🇺🇿💎 Сценарист ва режиссёр O'zbektosh To'raxonli ijodi💕

‼️‼️‼️‼️ ‼️‼️‼️ 2024 йилнинг кутилаётган энг шов-шувли премьераси 1 июнь куни Жиззах вилояти вилояти мусиқали драма театрида Муаллиф ва саҳналаштирувчи режиссёр: ЎЗБЕКТОШ ТЎРАХОНЛИ ПАТИРНИНГ ЕТТИ СИРИ Фольклор-этнографик комедия Ролларда: Ўзбекистонда хизмат кўрсатган артистлар Жамила Деҳқонова, Раиса Абдуллаева, Розия Эйгликова, Артистлар: Фаррух Исмоилов, Дилнавоз Юсупова, Жасур Салим ўғли, Миржалол Шайзоқов, Элдор Кенгашев, Шаҳзода Юсупова. Барчангизни 2024 йил 1 июнь куни вилоятимиз театрида кутамиз! Каналимизга обуна бўлинг ва энг сўнгги янгиликларни кузатиб боринг Jizzaxnews |Тelegram  | Facebook | Dzen | YouTubе

Tunlarda toliqdim tonglarni kutib, Ular shodon o'zin sevganday tutib, Yupatib ketsaydi, dilni ovutib, Bizga mayli yo'qlar, mayli, alvido. Bizga befarqlarga biz-da beparvo, Kim bilan dilxushlik tamom bema'no, Talpinib ne topdik, hijrondan a'lo, Bizga mayli yo'qlar, mayli, alvido. Muhabbat yo'qlovi - baxt qo'ng'irog'i, Hayotning lazzatbaxsh eng go'zal chog'i, Xiyonatni urar ko'ngilning ohi, Bizga mayli yo'qlar, mayli, alvido. Mayda so'zlar bilan yozilgan xatdan, Buyuk so'zli gaplar afzal albatta, So'nggi tillak shudir: yashasin baxtda, Mayli yo'q go'zallar, mayli, alvido. Baxtlilar juftlashib yurgan bu chog'da, Bizlar izillagan ayoz, firog'da, Bizniyam kutganlar bor boshqa bog'da, Bizga mayli yo'qlar, mayli, alvido. Oqsuyak o'zbekning olifta qizi, Bu mehrim tuhfasi - ishqimning so'zi, Yigit sadoqati uvoldir o'zi, Bizga mayli yo'qlar, mayli, alvido. Oyog'ing ostida kezdim sarson, xor, Sadaqa qilmading bir so'z, e'tibor, O'zbektosh she'rida qanchalar dod bor, Mayli yo'q qizlarga, mayli, alvido. 20.05.2024 yil *** https://www.youtube.com/watch?v=W5uKNuH5_vg *** https://t.me/uzbektoshijodi *** O‘ZBЕKTOSH TO‘RAXONLI, O‘zbekiston Yozuvchilar uyushmasi a’zosi, dramaturg, rejissyor

Qancha go'zallarga gul tutganim rost, Tunlar quchog'ida bol totganim rost, Bir sening iforing unutmadim rost, Meni sog'insayding, meni sevsayding. Ayollar qasrida hursan betimsol, Ko'ngilginangda kim, kimda shum xayol⁉️ Xudojon, shu qizning ko'ngliga ishq sol... Meni sog'insayding, meni sevsayding. Sevgimga chegara yo'q menga ishon, O'ttizda haqiqiy muhabbat mehmon, Boshqa uchratmadim sendayin jonon, Meni sog'insayding, meni sevsayding. Ahdi qat'iy oshiq izhoriga qo'y, Sog'inchning bulog'i - ko'zlariga to'y, Xudbinligim uchun kechirgin, xushro'y, Meni sog'insayding, meni sevsayding. Vaqt tuyulsin, to'xtab o'tmayotganday, Bo'shab qolgan dunyo yonayotganday, Nimadir yetishmay ruh yo'qotganday... Meni sog'insayding, meni sevsayding. G'urur qafasini parchalab tashla, Gumonlarni quvib dilga mos yasha, She'r bahona shama, im qoqib qo'sha, Meni sog'insayding, meni sevsayding She'rday yog'ilyapti hijronbaxsh yomg'ir, Sen ham egil, yengil, yuzimga yog'il, Raqiblar tomonga ketmasdan oxir, Meni sog'insayding, meni sevsayding. O'lim sharpalari jon olmay burun, Soch qorga burkanib ketmasdan butun, Mavhumot ertani kutmasdan bugun, Meni sog'insayding, meni sevsayding! 💐👠💌👀✍️🧏🤦🌓🕸️🐞🎀🎁🎈 20.05.2024 yil *** https://www.youtube.com/watch?v=W5uKNuH5_vg *** https://t.me/uzbektoshijodi *** O‘ZBЕKTOSH TO‘RAXONLI, O‘zbekiston Yozuvchilar uyushmasi a’zosi, dramaturg, rejissyor.

