Daniel Wodajo

የሰንበት ቁርስ ! ▫️ዘመንን መዋጀት 📍ድሮ ድሮ መረጃ አቅም ነበር ፣ አሁን አሁን ከብዛቱ የተነሳ አቅም እያሳጣን ይመስለኛል። ሁሉም ዘመን የራሱ የሆነ ጠንካራ እና ደካማ ጎን አለዉ። ▫️የቀደመዉ ዘመን ደካማ ጎን ሰዎች ህይወታቸዉን ሊቀይር ፣ ቢዝነሳቸዉን ሊያሳድግ የሚችል መረጃን በቀላሉ ማግኘት አለመቻላቸዉ ሲሆን ፤ ጠንካራ ጎኑ ብዙ አማራጭ ባለመኖሩ የሚያዉቋትን ነገር በትዕግስት እንዲሰሩ ማድረጉ ነዉ። “ስኬት ደግሞ የትዕግስትና ፣ ፅናት ፍሬ ነዉ።” ▫️የዚህ ዘመን ጠንካራ ጎን መረጃን በቀላሉ ማግኘት መቻል ነዉ። አንድ ከ2 ዓመት በፊት ያነበብኩት ጥናት እ.ኤ.አ በ1945 ለማግኘት 25 ዓመት የሚፈጀዉን መረጃ በዚህ ሰዓት በ12 ሰዓት ዉስጥ ማግኘት ይቻላል የሚል ነዉ። በተቃራኒዉ የዘመናችን ደካማ ጎን ሰዎች በመረጃ እና ምርጫ ብዛት የያዙት ነገር ላይ መርጋት ሳይችሉ ፣ ከአንዱ ወደ አንዱ እየዘለሉ ፣ እንዲቹ ሲባክኑ እንዲኖሩ ማድረጉ ነዉ። በዚህ ጊዜ ታዲያ ትዕግስትን ገንዘቡ ያደረገ ከየትኛዉም ዘመን በላይ ይሳካለታል። መልካም ሰንበት 🙏 @Daniel_Wodajo ዳኒ ዲ

ሰላም ቤተሰቦች 👋🏻 ዛሬ ምሽት 2:00 ሰዓት እንገናኝ ! Join : https://t.me/DaniD_TRAINING

🍿የፈንዲሻ ሰዓት ! ▫️የፊታችን ሀሙስ ‘ስር-ነቀል ለዉጥ’ በሚል ርዕስ ልዩ የስልጠና ፕሮግራም ይኖረናል። በሁለት አማራጮች በነፃ መሳተፍ ይችላሉ። 1ኛ : በ @DaniD_Training የቴሌግራም ቻናል ላይቭ ! 2ተኛ : በ ‘ዙም’ ላይቭ ዙም ላይ ያለን ቦታ የ 100 ሰዉ ብቻ ስለሆነ በሰዓቱ ሊንኩ ሲለቀቅ ቀድማችሁ ቦታ መያዛችሁን እርግጠኛ ሁኑ! 📍ማሳሰቢያ : የቴሌግራም የላይቭ ፕሮግራሙ የሚካሄደዉ እንዲሁም የ ‘ዙም ሊንክ የሚለቀቀዉ በ@DaniD_Training የቴሌግራም ቻናል ስለሆነ ከወዲሁ ቻናሉን ይቀላቀሉ። 👉 https://t.me/DaniD_TRAINING የሀሙስ ሰዉ ይበለን 🙏 @Daniel_Wodajo ዳኒ ዲ

