FERUZSHOH

“Tatar nasri antologiyasi”ni ko’rib qaytdim. Kitob anchagina “semiz” va o’ziga xos. Maning tarjimam bo’lgani uchun emas (balki shuning uchundir), bizga qorong’u bo’lib kelgan muhitning nafasi taralgani sababidan. Oktabr oyida taqdimot qilinishi rejalashtirilmoqda emish. “Sarf” nomli kichik she’riy to’plamim ham oktabr oyida nashr qilinarkan. G’arq pishgan qora tutdek hosil to’kdim o’ziyam joriy yil. Qish kelarkan, shox-shabbalarimni kallaklab, oilam issiq bo’lishi uchun o’tin qilaman endi. Yomon tomonimni, yo’q, asl yuzimni berkitishni bas qilmoqchiman. Biror rus bilan suhbat qursam, shu zahot bulbulday sayrayman. O’zbekchamni yo’qotib qo’yaman bir muddat. Yetarli, endi rus tilida ham yozaman. Ilgarigiday. Bu hali hammasi emas! Qaysidir hujayram “bolalar adabiyotini bulg’amaysanmi”, singari savol bilan tirik. Ko’ramiz. Shokoladlik vafli, kola va “Wylsacom” yangiliklari. Hozir eng ma’quli shu. https://t.me/Feruz_Nematullayev

*** Tilingni tishla. Nafasing ta’qiqqa tushmasin. Burrolar osmonda uchar emishlar; Azizam… Axir biz qushmasmiz. Bozorga qo’yilgan satangday Lablardan to’kilsa haqiqat, Haqqimiz qolmaydi vatanda Yashashga biror bir daqiqa. Sovuq qotsak – jimmiz, Terlasak – jimmiz, Yashasak… Bor bo’lsak, bas. Qovushmoqqa emas, cho’chib yechindik, Odamlar – tabiiy sovutilgan gaz. Quyoshga aylandim qo’pchigach haddim, Azizam… Labimga tashlagin langar. Endi mamlakatda qadrim balanddir, Endi… shoirlarning tili tishlangan. 2026 FERUZSHOH

Ko‘zlarimga ko‘z yoshingni art! Olis… Haa… Yetarlik… Kelsang, quchoqlardim… Kelmasang… Ketsang, meni tashlab, ketardik… Sen ham mensан, Men ham mendekman, Kim ham qochib ketardi dersan, O‘zida o‘zi bo‘lmagan… Tentakdan… Shundoq! Yelkalarim egasi – tosh. Boq, Ruhimning noayon bekasi, So‘zim – osh. Labim banddir o‘pichga, labga, Lablaring… Og‘zing to‘la tupuk! Kel, egasi egasiz qalbga Cho‘k… Hazar… Vujudim – bard… O‘zingda men menlar o‘zingni… Uxlamoqqa uyg‘on, LAHZА. So‘zlarimga tupur so‘zingni! …ko‘zlarimga ko‘z yoshingni art… 2021 FERUZSHOH

Voy dod! Dardimni internetga chiqarvorishibdi😂

*** Gitarка… Yettinchi torman jismingda – Har chertki iz bo‘lib Ismimday Barmog‘imda qolib ketarkan. Kaft – daraxt… Grif – xarita… Qo‘njimga evrilib o‘tli kiborday… …xrip – Bariton – Xurrak otayotir har mungli torda. Hushtakka do‘nsam Ovozi hazin, Kuylama, Bo‘g‘zingni yirtguncha hayqir! Qo‘shiq kerak bo‘lsa, Yurak muntazir – Ko‘zimda muallaq so‘z kabi qalqir. Chiroq o‘chiq xona, Vaqt o‘lik… …oqar – Bir bosh chanog’ida daryo ikkita. Hayotmiz, Jononam, Kuyla! O‘lmoqqa Qolgan bir soniya umrimiz yetar… Gi… Tar… Ka… 2020 FERUZSHOH

Man doim Bazarov bo’lib kelganman. Otalar chiqishtirmagan, dasturxondan haydalgan va hokazo. Biroq, qornim och emas, pulim ham bor. Kelgusi tushunchalar qarshisida qarzdor emasman. Maning qarorlarim darslar va tanbehlar bilan buzilmaydi. Asosiysi, kimlarningdir tajribasi qiziq emas. Kosasidan oqayotgan aqlni bayroq qilmayman. Shunchaki borman. Vassalom. FERUZSHOH

*** Bugungi kunim ham gʻalati kechdi, Hammasi joyida, ishim yurishgan. Biroq zerikarli, sababi hech ham Koʻnikmaganman betashvish yurishga. Maoshim oʻrnida, tagimda ulov, Izlarimni poylar meni suyganlar. Endi qanday namoz oʻqiyman, Kulol? – Men senga laʼnatlar aytib qoʻyganman… Boshimda silindr oʻrniga gujum, Deganim – madhiya, tuzim – osh, qaymoq. Men… Shunchaki baxtli boʻlmoqlik uchun Baxtsiz kunlarimni kutib yashayman… 2024 FERUZSHOH

