GUJARATI GAZAL🌺

પતવાર ને સલામ, સિતારાને રામરામ, મજધારે જઈ રહ્યો છું, કિનારાને રામરામ. ખુશ છું કે નાખુદાનું કશું ચાલશે નહીં, નૌકાને તારનાર ઈજારાને રામરામ. દિલને દઝાડતો રહ્યો; ભડકી શક્યો નહીં, નિર્માલ્ય એવા પ્રેમ-તિખારાને રામરામ. મારો જનાજો છે હવે મારી જ ખાંધ પર, મૃત્યુ પછીના સર્વ સહારાને રામરામ. દીધો છે સાદ ‘શૂન્ય’ ગહનતાઓએ મને, કાંઠે ટહેલવાના ધખારાને રામરામ. https://whatsapp.com/channel/0029VbBMrOjKGGGDpomIhC3l – ‘શૂન્ય’ પાલનપુરી https://t.me/gujaratigazals

લોક અળગી અળગી બાબતમાં મળ્યાં, તો ય એની એ જ હાલતમાં મળ્યાં. ઓળખી શકતો નથી હું કોઈને, શી ખબર, સૌ કઈ મહોબતમાં મળ્યાં. રંગબેરંગી છે એથી સાચવ્યા, જે અનુભવ એની સોબતમાં મળ્યાં. માણસોના ટોળાં ને ટોળાં અહીં, એક માણસની જરૂરતમાં મળ્યાં. અન્ય લોકોની ય પણ છે હાજરી, આમ સૌ છેવટની દાવતમાં મળ્યાં. https://whatsapp.com/channel/0029VbBMrOjKGGGDpomIhC3l – ભરત વિંઝુડા https://t.me/gujaratigazals

જિંદગીભર વણી છે ખામોશી, એક ચાદર બની છે ખામોશી. કાનમાં તેં કહી છે ખામોશી, એ જ કાયમ રહી છે ખામોશી. દ્વાર પર મેં પ્રથમ ટકોરા કર્યા, ને પછી સેરવી છે ખામોશી. બેઉ સ્થળનો છે આગવો વૈભવ, ત્યાં છે કલરવ,અહીં છે ખામોશી. આપલે થઇ શકે છે વાણીની, આપણી આપણી છે ખામોશી. શબ્દ મારા સ્વભાવમાં જ નથી, એ તો બસ છટપટી છે ખામોશી. સાંભળ્યા છે અવાજ સૌના ‘રઈશ’ ને પછી જાળવી છે ખામોશી. https://whatsapp.com/channel/0029VbBMrOjKGGGDpomIhC3l – રઈશ મનીઆર https://t.me/gujaratigazals

હું તને એમ નહીં પૂછું “તારી આંખમાં આંસુ કેમ છે ?” માત્ર એટલું જ કહીશ “આવ, મારી બાજુમાં બેસ !” https://whatsapp.com/channel/0029VbBMrOjKGGGDpomIhC3l – વિપિન પરીખ https://t.me/gujaratigazals

દુ:ખ ને સુખ અંતમાં – તાસીરમાં સરખાં નીકળ્યા, સાર તકદીર ને તદબીરમાં સરખાં નીકળ્યા; કે મળ્યાં અશ્રુ ને પ્રસ્વેદ ઉભય નીર રૂપે, સ્વાદ પણ બેયના એ નીરમાં સરખા નીકળ્યાં. https://whatsapp.com/channel/0029VbBMrOjKGGGDpomIhC3l – બરકત વિરાણી ‘બેફામ’ https://t.me/gujaratigazals

મૃત્યુ સફેદ હોય છે ચાદર જેવું મૃત્યુ ઠંડું હોય છે બરફ જેવું મૃત્યુ હુકમનું પાનું છે. મૃત્યુ શંકરના હાથનું ડમરું છે. મૃત્યુ બિલાડીના પગ છે. મૃત્યુ કાલીની જીભથી ટપકે છે લાલલાલ … https://t.me/gujaratigazals – વિપિન પરીખ

એકાદ એવી યાદ તો છોડી જવી હતી, છુટ્ટા પડ્યાની વાતને ભૂલી જવી હતી; વહેતા પવનની જેમ બધું લઇ ગયા તમે, થોડીઘણી સુગંઘ તો મૂકી જવી હતી ! https://whatsapp.com/channel/0029VbBMrOjKGGGDpomIhC3l -કૈલાસ પંડિત https://t.me/gujaratigazals

ખબર ના પડે કોણ કરતું ડખા; ગઝલ-મહેલના હચમચે માળખાં. સમય તો શ્વસુર-અંધ-સરંગટ વહુ થઈ, કથા સુણવા જાતા અમે ઓ અખા ! ગયા જન્મમાં ભોગવી’તી સજા, હજી પીઠ પર ચમચમે ચાબખા. ગરમ શાહીમાં હાથ બોળાવી તેં, અમારાં બરાબર કર્યા પારખાં ! અષાઢી પડ્યાં ફોરાં ચાંદીના ઝીલી, તને શું ખબર થઈ ગયાં છે બખા ! તને સારથિ સમજી આવી જતાં, મને રથથી નીચે ઉતાર્યો સખા ! બતાવી દો એને ગઝલ આપણી, કહે છે જે गुजराती में क्या रखा ? https://whatsapp.com/channel/0029VbBMrOjKGGGDpomIhC3l – મનોજ ખંડેરિયા https://t.me/gujaratigazals