የሰንበት ቁርስ ! ▫️’ባለ ቢላዋ’ ሴት ክፍል 2 - የመጨረሻ ክፍል እእእ ... የምሰራዉ … ት/ት እማራለዉ ጎን ለጎን ደግሞ ሞዴሊንግ ነው እሰራለው''  ስምሽን ማን ልበል ታድያ? ስሟን ለመናገር እያመነታች....''እከሌ'' አለችኝ እሺ መልካም  አሁን ተረጋጊና ምን እንደገጠመሽ ንገሪኝ? አልኳት። ''እእ.. ይኸውልህ'' ብላ የጀመረችውን ቃል ሳትጨርስ እንባዋ ቀደማት ቀለል እንዲላት ዝም አልኳት …. ያለ የሌለ አቅሟን አሟጣ ድክም ባለ ድምፅ ለማልቀስ እየዳዳት ቀጠለች ''ይኸውልህ ከ3 ዓመት በላይ አብሮኝ የቆየ ፍቅረኛ አለኝ...ምን አለኝ ነበረኝ እንጂ። በጣም ነበር የማፈቅረው!! ../ እንባ ሲታገላት ንግግሯን ገታ አድርጋ ቀጠለች/ ከዚህ በፊት አንድ ጊዜ ገንዘብ ተቀብሎኝ ከዳኝ ፤ ቤተሰቦቼም ጓደኞቼም እንደማይሆነኝ ቢነግሩኝም እኔ ግን ያለ ልክ ስለማፈቅረው የማንንም ምክር ሳልቀበል  ይቅር ብዬው አብረን ቀጠልን። የሚገርምህ አሁን ከሳምንት በኋላ ለሞዲልንግ ውድድር ወደ ፈረንሳይ ልሄድ ነበር። ግን ምን ያደርጋል? ... ይሄ የማይረባ በድጋሚ  ሸወደኝ ለስራ የምሄድበት ብር እንደሆነ እያወቀ ደጋግሜ  እየነገርኩት ተበድሮኝ ስልኩን አጥፍቶ እልም ብሎ ጠፋብኝ።” በረዥሙ እየተነፈሰች ''ጓደኞቼም ቢሆኑ ለስንት ችግራቸው እንዳልደረስኩላቸው ዛሬ በጨነቀኝ በቸገረኝ ሰዓት ፊት ነሱኝ። ቤ.ቤቤ...ቤተሰቦቼ እንደሆነ በእኔ አዝነው ተስፋ ከቆረጡብኝ  ቆይተዋል !  ምርር... ብላ መንሰቅሰቅ ቀጠለች! ብሶቷ ፣ እልኋ ፣ ንዴቷ ሁሉ አንድ በአንድ  በእንባዋና በሳግ ታጅበው ይሸኙላት ጀመር። በስልክ ውስጥ የምሰማው ለቅሶዋ እጅግ ልብ ይነካ ነበር። ''እባክሽ አታልቅሺ! እሺ አሁን የት ነው ያለሽው?'' ማን ብላ መጥራት እንዳለባት ግራ እየተጋባች ''እእ.. የእሱ ቤት ቁጭ ብዬ ነው የማወራህ ይሄ የተረገመ!'' በደጉ ጊዜ የቤቱን ቁልፍ ሰጥቷት ኖሯል:: ''እሺ የሞድሊንግ ውድድርሽ መቼ ነው?'' ''እሱማ ማክሰኞ ነበር ይሄ እርኩስ... ባያሰናክለኝ'' የእርግማን አይነቱን አዘነበችበት። ''አሁን እሱን ተይውና ቁሚና አሁን የሞዴሊንግ ስራሽን ስታቀርቢ እንደምትራመጂው ቤቱ ውስጥ አልጋው ላይ ሳይቀር እየተረማመድሽ አናግ... ከአፌ ነጠቅ አድርጋ በጠደፈ አነጋገር ''ኸረረረ የምን አልጋ? ፍራሽ እኮ ነው ያለው... ሁለታችንም ተሳሳቅን!! በይ  በደንብ ተረማመጂበት  አንዳንድ እቃዎቹንም ገልበጥ ገልበጥ አድርጊበት ስሜቷ መቀየር ሲጀምር ይታወቀኛል ''አሁን እየተራመድሽ ከዚህ ሁሉ ነገር ውስጥ በጎ ጎኑን እንመልከት የልጁን ትክክለኛ ማንነት በትንሽ ብር ለየሽ ከዚህ ሰው ተጋብተሽ ልጅ ወልደሽ ቢሆንስ? ጓደኞችሽንም ለየሽ? ቤተሰቦችሽስ ምን ያህል ልክ እንደሆኑ አልተረዳሽም? ደግሞ ለውድድሩም ቢሆን ገና አንድ ሙሉ ሳምንት አለሽ መፍትሄ አይጠፋም።''ስላት ''እውነትህን እኮ ነው አመለጥኩት እንደውም ቆይ... /ከስልኩ ጀርባ የእቃ ኳኳታ እና ጓጓታ ይሰማል። የቤቱ እቃ ተሰባብሮ እያለቀ ይመስለኛል/ ቤተሰቦቼ በተደጋጋሚ ስለእሱም ይሁን ስለጓደኞቼ የሚሉኝን ነገር አሁን በደንብ ተረዳሁት። ቤተሰቦቼ ከእኔ የሚያስበልጡት ነገር የለም! ነገውኑ እግራቸው ስር ተደፍቼ ስለበደልኳቸው ሁሉ  ይቅርታ እጠይቃቸዋለሁ።ገንዘቡንም ቢሆን ማግኘት እችላለሁ።” “ታዲያ አሁን በቢላዉ ራስሽን አታጠፊም?” ሳቅ እያለች ''አሁንማ እሱን ነው የምገድልበት....'' ምን ? ''ኸረረረ አውቄ ነው ስራም አላጣሁ።” ጥሩ አሁን ወደ ስልጠናዬ ልመለስ ትፈቅጅልኛለሽ? ደንገጥ ብላ ''ውይይ በጣም ይቅርታ! ደሞ አኮራሃለው እሺ!/በሞዴሊኛ ለዛ/“ እሺ እጠብቃለሁ በርቺልኝ ብዬ ተሰናብቻት ወደ ስልጠናዬ ተመለስኩ! ስልጠናው አልቆ ስንብት ላይ ነበር የደረስኩት። አንዳንድ ጊዜ መፍትሄ ስለጠፋን ፣ መዉጫ ስላልታየን ያበቃልን ተስፋ የሌለን ሊመስለን ይችላል። እዉነታዉ ግን ስሜታችንን አስተካክለን ህይወታችንን በተለየ እይታ ለማየት ከጣርን ጨለማ የመሰለን ተገፎ ‘ህይወት በኛ ላይ ያመጣችዉ ሳይሆን ለእኛ ስትል ያመጣችዉ እንደሆነ እንረዳለን።’ በዚህ አጋጣሚ የዛን ቀን ስልጠናውን አቋርጬ የወጣሁት ለዚህ ነው ለማለት እፈልጋለሁ። ስለተረዳችሁኝ አመሰግናለሁ ! መልካም ሰንበት🙏 @Daniel_Wodajo ዳኒ ዲ

