Uzshifo Info

Assalomu alaykum. Ramazon oyi ham yaqinlashib qoldi. Xurmo xarid qilayotganda brendiga ahamiyat bering. Mana bu brendlar hozirda davom etayotgan ayovsiz qotillilliklarni qo'llayotgan kompaniyalardan hisoblanadi. #boykot

ТИРНОҚДАГИ ОҚ ДОҒЛАР НИМАНИ БИЛДИРАДИ? Тирноқдаги оқ доғлар сабаблари қуйидагилардан бири ёки бир нечтаси бўлиши мумкин: 1. Ҳужайралар ичида цинк ва/ёки кальций дефицити. 2. Баъзи маҳсулот ёки дориларга аллергия белгиси. 3. Оғир металлар, айниқса мишяк билан заҳарланиш. (Мишяк (arsenic) баъзи гуруч турларида кўп бўлади. Бу гуруч ўстирилган ер сифатига боғлиқ.) 4. Жигар ёки буйрак муаммолари. Тирноқдаги оқ доғларнинг энг кенг тарқалган сабаби бу цинк ва кальций дефицити ҳисобланади. @uzshifo_info

ЎТКИР РЕСПИРАТОР ВИРУСЛИ ИНФЕКЦИЯ, ГРИПП ВА ШАМОЛЛАШДА БОЛАГА ЁРДАМ БЕРИШ Респиратор инфекция бошланиши билан болани антибиотик ва дорилар билан “даволаб ташлаш” катта хато бўлади. Биринчидан, агар бу инфекция вирусли бўлса антибиотиклар таъсир қилмайди. Иккинчидан, ҳар шамоллаганда антибиотик ичириш ичак микрофлора балансини бузади ва бола тез-тез касал бўладиган бўлиб қолади. Антибиотик ва дориларнинг ўз ўрни бор ва улар жиддий ҳолатларда зарур бўлади (малакали врач назорати остида), лекин ҳар аксирганда болага антибиотик ичираверсак бечора микрофлора тамом бўлади. Иммунитетнинг 70-80 фоизи ичакларда эканини унутмайлик. Антибиотик ичган боланинг микрофлорасини тиклаш зарур. Бунинг учун пробиотик (фойдали бактериялар) ва пребиотиклардан (фойдали бактериялар учун озуқа, яъни клетчаткадан) фойдаланилади. Микрофлорани тиклаш икки йилгача вақт олиши мумкин. Олдин табиий антибиотикларни синаб кўринг. Улар микрофлорага зарар қилмайди. Табиий антибиотиклар: ☘️ Тимьян (чабрец) – бактериялар кўпайишининг олдини олади ва ҳатто дорилар (антибиотиклар) таъсир қилмай қўйган бактерияларга ҳам таъсир кўрсатади. ☘️ Клюква – бактерияларнинг шиллиқ қаватга ўрнашиб олиб кўпайишининг олдини олади. ☘️ Занжабил – бактерияларнинг кўпайишининг олдини олади, оғриқ ва яллиғланишларни камайтиради. Иситма туширувчи табиий гиёҳ: ☘️ Тысячелистник (yarrow) – 1 ош қошиқ гиёҳ устидан 1 стакан қайноқ сув қуйилади. Кунига уч маҳал ичилади. 6-12 ойлик бола – бир неча хўплам, 1-2 ёш – 1/6 стакан, 2-5 ёш – 1/4 стакандан ичади. Батафсил: https://uzshifo.info @uzshifo_info

