تاليسمان/ التجارب والتقارير

متوفر https://wisemenauto.com/lGZxDZx زر التحكم بالزجاج

متوفرة فحمات امامية https://wisemenauto.com/onOxpWb

السيدات والسادة اللي يبحث عن ورشة في الرياض، شغلهم ان شاء الله يطيب الخاطر، سمكرة، ميكانيكا، وكمبيوتر ويعملون بطريقة احترافية،، مركز بيت الاخوة لصيانة السيارات، صناعية النسيم.. يستقبلكم الأخ كُلال شركة بيت الأخوة لصيانة السيارات للتواصل واتس اب : 0500569493 https://maps.app.goo.gl/fqUKiS4Xidqx7osM6?g_st=ic

من ناحية الشغل والاصلاحات هذي شغلة ثانية نحتاج نوضحها لكم وللجميع الشباب والبنات مو كل حاجة تصير تقول انا مالي الا الوكالة، اجل الصناعيات وش حقه فاتحين 😂 مقارنة بسيطة تكلفة شغلة ما تبديلها وفك قطعة وتركيب قطعة ثانية في الوكالة ممكن تكلف لها فقط شغل اليد ٧٠٠ .... بينما انت تقدر تروح لورشة في الصناعية ويسويها لك ب١٢٠ 🙂 مو اي احد يجي ويقولك روح الوكالة مافيه الا هم اللي يصلحونها تراها ماهي بنتلي وترا حتى البنتلي تتصلح في الصناعية يكون لعلمك يعني عزيزي المستخدم 😂 "ورشة متخصصة في التاليسمان" هذا كلام لا يمت للواقع بصلة .. مافيه شيء اسمه ورشة متخصصة انها تبدل لي فحمات خلفية وما تتلفها لي، الواقع انه فيه ورشة عندهم كمبيوتر والكمبيوتر فيه الداتا ويقدر يتعامل مع سيارتك ويسهل على الفني انه يفك الكليبر بالكمبيوتر وبعدها يقدر يتعامل معه حاله من حال اي سيارة عادية لانك لما تروح لمكان وتقوله انتم متخصصين في التاليسمان الشغلة اللي تصليحها ب١٠٠ بتصير ب٥٠٠ ما ننكر ان فيه ورشات الله يوفقهم مثلا يتوفر عنده جهاز تبديل فريون مخصص حق الفريون الجديد وهذا شيء ممتاز وهذا يفرق عن السابق طبعا، بالمقابل انتم بحاجة لورشة يفهمون السيارة وشغلهم يكونوا عارفينه وبكل اريحية تقدر تقوم بالصيانات عندهم لان شغلهم بطريقة احترافية قد يكون في بعض الاحيان في بعض الحالات في بعض القطع انها متوفرة فقط مثلا بمكان محدد محدد لكن ثق تماما بأن السعر معقول وضمن المقدور عليه واتوقع مرت عليكم حالات مثل هذي سلامتكم نعتذر ع الاطالة 👍🏻

