Jahon adabiyoti durdonalari Jahon adabiyoti kitoblari

Чўллар орасида боғлар кўринди, Кўзни қамаштирган тоғлар кўринди. Суҳбатдош изладим, ҳайтовур охир Телбалар ичида соғлар кўринди. @Xayrulla_Hamidov_adabiyot

21 март-Ўзбекнинг буюк шоири Абдулла Орипов туғилган кун! ВАТАНИМ Ҳар бир уйда айғоқчи, Ҳар қадамда искович, Одамни кўрса қочар, Бедовларинг ҳуркович. Ошингга заҳар солди, Ғанимларинг бир ҳовуч, Ёвузларнинг қўлида Гулдай ватаним қолди, Бошида паноҳи йўқ Тулдай ватаним қолди. Нон бермайди ва лекин Нон еганни ўлдирар, Ўсиб турган ниҳолни Аёз каби сўлдирар. Бозор бормай қўйнингни Пуч ёнғоққа тўлдирар, Ёвузларнинг қўлида Гулдай ватаним қолди, Бошида паноҳи йўқ Тулдай ватаним қолди. Ҳар кўчада минг миршаб, Ҳар гўшада авахта, Ҳақ деганнинг оғзи берк, Қон ютар лахта-лахта. Ўзи-ку пахта эккан, Ёстиғи бўлди тахта, Ёвузларнинг қўлида Гулдай ватаним қолди, Бошида паноҳи йўқ Тулдай ватаним қолди. Илму ирфон жаҳолат Ғорига кириб кетди, Ўлик тирикдан ўтди, Тирик ўликдан ўтди. Адолат истаб борсанг Ёлғон тиршайиб кутди, Ёвузларнинг қўлида Гулдай ватаним қолди, Бошида паноҳи йўқ Тулдай ватаним қолди. Қайларгадир йўқолди Меҳр билан муҳаббат, Қўлида ханжар ушлаб, Адоват қолди фақат. Ёмон гап арзон-гаров, Яхши гап бўлди қаҳат, Ёвузларнинг қўлида Гулдай ватаним қолди, Бошида паноҳи йўқ Тулдай ватаним қолди. Тўғригўйлар бир четда, Эъзоздадир иғвогар, Қайтдик ўрта асрга, Одам пуллар савдогар. Минг йиллик хазинангни Талаб ётар ўғри, ғар, Ёвузларнинг қўлида Гулдай ватаним қолди, Бошида паноҳи йўқ Тулдай ватаним қолди. Ўлиб ҳам бўлмай қолди, Ювғич урар кафандан, Кимлардандир юққан кир Кетмас сира бадандан. Қуруқ ҳашаклар қолди Гуллаб турган чамандан, Ёвузларнинг қўлида Гулдай ватаним қолди, Бошида паноҳи йўқ Тулдай ватаним қолди. Қувган ҳам халқим дейди, Халқим дейди қочган ҳам, Лекин халқнинг аҳволин Ўйламас бирор одам. Жаллод ҳам халқ номидан Ўқир фармонни у дам, Ёвузларнинг қўлида Гулдай ватаним қолди, Бошида паноҳи йўқ Тулдай ватаним қолди. Турфа хил замонларни Кўрган битта инсонман, Гоҳ фахр этсам, гоҳо Баридан пушаймонман. Нетайки мен на Хорун, На ёки Сулаймонман, Ёвузларнинг қўлида Гулдай ватаним қолди, Бошида паноҳи йўқ Тулдай ватаним қолди. Барчасига сабабдир Асли нафснинг балоси, Меҳнаткаш халқнинг эса Ечилмас муддаоси, Иншооллоҳ, бандага Боққай бир кун Худоси, Ёвузларнинг қўлида Гулдай ватаним қолди, Бошида паноҳи йўқ Тулдай ватаним қолди. https://t.me/Najmiddin_Ermatov

