Tech Xtream

مؤسس تيليجرام يفتح النار على شركة آبل 🔫 باڤل دوروف مؤسس تيليجرام نشر بوست حاد على قناته على تيليجرام ووصف مستخدمي الآيفون بإنهم عبيد لشركة آبل. البوست كان تعليق على تقرير نشرته مجلة نيويورك تايمز عن موقف شركة آبل من الحكومة الصينية وطلبها تخزين بيانات المستخدمين الصينين في مراكز بيانات داخل الصين ومملوكة وبتدار من قبل شركة تابعة للحكومة. البيانات دي بتتخزن بدون تشفير بقرار من الحكومة.. ويقدر أي حد من الشركة بسهولة يوصل لبيانات المستخدمين. شركة آبل اختارت الموافقة بشكل أعمى على كل طلبات الحكومة الصينية والسماح ليها بالوصول والتجسس عل مستخدميها مقابل الاستمرار في بيع منتجاتها داخل السوق الصيني بدون مضايقات. باڤل اتكلم بردو عن معاناته لما بيستخدم الآيفون لتجربة التطبيق وإنه بيحس بإنه رجع للعصور الوسطى.. خصوصا إن معدل تحديث شاشات الآيفون لسه 60Hz في الوقت اللي شاشات الأندرويد وصلت 120Hz وده طبعا بيأثر بالسلب على جودة العرض وسلاسة الأنيميشن.

جروب الهاكرز DarkSide نجحوا في جني أرباح تخطت 90 مليون دولار في أقل من 10 شهور من خلال هجمات الفدية على الشركات. الجروب جمع المبلغ ده من 59 ضحية.. آخرهم شركة Colonial Pipeline أكبر شركة لنقل النفط في أمريكا واللي اضطرت لدفع 5 مليون دولار لاستعادة أنظمتها مرة تانية. جروب DarkSide حاليا في المركز الرابع بين أكبر مجموعات الهاكرز جنيا للأرباح من هجمات الفدية: 1️⃣ جروب Ryuk حقق +150 مليون دولار 2️⃣ جروب GandCrab حقق +150 مليون دولار 3️⃣ جروب REvil حقق +100 مليون دولار 4️⃣ جروب DarkSide حقق +90 مليون دولار 5️⃣ جروب Maze/Egregor حقق +65 مليون دولار

احذف تطبيق 365 Scores من موبايلك ❌ التطبيق مملوك لشركة صهيوnية 🐷

يا ريت الناس اللي بتستخدم ويندوز تعمل تحديث للويندوز حالا ♨️ التحديث الجديد بيعالج 55 ثغرة مكتشفة في بعض خدمات الويندوز.. منهم 5 ثغرات حرجة ☠️ تفعيل تحديث الويندوز من هنا 👇 Start > Settings > Update & Security > Windows Update

مشروع نظام الدفاع الجوي Iron Dome أو القبة الحديدية اللي عملها الكيان الصهيوني للتصدي للصواريخ اللي بيتم إطلاقها عليه سواء من لبنان أو من فلسطين أثبت فشله بعد ما شوفنا نسبة كبيرة من الصواريخ اللي تم إطلاقها نجحت في السقوط داخل الكيان. الفشل بس مش في تحقيق الهدف من المشروع وهو صد الصواريخ، ولكن بسبب تكلفة الباهظة اللي بتوصل 50 مليون دولار لكل بطارية، ومن 50-60 ألف دولار لكل صاروخ من صواريخ القبة الحديدية.. يعني هو بيضرب صاروخ بـ50 ألف دولار عشان يوقع صاروخ تكلفته لم تتجاوز مئات الدولارات وفي الآخر بيفشل بردو ! الفشل موقفش هنا.. عشرات الجنود اللي اشتغلوا في المشروع حصلتلهم مشاكل صحية بعد كدة وصلت للإصابة بالسرطان بسبب تعرضهم لفترات طويلة للإشعاع الكهرومغناطيسي المنبعث من بطاريات وصواريخ القبة الحديدية وهما حاليا رافعين قضايا تعويضات على وزارة الدفاع. معلش ❤️