የሰንበት ቁርስ ! ▫️ ‘ባለ ቢላዋ’ ሴት ከዛሬ 4 ዓመት በፊት ነበር ይህ ታሪክ የተፈጠረው ቀን ሰው ሁሉ ደፋ ቀና ሲል የዋለበትን ጎኑን አረፍ ለማድረግ ማረፍያ አልጋውን በሚቆናጠጥበት ምሽት 3:30 ገደማ  የቡድን ስልጠና በኦንላይን እየሰጠን ነበር። በተለምዶ ስልኬን አጥፍቼ ወይም ‘ፍላይት ሞድ’ ላይ አድርጌ ነዉ ወደ ስልጠና የምገባዉ። የዛን ቀን ግን እንደአጋጣሚ የምጠቀመዉ ‘ዋይፋይ’ ስላስቸገረኝ እና ያለኝ አማራጭ የስልኬን ‘ዳታ-ሆትስፖት’ መጠቀም ስለነበር ስልኬ ክፍት ነበር። ታዲያ ስልጠናዉን ገና መስጠት እንደጀመርን አንድ የማላውቀው ስልክ ይጠራ ጀመር። እኔም ‘ኔትወርኩ’ እንዳይቋረጥ በማሰብ ወዲያዉ አጠፋሁት እና ስልጠናውን ቀጠልኩ ብዙም ሳይቆይ   በዛዉ ስልክ ተመልሶ ተደወለ ጢርርርርርርርር.... ላንሳው አላንሳው አይነት ማመንታት ቢሰማኝም ስልጠናዉን ከማቋርጥ ስጨርስ እደዉላለዉ ብዬ ‘’Can I call you later ?’’ የሚለዉን መልዕክት ልኬ ደግሜ ዘጋሁት ፤ የስልኩ ጥሪ ግን አፉን ሊይዝ አልወደደም አሁንስ ታነሳዋለህ ወይስ አታነሳውም አይነት በሚመስል ጩኸት …. ጢርርርርርርርርርርርርርርር..... ስልኩ መደወሉን አላቆመም ፣ ከመመለስ ዉጪ ምንም አማራጭ አልነበረኝም። እንዳጋጣሚ ሆኖ ስልጠናዉን የምንሰጠዉ ለሁለት ስለነበር ለባልደረባዬ እሱ እንዲቀጥል ነግሬዉ እኔ ስልኩን ለመመለስ ወጣዉ። “ሄሎ” አልኩኝ አንዲት እሳት ለብሳ እሳት የጎረሰች ወጣት ሴት በቁጣ “በተደጋጋሚ እየደወልኩ ለምንድነዉ ስልኬን የማታነሳው?” አለችኝ። እኔም ቁጣዋ እያስገረመኝ “ይቅርታ ማን ልበል አላወቅኩሽም የኔ እህት ፤ የደወልሽልኝ ስልጠና መሃል ሆኜ ነዉ እና ስጨርስ ልደዉል?።” ስላት ቆፍጠን ባለ ድምፅ “አይይ ስትጨርስ ከደወልክ አታገኘኝም! ” ከአነጋገሯ የምሯን እንደሆነ በደንብ ያስታዉቃል “እእ እንዴት ማለት. . .?” “ራሴን ለማጥፋት በእጄ ቢላ ይዤ ነዉ የማወራህ አንተ ጋር የደወልኩትም በህይወት የምቆይበት አንዲት ምክንያት ካገኘዉ ብዬ ነዉ።” “የምርሽን ነዉ ?” “አዎ የምሬን ነዉ።” እንደማልቀስ እያለች ልጅቷ አይደለም ስልጠና ጨርሼ ብደዉልላት በመሃል ስልኩ ካርድ ቢዘጋ ያለችዉን የምታደርግ ስለመሰለኝ ለሰልጣኞቼ በልቤ ይቅርታ ጠይቄ እሷን ማናገሩን መረጥኩ “እሺ ምን ሆነሽ ነዉ ምን አጋጠመሽ? …  በድምጿ ውስጥ ልውጣ አልውጣ እያለ የሚታገል ሳግ ይዟታል ''እእእ...እኔ የማልረባ ፣ ማማማ...ማንም የማይፈልገኝ ፣ ለማንም የማልጠቅም ሰዉ ….” ንግግሯን መጨረስ አቃታት  ብሶቷን ሁሉ  በለቅሶ ትገልፅልኝ ጀመር። “አይዞሽ አታልቅሺ እስቲ ያጋጠመሽን በዝርዝር ንገሪኝ።” የማማጥ ያህል እየታገለች የገጠማትን ትነግረኝ ጀመር ''ፍቅረኛዬ ከአንዴም ሁለት ጊዜ ከዳኝ ፣ ጓደኞቼም ለእነሱ ስንት ነገር አድርጌላቸዉ በሚያስፈልጉኝ ሰዓት ስልካቸዉን አጥፍተዉ ጠፉብኝ ፣ ስንት የለፋሁበት ስራዬም ተሳካ ብዬ ሳስብ ተበላሸ ፣ ቤተሰቦቼም ቢሆኑ ተስፋ ቆርጠዉብኛል። ” ስሜቷን ለመቀየር “ምንድነዉ የምትሰሪዉ“ ብዬ ጠየቅኳት አጠያየቄ ድንገተኛ ስለነበረ ግራ እየተጋባች እእእ ... የምሰራዉ ክፍል ሁለት ይቀጥላል። መልካሞ ሰንበት 🙏 @Daniel_Wodajo ዳኒ ዲ

