Taskin_uz

Қуёш хеч қачон ўзи учун нур сочмайди. Роббимиз уни биз учун яратган. Ой хеч қачон ўзи учун кечани ёритмайди. Роббимиз ойни биз учун яратган. Осмон хеч қачон ўзи учун ёмғир тўкмайди. Роббимиз уни биз учун ёғдиради. Дарахтлар хеч қачон ўзлари учун барг чиқариб, гуллаб, мева тугиб, ўзларини соя-салқин қилмайдилар. Роббимиз уларни ҳам биз учун яратган. Гуллар хеч қачон ўзлари учун ифор сочиб, гўзаллик улашмайдилар. Роббим уларни биз баҳра олмоғимиз учун яратиб қўйган. Денгизлар, дарёлар, ирмоқлар хеч қачон ўзлари учун мавжланмайдилар. Роббимиз уларни биз учун тўлқинлантириб қўйган. Санаса саноғи йўқ неъматларни биз учун яратиб, текинга бизга ҳизмат қилдириб  қўйган Роббимнинг раҳматини қалбингизни ич-ичидан ҳис қилдингизми? Роббим уларни биз У Зотнинг раҳматини ҳис қилиб, буюклигини тафаккур қилиб, У Зотдан қўрқмоғимиз учун яратди. Роббимнинг неъматларига ғарқ бўлган ҳолда, У Зотнинг осмони остида ерининг устида юриб, У Зотга осий бўлмоқдан ҳаё қилмайсизми? https://t.me/taskin_uz

🌙 ЗУЛҲИЖЖА ОЙИ КИРИБ КЕЛДИ! ФАЗИЛАТЛИ КУНЛАРНИ ҒАНИМАТ БИЛИНГ!   Йилнинг энг улуғ, дуолар ижобат бўладиган ва гуноҳлар кечириладиган фазилатли 10 кунлиги кириб келди! Расулуллоҳ соллаллоҳу алайҳи васаллам: «Аллоҳ таоло учун Зулҳижжанинг ўн кунидан кўра солиҳ амаллар маҳбуброқ бўлган бирор кун йўқ», деганлар.   Бу муборак кунларни ғанимат билиб, савобларимизни кўпайтирайлик!   🗓 ЗУЛҲИЖЖА ОЙИ РЎЗА ТУТИШ ТАҚВИМИ (2026 йил): Зулҳижжанинг аввалги 9 кунида рўза тутиш мустаҳабдир. Айниқса, Арафа кунининг рўзаси икки йиллик гуноҳларга каффорат бўлади! ⚪️ 18 май (Душанба) – 1-кун (Рўзанинг бошланиши) ⚪️ 19 май (Сешанба) – 2-кун ⚪️ 20 май (Чоршанба) – 3-кун ⚪️ 21 май (Пайшанба) – 4-кун ⚪️ 22 май (Жума) – 5-кун ⚪️ 23 май (Шанба) – 6-кун ⚪️ 24 май (Якшанба) – 7-кун ⚪️ 25 май (Душанба) – 8-кун (Тарвия куни) ⚪️ 26 май (Сешанба) – 9-кун (АРАФА КУНИ – Энг муҳим кун)   ⚠️ Муҳим эслатма: 27 май – Қурбон ҳайити куни ва ундан кейинги 3 кунда (Ташриқ кунларида) рўза тутиш мумкин эмас (ҳаром).   ✨ БУ КУНЛАРДАГИ ЭНГ АФЗАЛ ВАЗИФАЛАР: ⚪️ Рўза тутиш: Имкони борлар 9 кун тўлиқ, бунга кучи етмаганлар эса ҳеч бўлмаса фақат Арафа куни (26 май) рўза тутишлари тавсия этилади. ⚪️ Зикрни кўпайтириш: Бу кунларда ТАСБЕҲ (Субҳаналлоҳ), ТАҲМИД (Алҳамдулиллаҳ), ТАҲЛИЛ (Ла илаҳа иллаллоҳ) ва ТАКБИР (Аллоҳу акбар) айтиш суннатдир. ⚪️ Ташриқ такбирлари: Арафа куни (26 май) бамдод намозидан бошлаб, Ҳайитнинг 4-куни аср намозигача (жами 23 вақт намозда) фарз намозларидан кейин такбири ташриқ айтиш вожибдир. Айтилиши: «Аллоҳу акбар, Аллоҳу акбар, Ла илаҳа иллаллоҳу валлоҳу акбар. Аллоҳу акбар ва лиллаҳил ҳамд». ⚪️ Дуо ва истиғфор: Айниқса Арафа куни кундузи ва ифтор вақтида қилинган дуолар рад этилмайди. Тилни истиғфор ва зикр билан банд қилиш лозим. ⚪️ Хайр-эҳсон ва Қуръон тиловати: Бу кунларда қилинган ҳар бир яхшиликнинг савоби оддий кунлардагидан бир неча баробар зиёда қилиб берилади.   🤲 НИЯТЛАР: ⚪️ Нафл рўза нияти: «Аллоҳ ризолиги учун Зулҳижжа ойининг нафл рўзасини холис Аллоҳ учун тутишни ният қилдим». ⚪️ Ифторлик дуоси: «Аллоҳумма лака сумту ва бика ааманту ва ъалайка таваккалту ва ъала ризқика афторту».   🤲 Аллоҳ таоло барчамизга бу улуғ кунларни ибодат билан ўтказишни ва олий мукофотларга эришишни насиб айласин! Амин!  

