تويتر | Twitter,

قاعد مركلس جمب ست شاي جاني طلب ضربتا تلفون اسمع ليك زول بدقو فيو وشغال يكورك واسمع ليك صوت واحده بتقول ليهم اي كتفو طيرو لي من هنا .. انا قلتا في نفسي يا ود يا بخابيخو الغي الطلب ويا دار ما دخلك شر دا اكيد مجنون مودنو المستشفي يقوم يعمل لي درامات وقصص داير اقفل الخط كدا اسمع ليك زول بقول ايوا نعم منو قلتا ليو انا بتاع ترحال قال لي ترحال شنو داير منو انت واسمع ليك لب شكلو المجنون ادوهو حاجه في ضهرو قلتا ليو انت مش احمد قال لي ااي ومش طالب ترحال قال لي اي انت وين قلتا ليو قريب قال لي سرع مع كلمة سرع دي صاحبنا قشطو كف صاموطي لمن حسيت بالزول بتكلم معاي هوا هوا من شدة صوت الكف لما وصلتهم شكلهم متابعني باالجي بي اس طوالي فتحو الباب جوني ٣ شباب شبعانين شايلين ليهم زول مربط ختو جمبي قدام وشغال ببكي قام عاين لي كدا بقا يضحك وتاني يبكي في اللحظه دي مرقت مره وبتها والبت بتبكي ما دايراو طلقوني منو ما دايراو والام شغاله طيرو من هنا ما دايره اشوف خلقتو دي ادوني حق المشوار ومعاو ٥٠٠ جنيه زياده قالو لي الزول دا توديو الحته المحددنها ليك في اللوكيشن طوالي اتحركتا قلتا يا بخبخ شغل ليك موسيقي هاديه عشان المجنون دا يهدا .. عندي فلاش فيو ياني وبلاست شغلتا موسيقي لي ياني اشوف ليك الزول استمخا وهدا قال لي تتخيل ياني دا عندو موسيقي عجيبه وانا بعاين ليو متنح كدا قال لي ما تستغرب كدي فكني فكني انا نصيح يا زول انا لاوزتا في الاول ولما شفتو بقول في كلام منطقي فكيتو قام طلع علبه من جيبو وولع سجاره قال انت عارف انا ما مجنون بس مثلتا فيها مجنون عشان اتخارج من الجماعه ديل .. انا متزوج بتهم وباني لي غرفه في بيتهم وساكن معاهم وبصرف علي البيت انا .. والشباب الشفتهم ديل كلهم عطالي اكلو القدامي والوراي وعشان اتخارج منهم بدون يرفعو فيني قضية نفقه ومصاريف مثلتا فيها مجنون لما وصلنا بيتهم قبل ينزل قال لي انت متزوج قلت ليو ااي وساكن وين قلتا ليو مع نسابتي قام اداني الحبل وقال لي بتحتاج ليو خليو معاك

