Finfinnee tube
Finfinnee tube irratti oduu, odeessaa fi taateewwan haaraa Itoophiyaa, Afriikaa fi guutuu addunyaa irratti ta’an argattu. Yeroo mara waan haaraa jiru baruuf
Show more1 190
Subscribers
No data24 hours
No data7 days
No data30 days
- Subscribers
- Post coverage
- ER - engagement ratio
Data loading in progress...
Subscriber growth rate
Data loading in progress...
Photo unavailableShow in Telegram
“Yaawu Zaranyaadha naan jedhu, akkuma duratti jedhan sana.
Maqaa tokko dhiisii lama, sadii, afurillee haa baasan. Ani
kanaaf waanan sodaadhu hin qabu! Kun waan nama
sodaachisus miti. Nuti ni sodaachisna malee hin sodaannu! Of
ta’aa! Namni of hin taane biyyaafis, firaafis ollaafis hin ta’u!
Nuti ijoolleen keenya afaansheetiin haa barattu, amantaan haa
babal’atu jenne. Isaanimmoo lafaafi qabeenyaa dhabna
jedhanii dhiphatu malee waan biraa miti!”
(Abbaa Saawiroos)
Kutannoo!
Photo unavailableShow in Telegram
#OduuAagaati - Gaaffii namoota hedduu keessattuu Hayyoota Barnoota Sad. Olaanaa irraa #HiikkaanDookumantii Gugiilii
Afaan Oromoo maaliif eegaluu dhabe jechaa turtan, kunoo
Egalchiifne. #waliifdabarsaa
Qorattootni, Qo'attootni, Barreesitootni, Barsiisotni,
Barattootni, Dookumantii Fuulota heddu qabu Hiikkachuuf yeroo fi baasii guddaadhaaf saaxilamaa turaniiru, kanaan walqabatee hedduun keessan guyyaa kana Abdiin eegaa akka turtan nan beeka, namoota qaamaanis tahee keessaan na gaafatanis guyyaa kana aka eegan hubachiisuuf yaalaa ture.
Amma Guyyaan sun kunooti, Dookumantii Fuulota heddu qabu yeroo takaan olfeetanii daqiiqaa 1 keessatti Afaan
barbaddanitti jijjiiruu ykn Afaan barbaaddan irraa Afaan
Oromootti jijjiirachuuf hulaan banameera.
BAGA GAMMAADDAN, Congratulations!
Haa tahuu malee Haalli hojii Hiikkaa Afaan Oromoo Google irra jiru sirnaan hojjatameera jechuu miti, kana gareen keenya sirritti hubata, Gareen Damee Hiikkaa Afaanota Itoophiyaa Google Crowdsource - Ethiopia tis sirritti hubanna.
via BBC News Afaan Oromoo - Oduu https://ift.tt/ZLn81uy
'Mana hin turre malee silaa akkuma Abbootii Gadaa Karrayyuutti na ajjeesuuf turan' - Abbaa Gadaa Goobana Holaa
'Mana hin turre malee silaa akkuma Abbootii Gadaa Karrayyuutti na ajjeesuuf turan' - Abbaa Gadaa Goobana Holaa
Dhume kaa sabni koo
Dacheen dhiiga taatee
Boollis afaan bantee
Ol adeemaa sooratte
~
Xiqqaatu boo'a cichee
Guddaanis akkaasumaa
Rakkinni keenya kuni
Jarana yoom dhumaa
~
Sabni nagaan bahee
Nagaan galuu dadhabee
Beekanis wallaalaan
Karaa gubbaatti cabee
~
Yaa bara yaa bara
Kan Oromooti jabaattu
Yoomuma dhufa laata
Barri sabaa koof mijattu
"Nan beeka yaa aayyee….!
Ta’usaa nan beeka, dubbii akka cookkoo
Yoon hin boowu jedhe, du’a intalakeetii du’a obboleettiikoo
Hin boowu yoon jedhe, du’a ilmakeetii, dua obboleessakoo;
hallaallicha gurbaa
Hin boowu yoon jedhe, du’a obboleettiikee, dua adaadaakoo
ulfa ji’a torbaa
Ofiimee yaa dayee…,
Inni harma mursiisuu fi, inni ulfa ajeesisu addaddummaa qabaa?
*
Nan beeka yaa aayyee….
