عِبرة وعَبرة -د.شَيْمَاءمِشْرِف

أمس وهي في طريقها إلي انقطع الانترنت ففقدت الاتصال بخرائط جوجل فظلت تسير وتسير حتى شارفت حدود بلدتنا عندما قرأت اللافتات وأدركت أنها جاوزت ولقيت في طريقها نصبا بكت وهاتفت زوجها <سترونج اندبندنت وبتاع بقى> فأعاد لها الوصف وصححت مسارها سألتني ابنتي لماذا وكيف شطحت في طريقها؟ فقلت لها: يا بنيتي فقدت سبيل الهداية، وهكذا من يسير على غير هدى، فهو رغم عينيه أعمى. فإياك في رحلة حياتك أن تبتعدي عن مصدر هداك قرآن ربي وسنة نبينا ‎ﷺ، بالعمل بهما نصل برحمة الله. #دشيمامشرف

قالت كمان ازاي علموها النجاح: علموها ( اوراد )تكتبها على يدها وتدخل الامتحان بتلاقي امامها الاجابات النموذجية فبتنقلها وطبعا محدش شايف اللي هي شايفاه المهم مرة بقى ما خدتش اذن الاسياد وراحت جودت من نفسها وكتبت ( الأوراد ) على اسورة ولبستها فبقت ايدها تتحرك بالكتابة لوحدها بس عشان ما استأذنتش أذوها في ايدها فاعتذرت وتابت لازم كل نفس بإذنهم بقت عبدة عندهم خلاص طبعا هي مش أوراد هي طلاسم سحرية هتقولوا لي طيب ما يمكن بتكذب عليك وبتألف اقول لكم انهم بيحاولوا يبهروا اللي امامهم وبيقدموا بعض الادلة اللي تثبت كلامهم معايا ذكرت لي اوصاف مميزة لشخص ما من أقاربي أنا واثقة مليون المية إنها ماشافتهوش وقالت لي بنت الشخص ده هي سبب مشاكلك ( هنا تيقنت إن الجن اللي معاها ما قدرش يعقد صفقة مع قريني عشان يفشي لهم أخباري الماضية وده سر تشوش المعلومات اللي حكتهالي كدبيل على صدقها بفضل الله كان دليل على خيبتها وخسارتها هي واللي معاها) فضحكت وقلت لها مستحيل بنته صديقتي وبتحبني ( ملحوظة: الجن بيحاول يستخدم معلومات ويضيف عليها معلومات ومش مشكلة صدق او كذب بيعتمد على ضعف إيمان السامع وانبهاره بالغيبيات والامور العجاب فناس كتير بتصدق بدون تفكير ومش مشكلة طبعا توقع بيني وبين صديقتي وتتهمها بالباطل بيحاولوا يبهرونا ويحسسونا بالامور الخارقة اللي هتغير حياتنا عشان نطلب معونتهم وننزلق للشرك بالله ) نرجع لحكايتنا: طول الجلسة بتحاول تخليني انبهر بقدرات الجن ( المتسخر ) معاها مرة تقول لي ده انا كنت خايفة يأذوكي لو ظنوا انك ممكن تأذيني لانهم بيخافوا علي جدا فأقول لها ما يقدروش الله يحفظني ومرة تقول لي على فكرة دول راضيين عنك ففزعت فيها وقلت لها الله يرضى علينا مش هم كل شوية كانت تردد إن الاوراد كذا وكذا ففهمت انها عندها استعداد تعلمني الاوراد دي اللي بيها يتسخر الجن لي فقلت لها عشان اقطع عليها الطريق بصي انا حياتي كده في البعد البشري بتاعتنا عاجباني ومش مستعدة إني اغيرها قالت هم اول سنتين تلاتة هتتعبي وبعد كده امورك كلها هتتغير وفهمتني انها على ما بقت طوع امرهم لان كل حركة لازم بإذنهم فأي نفس بدون اذنهم بيأذوها بدنيا بشكل رهيب لدرجة ممكن يعلقوها في السقف وبعد ما رفضت وكررت رفضي راحت قالت لي دي سهلة لو قريتي كذا كذا لمدة كذا وطبعا ظاهرها قرآن وأسماء الله الحسنى لكن كون العبد يقراهم بنية تسخير الجن اهه بيتلبسوا بيه ويضيعوا له دنيته ودينه ولو ماتابش عن الطلاسم والافعال دي فهيخسر آخرته سألتها انت ليه حكيتي لي الكلام ده؟ قالت لي : قالوا لي انك شاكة في أمري وتقريبا عرفتي وأذنوا لي إني أحكي لك. انا مقدرش اعمل حاجة من غير اذنهم ‏•••═══ ༻✿༺═══ ••• باقي القصص شبيهة بما ذكرت مع اختلاف تفاصيل بسيطة فمش هكرر ‏•••═══ ༻✿༺═══ ••• بالمناسبة بقى عشان ما يبقاش كذا منشور بنفس المضون فالعلاج بالطاقة اللي بيمارسه البعض كله طلاسم وسحر ناس كتير خدت دورات العلاج بالطاقة وتواصلوا معايا واخبروني ان المستوى الاول امور عادية غير مريبة في نهاية المستوى التاني بيتعلموا طلاسم كذا واحدة اخبرتني انها عانت من مس الشيطان بعد الدورة دي فكل العقائد الباطنية دي وما يتبعها من خزعبلات تحت اسم علوم او علاجات وما يلحقها من عقائد زي الصوفية والشيعة مرتبطة بالسحر والجن وخسارة الحياة الدنيا والآخرة او ممارسات زي اليوجا والحضرة واللطميات وغيرها ‏•••═══ ༻✿༺═══ ••• #دشيمامشرف