جمبنا في الحلة كان في واحد شاب عامل فيها شفت مفتح وقليل ادب جدا لسانو طويل مسيخ من مواليد2000 مفلفل شعرو ولابس سلسل كل يوم والتاني عامل لبطة ومشاكل مع الجيران وعمل معاي كم مشكلة ومستفز جدا وانا اكلت معاي جنبة انو الشاب دا حقرني كان ممكن اصارع معاه لكن في حقي شينة باعتباري زول كبير في السن وامام مسجد التقوي بحمد النيل وشيخ طريقة كديسية.بقيت افكر في طريقة اادبو لحد مالاقيت امه في الشارع جايطة تكورك:الود دا كرهني الحلة دي قلت ليها مالو عمل شنو؟قالت من اصبحت ساق ركشة جارنا لي هسه ماجابا وجارنا فتح بلاغ اعمل شنو انا.قلت ليها والله ياشامة اكون معاك صريح ولدك دا معمول ليه عمل وسحر ومتسلط جان لابسو وبالطريقة دي برتكب جريمة عالجي ولدك.المرا سكلبت وووب عليا يامولانا اسوي شنو؟قلت ليها جيبيهو لي الخلوة بعدين بعالجو بطلع منو الشيطان الراكبو دا وبديه بخرات ومحاية ودا مجان مني ليك لانك جارتي المرا شكرتني شديد وقالت لي طيب لو ابا يجي معاي؟قلت ليهاربطوه وكتفوه بحبل جيبوه مهما صرخ وكورك ماتفكوه الاعندي.قالت لي سمح.اها الصباح اسمع ليك كواريك قدام بابي فكوني فكوني فتحت الباب لقيت اعمام الود مربطنو بحبال رافعنو في ركشة جابوه لي من شافني صرخ:واااي قلت ليه واي ياكبير دخلوه جوة البرندة محل الخلوة ولعت البخور وقعدت والود قاعد مطير عيونو مخلوع وقلت لاعمامه:نعمل كشف وخيرة.بعد شوية قلت ليهم الود دا مسكون ساكنه شيطان اسمو جعبوص دا جن حبشي لازم يطلع منو.عمه الكبير قال لي طلعو خلاص.قلت ليهم سمح بياضي وحق بخوري اها طلعو لي 500,جنيه غمتها قلت ليهم دخلوه لي الاوضة جوة مهما كورك وسكلب مافي زول يشتغل بيه.هنا الود صرخ:الزول دا عندي معاه مشاكل داير ينتقم مني ياجماعة دا زول كضاب.كان خايف وبصرخ وبفنجط مطير عيونو قلت ليهم:البتكلم دا الجن الفيه دا ماولدكم دخلوه جوة .اها شالوه دخلوه الاوضة وهو مربط بصرخ قفلت الباب وشلت سوط عنج وجيتو قلت ليه:اها ياحبة الليلة بمعطك معط الجن عامل لي فيها حقار ومجنون الليلة بطيرليك جنك دا.صرخ وقال لي معليش ياعمنا توووبة امسحا لي في وشي رفعت السوط فوق ومعطتو ليك واحد رطططك في ضهرو لمن صرخ فنجط وتاني معطتو ليك سوطين لمن سكلب بقي يصرخ:والله معليش خلاص.قلت ليه اها بتطلع ولامابتطلع ؟قال لي البطلع منو؟تاني معطتو ليك لمن صرخ قالي بطلع خلاص.ناديت اهله عشان يسمعو ويشوفو قلت ليه قدامهم:بتطلع ولامابتطلع؟صرخ بطول حسه:بطلع والله بطلع قلت ليه يلا ارح اطلع وتاني معطتو ليك سوطين لمن سكلب قال لي طلعت خلاص قلت ليه لسا ماطلعت تاني معطتو ليك كم سوط لمن بال بقي يقطع حنيت عليه قلت ليهم خلاص الشيطان طلع شكروني شديد ساقو ولدهم مشو بعد يومين صادفتو في الشارع سايق ركشة من شافني صرخ وتلب منها جري خلا الشارع

كل ما امشي مناسبة بغشى محل الطباخين ، وبكون منتظر الطباخ يتكلم عشان اتأكد من الموضوع داك ، وكل مرة بطلع صاح

انا ممكن اديك كل التعابير الحماسيه في وشي وانا اساسا ما عارفك بتتكلم عن شنو

ما اي زول طلع من حياتك معناها لي خير ليك, يمكن انت زاتك كنت بلاء وكُج بالنسبة ليهو فما نعيش جو الصالحين دا كتير معظمنا عوارض لي ناس تانية

