تاليسمان/ التجارب والتقارير

زيت القير من وكالة البحرين

بعض المشاكل اللي واجهتني بعد تركيب الكاتش كان Oil catch can بعد حوالي ممشى ٣٠٠٠ من تركيبها انتبهت وجود زيت تحتها مباشرة طلع فيها تنسيم من جهة الغطاء حقها بسبب الربلة اللي في الغطاء، حطيت عليه تيب على السنة حقت الغطاء مو هنا المشكلة .. مع الوقت شوية صرت الاحظ ان السيارة وقت اوقف عند اشارة تطفي مباشرة كامل بالبداية شكيت في الاوتو ستارت ومع الفحص بالكمبيوتر مافيه خلل .. صارت المشكلة الى تفتفة ورجة اكثر بزيادة عن الطبيعي والسيارة واقفة وفي الممشى صار شكي على ان البواجي اللي بدلتهم مرتين ماهم مضبوطين او مشكلة في الكهرباء او مشكلة في الهواء انحصر الموضوع هنا.. بعد مع التشييك والفحص طلعت الخراطيش اللي طالعة من الثلاجة للكاتش كان فيها تنسيم تفقد الثلاجة هواء من هناك تقوم تطفي السيارة حسب ما يفهم الكمبيوتر ان التنسيم جاء من خط الهواء حق الثلاجة تطفي السيارة بشكل كامل اللي مركبها او ناوي يركبها ضروري ينتبه على هالشغلات لان تركيبها يعتبر توليف على منظومة او اضافة عليها، هنا ضروري يكون مافيه تنسيم من هنا والا من هناك عشان ما تفتح باب لمشاكل في غنى عنها او الاكتفاء في التصفية بشغلتين فك الثلاجة وتنظيفها برا و تنظيف البلوف بمنظف خاص لهم عن طريق الثروتل وسلامتكم

اللي يحب يتأكد منهم بنفسه تفضل تكتب هذا الرقم في قوقل، بيطلع معك عدة مواقع، بتلقى شغلة اسمها "OEM" Original Equipment Manufacturer تحتها تلقى رقم القطعة المسجل في الوكالة اللي طلع معها في التصنيع بيكون مطابق للمطلوب لكم للتاليسمان تيربو و السيارات الاخرى المطابق لها هالبواجي

البواجي اللي جربتهم مع التصفية ماهم مضبوطين، السيارة كان فيها رجة، وضعف بالعزم، تقريبا ماكان يوصل البوجي للمستوى المطلوب .. بدلتهم بهذي البواجي من ماركة دينسو رقمهم في دينسو VFXEHC22G مثل ماهو موضح على كرتونهم، الممتاز في الموضوع ان هذي هي المقابل للبواجي حق الوكالة اللي رقمهم 224011TT1C واللي سعرهم في الوكالة شيء حول ٩٠٠ في الصورة الثالثة موضح لكم الارقام المتطابقة مع هذي البوجي رقمهم في نيسان ورقمهم في رينو طلبتهم مع طلبية قطع غيار من برا كلفوني شيء حول 60€ مع الشحن امس بس ركبتهم ولله الحمد تحسن الوضع عن قبل مع البواجي القديمة، راحت الرجة والعزم فرق للافضل وفحصتهم كمبيوتر بعد التركيب كل قراءات الفحص ممتازة وسلامتكم

ماهي زينة هالبواجي لحد يطلب منها يالربع ماهي مناسبة للاستخدام

للتنويه معايرة الكلتشات ضروري مهم تتسوى أول ما يبدأ يطلع عندكم اصواتها، اذا تاخرتوا عليها راح تزيد مع الوقت وتبقى مستمرة بدل ماكانت على سرعات منخفضة بتستمر للسرعات العالية، ممكن ان الضرر يوصل الى تبديل كلتشات سعرهم بالضبط كم؟ ماعرف قلنا تتسوى بين فترة وفترة يختلف حسب الاستخدام، تتسوى بعد تبديل زيت القير نعم .. بالنسبة لي لما بدلت زيت القير سويتها في نفس اليوم، بعد ما يقارب حول ٢٠٠٠٠ سويتها مرة ثانية، بما معناه انها شغلة تتسوى بين فترة وفترة لذلك حرصوا اول يبدأ يطلع يبان على السيارة سووها مباشرة عند اقرب مبرمج لكم وشكرا على تفهمكم https://t.me/RTSC1/469

