EHS Myanmar

တစ်ခါသုံးပလတ်စတစ်ရေဘူးများကို အသုံးမပြုပဲ ရှောင်ကြဉ်ပါ။ ————————————————————— Hello!!! Plastic free July ရဲ့ နောက်ဆုံးအပတ်ကို ရောက်ရှိလာပါပြီ။ ဒီအပတ်အတွက် challenge လေး ကတော့ တစ်ခါသုံးပလတ်စတစ်ရေသန့်ဘူးကို အသုံးမပြုပဲ ပြန်လည်အသုံးပြုလို့ရတဲ့ ရေပုလင်းများ ကိုသာ အသုံးပြုဖို့ဖြစ်ပါတယ်။ ဒီchallenge မှာဘယ်လို ပါဝင်နိုင်မလဲ။ ၁။ အပြင်သွားသည့်အခါတိုင်း မိမိကိုယ်ပိုင် ပြန်လည်အသုံးပြုလို့ရသည့် ရေပုလင်းကို ဆောင်သွားပါ။ ထိုသို့မိမိသွားလေရာ ယူဆောင်သွား ခြင်းအားဖြင့် တစ်ခါသုံးပလတ်စတစ်ရေသန့်ဘူး ဝယ်ယူစရာမလိုတော့တဲ့အတွက် ငွေကုန်ကြေးကျလည်း သက်သာစေပါတယ်။ ၂။ အကယ်၍ ပြန်လည်အသုံးပြုလို့ရတဲ့ ရေပုလင်း ယူသွားဖို့ မေ့ခဲ့မယ်ဆိုလျှင်လည်း ရေစင်မှ ရေကိုသာ သောက်ပါ။ စားသောက်ဆိုင် သို့မဟုတ် ကော်ဖီဆိုင်မှာဆိုလျှင်လည်း ရေကို ဖန်ခွက်ဖြင့်သာ မှာယူသောက်သုံးပါ။ ၃။ အခြားသူများကိုလည်း ပြန်လည်အသုံးပြုလို့ရတဲ့ ရေပုလင်းများကိုသာ အသုံးပြုဖို့ တိုက်တွန်းပါ။ နေ့စဉ် လုပ်ဖော်ကိုင်ဖက် အပေါင်းအသင်းများနှင့် စကားဝိုင်း တွင်ထည့်သွင်းပြောဆိုပေးခြင်းကလည်း အလွယ်တကူဖြင့် ထိရောက်မှုရှိစေနိုင်မှာဖြစ်ပါတယ်။ ဘာကြောင့်ပြန်လည်အသုံးပြုလို့ရတဲ့ ရေပုလင်းများ ကိုအသုံးပြုသင့်တာလဲ????? !!!တစ်ခါသုံးပလတ်စတစ်ရေဘူးများသည် အမှိုက်ပုံများ နှင့် ပင်လယ်သမုဒ္ဓရာအောက်တွင် တွေ့ရအများဆုံးအမှိုက်ဖြစ်ပါတယ်။ အကြောင်းအရင်း ကတော့ တစ်ခါသုံးပလတ်စတစ်ရေဘူးများသည် အလွယ်တကူ decompose မဖြစ်နိုင်တဲ့အပြင် Bisphenol A ဟုခေါ်သည့် BPA ဆိုသော အဆိပ်ပြင်းပြီးအန္တရာယ်ရှိသည့် ဓာတုဓာတ်ပစ္စည်းတစ်မျိုးကို ရေနေသတ္တဝါများ ၏ ကိုယ်အတွင်း၌ ပျော်ဝင်မှုဖြစ်စေနိုင်ပါသည်။ ထိုအခါ ထိုရေနေသတ္တဝါတို့ကို သေစေနိုင်သည့်အပြင် ထိုအကောင်များကို စားမည့် လူများကိုလည်း ကျန်းမာရေးဘေးဥပါဒ် ဖြစ်စေနိုင်တဲ့ အတွက် တစ်ခါသုံးပလတ်စတစ်ရေသန့်ဘူး ကို မဝယ်ယူသင့်ပါ။ ဒါကြောင့် ပြန်လည်အသုံးပြုလို့ရတဲ့ ရေပုလင်းများ ကိုသာ အသုံးပြုပြီး မိမိတို့ရဲ့ ကိုယ်ပိုငိ ပြန်လည်အသုံးပြုလို့ရတဲ့ ရေပုလင်းလေးကို ဓာတ်ပုံ ရိုက်ပြီး comment မှာ share ပေးခြင်းဖြင့် အခြားသူများကိုလည်း တိုက်တွန်းလိုက်ပါ။ #plasticfreejuly #EHSMyanmar #Refuseplasticbottles

Celebrating World Nature Conservation Day 🌏🌱 Let's unite in our commitment to protect and preserve our planet for future generations. Every action counts towards a sustainable and greener world! #EHSMyanmar #WorldNatureConservationDay #environmentalconservation #natureconservationday

EHS Myanmar မှ "International Day for the Conservation of the Mangrove Ecosystem 2024" အတွက် Webinar လေးတစ်ခုပြုလုပ်ခဲ့ပါတယ်ရှင့်🥳 Webinar လေးမှာ knowledge sharing လုပ်ပေးခဲ့ပါသော ဆရာစောမျိုးဝင်းဆန်းနှင့် တက်ရောက်ဆွေးနွေးပေးခဲ့ပါသော participants များအားလုံးကိုလည်း EHS Myanmar မှ ကျေးဇူးအထူးတင်ရှိကြောင်း ဖော်ပြလိုပါတယ်ရှင့်🥰 Webinar မတက်ရောက်လိုက်ရသူများအနေနှင့်လည်း Podcast အဖြစ် EHS Myanmar's channel တွေမှာ ပြန်တင်ပေးမှာဖြစ်လို့ စောင့်မျှော်နားထောင်နိုင်ပါတယ်နော်💚 #EHSMyanmar #Webinar #successful

လုပ်ဆောင်နိုင်ဖို့က အရမ်းအရေးကြီးပါတယ်။ သတင်းကောင်းအနေနဲ့ကတော့ မှတ်တမ်းတွေအရ တစ်နှစ်ပြီး တစ်နှစ်ကြာလာချိန်တိုင်းမှာ နည်းပညာမြင့်မားလာမှုတွေနဲ့ အတိတ်ကအမှားတွေကနေ သင်ခန်းစာယူခဲ့ကြတာတွေကြောင့် ရေနံစိမ်းယိုဖိတ်မှုနှုန်းက လွန်ခဲ့တဲ့ ဆယ်စုနှစ်တုန်းကထက် နည်းနည်းသွားတာပါပဲ။ ဒါကြောင့် နည်းပညာမြင့်မားတာ၊ ရေနံစိမ်းတင်သွင်းပို့ဆောင်မှုနဲ့ပတ်သက်ပြီး အန္တာရာယ်ကင်းနိုင်သမျှကင်းအောင် စည်းကမ်းတွေ သေချာ ကြပ်မတ်တာနဲ့ နိုင်ငံတကာရဲ့ ပူးပေါင်းဆောင်ရွက်ခြင်းက အနာဂတ်မှာ ရေနံစိမ်းယိုဖိတ်မှုတွေနဲ့ပတ်သက်ပြီး နည်းသထက်နည်းလာအောင် ထိန်းချုပ်နိုင်ပါတယ်။ ရေနံစိမ်းယိုဖိတ်မှုတွေနဲ့ပတ်သက်ပြီး အကျိုးသက်ရောက်မှုတွေကို ထုတ်လုပ်တဲ့ ကုမ္မဏီတွေတင်သာမကပဲ လူထုကိုပါ သေချာသိလာအောင် ဆက်စပ်တဲ့ အသိပညာတွေမျှ‌ဝေပေးတာကလဲ ပင်လယ်သမုဒ္ဓရာကြီးနဲ့ ဆက်စပ်တဲ့ သဘာ၀တရားကြီးကို ကာကွယ်ပေးရာကျတာမို့ ရေနံစိမ်းပင်လယ်၊ သမုဒ္ဓရာထဲ ယိုဖိတ်မှုနဲ့ပတ်သက်ပြီး ကိုယ်သိတဲ့အကြောင်းအရာလေးတွေကို မျှ‌ဝေ ပေးဖို့မမေ့နဲ့နော်။ ရေးသားသူ - Asta (EHS Myanmar) ကိုးကား - noaa.gov, britannica.com, Life Noggin, safety4sea.com --------------------------------------------------------------------------- Don't forget to follow us on Instagram - https://www.instagram.com/ehsmyanmar/ #EHSMyanmar #oilspill #oilspills #oilspillprevention #saveocean

