ՀՀ ՊՆ/MoD of Armenia

Պաշտպանության նախարար Սուրեն Պապիկյանն ընդունել է ՀՀ-ում Բելգիայի Թագավորության արտակարգ և լիազոր դեսպան Էրիկ դե Մույնքին։

Eng⬇️ Рус⬇️ 🇦🇲🇧🇪 Մայիսի 23-ին ՀՀ պաշտպանության նախարար Սուրեն Պապիկյանն ընդունել է Հայաստանի Հանրապետությունում Բելգիայի Թագավորության արտակարգ և լիազոր դեսպան Էրիկ դե Մույնքին: Պաշտպանության նախարարը շնորհավորել է դեսպան դե Մույնքին՝ պաշտոնն ստանձնելու կապակցությամբ, և հաջողություն մաղթել կարևոր առաքելության ընթացքում: Հանդիպման ժամանակ քննարկվել են երկու երկրների պաշտպանության նախարարությունների միջև համագործակցության հեռանկարները: Կողմերը քննարկել են նաև ՀՀ զինված ուժերում իրականացվող բարեփոխումներին և տարածաշրջանային անվտանգությանն առնչվող հարցեր: ___ On May 23, the Minister of Defence of the Republic of Armenia, Suren Papikyan, received the Ambassador Extraordinary and Plenipotentiary of the Kingdom of Belgium to the Republic of Armenia, Eric de Muynck. The Minister of Defence congratulated Ambassador de Muynck on commencing his mission in Armenia and wished him success in fulfilling his responsible duties. During the meeting, the perspectives of cooperation between the defence ministries of the two countries were discussed. Regional security issues and the ongoing reforms in the Armenian Armed Forces were also addressed. ___ 23 мая министр обороны РА Сурен Папикян принял Чрезвычайного и Полномочного Посла Королевства Бельгии в Республике Армения Эрика де Муйнка. Министр обороны поздравил посла де Муйнка со вступлением в должность и пожелал успехов в деле реализации важной миссии. В ходе встречи были обсуждены перспективы сотрудничества между министерствами обороны двух стран. Стороны также обсудили вопросы проводимых в Вооруженных силах Армении реформ и региональной безопасности.

Բանակ-հասարակություն կապի ամրապնդմանն ուղղված միջոցառումների շրջանակում ՊՆ N զորամաս են այցելել «Էրեբունի» պատմագիտական արգելոց-թանգարանի տնօրենի ժամանակավոր պաշտոնակատար Վահե Սարգսյանը, Հայաստանի ազգային ակադեմիական երգչախմբի տնօրեն Դավիթ Թերզյանը և Ժողովրդական արվեստների թանգարանի գիտակրթական ծրագրերի համակարգող Նազելի Ութուջյանը։ Հյուրերը հարգանքի տուրք են մատուցել և ծաղիկներ խոնարհել պատերազմում զոհված զինծառայողների հուշաքարի մոտ, շրջել են զորամասում, պատասխանել զինծառայողներին հետաքրքրող հարցերին։   Շնորհակալություն հայտնելով զորամասի զինծառայողներին բարեխիղճ ծառայության համար՝ մշակույթի ոլորտի գործիչները հորդորել են այսուհետ ևս ջանք ու եռանդ չխնայել երկրի նվիրյալ պաշտպաններ լինելու համար։  

Բանակ-հասարակություն կապի ամրապնդմանը, զինվորական ծառայության գրավչության բարձրացմանը և աշակերտների մասնագիտական կողմնորոշմանն ուղղված միջոցառումների շրջանակում այս շաբաթվա ընթացքում ՊՆ Վազգեն Սարգսյանի անվան ռազմական ակադեմիա են այցելել հանրապետության տարբեր մարզերի ավագ դպրոցների աշակերտներ։ Դպրոցականները շրջել են ռազմական կրթօջախի տարածքում, որտեղ նրանց մանրամասն ներկայացրել են ակադեմիայի ընդունելության կարգը, ռազմակրթական նորացված ծրագրերը, կուրսանտների առօրյան, ուսումնական և կեցության պայմանները, սպա դառնալու հեռանկարներն ու պետության կողմից տրամադրվող բազմաթիվ արտոնությունները և սոցիալական երաշխիքները։ Ակադեմիայի սպաներն ու դասախոսները նաև պատասխանել են աշակերտներին հետաքրքրող հարցերին։ Հանրապետության տարբեր մարզերից ռազմական ակադեմիայում հյուրընկալված աշակերտների հերթական խմբի հետ մայիսի 21-ին հանդիպել և զրուցել է նաև ՀՀ պաշտպանության նախարարի առաջին տեղակալ, ԶՈՒ ԳՇ պետ, գեներալ-լեյտենանտ Էդվարդ Ասրյանը, ով ևս մեկ անգամ ներկայացրել է սպա դառնալու առավելություններն ու ռազմական ակադեմիայում ուսանելու առանձնահատկությունները։ Դպրոցականների այցերը ռազմական ակադեմիա կրելու են շարունակական բնույթ։

Այսօր՝ մայիսի 22-ին, ՀՀ պաշտպանության նախարար Սուրեն Պապիկյանն այցելել է Հայաստանում Իրանի Իսլամական Հանրապետության դեսպանություն և ցավակցական գրառում կատարել ԻԻՀ նախագահ Էբրահիմ Ռայիսիի, արտգործնախարար Հոսեյն Ամիր Աբդոլլահիանի և նրանց ուղեկցող անձանց ողբերգական մահվան կապակցությամբ դեսպանությունում բացված սգո մատյանում։

Մայիսի 13-17-ը ՀՀ ՊՆ Վազգեն Սարգսյանի անվան ռազմական ակադեմիայում ՆԱՏՕ-ի օպերացիաների պլանավորման փորձագետներն անցկացրել են դասընթաց, որին մասնակցել են ՀՀ ԶՈՒ տարբեր ստորաբաժանումների զինծառայողներ: Մասնակիցները տարբեր փուլերով ծանոթացել են օպերացիաների պլանավորման գործընթացին, ինչպես օպերատիվ, այնպես էլ ֆունկցիոնալ այլ մակարդակներում: Դասընթացի ավարտին մասնակիցներին շնորհվել են հավաստագրեր: