IIBB YHXB | Rasmiy kanali

🇺🇿Toshkent shahar IIBB YHXB Axborot xizmati

Yo‘llarda to‘g‘ri harakatlanish inson hayoti uchun muhim sanaladi. Ayniqsa, bu jarayonda bolajonlarning bilimini oshirish, ularni yo‘l qoidalari bilan yaqindan tanishtirib borish yanada ahamiyatli. Bu esa o‘z-o‘zidan bolalar bilan bog‘liq yo‘l harakati hodisalarining oldini olishda muhim omil bo‘lib xizmat qiladi. Toshkent shahar IIBB YHXB yo'l patrul xizmati inspektori tomonidan "Diqqat bolalar!", "Diqqat piyoda!" shiori ostida Yakkasaroy tumanidagi 530 - sonli maktabgacha ta'lim tashkiloti tarbiyalanuvchilariga targ‘ibot ishlari amalga oshirildi.

🇺🇿O’zbekiston Respublikasi IIV Malaka oshirish institutida Yo’l patrul xizmati yo’nalishi bo’yicha taxsil olayotgan tinglovchilar o’z xizmat yo’nalishlari bo’yicha, Toshkent shahar IIBB YHXB YPXB 2-batalonida amaliyot o’tamoqdalar. Tinglovchilar batalonning xizmat oldi yo’riqnomasida qatnashib saf qo’shiqlarini kuylashdi. Batalon komandirlari tomonidan xizmatga jalb qilinayotgan shaxsiy tarkibga xizmat faoliyatlari yuzasidan fuqarolar bilan muloqotga kirishganda hushmuomila bo’lish, qonun ustuvorligini ta’minlash, yo’l harakati xavfsizligini ta’minlash bo’yicha ko’rsatmalar berildi. Shuningdek Malaka oshirish instituti tinglovchilari uzoq yillik tajribaga ega bo’lgan xodimlarga biriktirildi va xizmat jarayoni bo’yicha ko’nikmalarni egallashga kirishdilar.