የሰንበት ቁርስ ! አንድ ዝንጀሮ በእጆቹ ብዙ የኦቾሎኒ ፍሬዎችን ይዞ በመንገድ እያለፈ ነዉ። በመሃል አንዲት ፍሬ ተነጥላ ትወድቅበታለች ፤ እሷን ለማንሳት ዝቅ ሲል 20 ፍሬዎች ከእጁ ያመልጡታል ፤ በጣም ይናደድና እነዛን 20 ፍሬዎች ለማንሳት ዝቅ ሲል እጁ ላይ የነበሩት ፍሬዎች እንዳለ ይበተናሉ። ▫️አንዳንዴ በህይወታችን ብዙ ዋጋ የከፈልንላቸዉ ልናጣቸዉ በፍፁም የማንፈልጋቸዉ ነገሮች ከእኛ ቁጥጥር ዉጪ በሆነ መንገድ ከእጃችን ያመልጣሉ። እኛም ያጣነዉን ለመመለስ ያለመታከት እንጥራለን ፤ እዉነት ነዉ በቀላሉ ተስፋ መቁረጥ አያስፈልግም ሆኖም አንዳንድ ጊዜ እጃችን ላይ የቀሩትን ትልቅ ዋጋ ያላቸዉን ነገሮች እስኪያሳጣን ድረስ መሆን የለበትም። መልካም ሰንበት 🙏 @Daniel_Wodajo ዳኒ ዲ

