علی آقا واحید📚

🌺یوردون سئون اهلِ هنر اولدو🌺 ای گول، سنی هر کس کی، سئویب بخته ور اولدو عشقینده بیر آنجاق منیم عؤمروم هدر اولدو کیم سئودی قارا زولفونو، آغ گونلره چیخدی طالع منه یار اولمادی، بیر دردِ سر اولدو من آغلادیم اؤز حالیما، بیگانه سئویندی شوکر ائیله کی، من قالدیم او مندن بتر اولدو کؤیوندا منه ظلم ائله یندن بری غالیب آهیم اودو یاندیردی، هامی دربدر اولدو ییخماقدی منی مقصدی نامرد رقیبین بار وئرمه‌دی مقصودی، بوتون بی ثمر اولدو آیریلماز ایدیک بیرـ بیریمیزدن، آرامیزدا گؤز دگدی بیزه، بلکه ده،بیر بد نظر اولدو بیر بیلمه‌دین اؤز خئیرینی، بیگانه نی توتدون منسیز سنه، ای گول، نه قدر گؤر ضرر اولدو؟! ائو ییخماغی، قان تؤ کمه گی ظن ائتمه، هنردیر هرکیم وطنین سئودی، او اهلِ هنر اولدو وحشی لیگه، نامردلیگه، نادانلیغا نفرت انسانلیق ایله عؤمر ائله ین بخته ور اولدو سندن سورا، واحد، آییق اول، قوی دئمه سینلر دونیایا گلیب گئتدی، حاییف، بی خبر اولدو @a_vahid_21

🌺هنریم وار🌺 ای گول، منه هر جـؤر ائلـه ییـر سـن، خبـریـم وار بیر گون یـاخـار آخیـر سنـی آهیـم، زهـریـم وار لیلی نه چیدیر، حُسنـون ایلـه بحـث ائـده بیلسیـن مجنون نه دیـر، اونـدان منیـم آرتیـق هنـریـم وار! گؤرجک منی، میـن نـاز ایلـه گیـزلتمـه جمـالیـن پیس گؤز سنه دگمز، گؤزه لیم، خوش نظـریـم وار عـالـم ییغیـلا، دردیمــی مینــدن بیــری بیلمــز زولفــون هــوسیلــه او قــدر درد ســریـــم وار هیند اهلینه گؤستـر، گـؤزه لیـم، چشملـه زولفـون فخر ائتمـه سیـن آهـویِ ختـن، مشـکِ تـریـم وار جانانلا مئی ایچدیکـده رقیبیـن گـؤزو چیخـدی اود توتدو، آلیشـدی، اونـا بیلـدی، ضـرریـم وار سلطـانـلارا بــاش ا گمــه رم، هــرچنــد فقیــرم خوشدور منه، سن تک، گؤزه لیم، تاج ِ سریم وار واحـد، هلـه آز یـازمیســان اؤولادِ وطــن چیــن چوخ یئرده گئدیب لووغـالانیـرسـان، اثـریـم وار علی آقا واحد @a_vahid_21

غزل. ۵ 🌺بیزیم جانیمیزا🌺 گولسه هرکیمسه بیزیم دیده ی گریانیمیزا دوشسون عالمده گوروم حالی پریشانیمیزا عشق چوخ دلبری بی مهره اسیر ائتدی بیزی بیری رحم ائیلمه دی ناله و افغانیمیزا دوست ساندیق گوروب هرشوخو بلاسین چکدیک دوشمن اولدو یئنه آخرده بیزیم جانیمیزا ذوق آلار عشق ده بیزدن گوروب احوالیمیزی هانسی درد اهلی اگر گلسه بیزیم یانیمیزا زولف زنجیرینه عقل ایله اسیر اولمامیشام عشق دیوانه سی ییک ،باخما بو نقصانیمیزا گلدی گول فصلی بیزی ساقی نظردن سالدی پیرئی_میخانه گره ک دیر باخا دیوانیمیزا دم غنیمتدی مئی ایچ بدرینی واحید باشا سال بیر علاج اولسا اودور دردئی_فراوانیمیزا علی آقا واحد @a_vahid_21