Ta’usaa nan beeka, dubbii akka cookkoo
Hin boowu yoon jedhe, du’a jaarsa abbaakee, du’a akaakayyuukoo
Yoon hin boowu jedhe, du’a dayeekeetii, du’a ishee anaaf akkoo;
*
Yoom roobee, yoom caamee, maan ijakoo cuunfaa?
Yoom hoodee xumuree, maal gammadeen kolfaa?
Yookaan, jalbultii roorrooti, yookaan geggeessoo gidiraa
Xumura garbummaa, yookaan dhufa dhipuu haaraa
Yookaan dhalachuufi, yookaan, gatachuufoo jira
Yookaan, nuyi qaqqabatu ammas dhufee taraa
Yookaan in mijaawaa, yookaan infashala
Yookaan, manii gaha, yookaan, karaa bulaa
Kanaafuu yaa dayee…
Lammiikoo isa du’eef, lakkii anoo hin boowuu geeraraan awwaalaa.
***
Atis, qusadhu imimmaankee, guyyaan tokko in dhufaa
Gidiraanis darbee, dukkanis inifaa
Gaafa tokko taanu, boolli amuummates ofiisaan of cufaa
Gaafa walii gallee, aangoon nu cunqursus, lafa dhayee kufaa;
Kunoo bara sanaaf qusadhu imimmaankee, baras gadda teenyaa
Yoo fedhe in kofallaa, fedhe harqinee boonyaa.
Kanaafuu yaa giifti….
Qananii imimmaanii fi gammachuun kunuunuu
Booda itti deebina ammaaf yeroo hin qabnu
Ciriqii nu hudhee cabsee bahuu gayes, yaabnee gad haa qabnu
Fedhiinsaa utuu jiruu, lakkii hin jiru haa jennu
Miira haaleejjifannu, miira haa adoochinu"
Dr Zelealem Aberra
Go to Home
Jawar Mohammed
Dhumaatiin ummataa Oromiyaa keessatti geggeeffamaa jiru
irratti maaf hin dubbanne komiin jedhu hedduutu dhufa. Gama
tokkoon komii sirriiti. Gama biraan garuu maal haa baasuuf
dhama raasuunis jira. Osoo dubbachuun bu'aa buusee, osoo
haalli hangana hin babbadin hamma laagaan keenya goggoguu
waywaanne. Lubbuu teenya qabsiifnee ummata keessa
deemnee gorfanne. Ol deebine hogganoota gama hundaafuu
waan argine gabaafnee akka osoo dubbiin daran wal hinxaxne
furan kadhanne. Gaafa dhumaatiin kun akka dhufu timaamuun
waywaannu aanaalee takkaafi lama qofatu jeequmsaan
hubmaa ture. Har'a godinni Oromiyaa lolli keessatti hin
godhamne, kan namni keessatti hin dhumne hin jiru. Dhugaa
haa dubbannu yoo jenne lakkofsi ilmaan Oromoo waggoota
afran kana ajjeefamanii kan bara Wayyaaneefi Darguu walitti
dabalatee ni caala. Har'a ummanni keenya miliyoonotaan qe'e
isaarraa buqqa'ee rakkoo hamaa keessa jira. Dargaggeessi
Oromiyaa misoomsuuf barate gamaa gamanaan hidhatee
walfixaa jira. Kuni qaanii dubbachuuf nama sururuudha.
Har'as waanuma kaleessaa waywaachaa baane jenna. Maddi
lola kanaa wal dhibdee siyaasaati. Mariin malee madfiin hin
furamtu. Akkuma Kaabatti agarre, hammamuu dheeratu lolli
kun marimaan dhumuuf taa'a. Waan hin oolleef miskiina
lafarraa fixuun, biyya hiyyeettii daran unkuteessuun haa
dhaabbatu.
Rakkoo Itoophiyaa Kaabatti nagaan furree, Oromiyaatti lolaan
fixna jechuun of sobuudha. Mana cinaa tokkoon gubaa cinaa
biraan kabuun walfakkaata. Oromiyaan dhiigaa Itoophiyaan
jaaramtu hin jirtu. Its matter of geography and demography.
Balaan Oromiyaa ummatootaafi naannota mara akka tuqu
kaleessa hubachuun dadhabamus har'a ragaan guyya guyyaan
mul'ata.