منقوووووول اتعرفت علي واحد اسمو ادريس في صلاة العشاء في جامع الداخليه ، قلت ليهو انت معانا في الداخليه دي قال لي انا ساكن قريب منكم جيت اصلي بس ، قلت ليهو اتفضل معانا العشاء ، الطبيعي اي زول تعزمو يقول ليك شكرا ولا كتر خيرك قال جدا ومشي معاي ، دخلنا الغرفه واتعشينا الزول دا اكال بصورة ماطبيعيه اخر زول خليناهو كمل الصحن وقبل علي الحله قشاها برضو وبعد انتهي رقد ، الساعه اثنين صباحا جات وهو قاعد معنا فرشت ليهو لحافي وقلت ليهو نوم انا ماشي انوم في السطوح وطلعنا السطوح اصحابي قالو لي الزول دا بتعرفو ، ابدا لقيتو في الجامع وعزمتو وقال ساكن قريب مننا ، نمنا والصباح عملنا الشاي وعملنا الفطور وهو قاعد مشينا الجامعه وجينه عملنا الغداء وهو قاعد بقي متلحنا ﺗﺘﻠﺢ شديد ﻣﻦ غرفتنا ﻣﺎ ﺑﻄﻠﻊ ، ﻓﻄﻮﺭ غداء شاي عشاء مافي ﺷﻲ بفوتو ، شكلو كزب علي لا ساكن قريب ولا حاج عايز حته ينوم وياكل فيها ولقاها ، بقينا نخاف ممكن يسرقنا بس ماحصل فقدنا حاجه بالعكس نجي نلقي الغرفه منظفه ومرتبه ويغسل لينا الهدوم ويكويها لينا وبطلب مننا نجيب ليهو الصابون والحاجه الوحيده المابعرفه الطبيخ ، صاح مريحنا في الغسيل والنظافه بس كمان مامرتاحين ليهو واكال شديد اي حاجه بقشها وخطر علي ميزانيه الغرفه ، عايزين نخارجو بي اي طريقه ، ﻧﺤﻤﺮ ﻟﻴﻬﻮ ﻳﻌﺎﻳﻦ ﻟﻠﻤﺮﻭﺣﺔ ، ﻧﻘﻔﻞ ﺍﻟﻤﺮﻭﺣﺔ ﻳﻄﻘﻄﻖ اصابعينو ﻣﺎﺩﺍﻳﺮﻳﻦ ﻧﻘﻮﻟﻬﺎ ﻟﻴﻬﻮ ﻋﺪﻳﻞ امشي والبعملو في الغرفه ماهين نظافه وغسيل ، ناس الغرفه قالو لي شوف ليك حل مع صاحبك دا يا تخارجو يا تتخارج معاهو ، قلت ليهم نعمل اﺟﺘﻤﺎﻉ ﺳﺮﻱ وطارئ ﺑﻌﻨﻮﺍﻥ كيف نتخلص من ادريس ، وﺍﻻﺟﺘﻤﺎﻉ ﺟﻤﻴﻞ ﻭهادي انا واصحابي وادريس في نصنا وﻣﺒﺴﻮﻁ الاجتماع باسمو ﻣﺶ ﻗﻠﺖ ﻟﻴﻜﻢ متلحنا ، اقترحت ﺣﻞ لكن ﺣﻞ ﻗﺎﺍﺍﺍﺳﻲ ﺷﺪﻳﺪ اﻧﻮ ﻣﺎ ﻧﺎﻛﻞ ﺣﺎﺟﻪ ﺗﺎﻧﻲ ﻏﻴﺮ (بليله) ﻭ ﺍﺗﻔﻘﻨﺎ ﻋﻠﻰ ﻛﺪﺍ ﻭﺣﻠﻔﻨﺎ ﻗﺴﻢ ﺍﻟﻄﺎﻋﻪ ﻭ ﺍﻟﻮﻻﺀ والخاين ﺍﻟﻠﻪ ﻳﺨﻮﻧﻮ ﻭ ﻣﺎﻑ ﺯﻭﻝ ﻳﺎﻛﻞ ﺑﺮﺓ ، ﺍﻟﺒﺮﻧﺎﻣﺞ ﻛﺎﻟﺘﺎﻟﻲ ، الفطور بليله بي عيش .. ﺍﻟﻐﺪﺍء مويه بليله فته .. العشاء بليله بالمعلقه ، ثلاثه يوم ﺷﻐﺎﻟﻴﻦ ﻛﺪﺍ ، ﺑﻌﺪ ﺷﻮﻳﺔ ﻳﻨﺎﺩﻭ ﺍﻟﻨﺎﺱ لاكل نلقي ﻓﻲ ﺯﻭﻝ ﻧﺎﻗﺺ وادريس قاعد وﺑﻌﺪ ﺧﻤﺴﺔ ﻳﻮﻡ كلهم هربوا بقيت انا وادريس ، وانا حالف الا اشردو لاني الجبتو وبقي تحدي بيني وبين ادريس ، وانا الوحيد البعمل الاكل ، شكيت ﻓﻲ ﺍﻟﻤﻮﺿﻮﻉ قلت امكن البليله البعمله دي سمحه ، بقيت اعمل بليله نص استوا ومافيها ملح برضو ادريس اكله ، حرقت البليله وجبتها برضو اكله ، فضل اديها ليهو حب بس ، وادريس ﺛﺎﺑﺖ ﻭ ﻣﺎ ﺍﺗﺰﻋﺰﻉ ﺍﺑﺪﺍ ﻭ ﻓﻌﻼ ﻛﺴﺐ ﺍﻟﺘﺤﺪﻱ وانا ﻛﺮﻫﺖ ﺣﺎﺟﻪ ﺍﺳﻤﻬﺎ بليله ، ولمن اشم ﺭﻳﺤﺔ بليله تجيني ﺩﻭﺧﻪ وبطني تطم وﺃﻋﻠﻨﺖ استسلامي ، وادريس اصبح فردا من أفراد الغرفه وﻳﺘﻤﺘﻊ بكامل حقوقها