🌙 Зулҳижжа ойининг биринчи ўн кунлиги эслатмаси «Зулҳижжа ойининг аввалги ўн кунлиги иншааллоҳ 18/05/2026, Душанба кунидан бошланади. Бу ҳақда бошқаларга хабар берган ва эслатган кишиларга хушхабарлар бўлсин!» Кунлар тақвими: • Душанба: 1 Зулҳижжа — 18/05/2026 • Сешанба: 2 Зулҳижжа — 19/05/2026 • Чоршанба: 3 Зулҳижжа — 20/05/2026 • Пайшанба: 4 Зулҳижжа — 21/05/2026 • Жума: 5 Зулҳижжа — 22/05/2026 • Шанба: 6 Зулҳижжа — 23/05/2026 • Якшанба: 7 Зулҳижжа — 24/05/2026 • Душанба: 8 Зулҳижжа — 25/05/2026 • Сешанба: 9 Зулҳижжа — 26/05/2026 (Арафа куни) • Чоршанба: 10 Зулҳижжа — 27/05/2026 (Қурбон ҳайити / Ийд ал-Адҳ «Ва эслатинг! Албатта, эслатиш мўминларга манфаат берур». (Ват-Тур сураси, 55-оят) 💡 Қисқача эслатма: Бу кунлар йилнинг энг фазилатли кунлари ҳисобланади. Айниқса, 26 май — Арафа куни рўза тутиш ўтган ва келгуси йилги кичик гуноҳларнинг мағфират қилинишига сабаб бўлиши ҳақида хушхабарлар келган. https://t.me/taskin_uz

Эртага зулҳижжанинг 1- куни 🔖Зулҳижжанинг ўн кунида рўза тутиш саҳобалар ва тобеинлар амалидан ▫️Ҳур ибн Соййаҳ Нахаъий раҳимаҳуллоҳ: «Ибн Умар розияллоҳу анҳу билан бирга яшадим (қўшни бўлдим) ва унинг ўн кунликда рўза тутганини кўрдим», деди. (Яъни: Зулҳижжанинг ўн кунлигида). Ибн Жаъднинг «Муснад»идан ▫️Лайс ибн Абу Сулайм: «Мужоҳид ўн кунликнинг - Зулҳижжа ўн кунлигининг ҳаммасида рўза тутар эди. ▫️Ато эса буни (ўзига вазифа қилиб) қаттиқ тиришиб бажарарди», деди. Ибн Абу Шайба «Мусаннаф»идан. ▫️Ҳасан Басрий: «Бу ўн кунликдаги бир кунлик рўза икки ойлик (рўза)га тенг келади», деди. «Дуррул мансур»дан.