غزل ۴ 🌺جنت اولاندا🌺 دیندیر منی هردن ، گوزه لیم ، فرصت اولاندا، وصلین بیزه بیرآن ، نه اولار، قسمت اولاندا. باخ، گور منی زولفون نه پریشانلیغا سالدی، بیرگون آچارام دردیمی جمعیت اولاندا. یوزلرجه جفا ائتسن، اونوتماز سنی کونلوم ، فیکریمده سن ، ائی گول، یئنه هر صحبت اولاندا. بیگانه اگر اولماسا، تئز وصله یئتردیک، کیم خئیر گوروب ، دوشمنی کم فرصت اولاندا. زولفون کی،توتوب رویونو، چوخ قورخورام اوندان، عالم توخونار بیر- بیرینه ظولمت اولاندا. کونلوم نئجه سن سیز ، گوزه لیم، ناله سیز اولسون، بولبول دایانارمی گولونه حسرت اولاندا؟ واحید ، هله قارشیندا بویوک بیر گله جک وار ، دونیا بیزه لذت وئره جک جنت اولاندا ! علی آقا واحد @a_vahid_21

غزل۳ 🌺همدم اولاندا🌺 ای گول، یانیرام غیـرایلـه سـن همـدم اولانـدا، بولبول آلیشـار خـار ایلـه گـول محـرم اولانـدا. چوخلار اولوب اول زلـفِ پـریشـانیـن اسیـری، ییغ، توپلا بو مجنونلاری فیکرین جمع اولاندا تر قطره سـی وئـرمیـش اوزونـه بـاشقـا لطـافـت گـول یـارپـاغـی زینتلــی اولــور شبنــم اولانــدا تک لیکده جهنّم گئچیـر عشـق اهلینـه هـر یئـر، یـارایلـه اونـا جنّـت اولــور بــا هــم اولانــدا جانانه اوره ک سیرّینـی دمسیـز دئمـک اولمـاز، جان اهلی جسـارتلـی اولـورمـوش دم اولانـدا. دوشمـن اولا دونیـا قـدری، اونـلارا بــاتمــاز، هر گاه ایکی دوسـت آراسـی محکـم اولانـدا. بیر نازیله جان قویمـادی منـده هلـه گـل، گـؤر، عالم نه اولـور اورتـادا یـوز چـم خـم اولانـدا قیمت وئریر اول قاشـی هیـلالیـن سنـه، واحـد، باشین آغاریب اونداکی، قـدّیـن خـم اولانـدا علی اقا واحد @a_vahid_21

غزل ۲ 🌺لیلایه باخدیقدا🌺 گونوللر قان اولور سن سیز گولئ-حمرایه باخدیقدا گوزه للر یاد ائدر خورشیدی-رویین آیه باخدیقدا دهانین گرچی سوز یوخ نقطه یئ-علمی معمادیر ولی بو باره ده چوخ شرح وار معنایه باخدیقدا گوزومده طفلی تک اوینار دمادم عکسی-رخسارین خیالئ-عارضین له هرزمان دریایه باخدیقدا قیامت ماجراسیندان منی قورخوتما ائی زاهد قیامت دیر منه اول قامتئ-رعنایه باخدیقدا تاپیلماز دهریده تشخیص ائدن اعلا و عدنانی هره اوز فهمینه مغرور دور دونیایه باخدیقدا اگر گول لبلرین مئی مجلیسینده کئچسه خاطیردن الیمده قان اولور باده م مئیئی-مینایه باخدیقدا فضائ-عشقیده دیوانه لیک دن باشقا شئی یوخدور بیره ر افسانه دیر مجنون ایله لیلایه باخدیقدا منیم عاشیق لیغیم مجنوندان آرتیقدیر،بیلیر عالم اونو یاد ائیلمه ز هرکیم منئ-رسوایه باخدیقدا طبیعتده نه گیزلی سرلر وار،ایندی ظاهر دیر قالیر حیرتده اینسان هر بتئ-زیبایه باخدیقدا سنی گولزار ایچینده گول گوره رکن یاد ائدر ائللر منی خاطیر له ییرلر بولبولی -شیدایه باخدیقدا محبت سیز،گوزه ل گون گئچیرمک هئچ نه دیر،واحید یئنه سومک،سئویلمک یاخشی دیر دونیایه باخدیقدا. علی آقا واحد @a_vahid_21

غزل ۱ 🌺تاریم اولماسادا🌺 یانیندا دلبریمین اعتباریم اولماسادا یئنه غمین چکه رم،غمگساریم اولماسادا بدنده یاری جانیم قالماییب،گئدیب یاریم گره ک دوزم غمی هیجرانه یاریم اولماسادا گونوم،کی تاراولوب اول زولف الیندن،ائی تاری ترنّم ائیله،سنی تاری،تاریم اولماسادا اوزون خیالی بسیمدیربهشتئ-کویینده یوز ایل خیالیما گلمز،باهاریم اولماسادا لبینده،مست گوزوم،هردوشنده خاطیریمه شرابه رغبتیم آرتیر،خماریم اولماسادا منیم بیر آهیم ایله شمع لری یانیر گئجه لر توخونما شعله یئ-عشقیم،شراریم اولماسادا کمندئ-زولفه-واحید،اوُزوم شیکار اولدوم منیم اوآهو باخیشلی شیکاریم اولماسادا علی آقا واحد @a_vahid_21

