Бөлексің🫀

– Кейбір адамдар сіздің сөздеріңізді түсінбейді, ал кейбіреулер сізді түсіну үшін тіпті сөздерді қажет етпейді...

– Сіз жаралаған жүректі, Алла сүйген болса ше?!

Жүрегіңді сақташы жүрегім үшін 🤍

"Бәрі жақсы" - дегеніңізде, сенбей қайта сұраған жан, сізді көңілімен таныған болады, көзімен емес...

Жүрегі Алласын танып соққан адамның дұғасында болу - сирек кездесетін шынайы бақыт...

Айға қарағанда, жаңбыр жауғанда және ең бастысы дұғаларыңызда мені еске алыңыз...

Кейде сен сондай бір жанға қажеттілікті сезінесің: — «Бәрі жақсы...» — деп құтыла салатын емес, бәлкім ішіңдегі барлығын емін-еркін, қорықпай айта алатын жан керек, тіпті не сезініп жатқаныңды, нені сезінгің келетінін де оған айта алатын жан...

💌... Тыныштық... Барлығынан да маңыздысы жаныңның тыныштығы. Жүрегіңде тыныштық, көңіліңде жайлылық болса әлемге басқаша көзбен қарай бастайсың. Жүрек Жаратушысын еске алғанда жай табады. Өмірін Аллаға арнаған жанның жүрегі әрқашан тыныш болса керекті. Өйткені, көздегені Раббысының разылығы. Өзгенің өмірін аңдудан, өзгенің өзіне разы болуын күтуден мүлде аулақ болады. Міне нағыз өмір осы шығар, ешкімнен ештеңе күтпей, дәметпей тек Алладан үміт етіп өмір сүру... жабырқаған, жараланған жаныңның жалғыз емі ол - Раббыңа жақындау, оны еске алып, жүрегіңде сақтау... жүрекке тек бір ғана махаббат сыяды. Ол да болса - Раббыңа деген махаббат болсын. Сонда ғана жүрегіңде тыныштық сақталады... Жаның жалғыздықтан жабырқаса, Раббыңды есіңе ал! Ол сені ешқашан жалғыз тастаған емес... Ол сені жан-жағыңнан бақылап тұрады...

— Ешкім ешкімнің өміріне араласпай жәй ғана тыныш өмір сүруге болмай ма осы?! Өз өмірінің сәнін, мәнін келтіріп, өзіне де, өзгеге де жайлылық пен тыныштық сыйлап жүруге не кедергі? Жәй ғана тыныштық керек, - жүрегіме, - өміріме, - өзіме...

💌... Кейде бәрін тастап, жәй ғана жаныңа жақын адамның құшақтағанына, сені тек тыңдағанына зәру екеніңді сезінесің…Бірақ әлем “Мықты бол” “Әлсіз болма” деген ұстанымды санаңа байлап тастағаны сондай тіпті өзіңе жеңілуге, әлсіз болуға рұқсат еткің келмей қарсыласасың! Қарсыласқан сайын жүрегің қатайып, демің тарыла беретін сияқтанады... Түптеп келгенде сенде ет пен сүйектен жаралған, жаны бар адамсың ғой, неге бір сәт өзің болып өмір сүрмеске?

💌... Кейбір сәттің ұмытылмағанын, кейбір адамдардың жанымда мәңгі қалғанын қалаймын... ал кейде, сол бір адамдармен таныспағанымда ғой, сол бір сөздерді естімегенімде ғой, сол бір бейнені көрмегенімде ғой деген өкініш кернейді жанымды... алайда өкінгеннен не пайда?! - деп, есімді жинап, алға қадам басуды жалғастырудамын. Әрбір істің хайыры бар ғой, өкініш сезімін сезінуіме себеп болғанның барлығы мені тәрбиеледі, есейтті, санама ақыл, бойыма күш берді... әлем біздің айнамыз екеніне тағы да көзім жетті. Әлем мен үшін қызмет етуде... неге?! әрине өзімді тану үшін... түсіну үшін, көру үшін... өткеннің берері тек сабақ болсын, тек сабақ... сол бір қателікті қайта жасауыңа тосқауыл болатындай үлкен сабақ... Бәрін басқарып тұрған Алла ғой, демек оның әрбір ісінде хикмет бар. Бәрінің өз уақыты бар... адам өзі үйренбей, өмір үйретер болса, аямайды екен ғой, аямайды...

💌... Білесің бе, әлемде қаншама миллиардтаған адамдар бар иә, ойлашы, соншама адамдар арасынан сені назарынан тастамай, әр жасаған дұғаңды, күлкіңді, жылағаныңды еститін, қандай хәлде жүргеніңді білетін, көкейіңде нені жасырып тұрғаныңнан хабардар болған, тіпті үн қатпай не ойлап тұрғаныңа дейін білетін Алла, сені дәл қазіргі қиналып жүрген хәліңде жалғыз тастайды деп ойлайсың ба? Жо-жоқ, олай емес... жақсым күдер үзбе, бәрі өткінші. Дұға ет, намазыңа бекем бол! Жаныңның жарасын тек Жаратушы Раббың ғана емдейді. Тағы кішкене шыда, Алланың жәрдемі жақын. Иә, айтуға оңай, бірақ ол ақиқат. Дәл қазіргі күйіңді мен түсінгеніммен, сезіне алмаспын. Ал, Алла бәрін сезеді, біледі, естиді, көреді... Жүрегіңді Аллаға аманат ет!

Так мило😍