باختصار منعا للملل قابلت من الجماعات الصوفية اللي كل نشاطهم يعملوا درس ديني فيه أذكارهم وأورادهم البدعية الرجال مع نساء بدون تنطيط ولا رقص ولا غناء فمش كل الصوفية لازم مخالفات أخلاقية لكن ماشفتش أحد منهم سالم العقيدة من البدع والشركيات سواء الاستعانة بغير الله وطلب المدد من مشايخهم أموات وأحياء ذكر بدعي بأرقام محددة تمت بواسطة حساب الجمل ورموز وألفاظ غريبة ما أنزل الله بها من سلطان تحت توجيه الشيخ العارف زيارة القبور والتمسح بيها والنذر عندها ادعاء الوصول للروحانيات والنورانيات وحصول الجلاء السمعي والبصري وغيرها زي تفاصيل التعليقات في المنشور ده ‏https://www.facebook.com/100002421841995/posts/3992935997463756/?d=n ‏•••═══ ༻✿༺═══ ••• رأيت بأم عيني عند بعض الصوفية ويشهد الله على ذلك كتب وفي بعضها دواير ومربعات ومثلثات معها ارقام وخطوط وحروف مقطعة وموصولة لا معنى لها بالظبط مثل الطلاسم السحرية وده اللي بيسبب ان الصوفية وغيرهم يقولوا انهم اتفتحت لهم المغاليق وانكشفت لهم الحجب وتنزلت عليهم العلوم النورانية ووصلوا لدرجة العارف بالله اللي بيعلم الغيب ويدبر الامور ويسير المقادير وبقوا مبهرين للي حواليهم وبيستمتعوا برؤية الانبهار في عيون الجهال عادي يبقى شيخ وحافظ القرآن ومتون العلم وفي الغالب بيبقى الجن بيملوهم وبيفتحوا لهم الكتب دي بشكل خفي فيظهر انهم حفاظ متقنين وهو سحر واستعانة بالجن الجن بيوهومهم انهم متسخرين لهم لكن الحقيقة ان البشر دول بقوا عبيد عند الجن ‏•••═══ ༻✿༺═══ ••• اخبرتني ان عمتها كانت تردد أوراد معينة حصل لها بسببها الجلاء السمعي والبصري وبتفسيرها انها تشوف وتسمع الملايكة والجن لكن قناعتي انها بتسمع وتشوف الجن فقط طبعا وفي مرة جالها انهيار عصبي لانها سمعت اللي بيقول ان الراجل اللي امامها بيستحمى في الترعة ده هيغرق الآن ومابقتش عارفة تحذره وفعلا غرق قبل وفاتها عرضت على بنتها تعلمها الأوراد دي اللي بيحصل بيها الكشف بنتها رفضت وقالت لها أنا قلبي ضعيف مايستحملش اللي بتحكي عنه ‏•••═══ ༻✿༺═══ ••• ناس تابوا عن الصوفية لكن جمعوا كتبهم ورموها على السطح وبعد حوالي ٣٥ سنة بعد ما باعوا بيت العيلة الراجل اللي اخذ كراكيب السطح اخد لبيته شوية كتب وبنته قرأت في الكتب دي وحصل لها لبس من الجن واتصلوا باصحاب البيت يسألوهم يتصرفوا ازاي؟!! القصة دي متكررة بشكل رهيب الاوراد اللي