🍲 የሰንበት ቁርስ ! ሀሳብህን የተቆጣጠረዉ ምንድነዉ ? አንተ   • ልትወስንበት            • ልታስተካክለዉ            • ልትቀይረዉ የምትችለዉ ነገር ነዉ ? ▫️በሥራ ፣ በቤተሰብ ፣ በሀገርም ጉዳይ ይሁን አሁን ባለህ አቅም ልትቀይረዉ ፣ ልትቆጣጠረዉ የማትችለዉ ነገር ከሆነ ለምን ትጨነቃለህ ? ለምንስ ትረበሻለህ? አንተ ማድረግ ያለብህን እና ማድረግ የምትችለዉን ማድረግህን እርግጠኛ እንድትሆን ለተወሰነ ደቂቃ ቁጭ ብለህ በሙሉ ልብ ከራስህ ጋር ተማከር ፤ የወሰንከዉን አድርግ። ከዛ ዉጪ ያለዉን ፈጣሪ ሰዓቱ ሲደርስ ሁሉን ያዘጋጃል ! ብለህ ተወው ወንድሜ "አቅምን አዉቆ መኖር ጥሩ ነዉ ፣ ታላቅ ችሎታ ነዉ።" መልካም ሰንበት @Daniel_Wodajo ዳኒ ዲ

ሰላም ቤተሰቦች 👋🏻 በትናትናዉ ምሽት በፈንዲሻ ሰዓት ኘሮግራማችን ላይ ያላችሁን አስተያየት ከታች በተቀመጠዉ የቴሌግራም አካዉንት አስቀምጡልን። 👉 @DaniD_Team የምትሰጡን አስተያየት ለቀጣይ የተሻለ ስራ ይዘን ለመቅረብ ያግዘናል ፤ እናመሠግናለን። መልካም ቀን 🙏 @Daniel_Wodajo ዳኒ ዲ

ሰላም 👋🏻 ቤተሰቦች እንዴት ቆያችሁን ? 🔹 ዛሬ ምሽት 2:00 ሰዓት ላይ “ሰብሮ መዉጣት” በሚል ርዕስ የተዘጋጀዉ የፈንዲሻ ሰዓት ኘሮግራም ላይቭ በዚህ የቴሌግራም ቻናል ይተላለፋል። ሁላችሁም ላይቭ በመገኘት የኘሮግራሙ ተሳታፊ እንድትሆኑ ተጋብዛችሁሃል። ሰላም ያገናኘን 🙏 @Daniel_Wodajo ዳኒ ዲ

የመጀመሪያ ስራችንን እነሆ ! ተቋርጦ የነበረዉ ‘የፈንዲሻ ሰዓታችን’ በልዩ አቀራረብ ወርሃዊ ኘሮግራም ሆኖ ተመልሷል ። 🍀 ሴሚናሩ እያሳለፋችሁት ካላችሁት ከባድ ጊዜ እንዲሁም ከገባችሁበት የምቾት ቀጠና ሰብሮ ለመዉጣት ያግዛቹሃል ! በሶስት አማራጮች ነዉ የቀረበዉ ▫️በነፃ በዚህ የቴሌግራም ቻናል መሳተፍ ትችላላችሁ ፤ በሰዓቱ መገኘት ብቻ ነዉ ከእናንተ የሚጠበቀዉ። ▫️በ ‘ቪአይፒ’ እና ‘ቪቪአይፒ’ ለመሳተፍ ካሰቡ ከተጨማሪ ጥቅሞች ጋር በ ‘ዙም’ መከታተል ይችላሉ ፣ 📍‘ዙም’ ላይ ያለን ቦታ ዉስን ስለሆነ ቀድመዉ ቦታ ይያዙ ለመመዝገብ እና ተጨማሪ መረጃ ለማግኘት +251908449955 ቴሌግራም : @DaniD_Team ዳኒ ዲ