اذا انت سيارتك تاليسمان هات لك كاسة شاهي او قهوة وكمل معي اذا سيارتك ثانية كوليوس والا حاجة ثانية هذا الموضوع مايهمك تقدر تعطيه أشكل ... التاليسمان على حسب ما فهمت في قطع الغيار لها وهذا من حقكم انتم كمستخدمين انكم تعرفون هذي النقطة وتكونوا على بينة فيها، السيارة قطعها في السوق المحلي مالك الا الوكالة او موزعين قطع الغيار المعتمدين من الوكالة واللي يقولك قطع غيارها متوفرة! هذا ماله فيها 🙂 محل قطع الغيار تحصل عنده فحمات وفلاتر هذي قطع استهلاكية اي احد يقدر يوصل لها، لما تقول قطع غيار تتكلم عن شغلات اكثر من كذا فمثلا تجي تدور هوبات مانحصل غير في الوكالة او اننا نسوي طلبية وتكون طلبية كبيرة ونتتظرها بالشهور الى سنة توصل عشان تجي احد ثاني تعطل عنده ثرمستات ماتلقاه الا في الوكالة وخذ السعر عالي اكثر مما تتوقع والا تجي للبواجي .. الحين نحن جايبين بواجي النيسان ومتأكدين منها انها تطابق وتشتغل تمام التمام على التاليسمان، ليه تروح تصدق كلام احد يقولك انه مالها غير في الوكالة فقط وسعرها اعلى بكثير لو سعرها مناسب ووسط مايخالف 🙂 خذ من ناحية مقصات مثلا تروح الوكالة يكلفك حول ٢٤٠٠ .. ماقصر عبدالرحمن نور عليكم وجاب جلد المقصات ووفر عليكم وسعرها ٧٥٠ وهو المقص سليم ومايحتاج يتبدل تجي تقول لا لازم مقص جديد؟ وفتح متجر ويجيب لكم قطع بأسعار مناسبة واقل من الاسعار اللي ما تخطر في بالكم عمود توازن ماقصر عبود جاب لكم حل وجرب على سيارته جلد عمود توازن وركبهم وتوفرت لكم للطلب ووفر عليكم بتجربته انكم ما تبدلون عمود توازن سليم مافيه الا العافية، عشان الجلد حقاته بسعرها البسيط مقارن سعر العمود ١٨٠٠ ويجيك احد من اخر الدنيا يقول هذي الشغلة غير صحيحة ولازم تبدل عمود كامل، ليش ابدله وهو سليم ويحتاج فقط بوشنقات؟ فيه فرق بين اني احط ٨١ قيمة جلدتين وبين اني احط ١٨٠٠ 🙂 وبالنسبة للفحمات الخلفية مع كامل احترامي حق اللي يقولون انها متوفرة في نيسان ياشباب اللي عندكم تراها صغيرة وتفرق في المقاس وتفرق في التركيب في الكليبر وتراها جالسة في ضغط ماهو مخصص لها، طيب وش فحمات من نيسان تركب على التاليسمان؟ انا اقولك، فحمات ماكسيما بس ماهي حقت الخليج، لا هي حقت اوربا تقريبا اذا ما خابتني ذاكرتي فلا تصدقوا اي احد يقولكم ان الفراري قصدي التاليسمان معليش 😉... انها سيارة متوفر لها قطع غيار تقدر تاخذها بساعة زمان ترى مو كل شيء يتحصل ومامنكم قصور ان شاء الله وكلنا بنستفيد من بعض في معلوماتنا وتجاربنا و الخير جاي ان شاء الله

فيه شغلة فيه موضوع نحتاج نتكلم فيه وعشان تكونون في الصورة لكل مستخدم عنده تاليسمان

اللي عنده تهريب في الوجه، تنقيص، دخانة مايلة للزراق ... متوفرة كمية بسيطة https://wisemenauto.com/lGnnqKn

يخبرني ولا عليك امر ولا كلافة

ياشباب احد عنده بواجي بلد التاليسمان؟ بعد التبديل أحد احتفظ فيها؟

للتوضيح هذا المحتوى ليس فلسفة وانما توضيح ليش هذا سعره عالي وليش هذا سعره تحت وليش تختلف الاختيارات 🙂

