Канал. БЕЛАРУСЫ ФРАНКФУРТА ДЫ НАВАКОЛЛЯ🤍❤️🤍

Запрашаем вас на анлайн-прэзентацыю электроннай кнігі “Kupalaucy: Kuo vadis?”, якая стане заключнай часткай комплекснага беларуска-нямецкага праекта “Kupalaucy: Kuo Vadis?”. Кніга ўяўляе сабой зборнік з трох новых п'ес на беларускай мове і ў перакладзе на нямецкую мову - “Шэпт” Сяргея Лескеця, “Гiсторыя ўцякачкі. Я вярнуся?” Ганны Златкоўскай і “Свята кабана” Аляксандра Чарнухі, якія напісаны на аснове літаратурнага матэрыялу і кніг гэтых аўтараў. Розныя па рытме і тэматыцы, п'есы адлюстроўваюць, з аднаго боку, хвалюючыя сёння менавіта беларусаў пытанні, а з другога боку, раскрываюць універсальныя тэмы: містыка i пошук каранеў, цяжкі досвед міграцыі, і абсурднасць закасцянелай бюракратыі. Акрамя таго, у зборнік уключаны аўтарскія эсэ, напісаныя нямецкімі і беларускімі спецыялістамі ў сферы тэатра, прысвечаныя тэмам тэатра ў крызісе, беларускага тэатра ў выгнанні, досведу міжнароднага супрацоўніцтва ў сферы мастацтва. Дата і час: 27 снежня 18:00 (CET) / 20:00 (Беларусь) Мова мерапрыемства: беларуская, нямецкая, руская Спасылка на мерапрыемства: https://kulturvereinbelarusev.my.webex.com/kulturvereinbelarusev.my-en/j.php?MTID=me1ecba7bfbae28e691db5b3f12cfefa6 Публікацыя электроннай кнігі - гэта трэцяя частка праекту “Kupalaucy: Kuo Vadis?”. Першая частка ўяўляла сабой творчую лабараторыю, у рамках якой былі напісаны п'есы, а другая - працу рэжысёраў Рамана Падаляка, Андрэя Саўчанка, Марыны Міхальчук i актораў групы “Купалаўцы” над тэатральнымі эскізамі, прэм'ерны паказ якіх адбыўся ў канцы лістапада. Запіс анлайн-стрыму прэм'ерных паказаў можна паглядзець на YouTube па спасылцы: https://www.youtube.com/watch?v=MD0r0CQlHFY Праект рэалiзуецца нямецкай арганiзацыяй Kulturverein Belarus e.V. ў супрацоўнiцтве з Незалежнай тэатральнай групай "Купалаўцы" у рамках праграмы Федэральнага мiнiстэрства замежных спраў па пашырэннi супрацоўнiцтва з грамадзянскай супольнасцю ў краiнах Усходняга партнёрства i Расii. Спасылка на сайт праекту: https://kuovadis.de/be/

​Шаноўнае спадарства! Выбітны музыка, Аляксандр Памідораў, у гэтыя выходныя наведае Хайдэльберг з невялікім канцэртам. ⏰ Калі? У нядзелю (18 снежня) а 18:00 📍 Дзе? Albert-Ueberle-Straße 3-5 (StuRa), Хайдэльберг Пры дапамозе Studierendenrat der Universität Heidelberg, KuB e.V. і беларускія студэнты Хайдэльбергскага ўніверсітэту ладзяць канцэрт Аляксандра Памідорава, які завітае ў наш рэгіён на надыходзячых выходных. Аляксандр з’яўляецца вельмі ўплывовай фігурай на беларускай музычнай сцэне ўжо на працягу 33 гадоў - складана пераацаніць ягоны ўнёсак у нашую культуру. Нягледзячы на тое, што збольшага ягоную музыку можна аднесці да жанру рок, яго часта клічуць “айцом беларускага рэпу”, як чалавека, які быў адным з першых, хто пачаў папулярызацыю жанру ў Беларусі. Падчас пратэстаў, Аляксандр адкрыта выказваў сваю грамадзянскую пазіцыю, за што быў звольнены з радыё Рокс, дзе працаваў DJ’ем. Праз арганізацыю дваравога канцэрту салідарнасці, ён быў затрыманы на 8 содняў, пасля чаго ягоная творчасць была неафіцыйна забароненая рэжымам. Мы запрашаем вас далучыцца да канцэрту! Уваход вольны, але мы будзем радыя ахвяраванням, якія ў поўным памеры будуць перададзеныя Аляксандру. На дадзены момант таксама абмяркоўваецца стварэнне анлайн трансляцыі канцэрту. Па ўдакладненні тэхнічных магчымасцяў, мы паведамім вам больш дэтальна. Імпрэза ў FB