وورما اوقاره تئللرینه شانه سئوگیلیم ائتمه منی بلاکش دیوانه سئوگیلیم یاندیردی حسرتین منی، گؤستر جمالینی کؤنلوم اولوب اول آتشه- پروانه سئوگیلیم بیر دفعه ائیله دیمسه، تمنای وصلینی یوز دفعه یاندیم- آتش هجرانه، سئوگیلیم گزمه رقیبله منی غیرت هلاک ائدیر سالما بلالی عاشقینی قانه سئوگیلیم گؤسترمه قاره خالینی، کؤنلوم فغان ائدیر قوش، ده‌ن، گؤرنده تئز گلیر افغانه سئوگیلیم یوز لیلی گؤرسه حسنونی مجنون اولار سنین عشقینده اوز قویاردی بیابانه سئوگیلیم انصافی اولسا چرخ، بو بیچاره «واحدی» حسرت قویارمی، سن کیمی جانانه سئوگیلیم؟ علی_آقا_واحد @a_vahid_21

وفالیسان گوزلیم چکدیم امتحانه سنی وفاده تک یتیریب گردش زمانه سنی بو اعتبار اولا بیلمز بیر اوزگه دلبرده من ایمدی بیلمیشم ائوز کونلومه یگانه سنی دئه ین دئمیشدی منه سوگیلین وفاسیزدور سالار او گول یئنه بیر گون گلرکی دامه سنی سنین صداقتینی "واحد"ه ائوزوم دمیشم اودا سویر گوزلیم ایندی غالبانه سنی واحد @a_vahid_21

بیر نفر اهل وفا، مین بی وفادن یاخجیدیر بیرصداقت اهلی،مین اهل ریادن یاخجیدیر هانسی گولدیر حسنده سندن گوزلدیر،سوگیلیم هانسی بولبول عشقده من بینوادن یاخجیدیر قاشلارون چرخین هلالیندن، اوزون خورشیددن صورتین آیینه گیتی نمادن یاخجیدیر بیرداها خالون گوزللیک آرتیریر رخسارینه بیر غلط سوزدیر،دیمیشلر آغ قارادان یاخجیدیر گوزلرین صحرای چین آهولریندن دل فریب عنبرین گیسولرین، مشک خطاندن یاخجیدیر صحت بیمار عشقین،کعبهء کویونده دیر اهل درده خاک راهین، توتیادن یاخجیدیر مین بلا طوفانی قوپسا، ذره گلمز عینیمه رخنه گورمز هربنا ، کی ابتدادن یاخجیدیر جاهیله تبلیغ عرفان ایله مک آسان دگیل دیدهء خفاش ایچون، ظلمت ضیادن یاخجیدیر واحد،، انصافا دییسن تبریزده دوستوم اعتماد گنجلرده هانسی شاعیر 'بی ریادن' یاخجیدیر علی آقا واحد @a_vahid_21

من عالمه منت چكيرم يار هوسينده ياريمسا گزير شوقيله اغيار هوسينده بيلمه م بو نئجه سردير حكمتدير ازه لدن بولبول گوله مايل، گول اولور خار هوسينده مئي اوخشاماسا لب لرينه قيرميزي ليقدا بير كيمسه تاپيلماز مئي گولنار هوسينده هر گون اؤزوني گؤرمه گه حسرت چكير عالم گول فصلي اولار، ائل هامي گولزار هوسينده بيلمه م نه گؤروب زولفده مجنون كيمي كؤنلوم سرگشته دير او طرّه ي طرّار هوسينده عاشق سئوير او شوخي، تعجب لي بو دير كي يوزلرجه گؤزل لرده اونون وار هوسينده واحد يئنه قيمت چوخاليب يوسف شعره گوهر ساتيلار اولسا خريدار هوسينده واحد @a_vahid_21