Халил ибн Аҳмад Фароҳидий раҳимаҳуллоҳ айтар эдилар: «Инсоннинг ақли ва зеҳни энг мукаммал ҳолатга қирқ ёшга етганда киради. Бу Аллоҳ таоло Муҳаммад соллаллоҳу алайҳи васалламни пайғамбар қилиб юборган ёшдир.   Сўнгра (ақл ва зеҳн) олтмиш уч ёшга етганда камая бошлайди. Бу — Расулуллоҳ соллаллоҳу алайҳи васаллам вафот этган ёшдир. Инсоннинг зеҳни энг соф ва равшан бўладиган вақт эса — саҳар пайтидир».   Ибн Ҳалликоннинг “Вафаётил аъйани ва анбааи абнааиз замаан” (“Улуғ кишиларнинг вафотлари ва замондошлар ҳақидаги хабарлар”) асаридан. https://t.me/taskin_uz

Субҳана роббиял аълаа

📜Сажда ҳолатида банда Роббисига нафақат руҳий жиҳатдан яқинлашади, балки унинг жисми ҳам ҳайратланарли хотиржамлик ва мувозанат ҳолатини бошдан кечиради. Чунки, сажда пайтида қон мияга яхшироқ етиб боради, мушаклар бўшашади, таранглик пасаяди ва инсон гўё ичидаги бор оғирликлардан халос бўлаётгандек чуқур руҳий ҳаловатни ҳис қилади. Сажда шунчаки бир ҳаракат эмас, балки Аллоҳга бўлган бўйинсуниш билан қалб ва жисмни чулғаб олувчи хотиржамликни бирлаштирган ибодатдир. «Сажда қил ва қурбат ҳосил қил», Алақ сураси, 19-оят

🔖Изоҳ: Сажда аниқ физиологик таъсирларга эга бўлган тўлиқ жисмоний ҳолатдир. Илмий жиҳатдан тасдиқланган баъзи фойдалар: 1. Мия қон айланишининг вақтинча фаоллашиши Бош юрак сатҳидан пастга туширилганда, веноз қон динамикаси ўзгаради, бу эса соғлом одамларда гемодинамик мувозанатни лаҳзали равишда яхшилайди. 2. Асаб тизимининг тинчланиши Сажда нафас олишнинг секинлашиши ва парасимпатик асаб тизимининг (Parasympathetic System) фаоллашиши билан кечади. Бу эса стрессни камайтиришга ва юрак уриш тезлигини меъёрлаштиришга ёрдам беради. 3. Умуртқа поғонаси ва бўғимлар эгилувчанлигининг яхшиланиши Ушбу ҳолат физиотерапиядаги чўзилиш машқларига яқин бўлиб, бел, сон, тизза ва елкаларни мунтазам ҳаракатлантиради. 4. Нафас олиш тизимининг яхшиланиши Қоринга тушадиган енгил босим диафрагмал нафас олишни кучайтиради ва ўпкадаги ҳавонинг тўлиқ чиқишини (экспиратор бўшашишни) яхшилайди. 5. Тинчлантирувчи психологик таъсир Тўлиқ эгилиш ва пешонани ерга қўйиш симпатик фаолликнинг (стрессга жавоб реакцияси) пасайиши билан боғлиқ бўлиб, бу саждадан кейинги хотиржамлик ҳиссини тушунтиради. Сажда — мушаклар ҳаракати, нафасни тартибга солиш ва асаб тизимини тинчлантиришни ўзида жамлайди. Бу уйғунликнинг ўзи тана ва руҳ учун ижобий ҳамда мувозанатли таъсир кўрсатади. Субҳаналлоҳи ва биҳамдиҳи, субҳаналлоҳил азийм!

