تانية معهد تمريض Senior 2024 🥼💙.
Open in Telegram
الجروب خاص بدفعة تانية معهد تمريض نظام الجروب : في الأجازة شرح معلومات طبية في الدراسة. شرح منهج تانية معهد مشاركة الكتب والتلخيصات💙. ادمن الجروب. @A7medRabeaa
Show more7 640
Subscribers
No data24 hours
-327 days
-25330 days
Posts Archive
Copy_بنك_اسئلة_لمادة_العلوم_الانسانية_واداب_المهنة2020_2021.pdf0.66 KB
01 Nov 2022, 04:41
امتحانات_الفرقة_الاولى_لجميع_الشٌعب_الفنية_بمعهد_أسيوط_&_امبابة.pdf11.54 MB
01 Nov 2022, 04:41
Copy-بنك اسئلة لمادة العلوم الانسانية واداب المهنة2020-2021.pdf
01 Nov 2022, 04:41
معايا ممرضة ف الشغل اسمها مياده هي لسه مستلمه الشغل جديد من 3 شهور وحقيقي انا مشوفتش ف جمالها وحلاوتها وادابها لدرجة ال انا أعجبت بيها من اول ماشوفتها بس هي مش بتتكلم مع حد خالص النهاردة من حسن حظي اني هي كانت خارجة تجيب فطار من المطعم ، والمطعم كان زحمة وانا كنت واقف بجيب سندوتشات لقيتها واقفة مش عارفة تجيب قولتلها عايزه حاجة اجبهالك يامس ميادة قالتلي انا عاوزة فطار بس المطعم زحمة قولتلها انا هجبيلك انتي عاوزة ايه قالتلي مش عاوزة اتعبك ، قولتلها تعبك راحة ف خدت منها الورقة وجبتلها اكل ليها وزمايلها ب حوالي 75 جنية ف جت بتديني الفلوس قولتلها مش عاوز حاجة قالتلي مش هينفع وفضلت تتحايل عليا كتير اني اخاد الفلوس وانا رفضت راحت شكرتني جدا وضحكت ضحكة ف وشي حقيقي مش قادر انساها وبعد ماخلصت شغل نزلت شكرتني وقالتلي سلام ياحوسو ساعتها قلبي اتخلع من مكانه من الفرحة وهي طالعه ع البوابه لقيتها بتركب مكنه وراء واحد ف طلعت جري بيسأل بتاع الأمن مين ال مس مياده ركبت وراء المكنه قالي ده جوزها وكل يوم بيجي ياخدها من ساعتها وانا قاعد بسمع اغنية انا بتقطع من جوايا ع ال 75 جنية ال دفعتهم
29 Oct 2022, 18:21
النهارده ٤ / ٤ / ١٤٤٤ هـ
تاريخ مميز مش بيتكرر إلا كل ١١١ سنة
فصلوا ع خير البريه ♥
29 Oct 2022, 15:27
الفصل الاول ميكروبيولوجي بشكل مبسط وسهل 💚
_أول حاجه احنا بندرسها علشان نعرف العدوى بتيجي ازاى ونتعلم أساليب الوقايه منها ده ببساطه كده 💚
_الفصل الاول بيتكلم عن #الكائنات_الحيه_الدقيقه
(Microorganisms )
وبنقسمهم لفئتين :
_بدائيات النواه( prokayotes)
وأمثله ليها/ البكتريا bacteria
والطحلب الازرقblue-green algae
_عديدات النواه (eukaryotes)
ذي الفطرياتfungsوبعض الطحالب الأخرى و slime moulds وprotozoa
هنبدأ كلامنا #بالبكتريا :
_مشتقه من كلمة bakterionوتعني عصيان.
_وهي كائنات حيه دقيقه وحيدة الخليه لا تحتوى علي نواه .
