علی آقا واحید📚

شــراب اولا، من اولام، بیــرده نازلی دلبـر اولا بیـر  اؤزگه  عالمی  واردیــر  اگـر  میســر اولا   صفای مجلس مئی، مین بهشت دن آرتیقدیر بیـر الده گـول توتا جانان، بیـر الـده ساغـر اولا   اولاندا مست آچا زولفون نگار، نشئه سی وار عمومـه  ذوق  وئـره،  بـزم  مئی  معطـر  اولا   بساط باده ده حال اهلی نین فداسی اولوم شـرابی  قال  ایلـه  ایچـمه، اگـر  پیمبـر  اولا   اسیــر  زولفـونم ای  شـوخ،  گل  آجیقلانمـا اسیـره حؤرمت ائده رلـر اگـر کی  کافیـر اولا   نه لیلی سن کیمی اولموش، نه من کیمی مجنون نه کاره  دیـر گلیـب  اونـلار  بیـزه  برابـر  اولا   گؤرنـده  واحیـد اوزون یاریمین اسیـر کؤنلـوم نه نوع ساکت  اولا، اود  اولار، سمنـدر  اولار @a_vahid_21

شراب اؤلا من اؤلام..... علی‌آقا واحید @a_vahid_21

ایجازه وئر، باخیم، ائی گول، او قاره گؤزلرینه وورولموشام، نه ائدیم، آشیکاره گؤزلرینه غم ائتمه‌رم منی یوز دفعه گونده اؤلدورسن باخاندا بیر ده دیریللم، دوباره، گؤزلرینه جمالین آچما،گولوم ،قورخورام گؤروب اوزونو گون اولسون حوسنونه عاشیق، سیتاره گؤزلرینه اولایدی قیسمت، اؤپه‌یدیم او نازیک اَللرینی اورک‌دن ائیله‌میشم ایستیخاره گؤزلرینه کمندِ آه ایله صَییادلار دالینجا دوشَر بو ناز ایله اگر ائتسن ایشاره گؤزلرینه گؤزوم گؤتورمه‌ییر اَغیارلار باخاندا سنه بیر آیری گؤزله ائدیرلر نظاره گؤزلرینه شیکسته واحیده اولماز طبیب‌لردن عَلاج قالیبدیر ایندی سنین بیرجه چاره گؤزلرینه. علی آقاواحید @a_vahid_21

🌺غزل (بیز خرابات اهلی‌ییک)🌺 شعر علی آقا واحید بیز خرابات اَهلییک میخانه لردن چیخمیشیق باده لر نوش اِئتمیشیک پیمانه لردن چیخمیشیق آتش غم دن نه قورخاق کی سمندر خیصلت-ئیک شمعی لر یاندیرمیشیق ؛ پروانه لردن چیخمیشیق ایندی بیز اکراه اِئدیب می دن نظردن دوشموشوک یؤخسا مین_مین مجلیسی مستانه لردن چیخمیشق گاه اؤپوب یارین آیاغین گاه دؤلانیق باشینا بیز پریشان زولفولَـر تک شانه لردن چیخمیشیق قدری قیمت سیز بیزی ظن اِئتمه واحید عارف اؤل پربها گنجینه-ییک ویرانه لردن چیخمیشیق https://www.instagram.com/tv/Cb8du7PgQLf/?utm_medium=share_sheet @a_vahid_21 @mahny21

غزل(بیز خرابات اهلی‌ییک) عالیم قاسیم‌اوف شعر:علی‌آقا واحید "Qəzəlxan filmi" @a_vahid_21 @mahny21

سن اگر اولماسان،ای گول،منه جانان ،کیم اولار؟ او خومار گؤزلرینه واله و حیران کیم اولار؟ سئویر عالم سنی بیر گؤزلرینین خاطرینه، یوخسا تک زولفون اوچون بونجا پریشان کیم اولار؟ گیر گولوستانا،سئوینسین، اوخوسون بولبوللر، گول باهار مؤسومو گؤرسنمه سه،خندان کیم اولار ؟ ایندجیدیب سالما نظردن سئون عاشیقلریوی، اهل_ عشق اولماسا ،کویوندا نیگاهبان کیم اولار ؟ ذؤق_ وصلینله اگر منده فغان ائیله مه سم ، حسنووون گولشنینه بولبول _ مالان کیم اولار؟ چوخ دئمیشلر سنه ،جور ائیله مه بیچاره لره، عاقبتده گؤره ک، ای شوخ ،پشیمان کیم اولار؟ اؤلمه میشکین ،گوزه لیم، واحده قیمت وئر یر ائل ، اودا گئتسه،وطنه ، خالقا غزلخوان کیم اولار ؟ علی‌آقا_واحید @a_vahid_21

