notes

Har qanday intizorlik yaqinda tugaydi, duolar ijobat bo'ladi! Solih salaflardan birlari: "Men Allohdan bir hojatimni so'radim. O'sha so'rovimni (Alloh) yigirma yildan keyin ro'yobga chiqardi, ato etdi. (Chunki) men Undan aslo noumid bo'lmagan edim", deb aytdilar.

Ulg‘aygan sari anglab yetadigan haqiqatlarimizdan biri opa-singil, aka-ukalar Alloh taoloning eng go‘zal ne’matlaridan biri ekanidir. Bir uyda ulg‘ayish, bir dasturxondan taom yeyish, bir-birining quvonchiga sherik, tashvishiga hamdard bo‘lish. Bolalikda oddiy tuyulgan bu lahzalarning aslida naqadar bebaho ekanini vaqt o‘tib tushunarkan inson. Hayotda qancha insonlarni uchratmang, sizni bolaligingizdan biladigan, siz bilan har bir lahzani baham ko‘rgan, yutug‘ingizdan o‘zinikidek quvonadigan yaqinlaringiz borligi naqadar katta baxt ekanini anglaysiz. Ana shunday baxtni anglab borishning o‘zi ham bir ne’mat ekan aslida. Farzandlar qalbini mehr bilan bog‘lashga intilgan, ularni bir-biriga oqibatli va mehribon qilib tarbiyalagan ota-onalarimizdan Alloh rozi bo‘lsin. Ota-onamizning ko‘z quvonchi, bir-birimizning esa doimiy suyanchimiz bo‘lib qolishni nasib etsin. Bilaman o'qiysiz sizlarni yaxshi ko'raman)

Yo‘l-yo‘lakay shunday sokin va shinam kitobxonani topib qoldim. Bir kirish uchun to‘lovi o‘zbek so‘mida ming so‘mga ham yetmaydi. Sharoitlari esa juda yaxshi o‘qish uchun kerak bo‘lgan barcha qulayliklar bor. Faqat bugun darsliklarimsiz uydan chiqqanim biroz alam qildi… Darslikni yozish bilan o'rnini to'ldirdim..)) (alohida joylari bilan bor)

Talabaning duosi: "Allohim, meni boshimda turgan ustozlarimga munosib qil, ulardan nasibasiz qoldirma". Amiyn

Kichik bir so‘z ham insonni bir zumda qanchalar xursand qilib qo‘yishi mumkin. Balki, so‘zlar orasida yashiringan e’tibordandir, yana bilmadim. Bugun bir holamiz bilan salomlashib turganimizda: "Iyee, shu yerdamidingizey? Sizni kecha ko‘rmaganimga yana O‘zbekistonga qaytib ketib qoldingizmikin, deb o‘ylabman. Yaxshi, yaxshi))", deb qo'ydilar. Aslida esa, butunlay boshqa xayollar bilan kirib kelayotgandim. Shu birgina gapni eshitib, xayollarimning o‘rnini negadir iliqlik egalladi. Ba’zan insonni oddiygina jumla bilan kayfiyatini butunlay o‘zgartirib yuborishi mumkin. Va ba’zi katta narsalar aynan mana shunday kichik harakatlar ortiga yashiringandir )) 13.09.2026

Ibn Abdulbarr, al-Marxabiy va al-Xatib keltirgan(lar) rivoyatda u kishi tolibi ilmga quyidagi nasihatni qiladilar: «Olimning senda bo‘lgan haqqi: Unga ko‘p savol bermasligingdir. Javobini qattiq talab qilib, uni charchatmasligingdir. U xohlamasa, mahkam yopishib olmasligingdir. Agar tanballik qilsa, kiyimidan tutmasligingdir. Unga qo‘ling bilan ishora qilmasligingdir. Unga ko‘zingni qisib ham ishora qilmasligingdir. Odamlar bilan majlis qurib o‘tirganda so‘ramasligingdir. Uning adashishining payidan bo‘lmasligingdir. Agar adashsa, qaytishini kutishing va tavbasini qabul etishingdir. «Falonchi sen aytganning xilofini aytdi», demasligingdir. Uning sirini fosh qilmasligingdir. Uning huzurida hech kimni g‘iybat qilmasligingdir. Uni hozirligida ham, g‘oibligida ham muhofaza qilmog'ingdir. Odamlarga umumiy salom berib, unga alohida tabrik aytmog'ingdir. Uning ro‘baro‘sida o‘tirmog'ingdir. Uning hojati bo‘lsa, boshqalardan ko‘ra oldin xizmatini qilmog'ingdir. Uning suhbatining uzunligini malol olmasligingdir. U bir xurmoga o‘xshaydi. Sen undan o‘zingga qachon manfaat tushishiga intizor bo‘lib turmog'ing kerak. Albatta, olim Allohning yo‘lida ro‘za tutgan kishidekdir. Qachon bir olim vafot etsa, Islomda bir teshik paydo bo‘lur va u qiyomatgacha to‘silmas. Tolibi ilmni osmon muqarrablaridan yetmishtasi kuzatib yurur». #kitobdan