السودان البلد الوحيد الممكن الزول يطلع فيهو جواز عشان يحل بيهو امور تانيه م عشان يسافر

واحد جازف بالسمبك لقى نفسو في فرنسا ، اختو اتصلت عليه قالت ليهو لمن تجي راجع جيب لي معاك فستان قال ليها لو جيتكم راجع لبسيني ليهو

انتي م تعملي الغلط عشان هو غلط ولمن تعملي الغلط اعمليو مع راجل بقدر يحميك

‏- أنا مهما حدث لا أنظر للخلف ، ‏- ثقة أم غرور؟! ‏- لا ده غضروف

#المصحف https://www.facebook.com/المُصْحَف-108189505120751/

فولو مي🥲❤️🔥 https://twitter.com/hisoka0O?t=i6VTEBn2SLl1zHgPpEgi3Q&s=09

- ناس البيت شافوني بصلي = يشجعوني ❌ = ابو لهب أسلم ✅

مدرسه لغه عربيه امها صحتها من النوم قالت ليها هل بزغ الفجر ي امي قالت ليها اصحي دا ااستفرغ عديل

ﺍﺑﺘﺴﻢ حتى ﻟﻮ ﻻﻗﺎﻙ ﺯﻭﻝ ﻣﺎ ﺑﺘﻌﺮﻓﻮ ﺍﺑﺘﺴﻢ ﻟﻴﻪ ﺧﻠﻴﻪ ﻳﻨﺴﻲ ﻫﻤﻮﻣﻮ ﺷﻮﻳﻪ ﻭﻳﻀﺤﻚ ﻭ ﻳﻘﻮﻝ ﻳﺎ ﺭﺑﻲ ﺍﻟﻌﻮﻳﺮ ﺩﺍ ﻣﺎﻟو

