4 847
Subscribers
No data24 hours
No data7 days
No data30 days
Posts Archive
4 847
لطالما ايقنت في قرارة نفسي انني شخص
عابر في حياة من حولي حتى جاءت هذا الرسالة وأثبت لي عكس ذلك.
4 847
تحسب إني ناسي حبك ودوره ؟
لو نسيت أبوي وأمي ما نسيتك
الله اللي حط لك بالعين صورة
والله إن يمحى نظرها ما محيتك
تلمحك روضٍ يقلدني زهوره
ناعمٍ لو إنك بتوكل كليتك
موج حبك بالحشا صفقة وفورة
والظنون تسد نفسي لا اشتهيتك
وش تعللها عليه من الخطورة ؟
يا معللها على ليتك وليتك
واحدٍ من طاري اسمك طق زوره
وش يقول إن سمع لبيك وفديتك ؟
عذره بمخباه لو يفقد شعوره
وأنت عذرك لا رماك الله رميتك
لا تهز الغصن وتطيّر طيوره
اتق الله واحترم مجدك وصيتك
مدغم أبو شيبة
4 847
كلمة "فمان الله" يغلب عليه الجمال والعذوبه :
"فمان الله" يا أول من سكن بين الضلوع العوج
عسى دربك سفير ، ويا عسى الله .. ما يخليني
- ضيدان بن قضعان
"فمان الله" والعذر السمين أبلغ من التبرير
عفى الله عن خطايا اللي ، خطايانا على شانه
- علي الدعيه
4 847
ما جيت أسومك مثل هالناس بالمال
ولا جيتك أصغر في عيونك .. ولا أطيح
جيتك بلهفة عاشق .. وعقل رجّال
وقلبٍ يشوف أن الحنايا .. مراجيح
في نظرتي .. حلمٍ قطفته من البال
وفي خطوتي .. عمرٍ خطفته من الريح
جيت بقصيد .. وحب .. وأحلام .. وآمال
طلّاب قربٍ .. طاولته التباريح
لي في عيونك عِشرة .. وبيت .. وعيال
وفي يديك لي دبلة .. وعَشرة مصابيح
جيتك وقلبي فيه من عشق الأطفال
لا حَب .. قال أحِب .. من غير تلميح
سلمتك أمره .. وأنتِ أدرى بالأحوال
لا تتركينه في دروب المجاريح
أما يعيش الطفل في عيون رجال
وإلا يموت الطفل بين المراجيح
وإلا يموت الطفل بين المراجيح!
