مهدي سميطان

للمجد راسٍ ينوشه من يحب الطلوع بالموقف اللي يجمل والنبا الهاشمي اخس قلبٍ لاجات المرجفات ..الجزوع واعز قلبٍ هـو لا احتمت يحتمي روس الرجاجيل ماترضى حياة الخضوع لو اتكسّر لشدّه او تراق الدمي مرت علينا وجيه القوم من كل نوع لكّن ياقلّ من بين الوجيه ادمي وياقلّ من يقضي الحاجه بقلبٍ قنوع ان مال معطي العطايا في الخلايق سمي توقدّون الشموع او تكسرون الشموع الله يخلي لي احساسي ونبض قلمي وان كان قلتوا صواديف الليالي تروع اقول وجع الزمان ان بار بي محزمي منابت العز فيها للمكارم فروع ومنابت الذل ياراسي كفتك قدمي من لاعشاني نهار الموت فض الجموع والله ما اعني له ركابي وارز علمي ما الله امرني لغيره في الحياه الركوع والا تساوى وجودي في الزمن وعدمي

المجتـمع مــسمـوم وانا اتحــاشاه اخــاف يرثنـي المــرض والضغينه يضيق بي صدري من اقصاه لـ اقصاه ومــا ارتاح ليـن افهـق وراي المدينه داريـت لــي شيٍ مــايبغــى مداره ومليت اجامــل واقـــعٍ خابرينه خلونـي اسهــج لــي دروبٍ مــخلاه الى متـى وايــام عمــري رهينه يسد قلـبي مـن محــبيه ماجاه وياطول ماذقت النكد والغبينه من كان همه في المخاليق مبداه حدوه لين يعيف باقي سنينه لا ياعربنا كل حـيٍ وبلــواه وترى جروح اهل المكارم ثمينه غرست غرس الود ماواحــد اسقاه وقدام عيني ماتت الياسمينه مأساه يادنيا العنا والــف مأساه ومن ينكر المأساه تبت يدينه

مغـيبٍ قدلي من الناس مده والبال من بعض الطواريق منحوس يوم انحدر سيل الجبل من مهده حول على الوادي وخلق الله جلوس قـدام عيني يــوم طاحت الاشده وخرشت ركاب اللي من الوقت مانوس امــد فــي حبل الفضيله واشده وهم يحسبون انهــا فلاشات وفلوس لكن ضغوط المجتمــع مستبده وماكل خلــق الله لمــا عدمت روس ياقل من يدرا على سلم جده وياكثر من داسوا على شيمته دوس