ሰላም 👋🏻 ዉድ ቤተሰቦቻችን ከ1 ዓመት ተኩል በኋላ ተመልሻለዉ ! ከዚህ በኋላ በዚህ ቻናል አዳዲስ ስራዎችን ይዤላችሁ እመጣለዉ ፤ ዝርዝሩን በቅርብ ጊዜ ዉስጥ አሳዉቃቹሃለዉ። ስለምትከታተሉን ከልብ እናመሰግናለን 🙏 @Daniel_Wodajo ዳኒ ዲ

የእግዚአብሔር ጥበቃ ! ትላንትና ማታ ቤተክርስትያን ቁጭ ብለን አባትና ልጅ አጠገባችን መጥተዉ ገና ቁጭ እንዳሉ ልጅ አባቷ እቅፍ ዉስጥ ሆና “አባዬ ወክ እንዉጣ” እያለች ታስቸግራለች አባት ማስቸገሯን መቀጠሏ ስለረበሸዉ እዛዉ አካባቢ እንድትንቀሳቀስ ይለቃታል ልጅ ገና ከመለቀቋ ፊት ለፊቷ ወዳገኘችው መንገድ ሩጫዋን ቀጠለች ይሄንን ያየ አባት ልጁ ሳታየዉ ከኃላዋ ይከተላት ጀመረ እንዳትወድቅበት ሊይዛት ፣ እንዳትጠፋ ሊጠብቃት ፣ ፍላጐቷን ሳይነፍጋት እንድትራመድ ፈቅዶ እያደረግኩልሽ ነዉ ሳይል በሚችለዉ ሁሉ አለላት በጣም ርቃ ባይደርስባት እንኳን ፊት ለፊቷ ያሉትን ሰዎች ያዙልኝ ይላል እንጂ ተስፋ ቆርጦ አይተዋትም ታድያ የፈጠረን ለእኛ ሲል ራሱን መስዋዕት ያደረገልን የሰማዩ አባታችን እማ እንዴት እየጠበቀን ይሆን ? እንኳን አደረሳችሁ ! ስላልተዉከን ተመስገን 🙏 @Inspire_Ethiopia የእናንተዉ ምርጥ ጓደኛ ☺️

💎 ከሰልጣኞቻችን አንደበት !

🔹 ይህ ስልጠና ለፍቅር ግንኙነት ተብሎ ይዘጋጅ እንጂ ብዙዎች ከቤተሰብ ፣ ከጓደኛ እና ከስራ ባልደረባቸዉ ጋር ያላቸዉንም ግንኙነት አስተካክሎላቸዋል !

ሰላም ቤተሰቦች 🙌 ነገ ምሽት በፈንዲሻ ሰዓታችን እንገናኝ ! በፍቅር ህይወታችሁ ትክክለኛ እና ዘላቂ ለውጥ ማምጣት የምትፈልጉ ሰዎች ብቻ በሰዓቱ ተገኙ ! በ @LCD_Training_Institute የቴሌግራም ቻናል ! መልካም ምሽት ለሁላችሁም 🙏

👉 የማህበራዊ ሃላፊነትዎን መወጣት ፈልገዋል?  የአዎንታዊ ለውጥ አባል ሆነው የስራ ልምድ ማግኘትስ ይፈልጋሉ? እንግዲያውስ ዘ-ኢንስፓየርድ ኢትዮጵያ ዩዝ አሶሴሽን በጀመረው የአንድ ወር ፕሮጀክት ላይ በነጻ በመመዝገብና የበጎ ፈቃድ ሥራዎችን በመሥራት የዚህ እድል ተጠቃሚ ይሁኑ፡፡ በምላሹም #የአባልነት_እድል ፣ #የድጋፍ_ደብዳቤ ፣ #ሰርተፊኬት እንዲሁም ለስራ ቅጥር የሚያግዝ #የስራ_ልምድ ከእኛ ዘንድ ያገኛሉ! 👉 ውስን ቀናት እና ቦታ ብቻ ስላሉን በፍጥነት ለበጎ ፈቃደኛነት ይመዝገቡ! ሊንኩን በመጫን አሁን ይመዝገቡ! https://docs.google.com/forms/d/e/1FAIpQLSeT8ksbpWalrFAZRMpDHhNWBd_SLauEwNMe0IxFqlf9eq_uYg/viewform?usp=sf_link

መልካም በዓል ተመኘን 🙏 @Inspire_Ethiopia የእናንተዉ ምርጥ ጓደኛ ☺️

ብሩህ ቀን ተመኘን 🙏 @Inspire_Ethiopia የእናንተው ምርጥ ጓደኛ ☺️