«Юрак қатларида қолган сатрлар" (ХОЛБИБИ САДИНОВА шеърлари)

Фикрларингиз, орзуларингиз,  мақсадларингиз туташмас экан,  Никоҳ ришталарининг боғлангани бефойда...

t.me/irmoqsheriyat

🍂🍂🍂🍂🍂🍂🍂🍂🍂🍂🍂🍂🥀🥀🥀🥀🥀🥀🥀🥀🥀🥀🥀🥀 Кунлар ўтди кунлар ортидан, Ўтиб кетди Сен берган озор. Энди "Қайтгин!" - деган илтижо, "Кетма!"- деган, Кетма!"- деган хитоблар бекор... 😔😔😔 t.me/irmoqsheriyat

"Sherlar" каналига ташаккур ижодимга билдирилган эътибор учун!

Мендан не ёмонлиғ ўтди, айтавер, Қачон йўлинг кесиб ўтди йўлларим? Хом ўрди ўроғим қачон арпангни, Сенга, айт, ёқмади қайси ўйларим? Қачон товоғингга тиқибман қошиқ, Қачон олиб едим олдингдан ошинг? Нега Сенинг луқманг менинг ғийбатим, Менга тузоқ ўйлаб қотади бошинг? Нега гуллар эксам не бир кўнгилга, Сенинг қайчинг кесар томирларини? Эга чиққинг келар қолмай бир адир, Ҳамма кўнгилларнинг тоғ, қирларига? Нега кулгуларим қўзғар ғазабинг, Нега юрагингда ин қурган нафрат? Номим сескантирар муздайин нега, Нега осмонингдан кетмайди булут? Нега юришмайди ишинг ҳеч қачон, Нега тугамайди муаммоларинг? Нега кундузингга доим қор ёғар, Нега алам билан отар тонгларинг? Кўнглидаги тоғдек меҳридан бир чўғ, Нега Сенга ҳеч ким кўрмайди раво? Нега ишонмайсан бирор дўстингга, Ҳаммага, ҳар доим топасан даъво? Нега атрофингда йўқ бирор кимса, Нега Сенга ҳеч ким фикр айтмайди? Сен билан бир бора баҳсга тушган, Иккинчи бор Сен бор жойга қайтмайди? Еч зулматдан кийиб олган либосинг, Юрагингни очгин қаҳқаҳаларга! Кўнглингни шудрингга бир чайиб олгин, Эҳ, дунё шусиз ҳам тўла заҳарга. Ўю хаёлларинг ўра баҳорнинг Оппоқ гулларига, яшил рангига. Кўнглинг эшигини мудом очиб қўй, Оллоҳнинг меҳр тўла ҳар бир тонгига. Камалаклар билан сидириб ташла, Кўнглинг осмонидан қора булутни. Чорла гулзорингга, қумрилар келсин, Юрагингга жойла меҳрдан ўтни. Ҳеч ким қириб олмас пешонадаги, Тангрининг тақдирда битикларини. Сув кечмоқчи бўлсанг яланг оёқ кеч, Ечиб қўй бировнинг этикларини. Ҳеч ким яшай олмас биров умрини, Ҳеч кимнинг рисқини емайди ҳеч ким! Ҳеч ким терисига биров кирмайди, Келганда охирги жавоб берар кун! 🖋 Холбиби Садинова t.me/irmoqsheriyat

И У МЕНЯ БЫЛО... http://t.me/irmoqsheriyat

Сўров Бир кун қўнғироғинг қолса жавобсиз, Мавжуд бўлмай қолса рақамларим ҳам. Бўлмаса хабарим, ном-нишон, сассиз, Чўлғарми хавотир, эзадими ғам? Томоғингдан ўтмай қоладими сув, Қўлларинг ишга ҳам бормай қўярми? Мендек кўринарми ҳар ўтган сулув, Менсизлик ханжардек бағринг ўярми? Айт, қандай аҳволга тушасан у дам, Илк бор хаёлингга келар не савол? Ё бамайлихотир: “Вақт – олий ҳакам” Дея яшайсанми беғам, бемалол. Бир кун... эҳ бир куни қўрқитарми ҳеч, Менсиз, меҳрсизлик соларми титроқ. Йўқотиб қўймай деб юрак билдиргич Урарми баландроқ ҳамда нотинчроқ? Доим «энг» бўлишга интилиб, ўсдим, Қочмадим меҳнату машаққатидан. Сенинг ҳам энг яқин кишинг бўлмасам, Яшаб нима қилдим, аттанг, минг аттанг... Сукунат сабримни қилади талқон, Жимжитлик жонимни ямлар бетизгин. Менсиз яшай олсанг беғам, беармон Сендан бир умрга кетганим бўлсин! ✍️Нурхон Элмирзаева

Юракка тушган чўғ - доим тасодиф, Мудом адашишдир - нотаниш йўллар. Ваъдалар, қасамлар, тостлар - ўткинчи, Уммонни эслатмас мавжланса кўллар. Болалик, ғўр ёшлик - киргунча ақл, Қўни-қўшничилик - кўчиб кетгунча. Ҳеч кимни безамас амалу мансаб, Ҳаммаси бир куни қўлдан кетгунча. Амалинг борида пайдо бўлган дўст, Эшак сувдан ўтиб, иши битгунча. Саждадан бошингни узма, эй инсон, Охират кунингда Ҳаққа еткунча! Ҳақиқатлар - сўзмас, дўндирилган иш, Қарсаклар, олқишлар -хушомад, сохта. Оҳ-воҳлар, ҳамдардлик - юзаки, ёлғон, Кўздан ёш келмаса, йиғлаган вақтда. Энг ҳашам либослар - бир кунинг учун, Энг ширин изҳорлар - қоронғу тунда. Баҳорлар ўткинчи, йилда бир келар, Кексайган дарахтдан қолибди кунда. Сирдошим деганинг энг хавфли сотқин, Ишқ - доим юракка сирли тузоқдир. Қонингга яқиндан баъзан йўқ меҳр, Юракка яқинлар доим узоқдир... ✍ Холбиби Садинова t.me/irmoqsheriyat

Майса қулоғидан тортмоқда қуёш, Узоқдан кўринар баҳорнинг бўйи. Ер яшил кўйлагин жуда соғинди, Яқинлашиб қолди дарахтлар тўйи. Февраль тўрдан тушар этагин силкиб, Янги келин каби келмоқда март ҳам. Кўнглимнинг юртида гул очар орзу, Юрагим томонга Сен юриб келсанг. Айвон бағри тўлар полопонларга, Қалдирғоч кўксидан бўса олар ел. Баҳорга қўшилиб туша қол йўлга, Сен менинг кўнглимга, юрагимга кел. Яширма нигоҳинг, тик боқ юзимга, Сувратимни Сенинг кўзингда кўрай. Ўша кун соғинчни қолай ютолмай, Мен ўша кун бахтга кўмилиб ўлай. ✍ Холбиби Садинова t.me/irmoqsheriyat

🍃🍃🍃 Чиқинг тушларимдан, қайтиб ҳеч кирманг, Безовта қилмангиз ҳар кун тунимни. Тиллага ўрайман бошдан оёғин, Сизни унутолса, ўша кунимни!!! ✍ Холбиби Садинова 🎤 Нурхон Элмирзаева 🎻 "Муҳташам аср" сериали фонидаги Иброҳим мусиқаси t.me/nurxonelmirzayeva