4 752
Subscribers
+124 hours
-297 days
+18230 days
Posts Archive
4 752
هاك الكلام اللي من الراس لراس
و اسمع و ركز في كلامٍ اقوله
ان كان عقلك صايبه مس وسواس
انا ترى عقلي يساوي حموله
افهم و أميّز كلمة مالها ساس
وبعض الحكي ماهو لزوم نقوله
عندي مشاعر فايضه وعندي احساس
و صعبه على شرواك مني تطوله ..
اسكت ولا تقرع على راسك اجراس
تسمع كلام يلجمك منت حوله
اركد ولا تشره على قب الافراس
ترى الاصايل مثلكم ما ينوله
وانا اصيل تنقطع دوني انفاس
وشرهات نفسي للمعالي عجوله