دیدیم: ای غنچه دهن، کونلومی قان ائیله‌میسن! دیدی: «بی‌جا یئره عشقمده فغان ائیله‌میسن»! دیدیم: انصاف ائیله اینجیتمه منی عاشقینم... دیدی: «گئت!،سرّیمی دنیایه عیان ائیله‌میسن» دیدیم: آغلاتما منی سرو بویون شوقینده! دیدی: «گوز یاشینی بیهوده روان ائیله‌میسن» دیدیم: آخر گوزلیم، باغ و بهاریم سنسن دیدی: «سن عمرینی حسرتله خزان ائیله‌میسن» دیدیم: آز چکمه‌میشم گوزلرینین حسرتینی دیدی: «اؤز کونلونی یئر سیز نگران ائیله‌میسن» دیدیم: عشقینده اسیرم، منه بس خیری نه‌دیر؟ دیدی: «اولده بو سوداده زیان ائیله‌میسن» دیدیم: عشق آتشی نیلر منه؟ قورخان ده‌گیلم دیدی: «بیچاره یانارسان! نه گومان ائیله میسن»؟ دیدیم: ای گل! من ازلدن‌ده گوزه‌ل عاشقیم دیدی: «سن روحینی عشق‌ائیله جوان ائیله‌میسن» دیدیم: هر گون سر کوی‌ینده دولانماقدر ایشیم دیدی: «واحد، نه گوزه‌ل یئرده مکان ائیله‌میسن» علی آقا_واحد @a_vahid_21

اؤلمزدیم اگر سن کیمی بیر، دلبریم اولسا بیر آفت جان، شوخ ملک، منظریم اولسا هر گون دولانیب باشینا، قربان سنه اول‌لام پروانه صفت، اوُچماقا، بال و پریم اولسا دنیاده سئویننم بوتون عاشیقلر ایچینده آهولری، مجنون ائلییه‌ن، گؤزلریم اولسا شؤق‌ایله نثار ائیلرم، هر بیر قدمینده دریا قدری الده، دُور و گؤهریم اولسا کویینده منه قوی نه بیلیر، ائیله‌سین اغیار البته جزاسین چکر «آللاه کریم» اولسا بیگانییه من، بیر بئله منّت می ائدردیم؟ کونلوم کیمی بیر یار وفا پروریم اولسا «واحد» دئمه‌رم دردیمی من باشقا نگاره یاریم بیلیر عشقینده نه درد و سریم اولسا! واحد @a_vahid_21

سن زلفيني آچ، توك اوزونه ، شانه سي مندن زنجيري نشان وئر منه ، ديـــــوانه سي مندن سن عاشقي يانديرماقا ، من يانماقـــا مايــيل سن شمعيني گوستر، منه ، پروانه سي مندن زلفون قدري ، عاشق اولان وار. سنه اي گل سن سويله، اومجنونلاري ، افسانه سي مندن سرمست گوزون، فتنه لبين ، نشئه لي باده ايچديرمنه ، اول بادني – پيـــمانه سي مندن سن ناز ايله گل كي ، صدفين، قيمتي آرتسين گوزياشي كيمي ،اينجيسي. دردانه سي،مندن هردم گوتور،اوزدن. گوزه ليم، افعي لي زلفين چك ظاهره، گنجينه ني – ويـــرانه سي مندن "واحد"مي ي ، ترك ائتمك اوچون–پيرمغانين رنجيده اولوب ، بيرنئچه . مســـتا نه سي مندن واحد @a_vahid_21

دئمه مجنونه دلی ؛ بلکه ده لیلا دلیدیر عشق اولان یئرده بوتون عاقل و دانا دلیدیر سالدی یوسف کیمی اؤز سئوگیلیسین زندانه قویدی رسوالیقی عالمده ؛ زلیخا دلیدیر عشق زنجیرینین افتاده سی بیر من دگیلم هوسی سیلسله عشقیله دونیا دلیدیر سریلیر چینینه ؛ گاه قوینونا ؛ گاه قامتینه اژدهالر کیمی ؛ اؤ زولف چلیپا دلیدیر بیر وفاسیز گؤل اوچون ناله سی دونیانی توتور عاشقین قلبی کیمی ؛ بولبول شیدا دلیدیر بیرجه شیرین ایله فرهاده مذمت یوخدور وادی عشقیده وامیق دلیدیر ؛ عذرا دلیدیر ال گؤتورمز بو قارا گؤزلولرین زولفوندن هر یئتن ظن ائلیر واحیدی گویا دلیدیر شاعر علی آقا واحد @a_vahid_21

