قميص "موف"، وحسين عموتة قاله فيه فريق أخضر ناقص، فقالوا الثلاث فرق من جديد، واسمي اتقال في الفرقة اللي مش معايا، يعني لبست قميص مش مع فريقي، فأخبرت الكابتن أن الكابتن هشام قالي هتلبس "موف" فبيراجع قالي إنت مش لابس أخضر ليه، ولقيت رد فعل مش طبيعي بطريقة مش متخيلها في حياتي". "الحسين عموتة قال ليا أنت مش دريان بنفسك أنت مش عارف حاجة ولا فاهم حاجة، قولتله يا كابتن .. قاطع كلامي وقالي "هششش أسكت أسكت" أنت مش عارف حاجة،أنا مش بعرف أتطاول وقولت له متتكلمش معايا كده وأديته ضهري ومشيت والمدرب العام مشي ورايا وطول التمرين مش شايف والكابتن هشام اتأسف وفضل يومين يقولي متزعلش حقك عليا، والموضوع عدى وانتهى".