Ҳайит 📜Эй мусулмон биродарим, ниятингни тўғирла! Қурбонликни болалар учун эмас, Аллоҳга тақарруб (яқинлашиш) учун сотиб ол. Изоҳ: Қурбон ҳайитида қурбонлик қилиш — бу шунчаки анъана ёки гўшт ейиш маросими эмас, балки банданинг Аллоҳ таолога бўлган итоати ва яқинлигини изҳор қилишидир. Баъзи ота-оналар қурбонлик учун қўй сотиб олаётганда «болалар қувонсин», «уларга эрмак бўлсин» ёки «байрам кайфияти бўлсин» деган мақсадни биринчи ўринга қўйиб юборишади. Ниятни тўғрилаб олиш лозим. ▫️"Уларнинг гўштлари ҳам, қонлари ҳам зинҳор Аллоҳга етмас. Лекин Унга сиздан тақво етадир", Ҳаж сураси, 37-оят. https://t.me/taskin_uz

Ушбу қурбонликларингизнинг гўштидан ҳам, қонидан ҳам бирон нарса Аллоҳга етмайди. Аксинча, Унга фақат сизларнинг қурбонлик қилишдаги ихлосингиз ва бу билан ниятингиз Аллоҳнинг Юзи(ни кўриш) бўлишигина етади. Эй қурбонлик қилувчилар, Аллоҳ уларни сизга Уни улуғлашингиз ва сизни ҳаққа ҳидоятлаб қўйганига шукр қилишингиз учун бўйсундириб қўйди. Зеро, У шунга лойиқ Зотдир. Эй Пайғамбар, ёлғиз Аллоҳга ибодат қилишда муҳсинлик даражасига етганларга ва Аллоҳнинг бандаларига яхшилик қилиш билан муҳсин бўлганларга барча яхшилик ва муваффақиятлар хушхабарини беринг. Ҳаж сураси 37-оят

Асабларга таскин

Агар улар сенга зарар беришни ирода қилсалар-у, Аллоҳ сенга манфаатни ирода қилса, Аллоҳ уларнинг зарарида сен учун манфаат қилиб қўяди. Шундай экан, безовта бўлма. https://t.me/taskin_uz

Олимлардан бирига: «Сен «бизга фақат Аллоҳ ёзган (фойда ёки зарар) нарса етади» деб айтмасмидинг?», дейишди У деди: «Ҳа!». Шунда савол берувчи: «Унда ўзингизни тоғнинг чўққисидан ташлангчи, агар сизга омонлик тақдир қилинган бўлса, соғ қоласиз». У зот: “Эй нодон! Банда Роббисини текшириб, имтиҳон қилолмайди (унга ҳақли эмас) балки, Аллоҳ Ўз бандаларини (хоҳлаганини) имтиҳон қилиб синайди”, деди. https://t.me/taskin_uz

«ИДЕАЛ» ҲАЁТЛАРГА АЛДАНМАНГ! 🎭 Ижтимоий тармоқларда биз фақат бировнинг «саҳнасини» кўрамиз, саҳна орти эса доим яширин. Бировнинг витринаси билан ўзингизнинг омборингизни солиштирманг. Ўз йўлингизда давом этинг.

29. Қиёмат кунидаги энг катта ҳасрат-надомат – тоат-ибодатларингни бошқанинг тарозусида кўришингдир. Аллоҳим! Тилларимизни ғийбат ва чақимчиликдан асра!

📹 Yunus Emro va Tortiq Emro suhbati Yo'l haqida Ibrohim Adham qissasi. Serialdagi ilk qissa. → 👤 #the_most_interesting → @youtubabot: 📹360p

Жума куни салавот айтиш суннатдир Набий соллаллоҳу алайҳи васаллам дедилар: “Кимки менга бир бора салавот айтса, Аллоҳ унга у (салавоти) сабабидан ўнта салавот айтади. Кимки менга ўнта салавот айтса, Аллоҳ унга у(салавоти) сабабидан юзта салавот айтади. Кимки менга юзта салавот айтса, Аллоҳ унга у (салавоти) сабабидан мингта салавот айтади. Кимки менга мингта салавот айтса, унга дўзах ўти тегмайди”. https://t.me/taskin_uz