#حجمها
تقاس بوحدة الميكرون بعد أن يتم تكبيرها وقطرها يتراوح بين (0.2-1.5)um أما الطول فا من (3-5)um
#شكلها
حسب شكل البكتريا تم تقسيمها لأنواع كتيره أوى أوى 😃
_أول نوع يمعلم
#Cocciبننطقها كوكاي مش كوكي ركز معايا و 🙂😂
ودى مشتقه من كلمه يونانيه kokkos ومعناها حبه التوت وأكيد سموها كده لانها مدوره وبيضه وحلوه بضحك عليك هيا مدوره بس 😃ذي كده 🌑
_تاني نوع
#Bacilli عارفه اني هصدمك بس هيا مش بسله خالص 🥲بتنطق باسيلاى وسيبك الأكل بقي وركز
وهيا كلمه مشتقه من كلمه لاتينيه baculus وتعني العصا
_تالت نوع
#vibrios وده حقيقة معرفش هو مشتق من اى احفظه كده وخلاص 🙂😂
المهم يعني أنه شكله شبه الcommaكده أو شبه العصايا بس أطرافها منحنيه
_رابع نوع
#spirilla وسموها كده علشان شكلها حلزوني بتقولي هيا مين هقولك البكتريا لو توهت ارجع من الاول تاني 🥲
_آخر نوع بقي 🥹
#spirochetes مشتق من كلمة لاتينيه speira
وتعني اللفائف هتقولي اى دى هقولك الله أعلم جوجل قال كده تبقي كده 😂
المهم سموها كده لانها شبه الشعر الكيرلي أشكالها حلزونيه مرنه يعني
هنجت مني قوم أعمل قهوه وكمل لسه بدرى 🥹
انواع البكتريا دى بقي بتتجمع مع بعضها فتعمل شكل معين فا هنشوف هتتجمع ازاى ونصنفهم تاني ايوه والله كده محنا فاضيين مش ورانا حاجه غير البكتريا علشان نصنفها عشروميت مره 🥹
_فا تلاقي بكتريا واحده اسمها cocci🌑
انما اتنين diplococci مش دبلة الخطوبه لاء دبلوكوكاي آسفه علي القلش السخيف بس علشان يثبتوا🥹😂
شبه كده 🌑🌑
_وتلاقي نوع تاني من البكتريا بيتجمع في شكل سلاسل فا سميناهstreptococci
_وتلاقي بقي أربعه مع بعض فا دول نسميهم tetardاو تمانيه فا نسميهم sarcinae
_او اتجمعوا وعملوا سلسه شبه عنقود العنب فا نسميهم staphylococci
*هحط صورهم تحت ابقي شوفهم 🙂
*ندخل في التقيل بقي كل ده كلام عيال صغيره أكيد مش عاطيين الفصل علشان كوكى وبسله 🙂
#التركيب_البكتيري
أول حاجه لازم تعرفها إن البكتريايا الواحده محاطه بغشائين وكبسوله وجواها شويه حاجات ذي السيتوبلازم والريبوسوم والميسوسومات والفجوات والحبيبات وجسم نووى وليله كبيره سعادتك 🥹
_الجدار الخلوى (cell wall)
ده عباره عن حاجه كده بتحصر مكونات الخليه وتعتبر حاجز لحفظ المغذيات والبروتينات والعناصر الاساسيه الاخرى .
_الغشاء البلازمى (plasma membrane )
وده فيه فجوات البكتريا بتدخل منها عناصر تفيدها أو تخرج منها عناصر زياده عن حاجتها أو فضلات .
_السيتوبلازم (cytoplasm)
وده سائل موجود فيه باقي العضيات.
_الريبوسوم(Ribosomes)
وده يعتبر مركز لتخليق البروتين وكمان أصغر من الريبوسوم اللي موجود في عديدات النواه.
_الميسوسومات (mesosomes)
ودى أنابيب ملتويه تشكلت نتيجة انغماس غشاء البلازما في السيتوبلازم وفيها مواقع رئيسيه لانزيمات الجهاز التنفسي وبتساعد في تكاثر الخلايا .
_الشوائب السيتوبلازميه (cytoplasmic inclusions)
وهي تجمع من البوليمرات وينتمون لما يكون فيه فائض من العناصر الغذائيه .
_النواه(Nucleus)
غير مميزه وليس لها غشاء نووى أو نويه وتعتبر الماده الوراثيه لأنها تحتوى علي DNA ويطلق علي ناقلات المعلومات الوراثيه اسم البلازميدات أو السيبوسوم.
_الكبسوله(capsule)
طبقة لزجه أو هلاميه بتحيط بالجدار الخلوى من بره بحيث البكتريا تمسك في نفسها وتكون كتل استعماريه تطفو علي السطح وتقدر تقاوم البلعمه أو أن البكتريا تجف .
_الاسواط (Flagella)
شعره طويله تشبه الخيوط الحلزونية تمتدد الغشاء الخارجي وتعمل علي حركه الخليه .
_الاهداب( pili/Fimbria)
شعره قصيره تمتد من غشاء الخليه وتستخدمها الخليه للإلتصاق بالاسطح .
*كده خلصنا تركيب البكتريا الحمد الله 💚
نتكلم بقي عن #الجراثيمspores
دى بتكونها البكرتيا علشان لما الدنيا تيجي عليها أو الظروف متكونش ملائمه تقدر تنقسم وتعمل بكتريات نونو جديده 🥹
يعني بتلعب دور في تواجدها بمعني أصح
*وكل جرثومه بندر اندسبور واحد بس.
والجرثومه بتحتوى علي تلات طبقات هما :
👈ال core وده محاط بغشاء داخلي inner membrane أو الGerm cell wall
👈الcortex ومحاط بغشاء خارجي outer membrane
👈والcoat
29 Oct 2022, 09:19
السلام عليكم يا شباب انشاء الله انهرده شرح مادة التشريح
اول درس هنشرحه هو الهيكل العظمي
( SkELETAL SYSTEM)
يعني اي SkELETAL SYSTEM يعني نظام الهيكل العظمي .والهيكل العظمي يتكون من
🔵-الهيكل العظمي المحوري
Axial skeleton
🔵-الهيكل العظمي الطرفي
Appendicular skeleton
لحد هنه تمام....
وكل واحد من منهم (الهيكل العظمي المحوري والطرفي ) بيتكون من ..