အကောင်အရည်အတွက်ကျဆင်းတာတွေပါဖြစ်စေပါတယ်။ - ရေနေသတ္တဝါတွေရဲ့ မျိုးပွားမှုနှုန်းနဲ့ ကြီးထွားမှုနှုန်းအပေါ်ထိခိုက်စေခြင်း အဆိပ်ဖြစ်စေတဲ့ ဓာတုဓာတ်တွေပျော်ဝင်နေတဲ့ ရေထုထဲမှာ နေထိုင်လို့ပဲ ဖြစ်ဖြစ်၊ ရေနံစိမ်း နဲ့ထိတွေ့မိထားတဲ့ သားကောင်ကိုစားမိလို့ဖြစ်ဖြစ် ဒီအဆိပ်ရဲ့ သက်ရောက်မှုက အသက်အန္တရာယ်မဖြစ်စေနိုင်ဘူးဆိုရင်တောင် ခန္ဓာကိုယ် ကျန်းမာရေးကိုတော့ အနည်းနဲ့အများ ထိခိုက်စေပါတယ်။ ဒီလိုထိခိုက်မှုတွေထဲမှာ ကိုယ်တွင်းအင်္ဂါတွေဖြည်းဖြည်းချင်းပျက်ဆီးတာ၊ မျိုးမပွားနိုင်တာ၊ သားပေါက်ခဲ့ရင် (သို့) သားဥ ဥခဲ့ရင် ကိုယ်ခန္ဓာချို့တဲ့တာတွေအပြင်ကို ကြီးထွားမှုနှုန်းမှာ အတားအဆီးဖြစ်တာမျိုးတွေအထိကို ပါ၀င်ပါတယ်။ ဒီလိုဖြစ်တဲ့အခြေအနေနဲ့ မျိုးဆက်အလိုက်ထိတောင် လက်ဆင့်ကမ်းဖြစ်ပွားစေနိုင်တဲ့အတွက် သက်ရောက်မှုက ရေရှည်ထိကို ဖြစ်စေနိုင်တာပါ။ - ဂေဟစနစ် မမျှတခြင်း အစာကွင်းဆက်ကြီး ထိခိုက်တဲ့အကျိုးဆက်အနေနဲ့ သားရဲတွေက သူတို့အသက်ရှင်ဖို့အတွက် နယ်မြေကျော်ပြီး သားကောင်တွေရှာလာတဲ့အခါမှာ ကျူးကျော်မျိုးစိတ်အနေနဲ့ဖြစ်သွားပြီး နေရာဒေသမတူညီတဲ့ တခြားဂေဟစနစ်ကိုပါ ထိခိုက်စေပြီး ဂေဟစနစ်မမျှတတော့တာမျိုးကို ဖြစ်စေပါတယ်။ ရေနံဆီယိုဖိတ်တဲ့အကျိုးဆက်အနေနဲ့ဖြစ်တဲ့ ပင်လယ်ရေအဆိပ်သင့်တာ၊ ကျက်စားရာနေရာ ပျက်ဆီးတာ၊ အစာကွင်းဆက် ထိခိုက်တာ၊ ကျူးကျော်မျိုးစိတ်တွေများလာစေတာက ပင်လယ်ရေအောက်က ဇီ၀မျိုးကွဲတွေကို အရည်အတွက်နည်းပါးသွားစေပြီး၊ ဂေဟတနစ်ကြီးကို အများကြီးအားနည်းသွားစေပါတယ်။ ဒီလို သဘာ၀တရားကြီးနဲ့ ပင်လယ်နေသတ္တဝါတွေအပေါ် ဖြစ်တည်လာတဲ့ မကောင်းတဲ့သက်ရောက်မှုတွေက အဲ့ဒီမှာတင်ရပ်မသွားပဲ လူသားတွေရဲ့ စီးပွားရေးနဲ့ ကျန်းမာရေးကိုပါ ဆက်ပြီး ထိခိုက်စေလာပါတယ်။ စီးပွားရေးအရဆိုရင် ရေနံစိမ်းယိုဖိတ်မှုကြောင့် ငါးတွေဆုံးရှုံးကြရတဲ့အခါမှာ ငါးဖမ်းသမားတွေနဲ့ ငါးဖမ်းလုပ်ငန်းတွေအတွက် ကြီးမားတဲ့ စီးပွားရေးဆိုင်ရာ ဆုံးရှုံးမှုကြီးကို ဖြစ်စေပါတယ်။ ငါးအရေအတွက် ကျဆင်းတာကြောင့် စျေးကွက်ထဲမှာလည်း စျေးနှုန်း မြင့်တက်တာတွေကို အကျိုးဆက်အနေနဲ့ ဖြစ်စေပါတယ်။ အကယ်၍ ရေနံစိမ်းတွေက ပင်လယ်ကမ်းခြေနားကိုရောက်လာခဲ့တယ်ဆိုရင် ကမ်းခြေကိုညစ်ညမ်းသွားစေမှာဖြစ်တဲ့အတွက် အဲ့ဒီကမ်းခြေမှာ နိုင်ငံခြားခရီးသွားဧည့်သည်တွေ အလာနည်းသွားမှာဖြစ်ပြီး ဒေသတွင်း စီးပွားရေးလုပ်ငန်းတွေကိုအများကြီးထိခိုက်စေနိုင်ပါတယ်။ လူတွေရဲ့ ကျန်းမာရေးပိုင်းမှာဆိုရင်လဲ အဆိပ်သင့်ထားတဲ့ ငါးတွေကို စားသောက်မိတယ်ဆိုရင် ကျန်းမာရေးထိခိုက်တာတွေကြုံလာစေပါတယ်။ ရေနံစိမ်း ယိုဖိတ်မှုကြီးတစ်ခုက ဒီလို မကောင်းတဲ့ အကျိုးသက်ရောက်မှုတွေ အတွဲလိုက်ကြီးကို ဖြစ်စေနိုင်တာဖြစ်တဲ့အတွက် ဒါကိုအတတ်နိုင်ဆုံးကာကွယ်နိုင်ဖို့အတွက် အစိုးရတွေ၊ အာဏာပိုင်တွေ၊ သက်ဆိုင်ရာအဖွဲ့အစည်းတွေအနေနဲ့ ရေနံစိမ်းယိုဖိတ်မှုဖြစ်ပြီဆိုရင် သိသိခြင်း အလျင်အမြန် ရှင်းလင်းမှုတွေကို လုပ်ဆောင်ဖို့ ပြင်ဆင်ကြရပါတယ်။ ရေနံစိမ်းတွေကိုဖယ်ရှားတဲ့အခါနဲ့ မပြန့်သွားအောင် ထိန်းတဲ့အခါတွေမှာ အသုံးပြုတဲ့ နည်းလမ်းတွေက ယိုဖိတ်မှုပမာဏ၊ ဆီအမျိုးအစား၊ နေရာဒေသနဲ့ ရာသီဥတုပေါ်မူတည်ပြီး အမျိုးမျိုးကွဲပြားသလို နည်းလမ်းတစ်ခုစီတိုင်းကလဲ သူ့ရဲ့ အားသာချက်နဲ့ အားနည်းချက်ကိုယ်စီရှိကြပါတယ်။ အဲ့ဒီနည်းလမ်းတွေထဲက တချို့ကိုဖော်ပြရမယ်ဆိုရင် - Containment Booms (ရေနံစိမ်းယိုဖိတ်တဲ့ နေရာ၀န်းကျင်ကို တခြားနေရာတွေပြန့်မသွားအောင် အတားအဆီးပုံစံမျိုး ဘောင်ခတ်လိုက်တာပါ) - Skimmers (ရေမျက်နှာပြင်အပေါ်ခြမ်းကို စက်သုံးပြီး ဖယ်ရှားလိုက်တာပါ) - Sorbents (ရေမျက်နှာပြင်ပေါ်က ဆီတွေကို စက်နဲ့ စုပ်ယူလိုက်ခြင်းပါ) - Dispersant (Dispersant ဆိုတဲ့ ဓာတုဒြပ်စင်တစ်မျိုးကို လေယာဥ်ကနေသော်လည်းကောင်း၊ လှေကနေသော်လည်းကောင်း ယိုဖိတ်ထားတဲ့ ဆီတွေပေါ်ကို ပတ်ဖျန်းလိုက်ပြီး ဆီကို အရည်စက်အသေးလေးတွေအဖြစ်ပြိုကွဲသွားအောင်လုပ်လိုက်ခြင်းပါ) - In-situ Burning (ယိုဖိတ်ထားတဲ့ ဆီရဲ့ ထုထည်က ကြီးနေတယ်ဆိုရင် ပါးသွားအောင် ထိန်းတဲ့သဘောနဲ့ မျက်နှာပြင်အပေါ်ကို လောင်ကျွမ်းစေတဲ့နည်းလမ်းပါ။ ဒါပေမယ့် ဒီနည်းက air pollution ကိုဖြစ်စေပါတယ်) ရေပြင်အထက်ကယိုဖိတ်ထားတဲ့ ကျယ်ပြန့်လှတဲ့ ရေနံစိမ်းတွေကို ဖယ်ရှားတာက လုပ်ငန်းစဥ်အခြေနေပေါ်မူတည်ပြီး ဒေါ်လာ ထောင်ဂဏန်းကနေ ဒေါ်လာ ဘီလျံနဲ့ချီ အကုန်အကျများတဲ့ လုပ်ငန်းစဥ်တွေဖြစ်တာမို့ ငွေကြေးအကုန်အကျကလဲ အရမ်းများလွန်းပါတယ်။ ရေနံစိမ်းယိုဖိတ်မှုတွေဖြစ်ရင် သက်ဆိုင်ရာလုပ်ငန်းကို ပြစ်ဒဏ်အနေနဲ့ ငွေဒဏ်နဲ့ ထောင်ဒဏ်ဆိုပြီး ဥပဒေ၊ ဖြစ်စဥ်နဲ့ နေရာအလိုက် အမျိုးမျိုးရှိကြပါတယ်။ ဒီလောက်ထိဖတ်ပြီးသွားပြီဆိုရင်တော့ ရေနံစိမ်းယိုဖိတ်မှုတွေက တစ်ခါဖြစ်ပြီဆိုတာနဲ့ သက်ရောက်မှုကြီးမားတဲ့ အကျိုးဆက်တွေကို အဆက်လိုက် ဖြစ်ပေါ်စေနိုင်တယ်ဆိုတာ မြင်သာမှာပါ။ ရေနေသတ္တဝါတွေ၊ ပင်လယ်ရေအောက် ဂေဟနစ်တွေ၊ အပြင်လူတွေကိုပါ ထိခိုက်စေနိုင်ပြီး ပင်လယ်ရေညစ်ညမ်းတာ၊ စီးပွားရေးထိခိုက်တာနဲ့ ကျန်းမာရေးထိခိုက်တာမျိုးတွေပါ ဖြစ်စေနိုင်တာကြောင့် မဖြစ်ခင်သေချာ ကြိုတင်ကာကွယ်တာနဲ့ ဖြစ်ပြီဆိုလဲ လျင်မြန်ထိရောက်နဲ့ တုံ့ပြန်မှုတွေကို

ပင်လယ်၊ သမုဒ္ဒရာထဲ ရေနံစိမ်းယိုဖိတ်မှု၏ အကျိုးဆက်များ ----------------------------------------------- EHS Myanmar | 26.7.2024 သဘာ၀တွင်းထွက် ရေနံစိမ်းတွေကို လူသားတွေ ရှေ့နှစ်ပေါင်းများစွာကစလို့ ရေနံဆီမီးအိမ်လေးတွေကနေ စသုံးလာခဲ့တာ ယနေ့ခေတ်အထိပါပဲ။ နည်းပညာတွေ တိုးတက်မြင့်မားလာတာနဲ့အမျှ တစ်နှစ်ထက်တစ်နှစ် ရေနံစိမ်းထုတ်လုပ်မှုတွေက များပြားလာသလို၊ ရေနံစိမ်းလိုအပ်လာမှုနှုန်းကလည်း ကမ္ဘာ့နေရာအနှံ့အပြားမှာ ကျသွားတာမျိုးမရှိဘဲ တိုးလာနေဆဲပါ။ ဒီလို ၀ယ်လိုအားများနေတဲ့ ရေနံစိမ်းတွေကို ရေနံစိမ်း ကုမ္ပဏီတွေကနေ သယ်ယူပို့ဆောင်မှုတွေ လုပ်ကြတဲ့အခါ အဓိက နည်းလမ်းကြီး လေးခုဖြစ်တဲ့ ၁) ပိုက်လိုင်း ၂) သင်္ဘော ၃) ရထား နဲ့ ၄) ဆီတင်ကားတို့ကို အကွာအဝေး၊ နေရာဒေသနဲ့ ပမာဏအပေါ်မူတည်ပြီး အသုံးပြုကြပါတယ်။ ရေနံစိမ်း ယိုဖိတ်မှုဆိုတာကတော့ လူသားတွေရဲ့ လုပ်ဆောင်ချက်တွေကြောင့် ပင်လယ်၊ သမုဒ္ဒရာထဲကို ရေနံစိမ်းတွေ မတော်တဆ ယိုဖိတ်သွားခြင်းကို ဆိုလိုပါတယ်။ ဒီမတော်တဆတွေထဲမှာ ရေနံစိမ်းပိုက်လိုင်း ပေါက်သွားတာ၊ ရေနံစိမ်းတင်သင်္ဘောတွေ မှောက်တာ၊ ပင်လယ်ပြင်ထဲက ရေနံစိမ်းတူးဖော်တဲ့စင်တွေမှာ အမှားအယွင်းတွေဖြစ်သွားတာတို့ ပါဝင်ပါတယ်။ သမိုင်းကိုပြန်ကြည့်မယ်ဆိုရင်လည်း ရေနံစိမ်း တစ်နှစ်၊တစ်နှစ် ယိုဖိတ်မှုကြိမ်နှုန်းနဲ့ ပမာဏတွေက အလွန်များပြားလွန်းပြီး တစ်ကြိမ်ယိုဖိတ်မှုဖြစ်ရင် ရေနံစိမ်း ဂါလန်ပေါင်းထောင်ချီကနေ သန်းချီထိကို ပင်လယ်ပြင်ထဲယိုဖိတ်ကြပါတယ်။ ဒီလိုယိုဖိတ်မှုတွေဖြစ်တဲ့အခါ သဘာ၀ပတ်၀န်းကျင်၊ ရေနေသတ္တဝါတွေနဲ့ လူသားတွေအပေါ် မကောင်းတဲ့ အကျိုးသက်ရောက်မှုမျိုးစုံကို ဖြစ်ပေါ်စေပါတယ်။ အကျိုးသက်ရောက်မှုတွေက ရေနံစိမ်းယိုဖိတ်တဲ့ ပမာဏနဲ့ နေရာဒေသပေါ်မူတည်ပြီးတော့ ကွဲပြားနိုင်ပါတယ်။ ပင်လယ်ရေမျက်နှာပြင်အထက်ကို ရေနံစိမ်းတွေယိုဖိတ်တာနဲ့ ဒီဆီတွေက ယိုဖိတ်သွားတဲ့နေရာတင်သာမက ပမာဏပေါ်မူတည်ပြီး အကျယ်က တဖြည်းဖြည်းပြန့်သွားမှာပါ။ ရေထက် သိပ်သည်းဆနည်းတဲ့ အတွက်ကြောင့်လဲ ရေထဲမပျော်၀င်သွားဘဲ ရေမျက်နှာပြင်အထက်မှာပဲ နေရာကျယ်လာရင်း ပါးလွှာတဲ့ အလွှာအနေနဲ့ ရေမျက်နှာပြင်ကို ဖုံးလွှမ်းသွားမှာပါ။ ဒီလိုရေနံစိမ်းတွေယိုဖိတ်မှုဖြစ်ပြီဆိုရင် ပင်လယ်၊ သမုဒ္ဒရာ ဂေဟစနစ်၊ ရေနေသတ္တဝါ နဲ့ ပင်လယ်ငှက်တွေအပြင် လူသားတွေဆီကိုပါ တိုက်ရိုက်အားဖြင့်သော်လည်းကောင်း၊ သွယ်ဝိုက်၍ အားဖြင့်သော်လည်းကောင်း မကောင်းတဲ့သက်ရောက်မှုတွေအများကြီးဖြစ်လာစေပါတယ်။ တိုက်ရိုက်သက်ရောက်မှုများ - အဆိပ်အတောက်ဖြစ်စေခြင်း ရေနေသတ္တဝါတွေက ယိုဖိတ်ထားတဲ့ ရေနံဆီနဲ့ တိုက်ရိုက်ထိတွေ့မိတဲ့အခါမှာ ကိုယ်ခန္ဓာအကြေးခွံတွေ၊ ပါးဟပ်တွေမှာ ရေနံစိမ်းတွေ ပေသွားတဲ့အတွက် အဆိပ်အတောက်ဖြစ်တာ၊ အသက်ရှူရအခက်အခဲဖြစ်တာ အစရှိတဲ့ ရုပ်ပိုင်းဆိုင်ရာ ထိခိုက်မှုတွေကနေတဆင့် အသက်ပါဆုံးရှုံးစေနိုင်တဲ့အထိကို ဖြစ်စေပါတယ်။ ပင်လယ်ငှက်တွေအတွက်လည်း ငါးဖမ်းဖို့အတွက် ပင်လယ်ထဲဆင်းဖို့ကြိုးစားကြတဲ့အခါမှာ (သို့) ရေအောက်ထဲငါးဖမ်းပြီး ပင်လယ်ပြင်မျက်နှာပြင် အထက်ကို ပျံတက်ဖို့ကြိုးစားကြတဲ့အခါမှာ အတောင်ပံတွေ မှာ ရေနံဆီတွေပေကျံပြီး ကပ်စေးသွားစေတဲ့အတွက် လေပေါ်ကိုပျံမတက်နိုင်တော့ဘဲ ရေနစ်အသက်ဆုံးတာမျိုးတွေ၊ နှုတ်သီးကနေတဆင့် ပါးစပ်ထဲကို ရေနံစိမ်းတွေ၀င်သွားတဲ့အခါမှာ ကိုယ်တွင်းအင်္ဂါရပ်တွေ ထိခိုက်တာမျိုးတွေဖြစ်စေနိုင်ပါတယ်။ - ကျက်စားရာနေရာများကို ထိခိုက်စေခြင်း ရေနေသတ္တဝါတွေအသက်ရှင်နေထိုင်ဖို့အတွက် အရေးပါတဲ့ သန္တာကျောက်တန်းတွေနားမှာ ရေနံစိမ်းယိုဖိတ်မှုတွေဖြစ်ပွားခဲ့တယ်ဆိုရင် သန္တာကျောက်တန်းတွေရဲ့ နေရောင်ခြည်နဲ့ အောက်ဆီဂျင်ရရှိမှုအပေါ်မှာ အတားအဆီးဖြစ်စေပြီး သန္တာကျောက်တန်းတွေကို ဖန်တီးပေးတဲ့ သန္တာကောင်လေးတွေရဲ့ မျိုးပွားမှုနှုန်းကိုပါထိခိုက်စေပါတယ်။ အကျိုးဆက်အနေနဲ့ ကျန်းမာမှုမရှိတဲ့ သန္တာကျောက်တန်းတွေက ရေနေသတ္တဝါတွေကို ကောင်းကောင်းမကာကွယ်ပေးနိုင်တော့ဘဲ အပင်တွေမရှင်သန်စေနိုင်တော့တဲ့အတွက် အစာပြတ်လပ်မှုတွေကိုပါ ဖြစ်စေပါတယ်။ - ပင်လယ်ရေကို ညစ်ညမ်းစေခြင်း ရေနံစိမ်းမှာပါ၀င်တဲ့ အဆိပ်သင့်စေတဲ့ hydrocarbon လို ဓာတုဓာတ်တွေက ပင်လယ်ရေထဲကို ပျော်၀င်သွားတဲ့အခါမှာ အချိန်အတော်ကြာ ညစ်ညမ်းစေတဲ့အတွက် အနီးနားတဝိုက်မှာရှိတဲ့ ပင်လယ်နေသတ္တဝါမျိုးစုံရဲ့ အသက်ဆက်ရှင်သန်မှုအပေါ်မှာ မကောင်းတဲ့သက်ရောက်မှုတွေ များစွာဖြစ်သွားစေပါတယ်။ တိုက်ရိုက်မဟုတ်သော အကျိုးသက်ရောက်မှုများ - ပင်လယ်နေသတ္တဝါ အစာကွင်းဆက်ကို ထိခိုက်ခြင်း ပင်လယ်နေသတ္တဝါ အစာကွင်းဆက်ရဲ့ အောက်ဆုံးမှာရှိနေတဲ့ အခြေခံအကျဆုံးအကောင်လေးတွေက “Phytoplankton” နဲ့ “Zooplankton” လို့ခေါ်တဲ့ အလွန်သေးငယ်တဲ့ သက်ရှိလေးတွေပါ။ ဒီသက်ရှိလေးတွေက ရေနံစိမ်းကထွက်တဲ့ အဆိပ်ဓာတုဓာတ်တွေနဲ့ ထိတွေ့မိတဲ့အခါမှာ အလွယ်တကူသေစေနိုင်ပါတယ်။ အစာကွင်းဆက်ရဲ့ အခြေခံအကျဆုံးဖြစ်တဲ့ သက်ရှိလေးတွေ နည်းပါးသွားတဲ့အခါမှာ တခြားသော အစာကွင်းဆက်ထဲက သက်ရှိတွေအတွက် တဖြည်းဖြည်းချင်း အစာရှားပါးမှုဒဏ်ကိုခံလာကြရပါတယ်။ သားကောင်ရှားပါးလာတဲ့အခါမှာ သားရဲတွေလည်း စားစရာနည်းပါးလာပြီး အစာရှားပါးမှုကနေတစ်ဆင့်

Celebrate the "International Day for the Conservation of the Mangrove Ecosystem" with us! 🌴 By working together to protect and restore mangrove ecosystems, we can ensure a healthier and more sustainable future for all. This July 26th, let’s commit to taking action and spreading awareness to conserve these invaluable natural treasures. #EHSMyanmar #SaveMangroves #MangroveConservation #mangroveecosystem

သုတေသနများစွာပြုလုပ်ခြင်း၊ ခိုင်မာသောဥပဒေများချမှတ်ခြင်း၊ အသံဆူညံမှုအန္တရာယ် ကာကွယ်ရေးလုပ်ငန်းစဥ်များချမှတ်ခြင်းများ လုပ်ဆောင်သင့်ပေသည်။ လူသားတို့ဖန်တီးလိုက်သည့် ကျယ်လောင်လှသောအသံများကြောင့် ဖြစ်ပေါ်လာသည့် ပင်လယ်ပြင်အသံညစ်ညမ်းမှု၏ အကျိုးဆက်များကို ထိန်းချုပ်ရန် တစ်ဦးချင်း၊တစ်ဦးချင်းစီမှ အသံကျယ်လောင်စွာဖြင့် တိုက်တွန်းလုပ်ဆောင်ရန်လည်း လွန်စွာအရေးကြီးလှပေသည်။ ရေးသားသူ - ပိုးစုန်းကြူး (EHS Myanmar) ကိုးကား - earth.org, Humane Society International, Marine Insight --------------------------------------------------------------------------- Don't forget to follow us on Instagram - https://www.instagram.com/ehsmyanmar/ #EHSMyanmar #Ocean #OceanNoise #marineecosystem #Noisepollution

လူသားတို့ သတိမပြုမိသည့် ပင်လယ်နေသက်ရှိများကို ခြိမ်းခြောက်နေသော အန္တရာယ် ----------------------------------------------- EHS Myanmar | 25.7.2024 ပင်လယ်သမုဒ္ဒရာထဲတွင် ကျင်လည်ကျက်စားနေကြသည့် သက်ရှိများအပေါ် ဆိုးကျိုးဖြစ်စေနိုင်သော အရာများဟု ဆိုလိုက်လျှင် ရာသီဥတုပြောင်းလဲမှု၊ ရေနံယိုဖိတ်မှု၊ ပလတ်စတစ်အမှိုက် စသည်တို့မှာ သိသာထင်ရှားလှသည်။ သို့သော် လူသားတို့သတိမပြုမိသေးသည့် ပင်လယ်နေသက်ရှိများအား ခြိမ်းခြောက်နေသော အရာများစွာ ကျန်နေပေသည်။ ၎င်းတို့အထဲမှ တစ်ခုမှာ “ပင်လယ်ပြင်ထဲမှ အသံညစ်ညမ်းမှု” ဆိုသည့်အရာ ဖြစ်ပေသည်။ နေရောင်ခြည်သည် ကျယ်ပြန့်နက်ရှိုင်းလှသော ပင်လယ်၏ အပေါ်ယံတွင်သာ ထိုးဖောက်နိုင်စွမ်းရှိ၏။ ထို့အပြင် အသံသည် ရေထုထဲတွင် လျင်မြန်စွာသွားနိုင်ကာ ကောင်းစွာအလုပ်လုပ်သည်။ ထို့ကြောင့် ပင်လယ်ပြင်ထဲမှ တိရစ္ဆာန်တို့သည် သွားလာလှုပ်ရှားရန်အတွက် အလင်းရောင်ထက် အသံကိုပို၍ အလေးထားကြရသည်။ ပင်လယ်နေတိရစ္ဆာန်လေးများသည် တစ်ကောင်နှင့်တစ်ကောင် ဆက်သွယ်မှုပြုလုပ်ခြင်း၊ မိတ်လိုက်ရန်အဖော်ရှာခြင်း၊ အစာရှာဖွေခြင်းနှင့် မိမိတို့အားစားမည့် သားရဲအန္တရာယ်မှ တိမ်းရှောင်ခြင်းစသည့် အရေးပါလှသောလုပ်ဆောင်ချက်များ ဆောင်ရွက်ရန် အသံကို အဓိက အမှီသဟဲပြုကြရသည်။ တစ်ဖက်တွင်လည်း စက်မှုလုပ်ငန်း၊ကုန်ထုတ်လုပ်ငန်းများ ထွန်းကားလာသည်နှင့်အမျှ သယ်ယူပို့ဆောင်ရန် ပင်လယ်ရေကြောင်းလမ်းကို ယခင်ကထက်ပိုမိုအသုံးပြုလာကြသည်။ သင်္ဘောများမှ အသံများသာမက ပင်လယ်ပြင်အတွင်း စူးစမ်းရှာဖွေမှုများ၊ ရေနံနှင့်သဘာဝဓာတ်ငွေ့ ရှာဖွေရေးစီမံကိန်းများ၊ ပင်လယ်ပြင်အတွင်း စစ်ရေးလေ့ကျင့်မှုများ အစရှိသည့် လူသားတို့၏ လုပ်ဆောင်ချက်များ ဆထက်မက တိုးပွားလာသည်နှင့်အမျှ ပင်လယ်ပြင်ထဲတွင် အသံညစ်ညမ်းမှုများ ပို၍ပို၍ ဖြစ်ပေါ်လာတော့သည်။ သမုဒ္ဒရာထဲတွင် ဆူညံသံများ တိုးပွားလာသည်နှင့်အမျှ အသံအပေါ် မှီခိုနေကြရသည့် ပင်လယ်နေတိရစ္ဆာန်တို့သည် တစ်ကောင်နှင့်တစ်ကောင် ဆက်သွယ်ရာတွင် အခက်အခဲများဖြစ်ပေါ်လာပေ၏။ လူသားတို့၏ စက်ပစ္စည်းများမှထွက်သော အသံများသည် တိရစ္ဆာန်တို့မှ ထုတ်လွှတ်သောအသံအပေါ်လွှမ်းမိုးကာ အသံထပ်ခြင်းများကြောင့် တိရစ္ဆာန်တို့သည် အဆက်အသွယ်ပြတ်တောက်ခြင်း၊ မိမိ၏အဖော်အား အကူအညီခေါ်မရခြင်းတို့ ဖြစ်ပေါ်လာသည်။ ကြည်လင်ပြတ်သားစွာဆက်သွယ်နိုင်ရန်အတွက် အသံထုအားမြှင့်တင်ခြင်း၊ ဆူညံသံရပ်တန့်သည်အထိ စောင့်ဆိုင်းခြင်း၊ အသံကြိမ်နှုန်းပြောင်းလဲကာ ဆက်သွယ်ခြင်းတို့လုပ်ဆောင်လာရသည်။ ဆက်သွယ်ခြင်းကို နှောင့်ယှက်ရုံသာမက ပင်လယ်ပြင်ထဲမှ လူသားတို့ဖန်တီးလိုက်သော ဆူညံသံများသည် သက်ရှိတို့၏ နေထိုင်ကျက်စားမှုပုံစံ ပြောင်းလဲခြင်းများ ဖြစ်စေသည်။ ပြင်ပဆူညံသံတို့ကြောင့် ရေနေတိရစ္ဆာန်တို့သည် အသံရင်းမြစ်ရှိရာမှ ရှောင်တိမ်းခြင်း၊ ဆူညံသံထွက်ပေါ်ချိန်နှင့်ညှိကာ အစာရှာခြင်း၊ အမဲလိုက်ခြင်းများ လုပ်ဆောင်ရခြင်းတို့ ဖြစ်ပေါ်လာတော့သည်။ ကယ်လီဖိုးနီးယားတောင်ပိုင်းတွင် ပြုလုပ်ခဲ့သော စမ်းသပ်မှုတစ်ခုတွင် ဝေလငါးပြာများ၏ အသံဆူညံမှုအပေါ်တုံ့ပြန်ပုံကို လေ့လာနိုင်ခဲ့သည်။ ၎င်းစမ်းသပ်မှုတွင် ပုံမှန်ထက်နိမ့်သော စစ်ရေယာဥ်မှ အသံ၌ပင် ဝေလငါးပြာများသည် အစာစားမှုရပ်တန့်ခြင်း၊ ရေကူးနှုန်းမြန်လာခြင်း၊ အသံထွက်ပေါ်ရာရင်းမြစ်နှင့် ဝေးရာသို့ရှောင်ခြင်းတို့ကို တွေ့ရှိခဲ့ရသည်။ နေထိုင်ကျက်စားမှုပုံစံပြောင်းလဲခြင်းအပြင် ကျယ်လောင်လှသော အသံတို့ကြောင့် ပင်လယ်နေတိရစ္ဆာန်တို့၏ ခန္ဓာကိုယ်နှင့် ဇီဝကမ္မဖြစ်စဥ်များတို့အပေါ် ဆိုးကျိုးသက်ရောက်မှုများ ဖြစ်ပေါ်စေ၏။ ဆူညံလှသောအသံတို့ကြောင့် ပင်လယ်ပျော် တိရစ္ဆာန်များသည် ယာယီ အကြားအာရုံချို့ယွင်းမှုသာမက လုံးဝမကြားနိုင်ခြင်းမျိုးဖြစ်နိုင်ပေသည်။ ထို့အပြင် ရုတ်တရက်ကြားလိုက်ရသော ဆူညံမှုကြောင့် အနီးအနားတွင်ရှိနေသော ပင်လယ်နေသက်ရှိတို့သည် အထိတ်တလန့်ဖြစ်ကာ ရေအမြန်ကူးခတ်၍ ရှောင်ပုန်းရန် ကြိုးစားပေမည်။ အမြန်ရေကူးခတ်လိုက်ခြင်းကြောင့် သွေးတွင်းအောက်ဆီဂျင်လည်ပတ်မှု ဖရိုဖရဲဖြစ်စဥ်များကြောင့် တစ်ရှူးပျက်စီးမှုများ ဖြစ်ပေါ်လာရသည်။ ပင်လယ်ပြင်ထဲမှ ဆူညံမှု၏ ဆိုးကျိုးများသည် ဤမျှဖြင့်မရပ်တန့်သေးပေ။ အသံဆူညံခြင်းကြောင့် မိမိတို့ကျက်စားလေ့ရှိရာနေရာမှ အခြားတစ်နေရာသို့ ပြောင်း‌ရွေ့ကျက်စားခြင်းများကြောင့် ဇီဝအမျိုးအစားစုံလင်မှုသည် ဟန်ချက်ပြတ်လာပေမည်။ ဆူညံသံတို့ဖြင့် အချိန်ကြာမြင့်စွာ ထိတွေ့ရခြင်းကြောင့် မိတ်လိုက်ရာတွင် အခက်အခဲများကြုံတွေ့ခြင်း၊ မျိုးပွားနှုန်းကျဆင်းခြင်း၊ မျိုးဗီဇတွင် မူမမှန်ခြင်းများ၊ ထိုမှတဆင့် အကောင်ရေနည်းပါးခြင်းနှင့် သက်တမ်းတိုခြင်းများပါ ကြုံတွေ့လာနိုင်ပေသည်။ ဤမျှပင်လယ်နေသက်ရှိတို့အ‌ပေါ်အကျိုးသက်ရောက်မှုဖြစ်စေသော ပင်လယ်ပြင်အသံညစ်ညမ်းခြင်းကို မည်ကဲ့သို့ဖြေရှင်းနိုင်မည်နည်း။ သမုဒ္ဒရာထဲမှအသံညစ်ညမ်းမှုတို့၏ ရင်းမြစ်ဖြစ်သော စက်ပစ္စည်းများမှ အသံကို လျှော့ချရမည်ဖြစ်ပေသည်။ ရေယာဥ်များ အရှိန်လျှော့၍သွားလာခြင်း၊ အသံကျယ်လောင်စွာထွက်ပေါ်သည့် စက်ပစ္စည်းများတွင် အသံထိန်းနည်းပညာများ တီထွင်အသုံးပြုခြင်းတို့လုပ်ဆောင်ရပေမည်။ ထို့အပြင် အသံညစ်ညမ်းမှုနှင့် ပတ်သက်၍