ﺩﻛﺘﻮﺭ ﻣﺴﻄﻮﻝ ﺑﻜﻠﻴﺔ ﺍﻟﻄﺐ ﻭﻓﻰ ﺃﻭﻝ ﺩﺭﺱ ﺗﺸﺮﻳﺢ ﻟﻄﻼﺏ ﺍﻟﺴﻨﺔ ﺍﻷﻭﻟﻰ ﺑﻌﻨﻮﺍﻥ " ﺃﺳﺎﺳﻴﺎﺕ ﺍﻟﺘﺸﺮﻳﺢ ﻭﺍﻟﺠﺮﺍﺣﺔ " ﻗﺎﻝ ﻟﻴﻬﻢ :" ﺷﻮﻓﻮﺍ ﻳﺎﺣﻠﻮﻳﻦ .. ﺃﻫﻢ ﺷﺊ ﺑﺎﻟﺘﺸﺮﻳﺢ .. ﺣﺎﺟﺘﻳﻦ .. ﺍﻷﻭﻟﻰ ... ﻣﺎ ﻳﻜﻮﻥ ﻋﻨﺪﻛﻢ ﺃﻱ ﻧﻮﻉ ﻣﻦ ﺍﻟﺨﻮﻑ ﺃﻭ ﺍﻟﻘﺮﻑ ... ﻭﺩﺧﻞ ﺇﺻﺒﻌﻮ ﺍﻟﺼﻐﻴﺮ ﻓﻲ ﺃﻧﻒ ﺍﻟﺠﺜﺔ ﻭﻟﺤﺲ ﺇﺻﺒﻌﻮ ﻭﻃﻠﺐ ﻣﻦ ﻛﻞ ﺍﻟﻄﻼﺏ ﻳﻌﻤﻠﻮﺍ ﻛﺪﻩ ، ﻭﺑﻌﺪ ﺗﺮﺩﺩ ﻭﺃﺷﻤﺌﺰﺍﺯ .. ﻋﻤﻠﻮﺍ ﺍﻟﻤﻄﻠﻮﺏ ﻭ ﻟﺤﺴﻮ ﺃﺻﺎﺑﻌﻬﻢ ، ﺭﺩ ﺍﻟﺪﻛﺘﻮﺭ : ﺍﻣﺎ ...... ﺍﻟﺤﺎﺟﻪ ﺍﻟﺜﺎﻧﻴﻪ ﺍﻟﻤﻬﻤﺔ .. ﻭﻫﻲ : ﻗﻮﺓ ﺍﻟﻤﻼﺣﻈﺔ،ﻻﺯﻡ ﻳﻜﻮﻥ ﻋﻨﺪﻛﻢ ﻗﻮﺓ ﺍﻟﻤﻼﺣﻈﺔ ﻭﺍﻟﺘﺮﻛﻴﺰ . . ﺃﻧﺎ ﺩﺧﻠﺖ ﺇﺻﺒﻌﻲ ﺍﻟﺼﻐﻴﺮ ﺑﺄﻧﻒ ﺍﻟﺠﺜﺔ . . ﻭﻟﻜﻦ ﻟﺤﺴﺖ ﺍﻻﺻﺒﻊ ......... ﺍﻟﺠﻤﺒﻮ

كانت بتغني ليهو " أصيل وليد من الشكرية " امس اتشاكلو قالت ليهو امشي ياعرب ظوط

انا شاب سوداني وسيم وموظف وعندي بيت في الخرطوم وعندي حساب في البنك واملك ثلاث سيارات والعايزه تستر نفسها عندي صحبي عندو دكان عبايات

الزفاف في السويد ـ عدد المدعوين : 60 شخص ـ عدد الحضور : 50 شخص ـ الأطفال الجالسين : 2 ـ الهدايا المقدمة : 50 ظرف ـ المفقودات : 0 ـ الإصابات : 0 ـ عدد الصور الملتقطة للعروس : 22 ـ مدة الرقص : 20 دقيقة #تعليقات الحضور بعد العرس : ياله من تنظيم رائع , حبهم جميل , شئ رائع و مذهل #الزفاف_في_السودان - عدد المدعوين : 1700 شخص ـ عدد الحضور : 2500 شخص _الفنان خالد خلخول ..بي 80الف ...أو محي الدين اركويت بي 150 الف ـ الأطفال السارحين بين الرجلين : 900 طفل وطفلة ـ الهدايا المقدمة :4 علبة فناجين قهوة وطقم صحانه ـ المفقودات : عدد ٧ تليفونات , 3 فردات حلق دهب , 8 اطفال , غويشة ام العروس ـ الإصابات : دخول اخت العروس في غيبوبه, ارتفاع الضغط لحبوب العريس .. كسر 5 كعاب 12 سم ظهور شجار في نهاية الزفاف وضرب بالكراسي ـ عدد الصور الملتقطة للعروس 3420 صورة ـ مدة الرقص : 9 ساعات تعليقات الحضور بعد العرس : العروس كبييييييره , الأكل حبه صحنهم فاااضي , أهل العريس ديل من وين , .. فستان العروس ما استخارت فيهو , عريس كلو صلعه وكرشه و و و