اورک سؤزلرى

#آخشامینیز_خئییرلی

حَسرتیندن اوشویورم آز قالیر کی روحوم دونا کاش سیغینام قوجاغینا یئنه اوشاق اولام آنا... #ضییا_فدایی

آتادان یازمایین نولار آ دوستلار آتاسیز اولانلار داریخیر آخی ساریلیب یاتیرسیز، قَدرینی بیلین اونلار قارا داشا ساریلیر آخی آتالی اوشاغا حَسَدله باخار گؤزوندن دوپ‌دولو خاطیره یاغار آنجاق شَکیللردن تَسَللی تاپار نئیله‌سین، قَبیر ده دانیشمیر آخی آتا بیر اومیددی ، نه قَدَر ساغدی اؤولادا دایاقدی، دوشمنه داغدی آتا بیر سیناقدی، بار وئرن باغدی هَر بَنده او آدی داشیمیر آخی #نریمانلی #سونای_احمدزاده

گئتمک ایسته‌ییرسن بَهانه‌سیز گئت گئتمک ایسته‌ییرسن بَهانه‌سیز گئت اویاتما مورگولو خاطیره‌لری سَسین هَمین سَسدیر ، باخیشین اؤگئی گئدیرسن ، سَسین ده یاد اولسون باری... سَن دنیز قوینونا توللانمیش چیچک اوستونه دالغالار آتیلاجاقدیر ساختا مَحَببتین ساختا سَنَد تَک نه واختسا اوستونده توتولاجاقدیر دؤشه‌نیب یوللار تَک آیاقلارینا سَنه یالواریم‌می؟... بو مومکون دَییل! قویمارام قَلبیم تَک ووقاریم سینا آلچالیب یاشاماق عؤمور-گون دَییل دئمیرم سَن اوجا بیر داغسان ، اَییل دئمیرم قالیبدیر عَلاجیم سَنه نه سَنده مَحَببت قارا پول دَییل نه مَن دیلنچی‌یم اَل آچیم سنه... گئتمک ایسته‌ییرسن... او یول ، او دا سَن... بیر جوت گؤز باخاجاق آرخانجا سَنین گئتدین‌می ... نه واختسا دؤنمک ایسته‌سن تیکانلی یاستیغا دؤنه‌جک یئرین گئتمک ایسته‌ییرسن... نه دانیش ، نه دین! یوخ اول اوزاقلار تَک دوماندا ، چَن‌ده... نه‌ییمی سئومیشدین؟ دئیه بیلمه‌دین ایندیسه یوز عئییب گؤرورسن مَنده #نوصرت_کسمنلی #جلال_ممدوو

سَنسیز , ائی گول , کؤنلومون بیر دَم قَراری یوخدو, یوخ ! سَندن اؤزگه نئيله‌سين ,  بیر غَمکوساری یوخدو , یوخ! دَردِ هیجران چاره‌سی  هَر چَند بیلدیم صَبریمیش نئيله‌ييم , بيللاه , بو دَریانین کَناری یوخدو , یوخ! لئیلی ! لئیلی ! سؤيله‌ييب چوخلار دئيير كيم , عاشيقم لئيک مَجنون تَک اونون بیر داغداری یوخدو , یوخ! هَر خَزانین بیر باهاری اونسوز اولماز , اولماسین بو چؤل اولموش گولسیتانین , بیر باهاری یوخدو , یوخ! گوللری , بولبوللری , آب و هواسی چوخ گؤزل حئیف کیمی , بو گولشنین بیر گولوزاری یوخدو , یوخ! هیچ عئیبین يوخ , گؤزه‌للیک هامى سَنده جَمعدير نئيله‌ييم اَمما كی , عَهدين ائعتیباری يوخدو , يوخ! سَن نه بَسلرسن بو تَرلانى ،نَباتى روز و شب؟ مَن بو داغى چوخ دولاندیم , بیر شیکاری یوخدو،  یوخ! #ابوالقاسیم_نباتی #طییار_بایراموو

#گون_آیدین #ائلهام_ساعی

#آخشامینیز_خئییرلی

سَنین توزلو اَلین، توزلو پالتارین مَنیمچون تَمیزدیر، پاک‌دیر، عَزیزدیر سَنله کَسدیییمیز قورو چؤرک ده سَنسیز یئییله‌جک بالدان لَذیذدیر... #ضییا_فدایی