જિંદગીમાં આટલું ચોક્કસ કરીશ, મહેંક પંક્તિમાં પરોવીને દઈશ; હું કિરણ છું એટલે જ્યાં જ્યાં જઈશ, શબ્દથી થોડું તો અજવાળુ કરીશ. https://whatsapp.com/channel/0029VbBMrOjKGGGDpomIhC3l – કિરણસિંહ ચૌહાણ https://t.me/gujaratigazals

સ્વીટ હાર્ટ ! ઈંગ્લીશમાં તું બડબડ ન કર, હાય ને હાય હાય મહીં ગરબડ ન કર. બિલ્લીની માફક મને નડનડ ન કર, શ્વાન સમજીને મને હડહડ ન કર. હાસ્ય તારું ભયજનક લાગે મને, મેઘલી રાતે કદી ખડખડ ન કર. પ્રેમની ટપલીને ટપલી રાખ તું, વ્યાપ વિસ્તારીને તું થપ્પડ ન કર. કાલે મારો પગ છૂંદ્યો તેં હીલ વડે, એ જગા પર તું હવે અડઅડ ન કર. ધૂળ જેવી જિંદગી છે આપણી, એમાં રેડી આંસુડાં કીચડ ન કર. https://whatsapp.com/channel/0029VbBMrOjKGGGDpomIhC3l -રઈશ મનીઆર https://t.me/gujaratigazals

ઝાડ રહ્યું છે ઝૂકી – ફળવાની આ ભવ્ય ક્ષણોમાં, માન બધુંયે મૂકી. પંખી ડાળે બેસે ત્યાં તો નખશિખ રાજી રાજી, વ્હાલ લીલુંછમ કરવા આતુર કૂંપળ તાજી તાજી; એક ખૂણે ઊભી જગભરમાં પ્રાણ રહ્યું છે ફૂંકી. કોઈ ઉછાળે પથ્થર, કોઈ પ્રેમે સીંચે પાણી, ઝાડ વહાવે સૌ પર સરખી લીલપની સરવાણી; અનુભવી શું માણે કાળ તણી સૌ લીલી સૂકી. https://whatsapp.com/channel/0029VbBMrOjKGGGDpomIhC3l – કિરીટ ગોસ્વામી https://t.me/gujaratigazals

લોહીથી રંગાયેલા મારા હાથ છે. ઈચ્છાની રોજ મેં હત્યા કરી છે. ક્યારેક લાચારી તાંડવ કરી જાય છે. મરી જવાનું ત્યારે મન થઇ જાય છે. દર્દ દિલમાં અવિરત વહેતુ રહે છે. ને ચહેરાને હંમેશા હસતો રાખો છે.

દુઃખ છે હજાર ને સુખની એક ક્ષણ નય. મરવાના કારણ હજાર, જીવવાનું એક પણ નય. પ્રભુ તું કોયને એટલો પણ મજબુર કર નય. કે આત્મહત્યા કરવાની હિંમત આવી જાય. કોય મારો ઉધ્ધાર કરો.! ચિંતાના સાગરમાં ડુબાણો છું.!

નાની નાની વાતે તું ખોટું ન લગાડ, નહીંતર આપણા સંબંધમાં ઘોબા પડશે. મનથી માણિ લેવો જોઈએ આ સમયને, બાળપણ જશેને જીવનની મજા બગડશે.

છે એક નાનો અનુભવ મને તમારો, મીઠું બોલી કાસળ કાઢીલેવા વાળા છો.

શેરીએ શેરીએ એમના વખાણ થતા, મારા દોસ્તો જલેબી જેવા સીધા નિકળિયા.!

દુઃખો ગયા, પાછા નય આવે એવું નથી. આતો વચગાળાની રાહત મળી છે. ઈચ્છાઓ જાતે ખુદખુશી કરી લે છે. એટલી હાલત કંગાળ થય ગય છે.

કેટલાય મર્યા છે, ને કેટલાય મરવાના બાકી છે. આ હુસ્ન-એ-કાતિલના શહીદ તમે એક નથી.

આમ તો છે ઈચ્છા મૃત્યુનું વરદાન. પણ દોસ્તો વગર જીવીને શું કરું.! હું તમને પ્રેમ કરું છું, કાફી નથી. બીજું તો બીજી લીટીમાં શું કહેવાનું.

ભૂત-પ્રેત તો શું, સ્વયં શીવજી પણ બીવે છે.! જ્યારે જ્યારે પત્ની મારી તાંડવ કરે છે.!