Time is Running Out!!!⏳ 27 ရက်နေ့မှာ ပြုလုပ်မယ့် Webinar အတွက် စာရင်းပိတ်ဖို့ ၃ရက်သာ လိုပါတော့တယ်။ တရုတ်ပြည်က မဟာတံတိုင်းကြီးမဟုတ်တဲ့ “မြန်မာ့ကမ်းရိုးတန်းရဲ့ မဟာတံတိုင်းကြီးများ”အကြောင်းကို UNDP က ဆရာစောဝင်းမျိုးစံနဲ့ အတူ နားထောင်ဖို့ အောက်ကလင့်လေးမှာ မြန်မြန်စာရင်းပေးလိုက်တော့နော်။ Webinar မှာ Q&A Session ကိုလည်း ထည့်သွင်းထားတာဖြစ်လို့ ကိုယ်သိချင်တာတွေကိုလည်း အားမနာတမ်းမေးလို့ရပါတယ်နော်🤗 Registraion Link>>>> https://docs.google.com/forms/d/e/1FAIpQLSfmIX2NZMFBdM-AfLGS0p6IdRhppA-ZKylFZXZENMu4iWKVjQ/viewform?usp=sf_link Webinar အကြောင်းအသေးစိတ်ကိုတော့ အောက်ကလင့်မှာ ဝင်ရောက် ကြည့်ရှုနိုင်ပါတယ်ရှင့်။ https://www.facebook.com/share/p/d9zz1aCEUYRAfb8F/ Webinar ရဲ့ အချိန်ဇယားအသေးစိတ်ကိုလည်း ထပ်မံဖော်ပြလိုက်ပါတယ်နော်။ Topic: “မြန်မာ့ကမ်းရိုးတန်း၏ မဟာတံတိုင်းကြီးများ” Via: Zoom Application Date: 27th July, Sunday Time: 10:00 to 11:30 AM ***Only registered audience. #Webinar #EHSMyanmar #MangroveEcosystemConservationDay #Awareness #MonthlyTheme

ရေးသားသူ - သင်းသင်းထက်အောင် (EHS Myanmar) ကိုးကား - www.arch2o.com, www.re-thinkingthefuture.com/ --------------------------------------------------------------------------- Don't forget to follow us on Instagram - https://www.instagram.com/ehsmyanmar/ #EHSMyanmar #greenarchitect #architecture #greenbuilding #savetheocean

ဒီဇိုင်း၊ အမိုး ဒီဇိုင်းများ နဲ့ ဆောက်လုပ်ရေးကဏ္ဍများမှာ သမုဒ္ဒရာ မှ ပလတ်စတစ်အမှိုက်တွေကို ဗိသုကာပညာဖြင့် အသုံးပြုနိုင်တဲ့နည်းလမ်း အမျိုးမျိုး ရှိပါတယ်။ ဒါကြောင့် အားလုံးလေ့လာနိုင်အောင် ပလတ်စတစ်အမှိုက်တွေကို ပြန်လည်အသုံးချပြီး ဗိသုကာပညာဖြင့် ပြန်လည်အသက်သွင်းနိုင်တဲ့ ဥပမာတစ်ချို့ကိုဖော်ပြပေးလိုက်ပါတယ်။ 📌 ရောင်စုံပလတ်စတစ်ကြွေပြားများ ( plastic tiles) ပလတ်စတစ်အမှိုက်တွေကို ကြွေပြားအဖြစ်သို့ ပြောင်းလဲထားတဲ့ ဒီကြွေပြားတွေဟာ ပေါ့ပါးပြီး ရေစိုခံကာ အမြင်လည်းလှပါတယ်။ပလတ်စတစ်ကြွေပြားတွေကို နံရံကပ်၊ အမိုးအကာ စတာတွေအတွက် အသုံးပြုနိုင်ပါတယ်။ 📌 သစ်သားအစားထိုး ဓာတုပလတ်စတစ်သစ်သား( synthetic wood) ပလပ်စတစ်အမှိုက်တွေကို သစ်သားအစားထိုးအဖြစ်သို့ ပြောင်းလဲ ဖန်တီးနိုင်ပါတယ်။ ဒီ ဓာတုသစ်သားတွေဟာ မူလသစ်သားတွေလိုပဲ သံမှိုရိုက်ခြင်း၊ ကော်ကပ်ခြင်းစတာတွေကိုလည်း ပြုလုပ်နိုင်ပါတယ်။ ဒီဓာတုသစ်သားတွေကို ပျဉ်များ၊ သစ်သားအတုံးများစသဖြင့် လိုအပ်သလို ပြောင်းလဲအသုံးပြုနိုင်ပါတယ်။ ပရိဘောဂဖန်တီးပြုလုပ်ရာမှာလည်း သစ်သားအစားထိုးအဖြစ် ဒီဓာတုပလတ်စတစ်သစ်သားတွေကို အသုံးချနိုင်ပါတယ်။ ပုံမှန်သစ်သားအစစ်တွေထက် ပိုခိုင်ခံ့ပြီး ရေစိုခံ တာရှည်ခံတဲ့အတွက် အရမ်းကို အသုံးတည့်တယ်လို့ဆိုရမှာပါ။ 📌 ပလတ်စတစ်အုတ် (recycled plastic blocks) သမုဒ္ဒရာများမှ ပလတ်စတစ်အမှိုက်များကို ဆောက်လုပ်ရေးအုတ်များအဖြစ်သို့ ပြောင်းလဲနိုင်တဲ့ နည်းပညာတစ်ခုကိုလည်း တီထွင်ခဲ့နိုင်ကြပြီးဖြစ်ပါတယ်။ ပလပ်စတစ်အမှိုက်များကို စုဆောင်းပြီး အရွယ်အစားအမျိုးမျိုး၊ ပုံသဏ္ဍာန် နှင့် သိပ်သည်းဆ များ လိုသလိုပေါင်းထည့်ကာ စိတ်ကြိုက်အုတ်များအဖြစ် ပြောင်းလဲနိုင်ပါတယ်။ ဒီပလတ်စတစ်အုတ်တွေကို နံရံတွေ၊ လမ်းအတားအဆီးတွေ ဆောက်လုပ်ရာမှာ အသုံးပြုနိုင်ပါတယ်။ ဒီအုတ်မျိုးထုတ်လုပ်ဖို့ နည်းပညာအတွက် လိုအပ်တဲ့ စွမ်းအင်က အလွန်နည်းပါးတဲ့အတွက်ကြောင့် ဒီပလတ်စတစ်အုတ်တွေဟာ ရေရှည်တည်တံ့ပြီး သဘာဝပတ်ဝန်းကျင်နှင့် သဟဇာတဖြစ်တဲ့ ပစ္စည်းဖြစ်တယ်လို့ အသိအမှတ်ပြုထားကြပါတယ်။ သမုဒ္ဒရာကနေ ဆယ်ယူလိုက်တဲ့ ပလတ်စတစ်အမှိုက်တွေဟာ အမျိုးစုံသော သဘောသဘာဝရှိတဲ့အတွက်ကြောင့် ပလတ်စတစ်အုတ်တွေကလည်း ထူးခြားပြီး အရောင်အသွေးစုံလင်တဲ့ အသွင်အပြင်ရှိကြပါတယ်။ 📌 ပလတ်စတစ်အမှိုက်များကို ပြန်လည်အသုံးပြုထားသော အသွင်အပြင်ပစ္စည်းများ( recycled plastic textured materials) ပလတ်စတစ်အမှိုက်မျိုးစုံဟာ ဖိသိပ်ခံရပြီး မူလပုံစံပျက်ယွင်းသွားတဲ့အခါ ဗိသုကာမှာ ထည့်သုံးကြတဲ့ အသွင်အပြင်(texture) အနေနဲ့ အသုံးပြုလို့ကောင်းမယ့် ပစ္စည်းဖြစ်လာပါတယ်။ smooth matt material (ချောမွေ့ပြီး တောက်ပမှုနည်းတဲ့ပစ္စည်း) ၊ glossy finish (ချောမွတ်တောက်ပတဲ့ မျက်နှာပြင်)၊ rough or jagged textured material (ကြမ်းသော သို့မဟုတ် အချွန်အတက်ပုံစံပါသော