𝐓𝐑𝐎𝐔𝐁𝐋𝐄𝐃

لا أخفي عليكم سرًّا: أنا طول الوقت عندي حنين لليوم اللي هكون فيه زي ما بتمنى، للحظة اللي هبطّل أستنى حاجة مُعينة -طلبتها كتير أوي من ربنا- طول الوقت بحلم حتى بشكلي وقتها، يا ترى هكون عاملة ازاي؟ أكيد هكون مبسوطة جدًّا ومرتاحة وأنا بجوار أُمنيتي؛ فيا رب.. تخلّي المراكب -الحيرانة- تهتدي للبَر ونلتقي باليوم الحنيّن اللي هيخلينا نسامح كُل مُر فات علينا.

‏الدُّنيَا مَزرَعةُ الآخرَة 🤍

صَلاةُ الفَجرِ أساسُ العَملِ وأوَّلُه. -ابن القيّم -رَحِمَهُ اللّٰهُ-

عايزة اترمي ف أحضان الطبيعه ف سويسرا وأعيش حياة بدائية ارعي الغنم والخيل واعمل كيكة ف العاشرة صباحاً مع كوب من القهوة واتنفس هواء نقي

أحبُّ النوافِذ والسَّماء ودعواتِ الأحِبة أحبُّ كُل شئ يُدخِل النُّور إلى حياةِ الإنسان 🌿

يميل قلبي لـ سورة مريم، أطمئن بقراءتها، حقق فيها ربي مُعجزتين لمريم وزكريا عليهم السلام بعد طول انتظار. أحب لفظه "هو عليّ هيّن" . أحبّ نداء الله لمريم "ألا تخافي ولا تحزني" وأتوقف كثيرًا عند آية "فكُلي واشربي وقرّي عينًا" حتى فى أشد لحظات حزننا يارب؟! وأحب "وما كان ربُكَ نسيًّا". رضيت بالله رباً، وبالإسلام ديناً، وبمحمد صلى الله عليه وسلم نبياً.🤍

يارب ياحبيبي لو ليا نصيب اعيش كُل ال بتمناه في الدنيا عجل به وباركلي فيه وخليني راضيه ومبسوطه وشايفه ومُدركه لنعمتك عليا ولو ماليش نصيب ف الدنيا أكتبهولي ف الاخره يارب.🤍

_

أكتر شخص أناني في نظري هو الشخص اللي دايمًا محسسك إنّه مش عايز يخسرك لكن ما بيعملش أي حاجة عشان يحافظ عليك، مش عايزك تمشي لكن دايمًا بيهملك وسايبك لوحدك، عايزك تسمعه وتفهمه وتعذره وتتحمله ومش عايز حتى يقول لك شُكرًا أو يحسسك بقيمة اللي بتعمله عشانه .. حقيقي مُنتهى الأنانية.

انا شايفة ان من اكبر درجات السلام النفسي من وجهه نظرى هو شعور فك التعلق باية شخص او بأية حاجة سواء مكتوبالك او لا.

دايمًا بشوف إن المنزلة الأعلى من الحب في أي علاقة تتلخص في إني أقدر أحكي بكل أريحية عن هواجسي الغير منطقية، وأفكاري الغريبة، ومخاوفي اللامبررة، وأحلامي الصغيرة، كأني بحكي مع نفسي من غير ما أشيل هَم اللي قصادي هيشوفني إزاي، من غير ما أحتاج أحاسب على كلامي علشان مايتفهمش غلط.

عائدٌ إلي منزلي ومنزلي بين يديّ.♡

عايزين نبقي نجرب شعور أن الغرفة لا تسع أجنحتنا من السعادة ،مرة في الحياة كده.

الرابعة_فجرًا: لا أعرف كيفَ أدعو و أنتَ عليمٌ بكُل ما في قلبي فَياربّ جبرًا ليّ.

♡

اللّهُـمَّ بِكَ أَصْـبَحْنا وَبِكَ أَمْسَـينا ، وَبِكَ نَحْـيا وَبِكَ نَمُـوتُ وَإِلَـيْكَ النُّـشُور.

أتساءل عن شكل الحياة حين يصحو الإنسان مطمئنًا وينام مطمئنًا، حين يشعر أنه في المكان المناسب.. حين يأكل ويشرب ويخرج للشوارع وهو غير حائر وواثق أنه في المكان الصحيح الذي يساعده علي تخطي تعاسة الحياة.

الرابعة فجرًا أبوءُ لك بنعمتِك عليّ وأبوءُ بذنبي فاغفر لي فإنه لا يغفرُ الذنوبَ إلا أنت🤍:)

عندي قناعة إن الصدمات اللي بمر بيها مش سببها الأشخاص بعينهم سببها الأساسي تصوري المثالي، واعتقادي إن الناس شبهي/ إني هتقدر / هتعامل بالمثل. ف أنا اللي زرعت بذرة الصدمة دي ولما طرحت مزعلتش حد غيري .. ودايمًا بقول لنفسي" لا ألوم فُلان حين يخذلني .. أنا المُلام على حسن الرجا فيه ". -منار أيمن

ᜊ