*** Qadamlaring naqadar bejo, Nafasingda qishning nayrangi. Allergiya berganidek jon Paxta terib yuribmiz gangib. Yuzlari o‘ralgan jononlar – Go‘zallikning sof murdalari Egatlarga mixlanib qolar Taningda qotgan ko‘z singari. Etagingni tashla… Yotaqol… Imo qilib – doimgi o‘yin. Mezonlashib ulgurmagan dor Tomoqimni simirar to‘yib. Yo‘q, teskari qarayman, haq gap, Yalang‘ochligingga uchmasman. Ko‘rpasini yopmas beadab Qiliqlaringni sevgan osmon. Ketmoqdaman nafsim yemay tuz, Muhabbat – bir ayriliq yasab. Sen… sevgini tushunmaysan, Kuz, Sen faqat… echina olasan. 2023 FERUZSHOH

*** Vaqtning manzilga yo’q dahli, Borsang, bormasang-da, chikora. Sukut saqlashga doim haqli Kislorodga to’yingan olam. Uyqu qushday uchganda ko’zdan, Shuuringni qoplagach kuya, Ko’ngil da’vo topadi so’zdan, So’zlay olsang xohishga ko’ra. Manzil yaqin – tulaydi tog’lar, Adirlar-da, bog’lar-da tular. Tushunilmay qolganing chog’da O’lim tirik yurishdan qulay. Uryon ursin neki nazar qul, Kelsa, kelsin g’animlar g’ashi. Menga hozir havodek zarur, Do’stim, sening bilan so’zlashish. 2026 FERUZSHOH

Kuyib oʻl Lalitto Endi men ham "Alah" layman Qaylardasan baxt

Qanchalar baxtlisiz! Yoqimli “Alah”lang!

O’zimcha 5 asrlik tariximiz bilan og’ziga urdim. Bekor! Tokay maynasida pati bor odamlarni lider sifatida tanlar va fikrlarini maqullar ekanmiz, manavi post egasi haq bo’laveradi. Sergeyning suratlarini kuzatib borardim. Sarkazmga boy, o’ziga xos. Fikrlashi ham jamiki iddaoli kishilarnikiga o’xshash, bahsli. Lekin ayni damda o’zbeklarni yaxshi bilaman, deb o’ylayapman va ikkilanib turibman. Majlislarda qarsakbozlik, Meta olamida yonbosh reklamasi, saviyasi past insonlarning o’rtamiyonaligi, davralarda xotinlarday g’iybat qiladigan “mujiklar”, shu o’rinda o’zini erkaklarday tutadigan testosteroni baland qizlar… Bu kabi mayda kamchiliklarga ko’z yumish mumkin. Tashqi siyosatimiz qanchalik to’g’ri?! Nega bayramlarda paradlar, perotexnika uchun pul sarflaymiz?! Baribir, ich-ichimizdan chiqqan muttahamlar kimligimizni sotib qo’yaveradi-ku, shunday emasmi? Universitetlarda beriladigan savollarni falochi professorlar tuzadi, ming xato. Bu pirsak ikkiyuzlamachilar tokaygacha ilmli yoshlarga to’g’anoq bo’ladi?! Shunchalik g’azabim qo’zigan… tuzuk nimadir yoza olmayman, hissiyotlarimni yorita olmayman. Uzr!

*** Samoda turnalar shodasi Gohida oh chekib o‘tarlar. Samoda bulutlar podasi Gohida yosh to‘kib o‘tarlar. Bilmadim, bu nening talqini, Bog‘larda erta kuz salqini. Arg‘amchi uchmoqda mezonlar, Daraxtlar to‘kmishlar ohorin. Ingranar kasalmand xazonlar, Yod etib o‘tkinchi bahorin. Bilmadim, bu nening talqini, Bog‘larda erta kuz salqini. Tunlarim uyqusiz va serg‘ash, Hadikli tushlarni ko‘rarman. Har sahar turarman va yakkash O‘zimdan ohista so‘rarman: Bilmadim, bu nening talqini, Bog‘larda erta kuz salqini… 1969 O'tkir Hoshimov

*** Yaxshi it o‘ligin ko‘rsatmay ketar… O‘zbekiston ichra o‘lmoq tekin, lek, (Yashashga bir burda qotgan non yetar) It ham bo‘lolmadik yurtga, shekilli. Chunki, yig‘ilishib sallai karson, Kallai saharlab, qaynab shaharlar, Mayitni ko‘mmoqqa mullai sarson, To‘planib keladi butun mahalla. Imloi qadarning buyurgani bu, ya’ni til so‘zlagan, tishlangan etmas. Bir gado o‘laroq anglaganim shu: Vatan o‘ligini ko‘rsatmay ketmas. 2025 FERUZSHOH

Har kim qurbi yetganini qiladi. Kimdir Feysbukka post qo’ydi, kimdir jahl ustida xotin qo’ydi, kamina (qo’limdan kelgani shu) mo’ylov qo’ydim. Xol qo’ymasam, bo’ldi-da)