ပစ္စည်း) စသဖြင့် အမျိုးမျိုး ပြောင်းလဲနိုင်ပါတယ်။ ဒီလို အသွင်အပြင်အမျိုးမျိုးရနိုင်နဲ့ ပလတ်စတစ်အသုံးပြု texture တွေကို အမိုးအကာတွေ၊ မျက်နှာစာ ဒီဇိုင်းတွေ၊ အခြား အမြင်ပိုင်းဆိုင်ရာ အသွင်အပြင်( visual texture) ထည့်ချင်တဲ့နေရာတွေမှာ စသဖြင့် အမျိုးမျိုးအသုံးပြုနိုင်ပါတယ်။ 📌 ကတ္တရာအစားထိုး ပလပ်စဖာလမ်း (Plasphalt roads) သမုဒ္ဒရာထဲမှ ပလတ်စတစ်အမှိုက်တွေကိုအသုံးပြုဖို့ နောက်ထပ်နည်းလမ်းကောင်းတစ်ခုကတော့ အမှိုက်တွေကို ပြန်လည်အသုံးပြုပြီး လမ်းများဖောက်လုပ်ရာမှာ အသုံးချခြင်းပဲဖြစ်ပါတယ်။ ဒီလိုလမ်းတွေကို သမားရိုးကျ ကတ္တရာလမ်းများနှင့် မတူတဲ့ ပလပ်စဖာလမ်းများ(Plasphalt roads )လို့ ခေါ်ကြပါတယ်။ ပလတ်စတစ်အမှိုက်များကို ကတ္တရာ အစားထိုးအဖြစ် အသုံးပြုထားတဲ့ ပလပ်စဖာလမ်းတွေက ရိုးရိုးကတ္တရာလမ်းတွေနဲ့ ယှဉ်ရင် ပိုမိုခိုင်ခံ့ပါတယ်။ တာရှည်ခံ၊ အကြမ်းခံ ဂုဏ်သတ္တိရှိတဲ့ ပလတ်စတစ်တွေကို ဗိသုကာပညာမှာ ပြန်လည် အသုံးချခြင်းဟာလည်း သမုဒ္ဓရာကြီးထဲ နေ့စဉ်ဝင်ရောက်လာနေတဲ့ ပလတ်စတစ်ညစ်ညမ်းမှုပမာဏကို လျှော့ချနိုင်မယ့် နည်းလမ်းတစ်ခုပဲဖြစ်ပါတယ်။ ပလတ်စတစ်ညစ်ညမ်းမှုအန္တရာယ်ကို တားဆီးဖို့ ပလတ်စတစ်အမှိုက်တွေကို ပြန်လည်အသုံးချပြီး အခြား အသုံးဝင်တဲ့ ပစ္စည်းများပြုလုပ်ခြင်း အပြင် ပလတ်စတစ်အသုံးပြုမှုလျှော့ချရေး အသိပညာပေးခြင်းတွေလုပ်နိုင်ဖို့ကလည်း အရေးပါပါတယ်။ ဒါ့အပြင် တစ်ဦးတစ်ယောက်ချင်းစီတိုင်းကလည်း ပလတ်စတစ်အသုံးပြုမှုကိုလျှော့မယ်၊ လိုအပ်မှသုံးမယ်၊ ပလတ်စတစ်အစားထိုး ပစ္စည်းတွေကိုသုံးပေးမယ်၊ သုံးပြီးသားပလတ်စတစ်ပစ္စည်းတွေကို တစ်ခါသုံးပြီး လွှင့်ပစ်တာမျိုးမလုပ်ပဲပြန်လည်အသုံးပြုလို့ရနိုင်သမျှ သုံးပေးမယ် စသဖြင့် ကိုယ်တိုင် လုပ်နိုင်တဲ့ တစ်နိုင်တစ်ပိုင် အလေ့အကျင့်လေးတွေကိုဆောင်ရွက်ရင်းလည်း ပလတ်စတစ်ညစ်ညမ်းမှုကို လျှော့ချရာမှာကူညီနိုင်ပါသေးတယ်။ ကမ္ဘာကြီးအတွက် သမုဒ္ဓရာကြီးအတွက် ပလတ်စတစ်ညစ်ညမ်းမှုအန္တရာယ်ကို ဂရုပြုကြဖို့ အလွန်အရေးကြီးပါတယ်။

ဗိသုကာနည်းလမ်းဖြင့် သမုဒ္ဒရာကြီးကို ကယ်တင်ခြင်း ----------------------------------------------- EHS Myanmar | 23.7.2024 လူတို့နေထိုင်ရာ ကမ္ဘာကြီးရဲ့ သုံးပုံနှစ်ပုံကို သမုဒ္ဒရာကြီးတွေက နေရာယူထားတယ်ဆိုတာ အားလုံးသိကြမှာပါ။ သက်ရှိများအတွက် မရှိမဖြစ်လိုအပ်တဲ့ အောက်စီဂျင်ပမာဏရဲ့တစ်ဝက်စာလောက်ကို သမုဒ္ဒရာကြီးက ထုတ်ပေးနေခြင်းဖြစ်ပါတယ်။ သမုဒ္ဒရာကြီးဟာ သဘာဝက ဖန်တီးထားတဲ့ သတ္တဝါမျိုးစိတ်မြောက်များစွာအတွက် အိမ်တစ်အိမ်ဆိုရင်လည်းမမှားပါဘူး။ သက်ရှိများစွာနေထိုင်တဲ့ ကမ္ဘာကြီး တဖြည်းဖြည်းနဲ့ ယိုယွင်းပျက်စီးလာနေခြင်းက ဘယ်သူ့ကြောင့်လို့ထင်ပါသလဲ။ ကမ္ဘာပေါ်မှာ သက်ရှိမျိုးစိတ်ပေါင်း ၈.၇ သန်းလောက်ရှိပေမယ့်ကျွန်တော်တို့ လူသားတွေဟာ ကမ္ဘာကြီးတစ်ခုလုံးကို လူသားမျိုးစိတ်တစ်ခုတည်းကသာ ပိုင်သလိုမျိုး ပြုမူနေထိုင်နေကြပါတယ်။ သဘာဝပတ်ဝန်းကျင်ကို ညစ်ညမ်းပျက်စီးအောင်လည်း ကျွန်တော်တို့လူသားတွေကပဲ ပြုလုပ်နေကြခြင်းဖြစ်ပါတယ်။ ကျွန်တော်တို့နေ့စဉ် အသုံးပြုနေကြတဲ့ ပလတ်စတစ်တွေဟာ ကျွန်တော်တို့ကိုယ်တိုင် သတိမထားမိခင်မှာပဲ ပတ်ဝန်းကျင်ကို နည်းမျိုးစုံနဲ့ ဖျက်ဆီးလျက်ရှိပါတယ်။ မြေဆီလွှာကို ထိခိုက်စေတယ်။ သဘာဝပတ်ဝန်းကျင်အတွက် အန္တရာယ်ရှိတဲ့ ဓာတ်ငွေ့တွေကို ထုတ်လွှတ်တယ်။ ဒီလို ပလတ်စတစ်တွေဟာ သမုဒ္ဒရာထဲကို ရောက်ရှိသွားတဲ့အခါမှာတော့ သမုဒ္ဒရာကြီးအတွက် ကြီးမားတဲ့အန္တရာယ်တစ်ခု ဖြစ်လာပါတယ်။ သမုဒ္ဒရာ ရေထုညစ်ညမ်းမှုဟာ လက်ရှိအချိန်မှာ ကမ္ဘာကြီးကရင်ဆိုင်နေရတဲ့ စိုးရိမ်ရတဲ့ ပြဿနာတစ်ခုဖြစ်ပါတယ်။ စွန့်ပစ်ပလတ်စတစ်များကြောင့် ‌သန်းပေါင်းများစွာသော ရေနေသတ္တဝါတွေဟာ အသက်ဆုံးရှုံးမှု၊ မျိုးတုံးမှုတွေကို ရင်ဆိုင်နေရပါတယ်။ ဒီပုံစံအတိုင်းဆက်သွားရင်တော့ ၂၀၅၀ ခုနှစ်လောက်ရောက်တဲ့အခါ သမုဒ္ဒရာထဲမှာ ငါးတွေထက် ပလတ်စတစ်တွေက ပိုများနေလောက်တယ်လို့ သိပ္ပံပညာရှင်တွေက ခန့်မှန်းချက်ထုတ်ထားကြတာကိုလည်း သတင်းတွေမှာ တွေ့မြင်ကြရမှာပါ။ 🌏 ပလတ်စတစ်ညစ်ညမ်းမှု ဘယ်ကစပါသလဲ။ ၁၉၅၀ ခုနှစ်တွေမှာ ပလတ်စတစ်ထုတ်လုပ်မှု စတင်ထွန်းကားလာပြီး အသုံးပြုရအဆင်ပြေခြင်း၊ ပေါ့ပါးခြင်း၊ ခိုင်ခံ့ခြင်း၊ စျေးသက်သာခြင်း စတဲ့ အကြောင်းပြချက်တွေကြောင့် တစ်ကမ္ဘာလုံးမှာ အသုံးပြုမှု၊ ထုတ်လုပ်မှုဟာ တစ်ဟုန်ထိုး မြင့်တက်လာခဲ့ပါတယ်။ ပြီးပြည့်စုံတဲ့ ထုတ်ပိုးမှုပစ္စည်းအဖြစ်နဲ့ ကမ္ဘာအနှံ့ နေ့စဉ်ဘဝမှာ အသုံးပြုနေကြလျက်ရှိပါတယ်။ ပလတ်စတစ်ညစ်ညမ်းမှုကို ဖြစ်စေတဲ့ နောက်ကွယ်က အဓိက အကြောင်းအရင်းကတော့ သုံးပြီး ပလတ်စတစ်များကို လက်လွတ်စပယ်စွန့်ပစ်ခြင်းကနေ စတယ်လို့ပဲဆိုရမှာပါ။ ပင်လယ်သမုဒ္ဒရာထဲရောက်နေတဲ့ စွန့်ပစ်အမှိုက်တွေရဲ့ ၈၀ ရာခိုင်နှုန်းဟာ ကုန်းပေါ်ကလာခြင်း ဖြစ်ပါတယ်။ အိမ်သုံး စွန့်ပစ်ပစ္စည်းများကို မှန်ကန်စွာ ခွဲခြား မစွန့်ပစ်ခြင်း၊ အလွယ်တကူပင် သဘာဝပတ်ဝန်းကျင်သို့ စွန့်ပစ်ခြင်းတွေကြောင့် ပလစ်စတစ်ညစ်ညမ်းမှု ပြဿနာ ဖြစ်လာရတာဖြစ်ပါတယ်။ ပလတ်စတစ်ညစ်ညမ်းမှုရဲ့အကျိုးဆက်ကြောင့် သဘာဝပတ်ဝန်းကျင် တောတောင်ရေမြေများ ညစ်ညမ်းလာပြီး တောရိုင်းတိရိစ္ဆာန်များ နဲ့ သူတို့နေထိုင်ရာနေရာများကို ထိခိုက်စေပါတယ်။ ပလတ်စတစ်အမှိုက်များကြောင့် ဓာတုညစ်ညမ်းမှုကို ဖြစ်စေပြီး ညစ်ညမ်းသောမြေ၊ ရေမှတစ်ဆင့် ဂေဟစနစ်ကို အဆိပ်သင့်စေပြီး သက်ရှိများအတွက် အန္တရာယ်တစ်ခုဖြစ်လို့နေပါတယ်။ ဒါ့အပြင် စိုက်ပျိုးရေးမှာလည်း အလင်းဖြင့်အစာချက်ခြင်း (photosynthesis) ကိုပိတ်ဆို့စေတာကြောင့် သီးနှံကြီးထွားမှုကို နှောင့်နှေးစေပါတယ်။ ပလတ်စတစ်ညစ်ညမ်းမှုကြောင့် ပိုက်ကွန်များ အမှိုက်များကြားမှာ တိရိစ္ဆာန်များ၊ ရေနေသတ္တဝါများ၊ ငှက်များ နှင့် လိပ်များ ပိတ်မိတတ်ကြပြီး သေဆုံးကြရပါတယ်။ပလတ်စတစ်တွေကို စားသုံးမိတာကြောင့် သမုဒ္ဒရာရှိ ဂေဟစနစ်တစ်ခုလုံးရဲ့ အစာကွင်းဆက်ကိုလည်း ထိခိုက်စေလျက်ရှိပါတယ်။ ပလတ်စတစ်ထုတ်လုပ်မှုမှာ အသုံးပြုတဲ့ ဓာတုပစ္စည်းများကြောင့် လူသားတွေမှာလည်းကင်ဆာရောဂါ၊ မွေးရာပါချို့ယွင်းခြင်း၊ ကိုယ်ခံအားကျဆင်းခြင်းအပြင် များစွာသော ကျန်းမာရေးခြိမ်းခြောက်မှုတွေကို တွေ့ကြုံခံစားရနိုင်ပါတယ်။ ဒီလို ကမ္ဘာကြီးအတွက် ခြိမ်းခြောက်မှုတစ်ခုဖြစ်နေတဲ့ ပလတ်စတစ်ညစ်ညမ်းမှု အန္တရာယ်ကို ကာကွယ်နိုင်ဖို့ အတွက် သိပ္ပံပညာရှင်တွေနဲ့ သဘာဝပတ်ဝန်းကျင်အရေး လှုပ်ရှားသူတွေက နည်းလမ်းမျိုးစုံ နဲ့ အဖြေရှာ ကြိုးစားကြလျက်ရှိပါတယ်။ ယနေ့ခေတ် ဗိသုကာပညာသည်လည်း သဘာဝပတ်ဝန်းကျင်ရေရှည်တည်တံ့မှုကို အလေးပေး ဆောင်ရွက်လာတာကို တွေ့မြင်နေရပါတယ်။ ဆိုတော့ ဗိသုကာပညာရှင် နဲ့ ဒီဇိုင်နာများအနေနဲ့ရော ပလတ်စတစ် ညစ်ညမ်းမှုကို လျှော့ချဖို့ ဘယ်လိုပါဝင်နိုင်လဲ ဆိုတာ စိတ်ဝင်စားစရာမေးခွန်းတစ်ခုပါပဲ။ ပလတ်စတစ်ဟာ ပြိုကွဲဖို့ နှစ်ပေါင်းများစွာကြာပါတယ်။ ဒီလို မပျက်စီးလွယ်တဲ့ ပလတ်စတစ်အမှိုက်တွေကို အကျိုးရှိတဲ့ နောက်ထပ်ပစ္စည်းတစ်ခုအဖြစ်ပြောင်းလဲပြီး အသုံးပြုနိုင်ပါတယ်။ သမုဒ္ဒရာထဲက စွန့်ပစ်ပလတ်စတစ်တွေကို အဆောက်အဦးများတည်ဆောက်ရာတွင် သို့မဟုတ် အခြားလူသုံး၊အိမ်သုံး ပစ္စည်းများ ဖန်တီးရာတွင် အသုံးချနိုင်ပါတယ်။ ထိုပစ္စည်းတွေဟာ ကြာရှည်လည်းခံသလို လှလည်းလှပါတယ်။ မျက်နှာစာ ဒီဇိုင်း၊ တံခါး နဲ့ ပြတင်းပေါက်

Hello!!!! EHS Myanmar ရဲ့ plastic free July campaign အတွက် တတိယမြောက်အပတ်ကို ရောက်ရှိလာပါပြီ။ ဒီအပတ်မှာတော့ “Bring your own reusable bag” challenge လေးမှာ အားလုံးပါဝင်ဖို့ ဖိတ်ခေါ်ချင်ပါတယ်။ ဘယ်လိုပါဝင်လို့ရမလဲ???? ၁။ သင်စျေးဝယ်ထွက်တဲ့ အခါတိုင်း တစ်ခါသုံးကျွတ်ကျွတ်အိတ်၊ ပလတ်စတစ်အိတ် မယူပဲ ပြန်လည်အသုံးပြုလို့ရတဲ့ အဝတ်အိတ်ကိုယူသွားပါ။ ထိုသို့ပြန်လည်အသုံးပြုလို့ရတဲ့အိတ် ယူဆောင်သွားတတ်တဲ့ အလေ့အကျင့်လေးက လုပ်ယူဖို့ မခက်ခဲ့တဲ့အပြင် ကမ္ဘာမြေကြီး အပေါ်သက်ရောက်မှု ကလည်းလုံးဝကွဲပြားသွားစေမှာ ဖြစ်ပါတယ်။ ဒါကြောင့် ပြန်လည်အသုံးပြုလို့ရတဲ့ အိတ်ကို အသုံးပြုသည့် အလေ့အကျင့်ကို နေ့စဉ် လိုက်နာပါ။ ၂။ သင့်ရဲ့ ပြန်လည်အသုံးပြုလို့ရတဲ့ အိတ်လေးကို ဓာတ်ပုံရိုက်ပြီး comment မှာ share ပေးပါ။ ဒါဆိုရင်တော့ ဒီchallenge လေး မှာ လွယ်လွယ်ကူကူနဲ့ ပါဝင်နိုင်ပါပြီ။ ၃။ #PlasticFreeJulyChallenge ဆိုတဲ့ hashtagလေးနဲ့ shareပြီးလည်း လူအားလုံးပါဝင်ပြီး တစ်ခါသုံးပလတ်စတစ်အသုံးပြုမှုကို ရှောင်ဖယ်ဖို့ တိုက်တွန်းလိုက်ပါ။ ဒါဆိုရင်တော့ PlasticFreeJulyChallengeမှာပါဝင်ပြီးEHSMyanmarနဲ့အတူတူ ကြီးမားတဲ့ အရွေ့တစ်ခုကို လုပ်ဆောင်နိုင်မှာဖြစ်ပါတယ်။ eco-friendly ဖြစ်တဲ့ ဘယ်အိတ်လေးတွေက style အဖြစ်ဆုံးလဲဆိုတာ သိရဖို့ commentမှာ shareပေးသွားဖို့မမေ့ပါနဲ့နော်။ Together We Can!!!!! #PlasticFreeJulyChallenge #EcoFriendly #EHSMyanmar