ИНСУЛИНОРЕЗИСТЕНТЛИКНИ ТУЗАТИШ 1.Оддий углеводларни чеклаб, ўрнига мураккаб углеводлар истеъмол қилинади. Масалан, оқ нон ва пишириқлар ўрнига бутун донлар (гречка, овсянка), сабзавотлар, дуккаклилар (ловия, нўхот ва б.) истеъмол қилинади. 2. Овқатлар орасида ўртача 4 соат ҳеч нарса истеъмол қилинмайди. Сув ичса бўлади. Кечки овқат уйқудан камида 3 соат олдин қилинади. 3. Углеводлар секинроқ ўзлашиши учун рационга клетчатка қўшилади. Клетчатка кўпайтирилганида кунлик сув истеъмоли ҳам кўпайтирилади. 4. Уйқу режимини яхшиланг. Вақтли ётинг. Доимий равишда уйқуга қонмаслик инсулинорезистентлик келиб чиқишини ниҳоятда осонлаштиради. Кунига атиги 4-5 соат ухлайдиган одамларнинг ортиқча вазн йиғиш эҳтимоли 30%га ошади. Тўрт кун давомида ҳар куни атиги 4 соат ухлаган одам ҳужайралари инсулинга қаршилик қилиш даражаси нақ 16-30%га ошади. 5. Жисмонан актив бўлинг. Кўпроқ юринг, жисмоний тарбия билан мунтазам шуғулланинг. Кунига 30 дақиқа пиёда юриш инсулинга сезувчанликни яхшилайди. 6. Стрессни камайтириш чораларини кўринг. Стресс гормонлари қондаги глюкозани оширади, бунга жавобан эса ошқозон бези инсулин ишлаб чиқаради. Стресс доимий бўлса қондаги глюкоза ҳам доим баланд бўлади. Натижада инсулинорезистентлик келиб чиқади. 7. Крахмалли маҳсулотларни совутиброқ истеъмол қилинганида ундаги крахмал секинроқ ўзлашади ва инсулинни бирданига ошириб юбормайди. Масалан, гуруч, картошка, қовоқ ва б. 8. Рационга Магний қўшинг. Магний манбалари: райҳон, кашнич, қовоқ уруғи, ялпиз ва бошқалар. 9. Рационга Хром қўшинг. Хром манбалари: мол ва қўй жигари, помидор, брокколи ва бошқалар. 10. Витамин Д дефицит бўлса, қўшимча истеъмол қилинг. Витамин Д манбалари: треска балиғи жигари ёғи, майтаке қўзиқорини, скумбрия балиғи, сазан (карп) балиғи, илон балиқ. 11. Рационга Цинк қўшинг. Цинк манбалари: кунжут, қовоқ уруғи. @uzshifo_info

ИНСУЛИНОРЕЗИСТЕНТЛИК БЕЛГИЛАРИ Инсонда қуйидаги белгилар бўлса унда инсулин қаршилиги (инсулинорезистентлик) бор деб тахмин қилса бўлади: ➟ Овқатлар орасидаги вақт 4 соатдан ошса ва бу вақт давомида ҳеч нарса емаса қийналади. ➟ Қорин очганда ўзини ҳолсиз ҳис қилади, боши айланади, асабийлашади. ➟ Овқатдан кейин уйқуси келади. ➟ Баданида папилломалар кўпаяди. ➟ Бўйин соҳаси, қўлтиқ ости, интим жойлар, тирсак соҳасидаги тери ранги тўқлашади (ранги тўқроқ бўлади). ➟ Терида тошмалар, ҳуснбузар пайдо бўлади. ➟ Бел соҳасида ёғ тўпланади. Аёлларда бел соҳа айланаси 80см дан, эркакларда 94см дан ошиб кетади. ➟ Умумий ҳолсизлик, унутувчанлик, бош айланиши кузатилади. ➟ Кўп сув ичса ҳам оғиз ичи қуриб кетаверади. ➟ Шакарли маҳсулотлар егиси келаверади. Қон анализи: ‼️Қон анализида глюкоза, инсулин, гликатланган гемоглобин, триглицеридлар оптимум кўрсаткичдан баланд чиқади. Инсулинорезистентлик вақтида тузатилмаса кейинчалик эстрогендоминантлик, юрак касалликлари, гипотиреоз, кўриш муаммолари, саратон, қандли диабет каби касалликларга олиб келади ва инсоннинг вақтли қаришига сабаб бўлади. @uzshifo_info