Бир йигит масжид имоми олидага келдида деди: — Мен бошқа масжидга келмайман. — Не сабаб? — Мен масжидга келиб биров хақида ёмон гапирган одамларни кўрдим. Намоз ўқиб туриб гуноҳ қилган одамларни кўрдим. Аёлларни беҳурмат қилган, орқасидан ғийбат қилганларни ҳам кўрдим, бу мен кўрган бир неча воқеалар холос... — Яхши, фақат кетишдан аввал мени бир илтимосимни бажар: сув тўла финжон ол ва масжид бўйлаб 3 марта айлан, фақат финжондаги сувнинг бир томчиси хам ерга тушмасин. Шундан сўнг, агар келгин келмаса, майли масжидга келма. Йигит, бундан онсон иш йўқ деб ўйлади! У худди имом сўрагандак мусжид бўйлаб 3 марта айланди. Имом ундан сўради: — Сен сув билан айланган чоғинг, бир киши бошқа биродари хақида ёмон гапирганини эшитдинг ёки кўрдингми? — Сабабини билдингми? — Йўқ. — Сен финжондаги сувни тўкиб юбормаслик учун, бутун вужудинг билан эътиборни унга қаратдинг. Шу сабаб атрофингдаги кераксиз сухбатларга, керакмас ахборотларга эътибор бермадинг. Ҳаётимиз ҳам худди шундай. Қачонки бизнинг эътиборимиз фақат яратганга қаратилса, ибодатларимизни уни ҳис қилиб адо этсак, бировларнинг хатоларини кўришга вақтимиз қолмайди. Энди, хоҳласанг масжидга кел, агар буни хоҳламасанг ихтиёр ўзингда! Doimo yaxshilik tilab xolis niyat sari @jahon_adabiyoti_kitoblari telegram kanali

Айтолмай юрасан, сезиб юрасан, Қочиб кетолмайсан, безиб юрасан. Эсламоқ азоби! Бор бўлсин, Тангрим! Эслатиб дунёмни бузиб юрасан. Қоши билан кўзи ароларини, Кўзларин тубини қароларини. Эслайсан – қайтадан қонатадирсан, Дилнинг энг табаррук яроларини. Бул оғриқ тунларнинг малҳамларидир, Кундуз хаёлингнинг маҳрамларидир. Қайдадир борлигин билганинг – ёмон, Шу “ёмон” йилларнинг мотамларидир. Адашмоқ бахти ҳам паноҳ демишлар, Гуноҳдан қочмоқ ҳам гуноҳ демишлар. Йўлларинг адашса ул томонларга, Юрак ўзин осар – огоҳ, демишлар! Айтолмай юраман, сезиб юраман, Оғриқсиз кунлардан безиб юраман. Эслаб бир бандангнинг мунис тарзини, Тангрим, қонунларни бузиб юраман. Одамлик занжирин узиб юраман. Шодмонқул САЛОМ Manbaa Doimo yaxshilik tilab xolis niyat sari @jahon_adabiyoti_kitoblari telegram kanali.

ЎЗБЕК КЕЛАЁТИР Бу шеър Озарбайжон шоири Акиф Багир шеъридан таъсирланган ҳолда ёзилган. Бобоси Темурда, бобоси Бобур, Мағриб, Машриқ Ҳинду бўйсунган Кобул, Ор ва номусини кўтариб дадил, Тарихи уч минг йил ёки наридан, Ўзбек келаётир тарих қаъридан. Дунёга дарс берган қилган ишлари, Айни хақиқатдур Алпомишлари, Бағрини тешгандур шаштини эмас, Чингизхоннинг отган ўткир нишлари, Тупроғи бебаҳо ёвнинг заҳридан, Ўзбек келаётир тарих қаъридан. Мусофир тўнини кийган эгнига, Бобур ким? - сўранг сиз Тожимаҳалдан, Самарқанднинг Мирзо Улуғбекига, Юлдуз салом берган шому саҳардан, Боболари буюк бўлган баъридан, Ўзбек келаётир тарих қаъридан. Америка, ҳайратга солган дунёни Ўзбек топди, кимлар қадамин қўйган, Колумб ёқасига келмай уммони, Беруний қаламда кашф этиб бўлган. Манзил жаннатмисол ернинг бағридан, Ўзбек келаётир тарих қаъридан. Ёвга ёл бермаган Жалолиддинлар Чингизхон пойини ўпиб ётмаган. Гувоҳлик беради ўткинчи йиллар, Жонидан кечгану, Ватан сотмаган. Ўзбек ким? - сўранг сиз сувнинг заҳридан, Ўзбек келаётир тарих қаъридан. Қўли устун келди сариқ мўйлаблар, Топталди Исломнинг иймон сирлари, Тоғу тош уй бўлди, бошпана қирлар, Ор талашиб ўлгандир- Босмачилар, Ор деб ўтган ўша жоннинг баҳридан, Ўзбек келаётир тарих қаъридан. Осмонга йўл олган биринчи бўлиб Расадхона деган нарвонларида. Келмоқда ўтмиши қоғозга тўлиб, Тарихнинг тўхтамас карвонларида, Фарқи йўқ вафода асаларидан, Ўзбек келаётир тарих қаъридан. Шоир Ўктам Осмон Doimo yaxshilik tilab xolis niyat sari @jahon_adabiyoti_kitoblari telegram kanali.