اوخو، ای بولبـولِ شیـدا، گـول خنـدان اوخـوسـون گؤرسون اؤز عاشیقینی، شور ایله جانان اوخـوسـون بـو گـؤزه ل لهجـه ن ایلـه عـالمــه گــوستــر اؤزونــو اؤزگه نـی قـویمـا مـوغـامـاتینـا داستـان اوخـوسـون وطنیــن بــولبــولِ شیـــدالارینـــی شـــورا گتیـــر اوخـو بیـر نغمـه، بـوتـون آذربـایجـان اوخـوســون مــوسیقــی صنعتینــی آذربــایجــان یـــارادیـــب قـوی بـو تـاریخـی حقیقتلـری تهـران اوخـوســون لحـنِ داوودی بیـزیـم خلقیمیـز ایجــاد ائلــه ییــب بؤیله ایجادی گرک یاخشـی غـزلخـوان اوخـوسـون قـارابـاغـدیـر بیـزیـم اؤز اؤلکـه میــزیــن شیــرازی اؤز موغامـاتینـی لازیمـدی هـر انسـان اوخـوسـون عصـرلـرلـه یـاشـاسیـن مـوسیقـی خـادیملـریمیــز قوی ائشیتسین بوسؤزو مصطفی پـایـان اوخـوسـون تبـریـزیـن نغمـه سینـی خلـق یــاراتمیــش، واحــد قوی دئسین فیکریمه احسن بوتون عرفان اوخوسون علی آقا واحد @a_vahid_21

علی آقا واحد : عشقین تمام نشئه سی دیوانه لیکده دیر میخانه نین ملاحتی مستانه لیکده دیر. جاهللر ایله عارفین اولماز علاقه سی حال اهلینین تکاملی فرزانه لیکده دیر. لعلین خیالی کونلومه دولسا، عجب دگل گیزلین خزینه نین چوخی ویرانه لیکده دیر. یتمه ز وفاسی آخره نامرد اولانلارین شخصین بوتون دیانتی مردانه لیکده دیر. واحد! اگرچه صنعته قیمت ویریرسه خلق شعرین ده قدر قیمتی دردانه لیکده دیر. @a_vahid_21

شراب اولا من اولام بیر ده نازلی دیلبر اولا بیر اوزگه عالمی واردیر اگر میسر اولا! صفای مجلس می مین بهشتدن آرتقدیر بیر الده گؤل توتا جانا،بیر الده ساغر اولا اولاندا مست، آچا زولفون نگار،نشئه سی وار عمومه ذوق وئره بزم می معطر اولا! بساط باده ده حال اهلینین فداسی،اولوم، شرابی قال ایله ایچمه،اگر پیمبر اولا! اسیر زولفونم ای شوخ،گل آجیقلانما، اسیره حرمت ائدللر،اگر چه کافر اولا! نه لیلی سن کیمی اولموش،نه من کیمی مجنون، نه کاره دیر گلوب اونلار بیزه برابر اولا! گؤره نده،واحد،اوزون یاریمین اسیر کونلوم، نه نوع ساکت اولار-اود اولا،سمندر اولا! @a_vahid_21

ایسته رم من او گولی اؤز گول خندانیم اولا اودا ئوز کونلونی وئرسین منه جانانیم اولا تک جانانیله بیر یئرده گونوم خوش گئچسین آرزو ایله مه رم باغ گلستانیم اولا قیمییان جانینه عاشق دگیل اؤز یاری ایچون من فدا ایلیه رم یاریمه مین جانیم اولا گونده مین یول ائده رم جانیمی قوربان او گؤله اودا بیر یول دولانیب باشیمه قوربانیم اولا بو پری چهره لرین بیرجه گؤزل لیک لری وار سومه رم هئچ بیرین الده اگر امکانیم اولا نیله ییم کؤنلومه بیر قویماده آسوده اولام گؤروم ای کاش کی ویران دل سوزانیم اولا واحد هر شوخه ایناندیم سا وفاسیز چئخدی بو گؤزل لرله منیم حشرده دیوانیم اولا شاعیر: علی آقا واحد @a_vahid_21

زؤلفؤن کیمی ای گؤل نه عطیرلی نفسین وار یوخسا بو لطافتله جان آلماق هوسین وار؟ روحوم دیریلیر ناز ایله هردم کی گؤلؤرسن حیرتده یم ای گؤل نه ملاحتلی سسین وار طاووس کیمی آزاده گزیرسن بو چمنده بؤلبؤل کیمی نه خار غمین، نه قفسین وار فریادینا یئتدیکلرین ایمدادیوا یئتمز فیکر ائتمه بو عالمده کؤنؤل دادرسیم وار (واحد) منیم ایستکلی گؤزه ل یاریما بنزه ر آختار بؤتؤن عالمده گؤره ک هانسی کسین وار؟ @a_vahid_21