ИНСУЛИНОРЕЗИСТЕНТЛИК ҚАНДАЙ КЕЛИБ ЧИҚАДИ? 1 этап. Доим бир нималар еб юрсангиз ҳазм тизими дам олмайди. Овқатлар орасида танаффус бўлиши керак. Рационда оддий углеводлар жуда кўп бўлса ёки тинмасдан еб юрсангиз ошқозон ости бези ҳам тўхтамасдан инсулин ишлаб чиқаради. 2 этап. Инсулиннинг вазифаси - глюкозани ҳужайралар ичига киритиб қўйиш. Инсулин даражаси баланд бўлавергач ҳужайралар ўз "эшигини" ёпиб қўяди. Инсулин глюкозани ҳужайраларга кирита олмайди. Бу ҳолатга инсулинорезистентлик (инсулин қаршилиги) дейилади. 3 этап. Глюкоза ҳужайралар ичига кира олмагач, қонда глюкоза даражаси ошиб кетади. Бу эса Қандли Диабетнинг 2чи тури ривожланиши учун биринчи қадам ҳисобланади. Бунинг олдини олиш учун: ❗️Овқатлар орасида танаффус қилинг. Организм овқатни ҳазм қилиши учун вақт беринг. Овқатлар орасида сув ичса бўлади, 1-2 та перекус (газак) қилса бўлади агар эҳтиёж бўлса. ❗️ Оддий углеводлар истеъмолини камайтиринг (нон, печенье, ширин пишириқлар) ❌Ширин газли ичимликлар ичишингиз мумкин бўлган энг ёмон ичимликлар турига киради. Бундай ичимликлар қондаги шакарни тез оширади, организмни сувсизлантиради. ✅ Соғлом ёғлар ва эримайдиган толаларга бой нарсалар истеъмол қилинг: балиқ, артишок, зиғир уруғи, ловия ва бошқалар. Етарли оқсил истеъмол қилинг. @uzshifo_info

ЗАРАРЛИ ДEЗОДОРАНТЛАР ЎРНИГА Душ олишингиз билан пахтани озгина водород пероксиди (3%лиги) билан ҳўлланг ва қўлтиқни артинг. Сўнг ҳўл бармоқни ош содасига бир марта ботириб қўлтиқ соҳаси юзасига суринг. Бу муолажани бир ҳафта давомида қилинг. Бир ҳафтадан кейин фақат ош содаси ишлатсангиз бўлади. Бу усул энг даҳшатли қўлтиқ ҳидларини ҳам йўқ қилади. Терлайсиз, лекин ҳид бўлмайди! Синаб кўринг ва натижасини ёзинг. Эслатма: Соғлом одам терлаши керак. Терлашнинг олдини олувчи антиперспирантлар - за-рар-ли.

Катталарда ҳам болаларда ҳам тил оғиз ичида биринчи расмдаги А ҳолатда туриши керак. Шунда пастки жағ вақт ўтиб олдинга сурилади (нормага келади) ва тепа жағ кенгаяди. Бу эса пастки жағнинг ҳам кенгайишига ёрдам беради, икки ияклилик камаяди, нафас олиш осонлашади. Одам қанча ёш бўлса натижалар шунча яхши бўлади. Иккинчи расмда тилни оғиз ичида тўғри ушлаш орқали 12 ойда ўзгариш кўрган аёл натижаси. Қўшимча маълумот учун Dr.Mew веб-саҳифаси: johnmeworthotropics.co.uk. Сайт инглиз тилида.