*  *  * Мен сенинг бўйингни кўрдим олисдан.   Яна тўлиб-тошди сеҳрга дунё! Маҳрумман ёнингга бўзлаб боришдан,        Қаршингда сўз топмай, бир зум қолишдан… Фақат тилга келди бир сўз:                                               - Худо-ё! Минг рангли камалак дардга чўлғондим, Оғриқлар – азоблар нақадар гўзал! Ғафлат уйқусидан илкис уйғондим, Гулшаън ҳасратларда ажиб тўлғондим - Ҳаёт қайтган каби, кетгандай ажал!  Қисматимни  эса сезаман ҳар дам - Аъмолдан толени бўлурму юлиб?.. Кўкка боқдим: гўё хотирдан униб -   Сузиб келаётир аллақайлардан           Иккимиз томоша айлаган булут. Усмон Азим Manbaa Doimo yaxshilik tilab xolis niyat sari @jahon_adabiyoti_kitoblari telegram kanali.

Saodat asri qissalari 1 - qism Saodat asri qissalari 2 - qism Saodat asri qissalari 3 - qism Saodat asri qissalari 4 - qism Stendal Qizil va qora Amir Temur saltanatida xavfsizlik xizmati Mixail Ivanin. Ikki buyuk sarkarda Chingizxon va Amir Temur. Men Kim sohibqiron Jahongir Temur Sharafiddin Ali Yazdiniy Zafarnoma Jim Collins - Good to great (Rus tilida) Imom G'azzoliy Ey farzand Iogann Volfgang Gyote - Yosh Verterning iztiroblari Alber Kamyu - Vabo Sharl Loran - Napaleonning ayg'oqchisi Sharl Loran - Napaleonzoda Rashod Nuri Guntekin - Yashil kecha (roman) Jon Khexo - G'ayriixtiyoriy ong mo'jizalari #royxat Doimo yaxshilik tilab xolis niyat sari @jahon_adabiyoti_kitoblari telegram kanali.

“Муваффақиятсизликнинг энг кенг тарқалган сабабларидан бири — биринчи омадсизликдаёқ ишдан воз кечишдир”. “Қатъийлик — уар қандай катта-кичик ютуқларнинг тамал тошидир. Кучли эркак қатъиятли бола томонидан енгилиши мумкин. Ўз вазифангиз хақидаги тасаввурингизни ўзгартиринг, шунда сизга бугун эришишнинг иложи йўқдек кўринадиган нарсаларга эришасиз”. Доимо яхшилик тилаб холис ният сари @jahon_adabiyoti_kitoblari телеграм канали

Xayrli tong!

Austria, Vena kutubxonasi 1905-yilda tashkil etilgan. Doimo yaxshilik tilab xolis niyat sari @jahon_adabiyoti_kitoblari telegram kanali

Ba'zan juda aqlli bo'lib ketgandeksan, lekin kitoblaring oldiga kelganda o'z zaifligingni sezib sekin jilmayib yana kitob dunyosiga cho'milarkansan sen yana va yana bilimlar makonidan ozuqa olish zavqini his etaverasan... Doimo yaxshilik tilab xolis niyat sari @jahon_adabiyoti_kitoblari telegram kanali.

Кулган бошқалардир, йиғлаган менман, Ўйнаган бошқалар, инграган менман. Эрк эртакларини эшитган бошқа, Қуллик қўшиғини тинглаган менман... Бошқада қанот бор, кўкка учадир, Шохларга қўнадир, боғда яйрайдир. Сўзлари садафдек, товуши найдек Куйини ҳар ерда элга сайрайдир. Менда-да қанот бор, лекин боғланган... Боғ йўқдир, шох йўқдир, қалин девор бор; Сўзлари садафдек, товуши найдек Куйим бор... уни-да деворлар тинглар... Эркин бошқалардир, қамалган менман, Ҳайвон қаторида саналган менман... Чўлпон. Doimo yaxshilik tilab xolis niyat sari @jahon_adabiyoti_kitoblari telegram kanali

Muvaffaqiyat qozonish juda oson. Nima to'g'ri bo'lsa to'g'ri vaqtda va to'g'ri joyda uni bajar! Arnold H. Glasow Doimo yaxshilik tilab xolis niyat sari @jahon_adabiyoti_kitoblari telegram kanali.

Agar o'zingiz yashayotgan davlat tilini bilmas ekansiz, unda siz yo telbasiz yoki bosqinchi. Mahatma Gandi Doimo yaxshilik tilab xolis niyat sari @jahon_adabiyoti_kitoblari telegram kanali.

Xayrli tun Doimo yaxshilik tilab xolis niyat sari @jahon_adabiyoti_kitoblari telegram kanali