بعدد معين وكلمات عجيبة بيكون فيها طلاسم ‏•••═══ ༻✿༺═══ ••• حكت لي إن اهلها تابوا وبعدوا عن الصوفية لكن ماتخلصوش من كل كتبهم البنت مسكت كتاب أدعية وأوراد ورددت اللي فيه ومن بعدها وهي بتحس إن معاها جني بيتساهرى معاها ويعرفها فلان بيقول ايه وفلان بيعمل ايه وبيعرفها حاجات تخصها قبل اوانها يعني مرة كانت حامل وقال لها ان الجنين مات وفعلا طلع مات المشكلة انه فضل بعدها لمدة سنين حد ييجي لها في المنام بصورة طفل صغير ويقول لها انه الجنين اللي مات ومشتاق لها وزعلان وتعبان ووو ياترى ده الجني اللي مخاويها ؟!!! وطبعا حصل لها من النكد والحزن اللي لا يمكن وصفه البنت تخلصت من الأوراد دي والتزمت الرقية الشرعية وحالها تحسن بفضل الله ‏•••═══ ༻✿༺═══ ••• حكت لي ان اهلها صوفية وبيعملوا خواتم روحانية توصل المريد لانه يبقى عارف بالله وطبعا حكت ان عليها طلاسم سحرية ‏•••═══ ༻✿༺═══ ••• حكت لي ان صديقتها الصوفية علمتها اذكار ورشت عليها ماء ومن بعدها وهي بتعاني من أذى الجن ومسه ‏•••═══ ༻✿༺═══ ••• بعد ما خلصت فحصها ولأن الأعراض اللي ذكرتها كان بعضها غريب ومش طبي فسألتها إنت بتحلمي بكوابيس؟؟ قلت يمكن محتاجة رقية لكن أنا ماقدرش أعرف هل صحيح فيها أذى ( حسد مس سحر ) ولا لا وقالت فعلا انها بتحلم بكوابيس وصفت لها علاجها ووصيتها بالتزام الرقية فقالت لي على فكرة أنا روحانية ومعايا جن متسخر لي كتير معايا من كل الأنواع وقعدت تشاور على السقف واركان الغرفة وتقول لي هنا جن طيار وهنا ايه وهنا ايه وأنا كان معمول لي سحر للمنع من الزواج والتزمت بأوراد معينة بأعداد محددة فاتسخروا لي وهم بيساعدوني وفكوا لي السحر وبيدفعوا الأذى عني ( ملحوظة: مرت سنين طويلة وبردو الخطاب بيمشوا ففين انهم فكوا لها السحر؟!!) وبيساعدوني في شغلي بيدلوني على المشروع اللي ادخل فيه واللي ما ادخلوش وعلموني الرزق والنجاح ( وقعت بلسانها بعد كده وقالت ان ده عن طريق طلاسم بيعلموهالها) والمرأة قبل انقطاع الحيض ما تتعلمش كل شيء فمنتظرة تكبر عشان يعلموها كل شيء ( ملحوظة: اللقاء التالي ذكرت ان زميلتها في الشغل واصلة عند الرؤساء ولأن بينهم غيرة وصراعات عملت لها مشكلة متفبركة والرؤساء صدقوها وتم ايقافها من الشغل شهرين وهي عليها اقساط والتزامات مش عارفة هتعمل فيها إيه فلو فعلا الجن بيساعدوها في الرزق وبيعلموها الرزق بنص كلامها فين الفلوس الكتير ؟؟؟)

