‏᷂شـامهّ .

شد الرحال من الحشا ماعاد لك بالصدر زاد ‏يكفي طعون البارح اللي ما تشافت بجسدي ‏قفلت بيبان السهر ما عاد ابي غير الرقاد ‏الى متى وانا اتبعك مثل الظلام السرمدي ‏لا صار عشقك ما وراه الا المكابر والعناد ‏انا ترى ماني على طرد المقفين محدي ‏جيتك و انا جرحي ندي ولا بغيت إلا الضماد ‏ولا دريت ان الضماد اقسى من الجرح الندي ‏دورت فـ ضلوعك دفا ولا لقيت الا الرماد ‏صدرك مثل ليل الشتاء واللي ورا الحدب بردي ‏على بياضك ما لقيت بـ خافقك غير السواد ‏وعلى فياضك ما رويت الا السراب الجرهدي ‏لو كنت للخير مهدي كان التعب وياك فاد ‏لكن تعبت فـ واحد ما هو على الخير مهدي ‏اللي حصل من تحت راس محبتك كفى وزاد ‏أجتهدت مير المشكله ما فاد وياك جهدي ‏دامك على نفس الطريق السرمدي غاوي طراد ‏والله لأصير أبعد عليك من الثريا و الجدي

محدٍ عرف الي حصل

وأعبري بي لا غديّ عادي وأنا مانيب عادي !

‏تغانمني ترا قِد كبدي مْن الصبر عشر أقسام ‏على أدنى شي يمكنّي أغني لك وداعيَّة

آه من جرحٍ بقلبي عطيب يوم قالوا لي حبيبك رحّل .

‏للحزن ساحاتٍ بصدري مثل ساحات القتال ‏فيها الاصيل من المهار تعوّد بخيالها ‏ولا يطفي حر مابي من حرايق وأشتعال ‏الا الدموع اللي من عيوني يهل هلالها ‏لازال فيها دمعتينٍ للفراق ولاتزال ‏ذكرى هنوفٍ كل يوم أحطّها وأشتالها ‏راحت عسى الله مايلحقني مشاريه الرجال ‏تقول كنّي ماخلقت من التراب الاّلها ‏عزّ الله أنّي مانسيت أفعالها بنت الحلال ‏لعل ربي مايجازيها بسو أفعالها ‏أكبر جريمه ترتكبها فالهوى من وسع بال ‏هذي ضحاياها بقلبي شيدوا تمثالها ‏وشلون تهجرني وأنا مالي على الهجر أحتمال ‏وشلون تهملني وأنا مانيب أطيق أهمالها ‏وشلون تقطعني بسيف البعد قطّاع الوصال ‏وأنا لو أقطع عرق قلبي ماقطعت اوصالها ‏وشلون ماتشتاق,,ماترحم,,ماتذكر,,ماتسال ‏وشلون ماتطلق يدينٍ كبلت بأغلالها ‏وشلون مايطري عليها لاتفيت فالظلال ‏متشبثٍ لاوقفت جنبه قعد بظلالها ‏مكسور خاطر والسوال أعووووذ من ذل السوال ‏ياما أنتظر من برج هاتفها يبث أرسالها ‏لكنّ مال الآدمي حيله لامن الحظ مال ‏الميله اللي فال ربي خير له من فالها ‏هي افقدتني من هنا وأنا فقدت الاتصال ‏من يوم راحت لارسايلها ولا جوالها ‏ياقسوة الايام والحظ الردي والاتكال ‏على مقولة ( للمواقف واللزوم ارجالها ) ‏يالله دخيلك من تردّاية نصيب وشين فال ‏من حيرة آمري ليت عندي حيلةٍ وأحتالها ‏أن أرخصت قدري وطاحت قيمتي والهجر طال ‏قولولها تترك مكابرها وتاخذ بالها ‏أنا من اللي فوق فوق و عال عال ‏تركد ويركد عمّها معها ويركد خالها ‏لاوصلت للحد هذا لانقاش ولاجدال ‏تبعد وتنكف الامور دقاقها وجلالها ‏لو المفارق صعب والنسيان ضرب من الخيال ‏ارخاي راسي لايروق الها ولايحلالها ‏احفظ لها قيمة غلاها وأنتظرها من شمال ‏وإذا نستني هذي الدنيا وهذا حالها ‏أمّا أني أنساها نسى الله من نسى ذاك القبال ‏ياااااصبّ روحي صب دلتّها على فنجالها ‏قولولها لاستخسرت فيني ريالين أتصال ‏تهدي على ( جمعية الصم البكم ) جوالها

