﮼غنى 🤎🌻 .

إظهار الفرحة بقدوم العيد من تعظيم شعائر الله "ذَٰلِكَ وَمَن يُعَظِّمْ شَعَائِرَ اللَّهِ فَإِنَّهَا مِن تَقْوَى الْقُلُوبِ" مرحبًا بالشعائر التي نُحب ونُعَظِّم قلبًا وقالِبًا عيدكم مُبارك، وكل عام وأنتم بخير، وقلوبُكم فرحانة، ودعاؤكم مقبول، وخواطركم مجبورة، وأملكم في الله غير خائب.

استجاب، ولكنّه يُهيّء الأسباب.🤍

واخيرًا استودعوا الله كل اللي دعيتوه و استودعوا الله كل شخص تحبوه و كل شيء خاطركم فيه استودعوه الله اللي ف ودائع الله ما تضيعش ✅

حاولوا بكرا انكم تستغلوا كل دقيقه لان يوم عظيم بكل معنى الكلمة و الدعوات فيه لا ترد ادعوا و الحو بالدعاء ربي يحب العبد اللحوح وربي يعطي كل شخص ما في بالة يا رب 🥺

خصصو ساعة لـ الصلاة الابراهيمية بدون عدد يعني ساعة بزبط صلاة ابراهيمية بنية استجابة دعواتكم ولازم يكون الدعاء بيقين 🤍 ادعوا الله ان يغفر ذنوبكم و يثبت الصلاة ف قلوبكم و يرزقكم الهداية و رضى الله.. و متنسوش تدعوا لموتانا بالرحمة و المغفرة و العتق من النار هما محتاجين دعاء بكل :(

النّاس اللي مازال مش عارفة اترتب دعواتها ، خوذي ورقة او في مذكرة الهاتف وقسميها لثلاثه -دعوات الآخرة وهذي ضرورية جداً اتكون في قائمة دعواتك ، من الأخطاء اللي يقع فيها أغلبنا إنه يدعي بأمور الدّنيا ع طول ، هذيم هما النّاس اللي الله عز وجل قال فيهم " ومن النّاس من يقول ربّنا ءاتنا في الدّنيا وماله في الآخرة من خلاق " والأفضل هما اللي يدعوا للدنيا والآخرة " ومنهم من يقول ربّنا ءاتنا في الدّنيا حسنة وفي الآخرة حسنه وقنا عذاب النّار " ف رد بالك اتكوني من الفئة الأولى ، ديما لما تدعي خليك حريصة على طلب الآخرة كيف ما تطلبي الدنيا اتقوليلي بس مش عارفة شن ندعي للآخرة!؟ بسيطه ....ادعيه إنه يرضى عنك ويحبك و يجعل همك الآخرة، ويرزقك العافية في الدين والدنيا "وهنا افضل دعاء بالعافية هو دعاء النّبي عليه الصلاة والسلام" ادعيه يرزقك قوة اليقين فيه وحسن الظن فيه وصدق التّوكل عليه ، والله اللي يُرزق قوى اليقين بالله الحياة حتتغير معاه وفي نظره ، ادعيه يهديك ويهدي قلبك ، و يؤتيك في الدنيا حسنة وفي الآخرة حسنه ويقيك عذاب النار ، ادعيه يُحييك الحياة الطيبة ، ويهون عليك سكرات الموت و يجعل آخر قولك ف الدنيا لا إله إلا الله ، وينجيك من فتنة المحيا والممات ويثبتك عند السؤال ويثبتك عالصراط ، ويشفّع النبي عليه الصلاة والسلام فيك ، ويرزقك الفردوس الاعلى بلا حساب ولا عذاب ، ويرزقك صحبة النبي عليه الصلاة والسلام والنظر لوجه الله الكريم، ادعيه يجعل في الدّنيا من أهل الإحسان لا من أهل الإمتحان ، ويهب لك من نعيم الدنيا والآخرى حتى ترضى، ويجعلك من سعداء الدارين و يرزقك الإخلاص ف القول والعمل و يطهر قلبك من النفاق وأعمالك من الرياء ولسانك من الكذب و يتولاك في من تولى ، ويجعلك مفتاح للخير و مايعلقش قلبي بغيره تعالي لدعوات الدّنيا وتبديها بدعواتك لنفسك، اكتبي من أبسط وأصغر شي إنت تبيه لأكثر شي اتشوفيه صعب ومستحيل ومش ممكن .. نجاح ، زواج ، شغل ، زيادة وزن ، جمال، علاج بشرة ، صفة في شخصيتك تبي تتخلصي منها او صفة حابة تكتسبيها ، سفر ، فلوس علاج ، طرف شوكلاطه ، ورده ، سيارة ، ايفون ، مكتبة كتب ، سعادة ، رزق واسع ، راحت بال ، رضى ، ذرية ..اللي تبيه كله اكتبيه ، لكن كوني حريصة بما تدعي بشي ماتكتفيش بالدعاء بيه وبس ادعي بيه يرزقك الله بيه من أحسن مايكون وف أفضل حال وإنت بصحه وعافيه و ادعي ربي يتمم عليك فضله ويباركلك في هالشي ويكتبلك فيه الخير واجد بكل تدعي بزواج بس ولما تزوج تتمنى لو ماتزوجت ، فالصح إنك تدعي يزوجك الله الرجل الصالح الهين اللين اللي يعينك ع طاعة الله ويجعل بينكم مودة ورحمه ويسعدكم ويباركلك فيه ويباركله فيك تدعي بفلوس..ادعيه إنه يرزقك الرزق الحلال ويباركلك فيهن وتصرفيهن وانت بصحه وعافيه ويجغله رزق يقربك منه مايبعدك عنه ويخليك تطغي ف الأرض ، في ناس يدعو بفلوس ولمااتجيهم الفلوس يكونوا مرضى فيصرفوها ع علاج و أدويه ، وغيرهم يدعوا بالغنى ولما يغنيهم الله يطغوا ف الأرض تدعي بالذرية ...ادعيه يرزقك الذرية المعافاة بكامل صحتهم وعافيتهم ويعينك على تربيتهم التربية الصالحه اللي ترضيه عنك وهكذا ... -دعواتك للغير هذي دعوات والديك وأهلك و زوجك أو خطيبك ، حتى زوجك المستقبلي بالنسبة للسناقل ادعيله واجد ، دعواتك لأولادك ، وصحباتك ولكل حد تعرفيه ، ادعيلهم بالخير كله والرضى والصحه والعافية والسعادة والرزق وإن الله يناول كل حد مسألته ويجبر بخاطر كل حد فيهم ، ادعي وللمسلمين عامة ولموتى المسلمين +ضروري بكل تدعي بالشي اللي تبيه لحد تعرفيه الملك حيدعيلك بالتالي الإستجابة تكون أسرع وتذكروني بدعوة إنتن كريمات ونا نستاهل 🤍، ادعولي يحفظلي ربي ماما و يشفيها ويعيني ع برها ومايوريني فيها شر 🥺 ماتنسيش اتخصصي نص ساعة اقل شي للصلاة ع النّبي بدل الدعاء ، استقبلي القبلة وارفعي يدك وانوي انك اتخلي كل دعاك هالنص ساعة صلاة ابراهيمية عشان الله يرضى عنك ويرضيك ويكفيك همك .. وبس🤍