ومن أراد الآخرة سعىٰ لها"🤍🇵🇸

- اليوم السبت! أيوه هو السبت اللي قررت تبدأ من عنده لما ضيعت السبت اللي بعد العيد وأجلتها للأسبوع اللي بعده وعدى بردو بدون بداية! اليوم السبت التالت فهل هنضيع السبت ونقول كمان يومين هنبدأ من السبت؟!! ليه العمر فيه كم سبت علشان نضيعه؟!! وليه لازم نبدأ من السبت؟!! بس عامةً اليوم السبت ومفيش حجة جهزوا ورقكم واعملوا قائمة بسيطة مبسطة تمامًا بمهام اليوم وابدأوا، بيكون إحساس تحفة في آخر اليوم لما تلاقوا كل حاجة اتعمل عليها صح ✅ ولو مش كله اتعمل بنحاول تاني احنا بنحاول لحد ما تظبط ونستقيم أو نموت على الطريق مفيش حل تاني:" على الأقل يكون لنا عذر نقول لربنا لما نقابله! يوم جديد متنسوش أهلنا في غزة للأسف الأخبار بقينا نتعب علشان نلاقيها فمتنسوش حتى لو الكل نسى. وأخيراً متنسوش أهلنا في غزة سوريا والسودان والمستضعفين في بقاع الأرض. ونذكركم تاني بمقولة الشيخ بدر الثوعي: "أنتم حملةُ الرّاية، والرّايةُ لا تحملها اليدُ الضّعيفة."

اللهم ارزقنا طمأنينة القلب والبدن 🫂

حابة أذكركم... ان النهارده 18 شوال. يعني باقي أقل من أسبوعين والشهر ينتهي! الحقوا صوموا الـ 6 من شوال قبل ما ينتهي الشهر.

• ممكن نبدأ من اليوم نصلح أي حاجة باظت من بعد رمضان:))

صبّحكم الله بالخير. السبت! أيوه هو السبت اللي قولت هتبدأ من عنده هتبدأ الصلاة وهتبدأ الأوراد وهتتابع الدورات وهتسمع الدروس وتكمل الكورسات وغيره يعني ... كل دي حاجات قولتها هتعملها من يوم السبت الشيء الوحيد اللي بيسكن ألم تأنيب الضمير هو التأجيل ليوم السبت أو الشهر ولازم أول الشهر يصادف يوم سبت وإلا مش هبدأ اللي هو والله؟!! والله بجد!! من أين لك هذا الهدوء؟!! احنا ممكن نموت دلوقتي عادي وميكونش فيه فرصة تانية أصلًا!! عامةً البوست ممكن يتقرأ عادي ويتعدى عادي ونأجل عادي بس الندم له وقت! هنموت ودي الحقيقة فلو مش بتصلي لو فاني عمرك في الملذات فيه حاسب وهنموت ! وقتها نقول مفيش سبت أستناه أبدأ من عنده:) خلاص مفيش فرصة تانية. والنهارده السبت بردوا مفيش حجة.