​Вiтаем, даражэнькія! Новы 2023 год стаіць на парозе і ўжо грукае ў дзверы! І каманда KuB e.V. падрыхтавала для вас "Беларускі каляндар" з вершамі беларускіх паэтаў і фотаздымкамі беларускіх краявідаў з прыватнай калекцыi. З гэтым календаром вы не прапусціце важныя даты, звязаныя з гісторыяй, традыцыямі і культурай Беларусі. Кошт календара – 15 € (кошт дастаўкі па Германіі ўключаны). Усе сабраныя грошы за вылікам сабекошту пойдуць на культурныя праекты KuB e.V. у 2023 годзе. Калі вы зацікавіліся, то замовы прымае @pragalina. З надыходзячымі святамі! Ваш KuB e.V.❤️

В 🇩🇪Висбадене (Германия) с 3 по 18 декабря продолжается выставка Herzland.shaft На ней представлены работы "xудожников, которые познали, каково жить при диктатуре".

KuB ♥️

👁️‍🗨️ 26 лістапада ў штутгарцкім Theatre Rampe адбылася прэм’ерная пастаноўка трох беларускіх тэатральных эскiзаў, над якiмi працавала каманда “Купалаўцы” у супрацоўнiцтве з нямецкiмi i другiмi беларускiмi театральнымi дзеячамi. Тэатр, канешне, не змог прыняць усіх ахвотных пабачыць эскiзы ўжывую, але цяпер можна скарыстацца магчымасцю перагледзець усе пастаноўкі анлайн на Youtube-канале Купалаўцаў. https://www.youtube.com/watch?v=MD0r0CQlHFY Будзем рады атрымаць вашыя лайкі і чытаць каментары! А каб даведацца больш пра сам праект, яго ідэю і рабочыя працэсы, вы можаце зазірнуць на сайт kuovadis.de.

​⚡Сёння ўвечары 18:00: 🎭 Theater Rampe (Stuttgart) альбо ❗анлайн-стрым на Youtube Kupalaucy прэм'ера 3 п'ес: https://m.youtube.com/watch?fbclid=PAAaZcMiXuGQCIO74i_1h5sLE9dwXBGEZkL2_kf3WKMVuIKT95-7YFGCSm6q4&v=MD0r0CQlHFY&feature=youtu.be Больш пра праект: Kupalaucy:Kuo Vadis тут: www.kuovadis.de Далучайцеся!!!

👁‍🗨🔥 ужо ў суботу 26.11.2022  Купалаўцы выйдуць на сцэну Theater Rampe  у Штутгарце! У рамках сумеснага з KuB e.V. праекта „Kupalaucy: Kuo Vadis?" былі напісаны тры новыя беларускія п'есы і 26.11.2022 у Тэатры Рампе ў Штутгарце пройдзе ў 16:00 панэльная дыскусія на тэму будучага і сапраўднага беларускага тэатра а ў 18:00 будуць пададзены адразу тры новыя сцэнічныя чыткі. Уваход безкаштоўны! Адрас: Theater Rampe Filderstraße 47 70180 Stuttgart Імпрэза: https://fb.me/e/2JnABXC2R https://theaterrampe.de/stuecke/kupalaucy-kuo-vadis/ Сайт праекта: https://www.kuovadis.de

👁️‍🗨️ Купалаўцы в Штуттгарте! 26.11.2022 в Theater Rampe В рамках проекта "Kupalaucy: Kuo Vadis?" были написаны три новые беларуские пьесы и 26.11.2022 в Театре Рампе в Штуттгарте пройдет в 16:00 панельная дискуссия на тему будущего и настоящего беларуского театра а в 18:00 будут представлены сразу три новые сценические читки. Вход свободный! Адрес: Theater Rampe Filderstraße 47 70180 Stuttgart Мероприятие: https://fb.me/e/2JnABXC2R https://theaterrampe.de/stuecke/kupalaucy-kuo-vadis/ Сайт проекта: https://www.kuovadis.de

🕯Заўтра, 9 лістапада, а 17.00 адбудзецца 84. гадаўшчына «Хрустальнай начы». 🕯 Габрэйская суполка шчыра запрашае далучыцца да памянальнай імпрэзы, якая адбудзецца ў Jüdisches Gemeindezentrum па адрасу Kaiserstr. 109, Offenbach am Main. Перад пачаткам імпрэзы плануецца сумеснае ўскладанне памянальных вянкоў перад помнікам «an der Flamme» каля ратушы Офэнбаху.