" حاااكني "

رحم الله الشاعر سعد بن جدلان يوم قال: الناس في أول لقى ميه ع ميه مشكلتي إني ما أصيد الناٍس من بدري عفوي و أعامل عباد الله بعفويّه و أطير فيهم و أقلطهم بوسط صدري كم واحد تحسبُه ماشي ع النيه و تلاحظ إنك ع النية ولا تدري .

وش يزعلك وانتي وانا روحين يحملها نفر ‏وقلوبنا فيها حنان ام تضم صغيرها ‏رياضك الخضرا قفر ورياضي الخضرا قفر ‏من حقنا نرعى خزاماها ونارد بيرها ‏وصلت لاخر مرحله معك وبديت من الصفر ‏ولازلت اكررها ولامليت من تكريرها لو حاويت النفط من شط الجبيل الى الحفر ‏طاحت على حظ بدوي ٍمايعرف يديرها ‏ما اختار عنها الا مغاتير ومجاهيم وصفر ‏ذودٍ مفليةٍ على مقهورها وبعيرها ‏ لاتزعل الدنيا ولاتزعلك يالظبي العفر ‏ان كان ماجازت لك الدنيا ندور غيرهااا .

‏ياما تحملنّا الخطا لجل ترضون ‏وأصبح خطانا يوم ندمح خطاكم .

‏والله ان بالي طويل ودايمً صدري شمالي ‏والزمن يبغى يبّيح سدي وبيحت سده ‏ ‏والكلام الليّ ليا من مر قدمي ضاق بالي ‏احذفه فالصدر كني حاذفه في بحر جده ‏ ‏طاح من عيني عتاب وطاح دمع وطاح غالي ‏والعيون ان طاح منها شي ما والله تردّه .

انا تراني شاعر واجزل القاف بغنيه القصيد سيفي وانا الفارس اللي شايله و قصيدي نادرٍ و لا يقبل ع التشبيه ولا يسير ويرضى الا ع دروب الطايله انا هو اللي ما له غير القوافي تسليه وانا الصابر اللي لو ظروف وقته مايله انا اللي تخلى عن  احلامه ومشاهيه كبدي تشتوي فيها حرارة شمس القايله تعبت منهم و معاد الا الليل مخاويه والليل والله اني عجزت ارد له جمايله ولا به غير الليل يفهمني وغيره مابيه الليل صابرٍ علي وع هواجيسي الهايله .

‏يطيح من عيني عّزيز ويكبر بعينيَ سراب واللي يطيح من العيِن يموت مايرجع لها .

والله أن مانيب طيب عقب ذاك النهار ‏ساعة من جورها ما تخاط فتوقها ‏ساعة دارت سنتها وفي الانتظار ‏ياكل من اطراف كبدي ومن معلوقها ‏بري حالي ليت مثله بغاليه استشار ‏ولا تركني كل مره بعده أذوقها ‏انقطع وحبال الأخبار من دونه قصار ‏والله مدري هو تحت الارض ولا فوقها .

تحريتك على رجوی وصالٍ ما بعدْه غياب ‏ وتمنيتك وأنا حزني عليك أكبر من الجيّه ‏ تراودني تعاليل المحبة والشعور أسراب ‏ وأغضّ البال لا منّي سرحت وقلت منسيّه ‏ على هون اليدين اللي على جرحي تطق الباب ‏وأنا بابي ذرى عابر سبيل وصوت طرقيّه .

ودّك إن العزيز مايخطي، ودّك تشوفه دايم في سما الطايلات يتفيّا، ولكنها حياة يابني آدم مافيها من الكمال شيء.