من ٢٤ سنة غادرتنا جدتي ❤️ ماما علية ❤️ بجسدها لكنها في قلوبنا و عقولنا اكتر من ما كانت لا انساها ابدا ابدا ففضلها علينا لا يُجازي وببركتها لانها فعلا كانت ست بركة بذكر معاها جدتي لأبي و جديني دوريا براً بها و صلة لها بوهب لها أجر طاعة بعد آخر مرة حلمت بأني وزوجي وأولادي زرناها وكانت طابخة صنفين طبيخ اعطتنا واحد منهم فقط لسة بننهل من معينك يا امي لسة بناكل من صنع يديك وغرسك اللي غرستيه فينا هيفضل فضل ما ربونا وادبونا لا نقدر اننا نجازيهم بيه مهما عملنا لهم في حياتهم او بعد وفاتهم اوصلوا احبابكم لحد ما تقابلوهم في الجنة بالدعاء والاستغفار لهم بالصدقة بحج او عمرة للي يقدر و بوصل رحمهم واحبابهم مفيش دليل ان قراءة القرآن بتوصلهم يعني ماتقولش هعمل له ختمة او هقرا الفاتحة علي روحه ادعي له بالرحمة ورفع الدرجات هيوصل بإذن الله ومفيش أسهل من كده رحمها الله كانت دايما تقول اللي بيبر بيبر نفسه #دشيمامشرف