زولفون کیمی ای گول،نه عطیرلی نفسین وار یوخسا بو لطافتله جان آلماق هوسین وار؟ روحوم دیریلیر،نازیله هردم کی گولورسن حئیرتده ایم ای گول نه ملاحتلی سسین وار؟ طاووس کیمی آزاده گزیرسن بو چمنده بولبول کیمی نه خارغمین،نه قفسین وار فریادینا یئتدیکلرین ،ایمدادیوا یئتمز فیکر ائتمه،بوعالمده،کونول دادرسین وار واحد منیم ایستکلی گوزه ل یاریما بنزه ر آختاربوتون عالمده گوره ک هانسی کسین وار؟ علی‌آقا_واحید @a_vahid_21

🌺اوزو_بیلسین🌺 من وئرمیشم اوز کونلومی یاره،اوزو بیلسین ایستر ائله‌سین هیجریله یاره،اوزو بیلسین بیلمیش نه بلالر گتیریب باشیما زولفو توکموش یئنه اول ماهی_اوزاره،اوزو بیلسین یوز یول ددیم،اغیار ایله گزمه،یئنه گزدی اولسم،دئمه‌رم بیر ده دوباره ،اوزو بیلسین او گول منی خار ائیله‌دی بیگانه یانندا بیر بیلمدی،چوخ ائتدیم ایشاره،اوزو بیلسین بیماری‌یم اول نرگیس_مستین،اولورم من گوی ائیله‌مسین دردیمه چاره،اوزو بیلسین هر دردو_غمین من چکیرم،کام آلان اوزگه رحم ائیله‌مسین قوی دیلی_زاره،اوزو بیلسین واحید! منی پروانه‌تک اول شمع _جمالین یاخسین داخی بوندان سونرا نارا،اوزو بیلسین 🌺علی‌آقا_واحد🌺 @a_vahid_21 @mahny21

🌺گتیررم🌺 یار قلبیمه یول سالسا گتیررم نئجه گلمز؟! عشقیمله سازین چالسا گتیررم نئجه گلمز؟! آختارسام اؤزوم،تاپسام اؤزوم،بیر دیله توتسام کؤنلوم گؤیولون آلسا گتیررم نئجه گلمز؟! گولسوز قورو اودلاردی سالان آیریلیغی یار یوللار تیکانین یولسا گتیررم نئجه گلمز؟! سؤندورمه اومود شمعینی ای غافیل او سئوگیم دردیمله یانیب سولسا گتیررم نئجه گلمز؟! سیرداشیم اؤزو بیرده کی جان قِیدینه یالنیز دیوانه صیفت قالسا گتیررم نئجه گلمز؟! بو رسم دی کی آی یئرینه گون گئجه گلمز گر جذبه عشق اولسا گتیررم نئجه گلمز؟! سن دردینی آچ سؤیله دادا،سِیلِ سِرشکی گؤزلردن اورک دولسا گتیررم نئجه گلمز؟! علی آقا واحید @a_vahid_21

🌺گوزلیم🌺 بیلسن گوزلیم سن نه قدر سئوگیلی جانسان ظلم ائیله مه قوی سویله‌مه‌سینلر جان آلانسان سولدورما او گول چهره‌نی آلدانما رقیبه اوز قدرینی بیل كی نه قدر ایندی جاوانسان اغیاره اینانما گوزلیم قورخورام اوندان چوخ ساده سن هر سؤز كی دیللر اینانانسان گول دن‌ده ، چیچك‌دن‌ده ، گونش‌دن‌ده گوزل سن سن باغ ملاحت یئتیرن سرو روانسان گؤردوم یئنه مین نازیله بیگانیه باخدین چوخ شبهه یه سالدین منی بیلدیم نیگرانسان گؤر بیر نه گوزل لیكده یئتیرمیش سنی طالع حسرت چكر عالم سنه مشهور جهانسان واحید بو قدر سنده كی وار بیلکی محبت دونیا قوجالیب گئتسه چتین سن قوجالانسان @mahny21 🌺علی آقا واحید🌺 @a_vahid_21