Liqui Moly Valve Cleaner 150ml

Nissan 140351KC0A

GENUINE Nissan 161751KC0B

تصفية السيارة .. "اكثر شغلة ضرورية للسيارة كل 60000 للتاليسمان" وبعض السيارات الثانية 100000 MPFI دائما لما أحد يسألنا سيارتي مكتومة, سيارتي مافيها عزم زي قبل, سيارتي ماتمشي زي قبل, تفتفة او RPM غير ثابت ... نقوله تصفية الاغلب حاطط في باله التصفية تكون تبديل بواجي فقط او تبديل بواجي مع تنظيف ثروتل فقط .. الثروتل, الثلاجة, البواجي, رؤوس الصمامات "البلوف", تنظيف البخاخات، فلتر جديد هذي التصفية اللي تكون من قلب وضمير.. قبل أتكلم عن اللي سويته بعد ما شفت البلوف وشفت الثلاجة اظن نوعا ما بيكون مفيد لو كان موجود OIL CATCH CAN بتكون ترسبات الزيوت اقل من كذا وركبت لي وحدة .. ركز معي بالاول وقبل كل شيء الشغلة محتاجة الى أدوات كثيرة, محتاجة الى فك شغلات كثيرة, محتاجة الى خبرة في ارجاع كل شغلة انفكت بالطريقة الصحيحة في مكانها الصحيح, محتاجة لسعة صدر.. اذا بعض من المذكور غير متوفر لديك الأفضل تتوجه لورشة عندك وطبعا عندنا في الورشة نسويها لكم ان شاء الله بتحتاجوا الى التالي: طقم بواجي جديد 224011KC1C متوفر لكم في المتجر للطلب, قازقيت ثروتل مهم تبديله بعد الفك, قازقيت الثلاجة مهم تبديله بعد الفك تجنبا لحدوث تنسيم هنا والا هناك, منظف للثروتل, منظف للثلاجة حسب الحاجة انا استخدمت على التاليسمان تقريبا 3-4 علب, منظف بلوف, فلتر هواء للمكينة جديد ... اللي حاب يجي الورشة يسويها تقريبا كل شيء متوفر لكم فقط اللي يرغب يفك الثلاجة بيحتاج يبدل القازقيت، تنظيف البخاخات للاسف ما اسعفنا الوقت لكني متطمن من ناحيتهم كل 20000 استخدم منظف بخاخات مع تفليلة البنزين *تورك شد البواجي: 20 رقم قازقيت الثروتل: 161751KC0B رقم قازقيت الثلاجة: 140351KC0B تلقونها في الوكالة سعرها ما يقارب 620 ,, تحصلوها في قطع غيار نيسان في الحقيقة استفسرت من محلين الاثنين ماهي متوفرة عنده بس اظن سعرها بيكون اقل من الوكالة وان شاء الله بتتوفر لكم في المتجر, انا اخذتهم مع طلبيات قطع الغيار لما جبتهم مسبقا كلفوني شيء حول 25€ وجبت معهم طقم بواجي أيضا لكن من شركة ثانية شغلة مهمة بعد فك الثلاجة تغطية وسد أي مدخل هواء للمكينة تجنبا دخول اتربة او غبار او منظفات غير مرغوب فيها,, مهم عمل إعادة برمجة للثروتل بعد فكها وتنظيفها وارجاعها, منظف البلوف تقدروا تستخدموه عن طريق رش او البخ من البوابة رشات ممتالية او عن طريق جهاز بخ ايضا بيعمل بطريقة جيدة بالنسبة للبعض هذي التصفية يسوونها على مسافات وممشى بعيد او مرة من بين عدة مرات او محد يسويها ابد !! .. عن نفسي انا بتكون هذي التصفية في كل 60000 لأن فعليا اجواءنا تتطلب تنظيف زي هذا وسلامتكم موقع الورشة اللي حاب يسويها ابد حياكم الله و أي استفسار في القروب بالخدمة https://maps.app.goo.gl/kTwbBN7sLBsCyRTcA

بالنسبة للاصوات اللي تطلع معكم من القير مثل اصوات الاحتكاك او سواقة غشيم لقير عادي 😅 هذي الاصوات جاية من القير، بعض المستخدمين تحت الضمان راحوا الوكالة بسببها وعملوا لهم برمجة والبعض اعطوهم فاتورة تسعيرة قير جديد..! للاطمئنان القير سليم ان شاء الله ومافيه الا العافية مشكلتها هذي تحتاج الى عمل معايرة للكلتشات تعمل على اعادة تعريف القير بسماكة الكلتشات وبناءا عليها يتحكم بالقابض الخاص بفصلها وتوصيلها، يختلف من سيارة الى ثانية من مستخدم الى اخر البعض تظهر لهم المشكلة من بدري على ممشى بسيط والبعض ممشى اعلى مالها ممشى محدد نقدر نحصره فيها، يعتمد على طريقة وظروف السواقة كلما زادت التبديلات بين النمر اول وثاني بتزيد الحاجة لإجراء معايرة للكلتشات خلال فترات متقاربة، و ايضا ضرورية تنعمل بعد تبديل زيت القير *يفضل عملها اول ما تظهر المشكلة في بدايتها قبل تزيد وتصير أكبر وعليه ضرورة عملها وعدم التأخير هذي صورة من تسعيرة القير في الوكالة + فيديو عن المشكلة المقصودة واضح فيها الصوت في بدايتها من يسويها لكم؟ في الرياض يسويها لكم أيمن @Renault_tw في جدة يسويها لكم بدر @Zaweyat في الشرقية مهتدي @VintageMuh وسلامتكم