مصيبِيح⚘'.

اتغاضى عنك لاكن تعديت الحدود ‏وش اسوي معك والصد والهجر اجهرا ‏لا متى وانا اترجّا الوعايد والعهود ‏لا تشالا الجرح الاول تبيعه ما برا .

ودي أبكي فوق قبره ألين أسقي ثراه جعل تفداه المدامع وتفداه العيون .

مايهز معرب الجد ويحطه كسير كون ميلات المحبه وخله ليّا طرا .

عسفت الصعايب لين راحت وجيه عداي ‏من الغبن يسفي فوق هاماتها السافي ‏نجاحي مكفّي عن تعب رمحي وشلفاي ‏كشف لي من الكذاب والصاحب الوافي ‏تراكيت يوم الناس بانت على مركاي ‏ولا عاد به شيٍ مغطّى ولا خافي ‏هل الطيب والمعروف شفهم على يمناي ‏وهل الخبث وعلوم الردى شفهم خلافي .

شرعت ( يبّاس ) المعاليق لـ الريح ‏وأخضرّت عروق الصبا و الأغاني ‏قلت أصنع بخيط الأمـاني مراجيح ‏وأعود لك طفلٍ يضج المحاني .

لبى العيون ورمشّها والحجاجين ‏ولبى المعنق والنحر والنهودي ‏ولبى يدٍ ماحّط فيها غدى زين ‏ولبى النعومه والدلع والركودي ‏ولبى الكلام الذرب واللطف واللين ‏ولبى اشقرٍ كده على دهن عودي ‏ولبى هلك لعيونك اليوم غاليين ‏ولبى خوالك كلهم والجدودي .

قد لي ثلاث ايام مانيب هادي ‏راحت ملامح وجهي اشكال والوان ‏لا مالت الفيّة وهب البرادي ‏وناح الحمام اللي على خضر الاغصان ‏ذكرني القمري ضبّي الحمادي ‏غروٍ سلب عقلي وجنني جنان ‏غالي وحبه نازلٍ في فوادي ‏مستلزمٍ قلبي بخدرات الاعيان .

حدّوه عني وأنا حدّيت من دونه ‏مالي جدا الا البكي وكثر التنهاتي ‏يبكي وأنا ابكي و كلٍ تسهر عيونه ‏يا حمود ويلي على وقتٍ لنا فاتي ‏يا حمود يا ليتكم ليّه تردّونه ‏ودي أقزر معه لو بعض الاوقاتي ‏يا حمود قلبي حزين وباح مكنونه ‏و صويحبي ماسمع يا حمود وناتي .

تجي ضحكتك في بالي المرهق المرتاب ‏مثل لفحة النسناس في وجه متوضّي .

ما أرد فنجال صدك وأنت مديته ‏يمناك عندي حشيمه كيف أعذربها .

العام صَدري وسِيع ولا اعرف الضّيق ‏واليوم لا والله , ادنى شي يوجعني .

تقهويني فنجالك غلا وماردّ لك فنجال ‏ لك الله لو تمرّ سنين ماهزيت فنجالي .

الله خلقني كذا ماحّب طول الجدال ‏والمخطي اسرّحه ، والطيّب اقدره .

محتار م بين إندفاعي والركود ‏أنا رقيق إحساس لكني حذر .

تعال اقهويك من دله غرامك ، قصيد ‏ مزعفرهه منن غغلاك وطلتك هيلها .

ماهي خساره طيبتي بالردييين ‏محد جبرني بالعطا غير طبعي .

كلمة تعال ما ردها المكابر ساعة الفرقا ‏ردها عقلٍ مايرضى الخضوع ونفسٍ عزيزه .

ما وديّ أكتب فيك قصايد وشوقَ ‏وديّ أدقَ وأقول والله إني أحبكَ .

غيرك من الناس علمناه يلعب بعيد ‏ولا انت فالقلب تلعب مثل ماتشتهي .

طواريّك الجميلة ما تجي وأنا على مركاي ‏تجيني مع نسانيس البراد وحبكة الشاهي .