🌺بیرزمان منده اسیر....🌺 بیر زمان منده اسیر ره میخانه ایدیم هوس باده ایله عاشق پیمانه ایدیم بیر دقیقه یئره دوشمزدی الیمدن باده گوزلرین شوقی ایله ائیله کی مستانه ایدیم بوتون عؤمروم گئچیب عالمده شراب ایچمه گیله باده دن خالی اؤلان یئرلره بیگانه ایدیم ایندی تکلیف شراب ائله مک آرتیقدی منه منکه میخانه ده بیر خانه سی ویرانه ایدیم شمعه پروانه یانیردی گئجه لر صبحه کیمی منده اؤز سئوگیلی مین شمعینه پروانه ایدیم چالیشردیم ساچینین فکری باشیمدان چیخسون گؤرمه سیدیم سنی بیر گون دلی دیوانه ایدیم منی واحد بو پری چهره لر ائتمیشدی اسیر منده مجنون کیمی دیل لرده بیر افسانه ایدیم 🌺علی آقا واحد🌺 @a_vahid_21

🌺نه قدر عشقیمیز ای گول🌺 نه قدر عشقیمیز ای گول بئله پنهان اولاجاق؟ آشکار ائیله مه یینجه اؤره گیم قان اولاجاق نه قدر گول اؤزونون حسرتین عاشیف چکسین، نه زامان وصلینه بس یئتمگه ایمکان اولاجاق؟ بس هاچان رحم ائده جک بولبول بیچاره یه گول نه قدر بس او فقیرین ایشی افغان اولاجاق؟ عشقدن باشقا نه درد اولسا یئنه چاره سی وار آیریلیق دردینه بیلمم نئجه درمان اولاجاق؟! اؤز خوشوملا او قارا زولفه اسیر اولدوم اؤزوم بیلمه دیم خاطیریم عشقینده پریشان اولاجاق سن گؤتور مسجیدی زاهید بیزه میخانه نی وئر کیم بو ایشده گؤره ک آخیردا پشیمان اولاجاق؟! هله واحد مئیه مئیل ائیله مه قوی گلسین او گول یارسیز یئرده مئی ایچمک بیزه نقصان اولاجاق 🌺علی‌آقا_واحید🌺 @a_vahid_21

بختیار عاشیق اودور کی،اونو جانانی سئویر بینوا بولبولونو، اوز گولئ- خندانی سئویر من او زولفون آزی یوز دفعه بلاسین چکدیم دلی کونلوم یئنه اول زولفی – پریشانی سئویر اعتیبار اولماز اوزون گوسترن عاشیق لرده احسن اول عاشقه جانانینی پنهانی سئویر عصری حاضیر کئ – گوزلیکلری گورمور زاهید ایندی ده جهلینی گور – روضه یئ رضوانی سئویر سئویرم من او نزاکتلی گوزل دیلبری کی موسیقی علمینی ، رسامی ، غزلخوانی سئویر پیر کونلوم گلییر ایلهامه گوررکن هردن بیر نجابتلی گوزل قیز گوزل اوغلانی سئویر واحیدین اووچولوغو اولسادا اینصافی دا وار اوز کمندیینه دچار ائتدیی جیرانی سئویر 🌺علی آقا واحید🌺 @a_vahid_21

🌺گوزلرین🌺 سئوگیلیم ائل بیلیر من اهل دردم سندن باشقاسيني سئوسم نامردم غصه دن اؤلورم نئيليم كي، هردم، مني قويوب باخير يانا گؤزلرين. كيپريگين خنجردیر، قاشلارين كامان، ييخديغين عاجيزه وئرمزسن آمان. دئديلر جلّادسان، ائتمزديم گومان، سالاجاقدير مني قانا گؤزلرين. سنين الينده دير هر اختياريم، ظاليم،اؤلدور مني غمدن قورتاريم، بس كيمه سؤيله ييم، كيمه يالواريم، گتيريب دير مني جانا گؤزلرين. كؤنلومو سالاجاق زولفون كمنده، حسرتين قويماييب جان قالسين منده، او گؤزلر وار ايكن نه قدر سنده، آلاجاق كؤنلومو سونا گؤزلرين. واحيدم ،سئوگيليم، منده قانيرام، فتنه كار گؤزلي اوزدن تانيرام، نئجه دئييم سنه، غمدن يانيرام، منيم تك اود توتوب يانار گوزلرین 🌺علی‌آقا واحید🌺 @a_vahid_21