1️⃣-الهيكل العظمي المحوري بيتكون من
1-skull جمجمه
2-sternum عظام القفص الصدري
3-Ribs. ضلوع
4-vertebral العمود الفقري
2️⃣-الهيكل العظمي الطرفي بيتكون من
1-upper Limbs طرف علوي
2-Lower Limbs طرف سفلي
يبقاء كده عرفنا الهيكل العظمي بيتكون من اي اذا كان محوري او طرفي
----------------------------------
بعد كده هنعرف انواع العظام الي هي Types of bones
زي ما انتو عرفين ان انواع العظام بالعربي الي هي عظام طويله -عظام قصيره -عظام مفلطحه -عظام غير منتظمه .
نعرفهم بالانجليزي وحده وحده
🟡-Long bones عظام طويله
عظام طويله زي اي؟؟
1-Hummers
2-femur. عظام الفخز
🟡-short bone عظام قصيره
عظام قصيره زي اي ؟؟
1-carpal bone الرسغيات
2-foot القدم
🟡-flat bone عظام مفلطحه
عظام مفلطحه زي اي ??
1-skull
🟡Lrregular bone عظام غير منتظمه
عظام الفقرات زي اي ؟؟
1-vertebrae
كده يبقاء عرفنا الهيكل العظمي وبيتكون من اي واي هي انواع العظام وامثال علي كل نوع
29 Oct 2022, 09:19
كلية التمريض أو معهد تمريض 💉🩸
لو تعرف حد فى كلية التمريض يبقى لازم تساعدة ب post دا هيفيده جدا
مجموعه من شرح المواد والفيديوهات
-----------------------------------------------------------
⚪ قنوات يوتيوب شرح المواد
🩸قناة Sameh Ghazy فى شرح الاناتومى http://bit.ly/3oRomfa
🩸 قناه Easy Physiology فى شرح الفسيولوجي http://bit.ly/387bGdl
🩸 قناه Dr.Hanady فى شرح الميكروبيولوجي http://bit.ly/2KPqWUP
29 Oct 2022, 09:19
#تكاثر_البكتريا
البكتريا بتنقسم بالانشطار الثنائى وده نوع من أنواع التكاثر اللاجنسي والخليه بتنقسم علشان تكون خلايا وليده
وبكده نكون خلصنا من البكتريا 🥹💚
#الفطرياتfungus
عباره عن خلايا عديدة الثانويه تحتوى علي عضيات تشبه الخلايا الموجوده بالإنسان
_تركيب الفطريات
👈الريبوسوم (Ribosomes)
وهيا ريبوسومات بدائية النواه لكنها تختلف في الحجم والهيكل .
👈الميتوكوندريا(Mitochondria)
جزيئات مستخدمه في عملية التمثيل الغذائي.
👈الشبكه الإندوبلازميه (Endoplasmic reticulum)
تشارك في تخليق ونقل البروتين .
👈النواة (Nucleus)
هيكل مرتبط بغشاء يحيط بالمادة الوراثية للخلية .
👈النوية(Nucleolus)
منطقه في النواه حيث يتم تجميع الريبوسومات .
👈جدار الخليه (cell wall)
يحتوي علي مادة الكيتين ويضيف الخليه القوة .
👈غشاء الخليه( cell membrane)
ويختلف اختلافا كبيرا عن غشاء الخليه البشريه ويقع تحت جدار الخليه .
👈جهاز جولوجي(Golgi apparatus)
عضوية تشارك في تخليق البروتين والمواد المركبه .
👉Storage vacuole
غشاء يغطي مساحه من الخلايا الداخلية التي تخزن العناصر الغذائيه والنفايات .
👉centrioles
لها دور في تنظيم الهيكل الخارجي للخليه.
وبكده نكون خلصنا الفطريات 😃💚
ندخل علي #الفيروساتvirus
وهناخد _تركيب الفيرس
👉capsid
غلاف بروتيني يغلف الحمض النووى للفيروس .
👈الحمض النووى( Nucleic acid)
المادة الوراثية للفيروس يمكن أن تكون DNAأو RNAأو كلاهما معا
👈الغلاف Envelope
غشاء خارجي عادة ما يكون طبقة ثنائيه الفوسفوليبيد وتحتوى علي بروتينات سكريه
👈الزوائد المسننه Spike
البروتينات الموجودة علي السطح الخارجي والتي يمكن أن تكون لها وظائف متعدده بما في ذلك الإلتصاق بالأسطح .
وبكده نكون خلصنا الفيروسات وخلصنا الفصل كله 😂💚
وشكرا دمتم سالمين قاعده بكتب فيها خمس ساعات علشان يطلع بالشكل ده وعذرا لو فيه أي أخطاء لغويه لأن البوست اجتهاد شخصي ليس إلا حبيت أساعد بعض الطلبه اللي عندهم مشاكل مع الماده أتمني إني أكون قدرت أبسطه ويكون مفيد وربنا يوفقنا جميعا 🥹💚
#أسماء_غفر_الله_لها_ولأبيها
29 Oct 2022, 08:39