#БИТИРУВЧИЛАР #МАКТАБ #СЎНГГИ_ҚЎНҒИРОҚ #МАЙ_25 #ВАТАН_ҚАНОТЛАРИ_БИТИРУВЧИЛАР *** ВАТАН ҚАНОТЛАРИ, БИТИРУВЧИЛАР Қутлайман, мактабни тугатмоқдасиз, Ким бу кунга етмай қолди ортда лол. Катта йўл бошига шаън етмоқдасиз, Илк парвоз пайтдаги қалдирғоч мисол. Оқ йўл Сизга, азиз битирувчилар, Улуғ ишни давом эттирувчилар. Мактаб тугар, ўқиш бардавом бўлсин, Ота-она, устоз ишончин оқланг, Тоза ўй-хаёллар ҳаётга дўнсин, Ёшликдаги софлик, иймонни сақланг. Юрт шарафин асранг, битирувчилар, Юксагу юксакка интилувчилар. Оталар келтирган эстафетани, Болалар олисга элтиш бурчимиз. Унутмаса миллат урф-одатини, Тараққиёт сари кўкда учамиз. Ватан қанотлари, битирувчилар, Келажакни давом эттирувчилар. Мактабда сўнгги кун – сўнгги қўнғироқ, Дуолар ярашгай илиқ кунларда, Устозлар билими йўлда йўлчироқ, Юзи, кўзингиздан нур таралсинда, Юртга куч-мадорсиз, битирувчилар, Янги йўл қурарсиз, битирувчилар. Энди улғайдингиз, битирувчисиз, Элни эзгуликка бошқарувчисиз. 07.05.2022 йил *** https://t.me/uzbektoshijodi

#дил_нозга_келганда_тил_розга_келар. #uzbektosh #узбектош #ўзбектош

МУҲАББАТ МАДҲИЯСИ Тунингни ёритса қуёш ғалати, Ғам, қувонч қоришиқ кўзёш ғалати, Муҳаббат – худонинг ажиб неъмати, Кўнгил нозга келса, тил розга келса. Ернинг баракаси деҳқони билан, Яшил боғлар файзи боғбони билан, Кўнгил тирик севги доғлари билан, Дил нозга келганда тил розга келар. Муҳаббат муждаси, умиди висол, Икки олис дилни боғлайди висол, Ҳижроннинг енгилган чоғлари висол, Кўнгил нозга келса, тил розга келса. Соғинч булоқлари бирдан очиб кўз, Тутдай дув тўкилди кўзёш мисли сўз, Ёр васли – ёз фасли қанча бўлса оз, Кўнгил нозга келса, куй розга келса. Суяр суюклисин ҳусн-у ақлини, Хаёлни ҳаёт деб айтган нақлини, Ҳам ҳуш, нохушини, ўтли жаҳлини, Кўнгил нозга келса, куй розга келса. Ҳар ким ўз бошига тушганни сўйлар, Ким қафасда қушдай қўшиқлар куйлар, Ким эса самода шодликдан бўйлар, Кўнгил нозга келса, куй розга келса. Хатосиям гўзал гўзал қизларни, Теран танлар унга ғазал сўзларни, Кипригида тутиб роз-у нозларни, Кўнгил нозга келса, куй розга келса.

Кўнгил нозга келди, куй розга келди.

14.05.2024 йил

*** https://youtu.be/W1esLuY8F44?si=OsyXLauyCGpFtyT0 *** https://t.me/uzbektoshijodi *** ЎЗБЕКТОШ ТЎРАХОНЛИ,

Ўзбекистон Ёзувчилар уюшмаси аъзоси, драматург, режиссёр.

Тупроққа айланар бир кун кўзларим, Сўнг униб кафтингга гул бўлиб қайтар. Унда ўз жамолинг кўрсанг, йиғлама, Сенга чин севгидан ғазаллар айтар. Тупроққа айланар бир кун қўлларим, Сўнг униб қўлингга най бўлиб қайтар. Ундан ўз ҳақингда тинглаб йиғлама, Тинмай ошиқликдан қўшиқлар айтар. Тупроққа айланар бир кун юрагим, Сўнг тушингга кириб ҳушларинг олар. Қаршингда ер шарин кўриб бўлма лол, Бутун олам каби ёдингда қолар. 12.04.2024 йил ✍Ўзбектош ТЎРАХОНЛИ 🎤Ифора ОЛИМЖОНОВА *** https://youtu.be/W1esLuY8F44?si=OsyXLauyCGpFtyT0 *** https://t.me/uzbektoshijodi ***       https://t.me/ozbektosh_sherlari

Эркак эгилганда қулайди тоғлар, Қақраган қатқалоқ қуриган боғлар, Эгилган эркакдан орли қиз азиз, Одил давр эрлар тик қараган чоғлар.

03.05.2024 йил

*** https://youtu.be/W1esLuY8F44?si=OsyXLauyCGpFtyT0 *** https://t.me/uzbektoshijodi *** ЎЗБЕКТОШ ТЎРАХОНЛИ,

Ўзбекистон Ёзувчилар уюшмаси аъзоси, драматург, режиссёр.