БОЛАНИНГ ЮЗИ ВА ЖАҒИ ТЎҒРИ РИВОЖЛАНИШИ УЧУН НИМА ҚИЛИШ КЕРАК? Боланинг жағи тўғри ривожланганида боланинг нафас йўллари кенг бўлади, тишлари текис ўсади, ухлаганда хуррак отмайди. Тўғри ривожланган жағ инсон юзини чиройли қилади. Агар жағ тор бўлиб қолса, тишлар учун жой етарли бўлмайди ва асосий тишлар қийшиқ ўсади. Боланинг нафас йўллари тор бўлиб қолади. Бу эса бола улғайганида уйқу пайтида хуррак отишига сабаб бўлади. Уйқу апнеаси, яъни уйқуда яхши нафас ололмаслик ҳолати эҳтимолини оширади. Бола жағининг тўғри ривожланиши учун нима қилиш керак? 1. Болани камида 2 йил эмизиш бола жағининг тўғри шаклланишида жуда катта ёрдам беради. Бола эмганида оғиздаги кўп мускуллар ҳаракатда бўлади ва натижада бу мускуллар яхши ривожланади. Бу эса жағнинг чиройли шаклланишига катта ҳисса қўшади. Бутилка ёрдамида озиқлантирилганда эса оғиз мускуллари кўп ҳаракат қилмайди. 2. Бола ҳали чақалоқ пайтида тил уздечкаси (тил остидаги парда) шу сохада билимли мутахассис томонидан текширилиши керак. Агар уздечка калта бўлса, бу бола тили ҳаракатини чеклайди. Бу ҳолатни тузатиш керак. 3. Болани соскага ўргатмаган маъқул. Соска бола жағининг нотўғри ривожланишига ҳисса қўшади. 4. Кам эмадиган болаларда бармоғини оғзига солиб юриш одати бўлади. Бармоқни оғизга солиб юриш болани тинчлантиради, лекин бу одат бола жағи учун фойдали эмас. 5. Бола нафас олганида оғзидан эмас бурни орқали нафас олиши керак. Тинч ҳолатда оғиз ёпиқ туриши ва тил танглай тепасига ёпишиб туриши керак (2чи расмдагидек). Бола оғзи орқали нафас олса ва оғзи доим очиқ турса бу жағнинг нотўғри ривожланишига олиб келади. 6. Олтин қоида: Тинч ҳолатда оғиз ёпиқ туриши, фақат бурун орқали нафас олиш ва тил юзаси танглайга, яъни оғизнинг тепа қисмига ёпишиб (тегиб) туриши керак. Касал бўлганда (бурун битганида) вақтинча оғиздан нафас олиш истисно, лекин бу ҳолат доимий бўлса бурун битиш сабаблари ўрганилиши ва олди олиниши керак. 🚀 uzshifo_info

Sosiska mikroskop ostida tekshirilganida 🐍🐍🐍 P.S. Videoda musiqa bor. 🚀 @uzshifo_info

SHAMOLLASH va GRIPPga qarshi nutritsevtiklar 1. Vitamin D3 va K2 Tadqiqotlar ko'rsatishicha organizmda vitamin D darajasi tushib ketsa inson ko'p shamollaydi va gripp bilan kasallanadi. Kasallikning ilk belgilari boshlangan kundan boshlab uch kun davomida har kuni 20,000-30,000 IU dozasida vitamin D3 ichiladi. Vitamin D yaxshi o'zlashishi uchun uni vitamin K2 bilan birga ichish kerak. Uch kundan keyin kuniga vitamin D3 dozasi 2000 IUga kamaytiriladi (tuzalguncha). 2. Vitamin C Shamollash va grippda organizm vitamin C ga muhtoj bo'ladi. Bu paytda 1-3 gramm Vitamin C ni kuniga 4-6 mahal tuzalguncha ichsa bo'ladi. Vitamin C uchun Askorbin kislotasi, Natriy askorbat yoki vitamin C ga boy tabiiy mahsulotlardan ko'p-ko'p iste'mol qilsa bo'ladi (na'matak, limon va boshqalar). 3. Zinc Picolinate - Sink pikolinat Uch kun davomida Kuniga 4 mahal 15 mg Zinc moddasi qabul qilinadi. 4. Sarimsoq Sarimsoqni sho'rvalarga qo'shib iste'mol qilnadi yoki sarimsoq kapsulasidan kuniga 5-6tadan ichiladi. 5. Buzina ekstrakti (Elderberry extract) Kasallik paytida Buzina ekstrakti siropidan kattalar kuniga 4-6 choy qoshiq, bolalar 2-4 choy qoshiq iste'mol qilsa bo'ladi. 6. Exinatseya (Echinacea) Kasallik paytida kuniga 2-3 kapsula Exinatseya iste'mol qilsa bo'ladi. 7. Probiotik Probiotikni oziq-ovqatdan yoki kapsula ko'rinishida ishonchli brendlardan olsa bo'ladi. Probiotikka boy ozuqalar: qatiq, kefir, yaxshilab fermentlangan karam, fermentlangan sabzavotlar. Shamollash va gripp paytida eng muhim narsa bu yetarli suyuqlik ichishdir. Bu paytda suyuq ovqatlar, issiq choy va yetarli (ko'proq) suv iste'mol qiling. 🚀 @uzshifo_info