شركة آبل رفضت الإفصاح عن اختراق 128 مليون مستخدم 😯 في ظل الحرب القضائية حاليا بين شركة EPIC وشركة آبل تم الإفراج عن إيميلات لحادثة اختراق حدثت في عام واتسببت في تلويث 128 مليون جهاز آيفون بمالوير (برمجية خبيثة). الاختراق تم بعد في نسخة ملوثة انتشرت على منتديات المطورين من برنامج Xcode.. ودي بيئة عمل بيتم استخدامها لبناء تطبيقات وبرامج لمنتجات شركة آبل. النسخة الملوثة دي كانت بتحقن أكواد خبيثة في التطبيقات اللي بيرفعها المطورين بدون ما يعرفوا.. ده نتج عنه وجود أكتر من 2500 تطبيق على المتجر مصاب بالمالوير منهم تطبيقات شهيرة زي WeChat وAngry Birds.. بإجمالي عدد تحميلات للتطبيقات المصابة أكثر من 203 مليون مرة. لحسن الحظ إن المالوير كانت مش متطورة بما يكفي قبل ما يتم اكتشافها، وكل اللي كانت بتعمله إنها تجمع بعض المعلومات عن الجهاز المصاب. المشكلة في الموضوع إن شركة آبل قررت عدم الإفصاح عن الاختراق وإعلام أصحاب الأجهزة المصابة بالمشكلة 🙂

إبداع 😍 https://youtu.be/-SkghYo_6BA

ازاي بيتم تعقب معاملات البتكوين مع إنها عملة مشفرة؟ وازاي بيقدر المتعاملين على الدارك ويب التنصل من عمليات التعقب دي 🤔 من ضمن الأسس اللي اتبنت عليها عملة البتكوين هي فكرة المجهولية Anonymity وهي إنك كمستخدم تقدر تفتح محفظة وترسل وتستقبل العملة بدون تقديم أي معلومة واحدة عن نفسك. الفكرة دي بشكلٍ ما اندثرت مع تحول البتكوين إلى وسيلة للمضاربة والتجارة وظهرت منصات تداول العملات الرقمية واللي عشان تقدر تشتغل بشكل رسمي لازم تنصاع لبعض القوانين واللي كانت منها ضرورة التحقق من هويات العملاء. 99% من المنصات حاليا عشان تشتري منهم لازم تقدم إثبات للهوية زي الباسبور وإثبات لعنوانك الحالي. مع وجود سجل دائم للعملة من بداية إنشائها مسجل فيه كل معاملة تمت، ووجود مواقع تمت منها أغلب المعاملات من أشخاص قدموا هوياتهم بالفعل.. أصبح من الممكن لأي جهة قانونية تعقب معاملة ما وصولا إلى مصدرها لموقع تداول وتقديم طلب رسمي للموقع للحصول على مستندات صاحب المعاملة. كمثال، دي الطريقة اللي اتمسك بيها الأشخاص التلاتة اللي من كام شهر اخترقوا حسابات مشاهير على تويتر وعملوا إعلان بإن اللي هيبعت مبلغ بتكوين هيتردله الضعف.. تم تعقب البتكوين إلى العنوان المرسل إليه وصولا لحسابات الأشخاص دول على موقع التداول المعروف Coinbase. ➖➖➖➖➖➖➖➖➖➖➖➖➖➖➖➖➖➖ ازاي بيقدر المتعاملين على الدارك ويب التنصل من عمليات التعقب دي 🤔 بالرغم من اللي فات ده لكن ما زال من الممكن استخدام عملة البتكوين بشكل مجهول، وده بيتم من خلال حاجة اسمها Bitcoin Mixer. فكرة البتكوين ميكسر ده عبارة عن "خلاط".. جهة وسيطة بيستخدمها مجموعة من الأشخاص وبيدخلوا بتكوين في الخلاط ده.. مع وجود مستخدمين كتير بيتم خلط كميات البتكوين بتاعتهم وبتفضل في الخلاط لمدة معينة.. بعد كدة بيتم سحبها على دفعات لصاحبها بعد تشفير أصول ومصادر العملات والمعاملة نفسها، بحيث يصبح تعقبها مستحيل، وفي المقابل الموقع بيحصل على نسبة بسيطة حوالي 2% كرسوم. ➖➖➖➖➖➖➖➖➖➖➖➖➖➖➖➖➖➖ أشهر موقع حاليا في مجال خلط عملات البتكوين على الدارك ويب وهو موقع Bitcoin Fog.. الموقع فضل شغال لمدة 10 سنين في تعمية معاملات البتكوين لمستخدميه، ووصل عدد عملات البتكوين اللي تم تعميتها من خلاله إلى مليون و200 ألف عملة. من كام يوم مؤسس الموقع اتقبض عليه بعد ما تم تعقب معاملة عملها (بدون تعمية) في سنة 2011 أيام ما كان بيأسس موقعه.. وقدروا من خلال المنصة اللي اشترى منها يوصلوا لاسمه "Roman Sterlingov" وعنوانه ورقم موبايله 🤦‍♂️