دیل بیلن,سؤز آنلایان بیر نازلی یار ایستیر کؤنول لاله دن,گول دن گؤزل بیر نو بهار ایستیر کؤنول اعتبارین گؤرمه ینجه سؤمه رم بیر دلبری نازنین مهپاره لردن اعتبار ایستیر کؤنول هر قارا زلفین اسیری اولمارام بوندان سورا ایندی عالم اؤزگه دیر خوش روزگار ایستیر کؤنول اوینایوب,گولمک, دانیشماق,عیش و نوش ایامدیر بولبول شیدا کیمی مین لاله زار ایستیر کؤنول هر طرف گول دیر,چیچکدیر,بو آزاد ئولكه ميز دائم اؤز خوشبخت خلقین بختیار ایستیر کؤنول بیز سووه ت خلقین حقیقتله سئوون عاشقلریک خائنی,ادنانی یوردومدان کنار ایستیر کؤنول بختور ,واحد اوکسلر دیر بو خوش عالمده دیر هر زمان بوشن حیاتی پایدار ایستیر کؤنول 🌺علی_آقا_واحد🌺 @a_vahid_21

دئدیم، دئدی دئدیم : ای غنچه دهان کونلومو قان ائیله میسن، دئدی: بیجا یئره عشقیمده فغان ائیله میسن! دئدیم: اینصاف ائله ، اینجیتمه منی ، عاشقینم دئدی:گئت ، سریمی دونیایا عیان ائیله میسن! دئدیم:آغلاتما منی سرو بویون شوقوندا، دئدی:گوز یاشینی بیهوده روان ائله میسن! دئدیم:آخر ،گوزلیم ، باغ وبهاریم سن سن ، دئدی: سن عومرونو حسرتله خزان ائیله میسن ! دئدیم:آز چکمه میشم گوزلرینین حسرتینی، دئدی:اوز کونلونو یئر سیز نیگران ائیله میسن! دئدیم: عشقینده اسیرم، منه بس خئیری ندیر؟ دئدی:اولده بو سئودادا زیان ائیله میسن! دئدیم :عشق آتشی نئیلر منه قورخان دئییلم! دئدی : بیچاره ، یانارسان، نه گومان ائیله میسن؟! دئدیم : ائی گول، من ازل دن ده گوزه ل عاشیقینم دئدی : سن روحونی عشق ایله جاوان ائیله میسن! دئدیم : هرگون سرئ -کویینده دولانماق دیر ایشیم دئدی : واحید، نه گوزه ل یئرده مکان ائیله میسن! 🌺على آقا واحید🌺 @a_vahid_21

👌 بیز بیر قاطار طوطی ِ شیریـن سخـن لـریـک اؤز نغمه میزلـه زینـتِ سـرو و چمـنلـریـک گول اوزلولر ترانـه میـزیـن حسـرتیـن چکیـر باغ ِ وطنده بولبـولِ خـوش نغمـه زن لـریـک بیر کیمسه بیلمه ییـر نـه خـرابـاتـی لـردنیـک میخـانـه لـر مسـافیـری رنـدِ کهـن لــریــک بیزدن، همیشه ذؤق آلیـب اربـابِ معـرفـت بیز اهل ِ حاله عطر ساچان یـاسمـن لـریـک معشـوقـه میـز حقیقـی زولیخـایِ مصـردیـر عشق عالمینده یوسیف گول پیرهـن لـریـک لؤح اؤزره پیریمیز بیزی یازمیش شهیدِ عشق میدانِ عدل و داددا گـولگـون کفـن لـریـک جاوید همیشه خلقیمیزین خاطیرینده دیـر واحد، اویوخسا، روحی ایله هموطن لریک 🌺علی آقا واحد🌺 @a_vahid_21

دئدیم:ای غنچه دهن،کونلومو قان ائیله میسن، دئدی:بیجا یئره عشقیمده فغان ائیله میسن! دئدیم:انصاف ائله،اینجیتمه منی،عاشیقینم، دئدی:گئت،سیرریمی دونیایا عیان ائیله میسن! دئدیم:-آغلاتما منی سرو بویون شوقونده، دئدی:گوز یاشینی بیهوده روان ائیله میسن دئدیم:-آخیر گوزه لیم،باغ و باهاریم سنسن، دئدی:-سن عومرونو حسرتله خزان ائیله میسن. دئدیم:-آز چکمه میشم گوزلرینین حسرتینی، دئدی:-اوز کونلونو یئرسیز نیگران ائیله میسن. دئدیم :عشقینده اسیرم،منه بس خیری نه دیر؟ دئدی:-اولده بو سئودادا زیان ائله میسن. دئدیم:عشق اتشی نئیلر منه،قورخان دئییلم! دئدی:-بیچاره یانارسان نه گمان ائیله میسن؟! دئدیم:-ای گول،من ازلده نده گوزل عاشیقییم، دئدی:-سن روحونو عشق ایله جاوان ائیله میسن. دئدیم:-هر گون سر-کویوندا دولانماقدیر ایشیم، دئدی:-واحد،نه گوزه ل یئرده مکان ائیله میسن. علی‌آقا _واحید @a_vahid_21