س: كيف اختار الكفر المناسب لي؟ ج: بصورة عامة اذا بتغير الكفرات وتبغى كفر يعمر معك وادائه قوي وثابت في الشوارع والامطار ولكن خشن وقاسي وبيكون سعره ممكن شوية عالي بيكون الاختيار مثل ميشلان وبريدجستون .. وإذا تبغى كفر يكون ليّن وناعم وسعره مناسب ويكون بنصف أسعار المذكورة سابقا ولكن ثباته راح يكون شوية اضعف شيء بسيط في الامطار وعمره راح يكون اقصر، الاختيارات بتكون مثل هانكوك ونيكسن ... واذا تبغى كفر أدائه عالي وقوي وثابت في الطرق والامطار وليّن ومحسن للعزل الأرضي لكن سعره اغلى من السابقين وعمره اكثر من المذكورة سابقا يكون الاختيار مثل كونتيننتال .. النظام في الكفرات اما يكون ليّن وناعم ما يعمر, او قاسي ويعمر تختلف الأنواع باختلاف الماركات والكفرات وهي تجارب واختيارات ومن افضل الأسماء الموجودة في الأسواق: - كونتيننتال - بيرللي - ميشلان - دنلوب - قوديير - يوكوهاما - هانكوك - تويو - سافا مثلا سافا تابعة لقوديير وسعرها ارخص واقل من القوديير, ورودستون تابعة لنكسن ورودستون هم بعد سعره اقل على سبيل المثال: اذا ممشاك المعتاد اقل من 50000 في سنتين يكون اختيار مناسب لك كفر من نوعية ليّنة لانها بعد سنتين راح تجف وتنشف وتقسى مثل: هانكوك, واذا تبغى كفرات استخدام خطوط بشكل يومي هنا يتناسب معك كفرات قاسية مثل: قوديير, دنلوب, كونتيننتال وعلى هذا المقياس فمثلا تبي طقم كفرات سعره رخيص ويمشي الحال فتختار لك ماركة صينية مثل رودكس مسماه السابق جينيو, او دافنتي ومثلا النقشات الرياضية قاسية وتعمر وثابته لكن عزلها جدا سيئ خصوصا في الاستخدام للخطوط "من واقع تجربة". لكن هذي الكفرات ما تناسبك لو سواقتك كلها خطوط. لحد هنا معلومات كافية إنك تتم عملية الشراء وقت تجي تشتري الكفرات فيه معلومات مهم الالتفات عليها: - أهم نقطة وقت تركيب الكفرات تسوي ترصيص وميزان. - الأفضل يكون جميع الأربعة كفرات كلها من نفس الماركة ونفس النقشة. - تاريخ الإنتاج للكفر ما تعدى أكثر من 6 شهور ويفضل تاخذه من الوكيل. - مقاوم الحرارة للكفر يكون A - مستوى التماسك يكون A او AA, الثاني تماسكه اقوى من الأول. - قيمة تآكل موطئ الاطار كلما زادت كلما كان افضل, مثلا كفر درجته 320 وآخر 400 فهذا راح يكون ضعف عمر الأول وعلى هذا المقياس. - مستوى عزل الاطار. - لا تغير عن مقاسات الموصى بها من المصنع او الكتيب. - متابعة ضغط الهواء المناسب. - وبعد التركيب يفضل التدوير بين الكفرات الخلفي بالامامي والعكس لأجل تساوي التآكل والاحتكاك. كيف اختار النقشة المناسبة؟ او ودي اعرف النقشات والفروقات اللي بينها واشوف الأنسب لي! تقدر من خلال اخذ اسم نقشة الكفر والبحث عنها والمعلومات المطروحة عن التجارب فيها، وفيه مواقع متخصصة بمثل هذا الأمر بأصغر التفاصيل تقريبا مثل هذا الموقع: https://www.tyrereviews.com/Tyre/ او تقدر تدخل على موقع شركة الاطار اللي بتشتري منه وتقرأ عن النقشة واغلب الشركات تحط هذي المعلومات، وبعدها تقدر تحدد وش الأنسب لك في الاختيار, وبناءا على هذه المعلومات الموجودة لكل كفر تقدر تختار الطقم الأنسب لك, وكل واحد واستخدامه واللي يبحث عنه. هانكوك مثلا في الموقع حقهم يقدمون لك اختيار حسب السيارة او حسب المقاس ومعلومات الكفرات موجودة, بعض الشركات غير موفرة هذي الخدمة, لذلك بيخدم معكم هذا الموقع الاخر لمعرفة بعض المعلومات أيضا: https://www.mytyres.co.uk/ مستويات العزل بين 67-69 تتصنف هادئة، بين 70-72 متوسطة، أكثر من 73 واعلى يعتبر مزعج. وسلامتكم