سَنده قوصور آختارانین گؤزلری یورولار گؤزه‌‌للیییندن... #R

نئجه کئچیر گونون مَنسیز آدیم دوشورمو یادینا؟ داریخاندا خاطیره‌لر گَلیب چاتیرمی دادینا؟ حَسرت اَریده بیلدی‌می اوره‌یینین بوز یئرینی؟ غورور دَییشه بیلدی‌می پئشمانلیقلا اؤز یئرینی؟ گَزیرسن‌می تَک باشینا کئچدیییمیز کوچه‌لری؟ او گونلرین خاطیرینه سئویرسن‌می گئجه‌لری؟ دویورسان‌می داها سَن ده آیریلیغین نَغمه‌سینی؟ بوغورسان‌می اؤز ایچینده "داریخیرام" کَلمه‌سینی؟ مَن‌سه هَر گون بیله-بیله حیسسلریمی مَحو ائدیرم نئیله‌ییرم او اوره‌یی؟! قولاق آسیب سَهو ائدیرم #تئهران_اکبر #ائلوار

اونوتدون، یوخسا کی باخیرسان گئندن؟ باخ، باشیم آییلمیر کَدَردن، غَمدن نییه اَللرینی چَکمیسن مَندن؟ یوخسا کی کوسموسن سَن ده آللاهیم؟... #ضییا_فدایی

گؤزومدن ایللرین غَمین یاغیش یویاندا ،باخ مَنه اوزومدن آیریلیق توزون کولک سیلنده، گؤر مَنی اومیدیمین مَزارینا چیچک قویاندا، باخ مَنه خَیالین ایله هَر گئجه دئییب-گولنده، گؤر مَنی قاییت ،ویداعلاشیم، گئدیم؛ قاییت ،حالاللیق ایسته، گَل اَرینمه، ایندی گَل ،یا دا اولاندا مَن جان اوسته، گَل اَگَر بَیَنمه‌سن بئله، گئت اوندا ،سون نَفَسده گَل اؤلنده چوخ گؤزه‌لله‌شیر آدام، اؤلنده گؤر مَنی گَرَک تَضادلی آیریلاق، گَلَنده گئت، گئدنده گَل سَنی کَدَرلی کؤنلومون نَواسی اینجیدنده گَل ایشیق لَچَکلرییله گون اوزومده رَقص ائدنده گَل ائی گول‌اوزلو دیلبریم ،باهار گَلَنده گؤر مَنی #پونهان_عظیم #سامیر_جبراییللی

مَن دَلی سئوگیلرین عاشیقِ پَروانه‌سییم بوینو زَنجیرده گئدن اؤنده‌کی دیوانه‌سییم ییغیرام باشیما هَر گون سَری سئودالیلاری مَن بوتون دَردلیلرین ناله‌سی مئیخانه‌سییم گوندوزوم بَحرِ جَهَننم، اوزورم ساحیلی یوخ... گئجه‌لر بَحرِ شَراب ، مَن گئجه آواره‌سییم ایچیرم هَر گئجه‌نی مئی‌له دولو باده کیمی گئجه بیر دَرد آغاجی، مَن ده اونون سایه‌سییم گئییرم هَر گئجه‌نی دَرویشِ دیوانه کیمی دَرویشی فیرفیرانین قور دولو لَب‌باده‌سییم گَلین ائی اَهلِ قَلَم ،صوفی‌صیفت مَجلیسینه دؤرد یولون آیریجییام ، بئتولحَزَن ناله‌سییم دونیایا گَلدی نوراددین ،دَلی سئودالار اوچون دوشدو بیر عشق اودونا، یاندی اؤزو، مَن سَسییم #نوراددین_مئهدیخانلی

یوخسا، ائی گول، یئنه گولزارده حال ائیله‌میسن؟ غؤنچه‌نین باغرینی قان، بولبولو لال ائیله‌میسن؟ قامتین سایه سالان یئرلره گون سورتر اوزون اونو سَرگشته‌یِ زولفو خَط و خال ائیله‌میسن؟ قاش قارالدیقدا اوزونله دورا بیلمز قارشی مَگَر، ائی مَه، گونشه عَرضِ جَمال ائیله‌میسن؟ اؤزگه‌لر مَحرم اولوب وَصلینه، اؤز عاشیقینی یاندیریب هیجر ایله مَحرمِ ووصال ائیله‌میسن! عاشیقین کؤنلونو ییخماق، گؤزه‌لیم،  یاخشی دَییل توتار آخیر سَنی آهیم، نه خَیال ائیله‌میسن؟ سَن کی یوخدون، نه بیلیردیم اَلَمِ عشق نه‌دیر ائل ایچینده مَنی مَجنونه میثال ائیله‌میسن واحید، اَحسن سَنه ، طَعن اوخلارینی گَلدیکجه ییغمیسان دؤوره‌نه ،بیر جاه و جَلال ائیله‌میسن. #علی_آغاواحید

#گون_آیدین