خلال ساعتين من الآن متوقع سقوط الصاروخ الصيني واختراقه للغلاف الجوي ⬇️⬇️ ربنا يعديها على خير 🤲

شركة فيسبوك قررت تأجل مرة تانية شرط موافقة المستخدمين على سياسة واتساب الجديدة قبل 15 مايو للاستمرار في استخدام التطبيق بكامل مميزاته. في المقابل الشركة قررت الاعتماد على مبدأ التلزيق وهيفضل كل شوية يظهر لك إشعار للموافقة على الشروط الجديدة.

كورس كامل 40 ساعة لتعلم مجال الاختراق الأخلاقي بدون حاجة لخبرة مسبقة 🔥 الكورس مجاني لفترة محدودة 👇 https://bit.ly/2RuthHz

شركة SpaceX نجحت لأول مرة في عملية إتمام هبوط نموذج تجريبي لمركبة Starship بدون ما ينفجر.. وده هيسمح بعد كدة بإعادة استخدام المركبة أكتر من مرة 👏

الصاروخ الصيني النهاردة عدى من على مصر للمرة التالتة من بداية خروجه عن السيطرة وعبر من فوق جرجا في سوهاج بسرعة 28 ألف كم في الساعة على ارتفاع 212 كم لمدة 8 دقائق و40 ثانية. سرعة الصاروخ الحالية بتسمحله إنه يعمل دورة كاملة حول الكوكب كل 90 دقيقة، ده معناه إنه ممكن يعدي على نفس الدول اللي عبر منها قبل كدة. مفيش أي جهة في العالم حتى الآن تقدر تتوقع مكان سقوط الصاروخ بسبب سرعته الجنونية، ودورانه في مدار بيضاوي بارتفاعات غير ثابتة، وكمان بسبب عدم معرفة تفاصيل كافية عن تصميم الصاروخ الصيني. التكهنات حاليا بتقول إن الصاروخ هيسقط سقوط حر في خلال 5 أيام تقريبا وهيعبر -أو أجزاء كبيرة منه- من الغلاف الجوي بدون احتراق بسبب سرعته الحالية، ده غير إن الصواريخ دي بتكون مصممة أصلا من مواد بتتحمل التعرض لدرجات حرارة عالية جدا. اللي فات ده مش الخبر السيء.. الخبر السيء إن الصاروخ ده كان هدفه توصيل الوحدة الأساسية لمحطة فضاء بتبنيها الصين.. ولسه فيه كمان 10 صواريخ تانيين هيتم إرسالهم 🙂

لو بتستخدم واتساب ولسه موافقتش على سياسة الخصوصية الجديدة للتطبيق فأكيد الرسالة دي بتظهر لك 👇 في حالة عدم الموافقة على سياسة التطبيق الجديدة قبل يوم 15 مايو الحالي هيتم تجميد حسابك على التطبيق، مش هتقدر تشوف الرسائل ولا ترد عليها، لكن كتر خيره التطبيق هيبعتلك إشعار يعرفك إن في حد بعتلك رسالة عشان يذلك 🙂

شركة فيسبوك بدأت تبعت رسائل لمستخدمي الانستجرام وفيسبوك على أجهزة الآيفون بنظام تشغيل إصدار 14.5 عشان يسمحوا للشركة بجمع بياناتهم وتعقب نشاطاتهم على المواقع والتطبيقات التانية اللي بيستخدموها بعد ما آبل نزلت تحديث يمنع ده إلا في حالة موافقة المستخدم. فيسبوك اعتمدت على استراتيجية تخويف المستخدمين وإن السماح بجمع بياناتهم بيساعدهم على الاستمرار في تقديم الخدمة بشكل "مجاني".