Rakko gama Kaaba biyyattii araaraan fixuuf yaaluun abdii
horee jira. Garuu hamma kan Oromiyaas karaa nagaa hin
qabannetti, yaaliin araaraa Kaabaas carraan milkaayuu isaa
xiqqaadha. Itoophiyaa gaaga'ama ishii mudaterraa baraarree
biyya hundaaf taatu jaaruu yoo barbaannee walwaraansi roga
hundaan godhamaa jiru dhaabbachuu qaba. Kanaan alatti
fuuldurri ummataafi biyya sanii guyyama guyyaan hamataa
deema.
Photo unavailableShow in Telegram
“Atis dhuftee adeeroo?
Guddaa angafa koo
Qooree jiraa laata
Imimmaan saba koo?
Qeerroofi qarreen biyyaa
Maal sitti dhaamanii?
Gumaa koo baasanii?
Siidaa koo dhaabanii?
Gaaffiin Oromoo koo
Inni waggaa dheeraa
Erga ani deemee
Deebii argateeraa?”
Photo unavailableShow in Telegram
Seenaafi dhalootarraa
Siif taa’eera bakki
Ni duute siin jennaa?
Ati hin duune lakki!
Nagaan boqodhu!
via BBC News Afaan Oromoo - Oduu https://ift.tt/K4DMilj
Wallagga Bahaa Magaalaa Naqamteetti maaltu tahe?
Wallaga Bahaa Magaalaa Naqamteetti maaltu tahe?
AKKAM SIIF TA'U?
Akka Laggasaa Wagii Du'ee siif wareegamuu?
Akka Nadhii Gammadaa As buutee siif dhabamuu?
Akka Eebbisaa Addunyaa Lafarra harkifamuu?
Akka Maammoo Mazammiir Guyyaa siif Fannifamuu?
Akka Abbabaa Biqilaa Miilakoo duwwaa fiiguu?
Akka Badhoo Dilgaasaa Gurmuu diinotaa diiguu?
Akka Goobana Daaccee Diina lammiitti Firoomuu?
Akka Qadiidaa Wandhabee Biyya gurguree duroomuu?
Akka Agarii ilma Tulluu Qawweedhan dadhabamuu? Moo akka Abishee Garbaa Jaarsummaan siif sobamuu?
Akka Baalchaa Saafoo Lolee diina dachaasuu?
Akka Garasuu Dhukii Ka'ee baandaa mancaasuu? Paastaa harkaa harcaasuu?
Akka Waaqoo Guutuu Garbummaa buqqisuu? Hangan du'utti lolee Ilmaan itti guddisuu?
Akka Elemoo Qilxuu Diina biyyarraa qoluu?
Akka Alamuu Qixxeessaa Lammii tokkoomsee loluu?
Akka Abdiisaa Aagaa Hidhaa cabsee sii ba'uu?
Koloneel Aliyyii Cirrii ta'ee Xiyyaara lafaan dha'uu?
Akka Taaddasaa Birruu Maandeellaa siif leenjisuu?
Akka Usmaayyoo Mussaa Geeraree siif weeddisuu?
Akka Qeerroo Nageessoo Qeerrummaan kolaafamuu?
Akka Leenjisoo Diigaa Summidhaan ajjeefamuu?
Akka Bakar Waaree lolee Miila tokko siif laadhuu?
Akka H/Aadam Saaddoo Waraqaa iccitii nyaadhuu?
Akka Haacee Hundeessaa Rasaasaan siif gubadhuu?
Akka Daadhii Galaan Gaaffii sabaa gaafadhuu?
Akka qeerroo Oromoo Diinatti iyyee caraanuu?
Akka dhaloota qubee Qalamaan diina waraanuu?
Mee kaa Yoomi?........
Kan hidhaan kun hiikamuu
Kan sakaallaan kutamuu
Kan dhugaan bade galuu
Kan lammiin walii maluu
Kan facaafanne daraare Asheetee firii godhataa?
Boraatiin koo naaf tolee Cinaachi koo boqataa?
Abjuun naaf milkaa'ee Hirriibni na fudhataa
Mee akkam siif ta'u?.......
Waan siif ta'uun dhabee Qaamaf qalbiidhaa cabee Yogguman maal siif ta'e Kan biiftuun dhugaa baatu? Ooyiruu abbaan qotee Kan alaa dhufaan nyaatu
Dhiigakoo dhangalaasee Daangaa keetiin sararuu?
Lafee koo itti caccabsee Galma keetiin ijaaruu?
@Oromiannewss