Ушбу рецепт кир ювиш машинасида ишлатишга мўлжалланган кир ювиш кукуни ҳисобланади. Рецептга совун ёки кир совун қўшилмайди, чунки совун кир ювиш машинасининг қисмларида тўпланиб қолиши ва бу кейинчалик муаммолар келтириб чиқариши мумкин. Бу кир ювиш кукуни кийимларни яхши ювади, лекин натижа сизнинг кир ювиш машинангизнинг турига, сувнинг юмшоқ ва қаттиқлигига ҳам боғлиқ бўлади. Шунга қараб аралашмадан кўпроқ ёки камроқ ишлатсангиз бўлади. #retsept #kiryuvish Батафсил: "Кир ювиш кукунини уй шароитида тайерлаш ва ишлатиш усули" 🚀 @uzshifo_info

Кўп кир ювиш воситалари ўткир “ширин” ҳидли бўлади ва афсуски кўпчилик кир ювиш маҳсулотлари айнан шундай бўлиши керак деб ўйлайди ёки буни оддий ҳол деб қабул қилади. Бу ўткир синтетик ҳидларнинг бир қисми ювилган кийимда қолиб кетади ва тери орқали организмимизга сингади. Бу ҳолат узоқ вақт давом этса бу моддалар гормонал бузилишлар, астма, туғма нуқсонлар, саратон каби касалликларга олиб келади. Ҳид берувчи моддаларнинг аксарияти канцироген, яъни саратон келтириб чиқарувчи деб топилган. Ие, бу нима дегани? Ўз пулимизга касаллик сотиб оляпмиз деганими? Бу “ширин” ҳид шунчалик зарарлими? Батафсил: "Кир ювиш воситаларидаги зарарли моддалар" 🚀 @uzshifo_info

🍎УЙ ШАРОИТИДА ҲАҚИҚИЙ ОЛМА СИРКАСИНИ ТАЙЁРЛАШ (Осон усули) Ҳақиқий олма сиркасини тайёрлашнинг бир нечта усули бор. Бу ердаги усул энг осони ҳисобланади. Бунинг учун сизда ачитқи сифатида тагида қуйқаси бўлган табиий олма сиркаси (raw apple cider vinegar) бўлиши керак. Шу тагидаги қуйқаси олма сувини сиркага айлантириб беради. Бу қуйқа сирканинг онаси деб аталади (the mother). 1. Олма суви сиқилади. 2. Олма суви қайноғига етказилиб, совутилади. Олма сувини қайнатмасдан сирка қилса ҳам бўлади, лекин уйингизда моғор споралари одатдагидан кўпроқ бўлса, қайнатилмаган олма суви сиркага айлангунча моғорлаб қолиши мумкин. Моғорлаган олма сувини эса тўкиб юборишга тўғри келади. Олма сувини қайнатиб, совутиб, кейин ишлатсангиз моғорлаб қолиш эҳтимоли камаяди. 3. Шиша банка яхшилаб тозаланади ёки стерилланади. 4. Шиша банка ичига уч стакан олма суви ва чорак (1/4) стакан қуйқали табиий олма сиркаси қўшилади. Аралаштириш учун тоза қошиқ ишлатинг, қўлингизни аралашма ичига тиқманг. 5. Банка усти тоза зич мато билан ёпилади, четлари резинка билан қотирилади. Мато билан ёпишдан мақсад, аралашма нафас олиб туриши керак. Зич мато ишлатишдан мақсад эса, ичига қурт-қумурсқалар тушмаслигидир. Ҳашаротлар олма суви ва сиркасини жуда яхши кўради. 6. Банкани хона ҳароратида қоронғи жойда 2 ойга қолдирилади. 7. Икки ойдан кейин сирка текширилади. Агар олма сувида спирт мазаси бўлса, сирка ҳали тайёр эмас. Яна кўпроқ туриши керак. Агар олма суви тўлиқ сиркага айланган бўлса, уни тоза идишларга қуйиб хона ҳароратида сақласа бўлади. ‼️Эслатма #1: Олма суви сиркага айланиш жараёнида кўп газ ҳосил бўлади. Агар банка устига мато эмас, қопқоқ зич ёпилса, бу газлар йиғилиб қолиб банка отилиб кетиши ёки синиши мумкин. Тўлиқ сиркага айланган сув бижғишдан тўхтайди. ‼️Эслатма #2: Агар олма суви сиркага айланмасидан олдин моғорлаб қолса, афсуски уни тўкиб ташлаш керак бўлади. Олма суви устида осон аралашадиган оқ қоплам (кахм хамиртуриши - kahm yeast) пайдо бўлса, бу хавфли эмас. #olmasirkasi #retsept 🚀 @UZSHIFO_INFO