الصين حاليا بتتبني محطة فضاء.. فبعتوا صاروخ بيحمل الوحدة الأساسية لمحطة الفضاء والمفروض بعد كدة الصاروخ ده بيهبط في مكان معد سابقا وبيكون في المحيط لأنه بيعتبر خردة مش بيتم استخدامه تاني. المهم آخر صاروخ بعتته الصين خرج عن السيطرة وهو حاليا عمال يلف في مدار الأرض ومتوقع يسقط خلال الأيام القادمة. الصاروخ طوله 30 متر ووزنه 21 طن في الغالب هيعدي من طبقة الغلاف الجوي بدون ما يحترق أو أجزاء كبيرة منه ومفيش حد عارف هيوقع على دماغ مين عالكوكب 🙂

إلى من ضيع فرصة الاستثمار في البتكوين 👋 عملة الإيثريوم.. تاني أقوى عملة رقمية بعد البتكوين 💪 تحتل المرتبة الثانية من حيث السعر ومن حيث القيمة السوقية 🔥 العملة أطلقتها منصة Etheruem ودي أهم منصة من المنصات الرائدة في تطوير تقنية العقود الذكية Smart Contracts وحاليا بيتم الاعتماد عليها لبيع الأشياء عبر تقنية NFT أو Non-Fungible Tokens. مع زيادة الإقبال في الشهور الأخيرة على شراء وبيع الأشياء باستخدام تقنية الـNFT سعر العملة ارتفع في خلال سنة واحدة فقط أكتر من 13 ضعف.. ووصل من 214 دولار في شهر مايو 2020 إلى 2900 دولار في مايو 2021 📈 أغلب توقعات المؤسسات المالية متفائلة بالعملة، خصوصا لأنها مدعومة بمشروعات قوية ليها مستقبل زي العقود الذكية، وده اللي خلى منصة Coinpedia تتوقع وصول العملة إلى سعر 5,000 دولار قبل نهاية 2021، ووصولها لسعر 10,000 دولار بحلول عام 2025. لو حابب تعرف أكتر عن العملة وطريقة الحصول عليها ده فيديو 8 دقايق فيه كل التفاصيل عن العملة من هنا 👇 https://youtu.be/KWIJ2hovX-k

مجموعة من آخر إحصائيات سوق ألعاب الفيديو: ▪️ عدد لاعبي الفيديو وصل 2.7 مليار لاعب ▪️ 60% من لاعبي الفيديو إناث و 30% منهم أقل من 25 سنة ▪️ قيمة سوق ألعاب الفيديو تخطت 300 مليار دولار (أعلى من السينما والموسيقى) ▪️ 85% من أرباح ألعاب الفيديو تأتي من الألعاب المجانية ▪️ في 2.2 مليار لاعب بيستخدموا الموبايل في ألعاب الفيديو ▪️ عدد لاعبي الفيديو متوقع يزيد كمان 400 مليون لاعب بحلول عام 2023

في أوقات كتير لما بندخل لموقع جديد بيظهر لنا رسالة بيعرفنا إنه بيستخدم Cookies وبيطلب مننا الموافقة على ده. الكويكيز دي عبارة عن ملفات صغيرة الحجم لكن بيتخزن فيها معلومات مهمة جدا زي مثلا لما تسجل دخول لموقع ما، بتقدر تدخل بعد كدة للموقع ده بدون ما تحتاج تسجل مرة تانية.. ده لأن الجلسة بتاعتك تم حفظها في ملف الكوكي الخاص بالموقع. بردو الملفات دي بيتم استخدامها لتخزين معلومات عن المستخدم ونشاطه على الموقع والصفحات اللي زارها.. ودي من أهم الوسائل اللي بتعتمد عليها الشركات زي جوجل وفيسبوك في عرض إعلانات واللي بتخليك لما تبحث عن شيء معين في موقع ممكن بعدها بثواني تشوف إعلان لنفس الشيء ده !