سـطـر💛'

القناه للبيع .. ل التواصل @Q_502

على ما بدر مني ومنك ويش اخر شيّ ‏هو اللي عليك اللوم ولا عليّ اللوم ‏ٰوانا من يصافيني عطيته عيوني ذيّ ‏ولا والله يحصل جفيّا و ثقل و زوم ‏ٰاعرف اعطي حقوق الوفا واخذ اللي ليّ ‏علشان اجي محشوم وامشي وانا محشوم ‏و الا ياعيوني والطواري على ما هيّ ‏تخليني استأذن من المجلس المزحوم ولا احب اجامل والمجامل شعوره سي احب القظ عيون الصراحه وطيّر نوم ‏لو ان من كوى الخافق يحس بشعور الكي ‏شعرت بحرارة ميسمك في حشى الماسوم ‏تموت المشاعر من بعضها وقلبي حيّ ‏على المنهج الصادق عساه يحيا و يدوم ‏ابي لاومرك البعد يبعدك عني ؟ عيّ ‏ترا المسلمين اخوان واهل المحبه توم ‏ديار الغلا خضراء وفيها الونس والفيّ ‏وديار الجفا غربه واهلها من اقصى القوم ‏على كل حال إلى طوتك الليالي طيّ ‏تذكّر " رفيقاً في لزوم الرفيق يقوم ‏لنا وجيهنا اللي ما قصرها من الله شيّء ‏ومعنا خشومً "ما تدنّق تحب خشوم .

كل ما ظنيت لين ظن في غالين خاب ‏انا طيّب و أحسب الناس مثلي طيبين ‏ ‏ما بعد عاتبت صاحب ولا آحب العتاب ‏حتى لو ما يعتذر .. غالي و عذره سمين ‏ ‏مستحيل استعطف الناس ولا اطقّ باب ‏لو خلاف الباب هذا عشير الغانمين ‏حُر لكن عبد لـ اللي خلقني من تراب ‏و ما تبعت من العباد الا خير المرسلين ‏ ‏خايف من الله تعالى و من يوم الحساب ‏و من غرابيلٍ تشوف الشجاع بـ نصّ عين ‏ ‏المهمّ اني فقدتك و شفت من العذاب ‏اللي خلا خاطري ضايق و قلبي حزين ‏يـ صوابي من غيابك و يا كبر الصواب ‏مستحيل يردّك الوقت اعرْف الوقت زين ‏ ‏حمل كتوفي بـ حملٍ .. تثاقله الركاب ‏من صواديف الليالي و صكات السنين ‏ ‏من سمعني قال شايب و أنا لازلت شاب ‏و مقتنع و " الحمدلله ربّ العالمين " :(