ЎТ ҚОПИ УЧУН ФОЙДАЛИ ИЧИМЛИК Тоза олма сувидан тайёрланган табиий олма сиркаси (raw apple cider vinegar) таркибида олма кислотаси (malic acid) мавжуд ва у ўт қопи учун жуда фойдали ҳисобланади. Олма кислотаси жигар ва ўт пуфагидаги тошларни юмшатади ва кичрайтиради, ўт қопи ва жигар йўллари тиқилмаларини очади. Бунинг учун 2 ош қошиқ 5%лик табиий олма сиркасини 230-350 мл илиқ сув билан аралаштиринг. Шу аралашмадан ҳар куни овқатдан олдин оч қоринга кунига бир махал истеъмол қилинг. Аралашмани ичгандан кейин оғизни тоза сув билан чайинг (тиш эмалига зарар етмаслиги учун). Энди бошлаганингизда 2 ош қошиқдан камроқ қўшиб ичинг, секин миқдорни 2 ош қошиққача кўпайтиринг. Албатта илиқ сув билан аралаштириб ичинг, ўзини сувсиз ичманг. Эслатма! Oлма сиркаси табиий бўлиши жуда муҳим. Оддий оқ уксусга олма мазаси қўшилган сирка фойда эмас зарар қилади. Олма сиркаси фақат олма пўстидан тайёрланган бўлса, унда олма кислотаси етарли бўлмайди. Шунинг учун айнан олма сувидан тайёрланган олма сиркасини ишлатинг. 🚀 @UZSHIFO_INFO

Ўт қопининг яхши ишламай қолишига сабаб бўлувчи омиллар: - Ёғсиз диетага амал қилиш (фойдали ёғлар ўт қопининг яхши ишлашини таъминлаб туради, ёғсиз диета ўт қопини 'дангаса' қилиб қўяди) - Сифатсиз ёғлар истеъмол қилиш (рафинадланган уруғ ёғлари), фаст фуд, қадоқланган овқатлар - Кам сув ичиш - Овқатни кам чайнаш ёки шошиб ейиш - Узоқ вақт давомида фақат ўсимлик (plant-based) диетасида бўлиш (бундай диетада тўлиқ аминокислоталар етарли бўлмагани учун организмда токсинлар яхши парчаланмай йиғилиб қолади) - Эримайдиган ва эрийдиган толаларни (сабзавотлар, мевалар, зиғир уруғи, псиллиум) етарли истеъмол қилмаслик - Узоқ вақт давомида ва катта миқдорда глютен, сут маҳсулотлари, соя, донли маҳсулотлар, жўхори, ёнғоқлар, уруғлар истеъмол қилиш - Ҳомиладорликнинг олдини олувчи таблеткалар ёки фармацевтик дориларни узоқ муддат давомида истеъмол қилиш - Пластикдаги BPA (Бисфенол А) – айниқса пластик сув идишлари - Моғор ва моғор микотоксинлари - Озиқ-овқатдаги пестицид дорилар (токсик пестицид дорилар сепиб етиштирилган мева-сабзавотлар, дориланган озуқалар ейдиган ҳайвон гўшти) - Спиртли ичимликлар ва сигарет/тамаки чекиш 🚀 @UZSHIFO_INFO

