Пәйгамбәребезнең ﷺ хәдисләре белән танышу

١٥٥ - عن أبي هريرة قال: قال رسول الله صلى الله عليه وسلم: «ليس شيء أطيع الله فيه أعجل ثوابا من صلة الرحم وليس شيء أعجل عقابا من البغي وقطيعة الرحم واليمين الفاجرة تدع الديار بلاقع». («الصحيحة» ٩٧٨). 155 — Әбү хурайрадан хәбәр ителә: «Аллаһ Илчесе ﷺ әйтте: «Аллаһка буйсына торган гамәлләрдән туганлык җепләрен ныгытудан да тизрәк әҗер-савапка ирешерлек гамәл юк, һәм киресенчә, туганлык җепләрен өзүдән дә тизрәк газап алырлык бернинди гамәл дә юк. Ялган ант авылларны (шәһәрләрне) буш итә». 📚«Силсилә әс-Сахихә», 978.

Күңелдә булган уйлар

١٥٤ - عن أنس بن مالك مرفوعا: «ليس بمؤمن من لا يأمن جاره غوائله». («الصحيحة» ٢١٨١). 154 — Әнәс бине Мәликтән хәбәр ителә: "Пәйгамбәребез ﷺ әйтте: «Күршесе аның явызлыгыннан иминлек тоймаган кеше мөэмин булып саналмый»". 📚«Силсилә әс-Сахихә», 2181.

١٥٣ - عن أبو سعيد الخدري: أن رسول الله صلى الله عليه وسلم قام فصلى صلاة الصبح وهو خلفه، فقرأ، فالتبست عليه القراءة، فلما فرغ من صلاته قال: «لو رأيتُموني وإبليس فأهويتُ بيدي، فما زلتُ أخنقُه حتى وجدتُ بردَ لُعابِه بين إصبعيَّ هاتين: الإبهام والتي تليها، ولولا دعوةُ أخي سُليمان؛ لأصبح مربوطاً بساريةٍ من سواري المسجد، يتلاعبُ به صبيانُ المدينة، فمن استطاع منكم أن لا يحُول بينَه وبينَ القبلة أحدٌ؛ فليفعل». («الصحيحة» ٣٢٥١). 153 — Әбү Сәгыйд әл-Худридан хәбәр ителгәнчә, көннәрдән беркөнне Аллаһның Илчесе ﷺ иртәнге намазны укырга тора, ә ул аның артыннан укыган була һәм [Пәйгамбәребез ﷺ] Коръән укыган вакытта ялгышып китә. Намазын укып бетергәч болай ди: “Минем каршымда Иблиснең пәйда булганын күрсәгез иде. Мин аны эләктереп алдым һәм шушы ике бармак арасында селәгәенең салкынлыгын тойганчыга кадәр аны бууны дәвам иттем. Әгәр мин кардәшем Сөләйманның догасын исемә төшермәгән булсам, бу шәйтан мәчет баганаларының берсенә бәйләп куелып аның белән Мәдинә балалары уйнар иде. Шуңа күрә, кем үзе һәм кыйбласы арасыннан беркем дә узмаслык итә ала икән, менә шулай эшләсен”». 📚«Силсилә әс-Сахихә», 3251

١٥٢ - عن عبد الله ابن مسعود قال: قال رسول الله صلى الله عليه وسلم: «لو أن رجلين دخلا في الإسلام فاهتجرا؛ لكان أحدهما خارجاً من الإسلام حتى يرجع. يعني: الظالم». («الصحيحة» ٣٢٩٤). 152 — Гәбдуллаһ ибн Мәсгүттән хәбәр ителә: "Бервакыт Аллаһның илчесе ﷺ әйтте: "Әгәр ике кеше бер-берсенә бойкот игълан иткән килеш Ислам динен кабул итәләр икән, шуларның икесенең берсе(ягъни гаделсез бойкот белдергәне) шушы гөнаһыннан кире кайтканчыга кадәр Исламның тышыннан булачак"". 📚«Силсилә әс-Сахиха», 3294