Bilasizmi, ba’zi lahzalarning o‘z ta’mi, o‘z isi bo‘ladi. Inson yillar o‘tib, bexosdan o‘sha ta’m yoki isga yana duch kelsa, bir zumda ajoyib xotiralar qurshovida qolar ekan… Masalan, ushbu suratdagi qattiq shirin nonning (shunday ataladimi) ta’mi menga talabalik yillarimni eslatdi. Ba’zan tushligimiz o'rnini aynan shu qattiq non bilan to'ldirgan vaqtlarimiz bo‘lgan. O‘sha paytlarda oddiygina qirsildoq bo‘lgan non, bugunga kelib butun bir davrning xotirasiga aylanib ulgurib qolibdi. Ajoyib-a? Inson ba’zi xotiralarni rasmlar yoki so‘zlar bilan emas, balki ta’m va islar orqali ham saqlab qolar ekan… )) yozildi: 05.09.2026

Yagona uzr — bu o‘lim. Bir tolibi ilm shunday hikoya qiladi: “Men shayxim huzurida ilm olayotganimda, bir kuni sharoitim sabab dars qoldirishga majbur bo‘ldim. Keyingi safar kelganimda, ustozimda oʻzimga nisbatan jahlni koʻrdim. Men sababimni tushuntirmoqchi bo‘ldim: “Mening yo‘qligim sababi shuki…” Lekin qoʻllari bilan ishora qilib meni to‘xtatdilar va dedilar: “Senga hali ham nafas olayotganingning o‘zi kifoya”. Men:“Tushunmadim”. Shunda ustozim dedilar: Agar kasal bo‘lsang, darsga kel. Agar yashashing taqdir qilingan bo‘lsa, Qur’onda shifo topasan. Agar bu o‘limga olib boruvchi kasallik bo‘lsa, ilm talabidagi holingda jon berayotgan bo‘l. Agar muammoga duch kelsang , darsga kel va Qur’on barakasi sabab Robbingdan najot so‘ra. Agar huzuringga mehmon kelsa, uni ham o‘zing bilan darsga olib kelib, unga hurmat koʻrsat. Balki u sen sabab hidoyat topar. So‘ng shunday dedilar: “Men sendan darsni qoldirish uchun faqat bitta uzrni qabul qilaman — agar menga: “U vafot etdi”, deb aytishsa. Qasamki, shundan keyin men yana darsni qoldirishga majbur qiladigan biror sabab topa olmadim.” olindi | Favaniyaa

302-kun ✅ Allohning fazli bilan bugun yakunladik...)

Абу Саъид розияллоҳу анҳудан ривоят қилинади: «Набий соллаллоҳу алайҳи васаллам дедилар: «Аллоҳ таоло айтади: «Кимни Қуръон ва Менинг зикрим Мендан (нималарнидир) сўрашдан тўсган бўлса, унга сўровчиларга берганимнинг афзалини бераман. Аллоҳнинг каломининг бошқа каломлардан фазли (устунлиги) худди Аллоҳнинг Ўз махлуқотларидан фазли (устунлиги) кабидир»». Термизий ривоят қилганлар. "Қурьон илмлари"

271 kun… Shu muddat davomida jamlangan kitobning bugun so‘nggi juzini ham sotib oldim. Kechagi kun oxirgi juzni o‘qishga o‘tgan edik. Nasib qilsa, kelasi oy oxirlarida kitobni to‘liq yakunlaymiz. Allohning fazli bilan ushbu 271 kun davomida bir kun ham qoldirmasdan mutolaani davom ettirib kelmoqdamiz. Va mana, safarimizning so‘nggi oyiga ham yetib keldik. Har bir sahifa bir saboq, har bir kun bir qadam. Alloh boshlagan ishimizni xayrli va barakali yakunlashni nasib qilsin amiyn)

))

Qachon sizga man qilishning ma'nosi ayon bo'lsa, man qilish ayni ato qilish bo'lib qoladi

Siz shunday deng: “Ey qalblarni o‘zgartiruvchi Zot, mening qalbimni O'zingning dining va toatingda sobit qil” Yana shunday deng: “Allohim xotimamni chiroyli qil. Amallarimni ham chiroyli ayla” “Allohim eng yaxshi amalimni oxiridagi amalim qil, oxirgi onlarimni umrimning eng yaxshi vaqtlaridan ayla. Mendan rozi bo‘lgan holingda Senga yo‘liqqan kunimni kunlarimning eng yaxshisi qilgin!”

Daragi eshitilgan yaxshi kitob sog'inch. Uni qo'lga kiritish quvonch. O'qib chiqish bayram. Bu qizg'in mutolaadan so'ng yurakning yanada hassos tortganini his qilishini aytmaysizmi?) @favaniyaa bugungi kunga quvonch ulashdilar 🌸

Alloma Abdurahmon ibn Abul Hasan “Farzandga nasihat borasida bir ogʻiz soʻz” asarlarida oʻgʻillariga nasihat qilib, ularni vaqt qadriga yetishga undab shunday deganlar: "Ey oʻgʻlim, bilginki, kunlar soatlarni tarqatadi, soatlar nafaslarni tarqatadi. Har bir nafas xazinadir, sen biror nafasni behuda oʻtkazib yuborishdan saqlangin! Agar u hech narsasiz ketsa, qiyomat kunida boʻsh xazinani koʻrib nadomat chekasan! Oʻtkazayotgan har bir soatingda uni nimaga sarflayotganingga e’tibor ber. Vaqtingni imkon qadar eng yaxshi ishlarga sarfla. Nafsingga e’tiborsiz boʻlma. Uni imkon qadar eng yaxshi va eng goʻzal amallarga undagin. Qabr sandiqlariga unga yoʻliqadigan kuningda xursand boʻladigan narsalaringni joylab turgin" #kitobdan

🌟🌟🌟🌟 Bayram muborak yaxshilar Alloh duolaringizni, qurbonliklaringizni va ezgu amallaringizni qabul qilsin.