Ўт қопида сафро қуюқлашиб қолганини ёки тиқилмалар борлигини билдирувчи белгилар: - Терининг сарғайиши, кўз оқининг сарғайиши - Тез тез бўлиб турадиган ичакларда газ ёки ич қотиши - Ёғли овқатларни, ҳатто фойдали ёғларни ҳам истеъмол қилишда қийналиш, ҳазм қила олмаслик - Кето диетасида ўзини ёмон ҳис қилиш - Ўнг томондаги қовурғалар пастида оғриқ ёки тортишиш ҳис қилиш - Ҳуснбузарлар ва тери тошмалари - Аллергиялар - Доимий чарчоқ - Бурун доим битиб юриши - Яхши айланмайдиган лимфатик тизим - Гормонал мувозанатнинг бузилиши (тироид бези муаммолари, эстроген доминантлиги, ҳайз циклининг доимий бўлмаслиги) - Катта ҳожатнинг ранги оч рангда, яшил ёки оч лой рангида бўлиши - Катта ҳожатнинг сув юзасига қалқиб қолиши - Юқори холестерин - Депрессия - Нафас олишда қийналиш - Кўз тагида қора доиралар пайдо бўлиши - Қўл ва оёқларнинг доим совуқ бўлиши - Уйқусизлик - Ортиқча вазн - Подагра 🚀 @UZSHIFO_INFO

ЎТ ҚОПИ САЛОМАТЛИГИНИ ТИКЛАШ (2-қисм) Ўт қопингизда сафро қуюқлашган бўлса, аввал сафрони суюқлаштириш керак. Ундан кейингина ўт ҳайдайдиган гиёҳлар ёки чойлар ичиб ўт (сафро) ҳайдаш мумкин бўлади. Қуюқлашган сафрони суюқлаштириш учун Таурин (аминокислота), Глицин, Лецитин истеъмол қилиш мумкин. Сафро оқимини нормаллаштириш учун 1) Камроқ асабийлашинг 2) Эрта тонгда оч қоринга 0,5-1 стакан илиқ сув ичинг 3) Ҳаракатда бўлинг – жисмоний тарбия билан шуғулланинг 4) Кунига 2-3 маҳал овқатланинг. Овқатлар орасида ҳазм тизими дам олсин. Орада сув ичса бўлади. 5) Кунига 2 литргача илиқ сув ичинг. 6) Озиқланиш рационида балиқ, гўшт, балиқ жигари, тухум, сарёғ, сабзавотлар ва резаворлар бўлсин. 7) Шолғом суви, бодринг суви ва турп сувлари сафро ишлаб чиқарилишини 2-3 баравар кўпайтиради. 8) Қизил лавлаги ва артишок ҳам сафро ишлаб чиқарилишини яхшилайди. 9) Эримайдиган ва эрийдиган толаларга бой маҳсулотлар ўт қопида токсинлар ва холестерин йиғилиб қолишининг олдини олади. Бундай маҳсулотларга брокколи, гулкарам, ёнғоқлар, зиғир уруғи, қовоқ уруғи ва кўкатлар киради. 🚀 @UZSHIFO_INFO

ЎТ ҚОПИ САЛОМАТЛИГИНИ ТИКЛАШ (1-қисм) Сизда қуйидаги белгилар кузатилса, ўт қопингиз саломатлигига аҳамият беринг: - Ич қотиши ёки ич суюқ ва оч рангда келиши - Овқат егандан сўнг одам ўзини оғир ҳис қилиши ёки оғизда аччиқ таъм пайдо бўлиши - Овқатдан сўнг кекириш - Тез-тез кўнгил айнаб туриши - Машинада ёки транспорт ичида кўнгил айнаши - Терининг жуда қуруқлашиши - Терида ҳуснбузар, полиплар, жировик, дерматит пайдо бўлиши - Тез-тез бош оғриб туриши - Ой кунида кучли оғриқлар; миома, кисталар - Жаҳлдор бўлиб қолиш - Ҳидларга сезувчанлик - Тироид безининг секин ишлаши (гипотиреоз) - Ёғли овқатларни ҳазм қилолмаслик, ея олмаслик - Кечга яқин юз ёки оёқларда, тизза бўғимларида сув тўпланиши - Қорин ва орқа соҳада ёғ тўпланиши (семириш) - Ҳаддан ортиқ кўп терлаш - Кундуз куни чуқур ва оғир нафас олиш #otqopi #safro #tabiiydorilar 🚀 @UZSHIFO_INFO