س :حبيبتي الامر ده فيه خير وثواب عظيم حاولي تعمليه ص: ولو عملته هتاخدي ثواب ( من ورايا ) س: آه من غير ما ينقص من أجرك شئ ص: لأ مش هعمله وتاخدي علي الجاهز س: 😳😳😳

ماتخيلتش ان بنتي عينيها ووشها يورموا 🐡🐡بسبب انها غسلت شعرها بشامبو بعد انقطاع لاني من حوالي السنة قررت مادخلش البيت اي شامبو او مستحضرات عناية بالجلد فيها مكونات صناعية ضارة وبصراحة وفر مبالغ ماكنتش متخيلاها من صغرنا واحنا بنتعرض للمواد المحسسة الضارة دي وجسمنا بيحاول يتصدي لها بس فيه ضرر حقيقي عمال يتزايد لحد ما هيوصل لنقطة اللااحتمال وينفجر ويظهر مشكلة حقيقية ومش هنبقي عارفين السبب وممكن من اول ما البيبي يتولد ونحميه بشامبو الاطفال يحسي ونقول عادي ما كل العيال كده و يكون السبب الشامبو و الكريمات هذكر مثالين بس عشان ما اطولش عليكم و قيسوا ده علي باقي المركبات المكلكعة اللي بتبقي مكتوبة علي اي منتج : ❌صوديوم لوريث سالفيت واشباهه المادة الرغوية الرخيصة ( بديل الزيت الغالي والبوتاس) موجود في الصابون والشامبو و معجون الاسنان و المنظفات من مسحوق غسيل لصابون المواعين اساسه كان لتنظيف الشحوم من المواتير ولتنظيف ارضيات الورش ولما لقوه قوي ورخيص خلونا نغسل بيه جلدنا وشعرنا بيسبب الحساسية اعتام عدسة العين خلل في تكوين العين عند الاطفال بيتشربه الجلد ويعتبر مادة مسرطنة ❌مركبات البارابين هي مواد حافظة مستخدمة على نطاق واسع في مستحضرات التجميل والمنتجات الصيدلانية صابون مرطبات وكريم الحلاقة ومزيل العرق البارابين له تركيب شبيه بالاستروجين فبيعطل وظيفة الهرمون اللي المبيض بيفرزه فبيؤدي للبلوغ المبكر للبنات و لمشاكل في الحيض والحمل وفيه دراسات بتؤكد انه من اسباب الإصابة بسرطان الثدي . الشامبو بديله صابون نابلسي شاهين او صابون جلسرين وممكن ابشرهم واضبف لهم منقوع اعشاب وزيوت عشبية كبديل سائل شبيه بالشامبو ودي الطريقة بالتفصيل https://youtu.be/QEgsp3i-yow مستحضرات العناية بالبشرة والكريمات بديلها زيت جوز الهند البكر وزيت اللوز الحلو وزيت ارجان و جوجوبا وزبدة الشيا وغيرهم ودي التفاصيل https://youtu.be/VtyzK-xHhbM اما عن الماكياج فلله الحمد أنا بتقرف منه فماحسيتش بمشكلة اني ادور علي بدائل واللي يعرف بديل غير ضار يعرفنا الامراض كترت و بقت اصعب لتعدد اسباب المشكلة ولزيادة نسب التلوث اللي اجسامنا بتتعرض له فلا بديل عن العودة للطبيعة والبساطة والله المستعان #دشيمامشرف

تخيل تبقى قاعد بتتصفح الفيسبوك تلاقي صورة بنتك مالية صفحاته صديقتي اللي في مكة اخوانها فمصر اتصلوا بيها وبلغوها ان صورة بنتها في اعلان حضانة في بانر كبير في الشوارع المجاورة و ارسلوا لها الصور و صديقاتها فنفس الوقت ارسلوا لها نفس الصورة من الفيسبوك اتاري وهي بتعمل عمرة ببنتها حد صور البنت من وراها ونشر الصور والصورة انتشرت

ام صاحبتي يا ماما بتقول لها ان الاندومي مغذي وابوها بيقول لها المصاصة الحمرا دي الوان طبيعية مغذية من الفراولة والزرقا دي توت 😳😳😳 #الأهل_الهبل_رزق

أزاي حد يشوف أخوه أو صاحبه أو قريبه أو حتي حد غريب عنه بيبكي ومتألم من غير ما يواسيه أو يدعمه و لو الوضع والصلة تسمح يديله حضنين كده وكام طبطوبة طيب ازاي بقي حد يكون هو السبب في الألم ده و يصر إنه يجرح حبايبه ويخبطهم بطوبة؟؟؟!!! #خليك_جميل #دشيمامشرف

كتير أخوات فاضلات بيبعتوا لي علي الخاص او في التعليقات أمر بمعروف أو نهي عن منكر أو مجرد تنبيه أو نصيحة وده فعلا بيفرحني ❤️ رغم الحرج في بعض الأحيان و رغم أن أغلبهم أسلوب كلامهم جدا لطيف إلا إن في الآخر يختموه ب أوعي تكوني زعلتي ساعتها فعليا أنا بزعل 😄 معقولة الأمر بمعروف أو النهي عن منكر اللي هو ميزة وخاصية امتنا وسبب استمراريتها يزعل؟؟ اتق الله اتقالت للصحابة والمبشرين بالجنة فمازادهم الأمر الا تواضع وتقوي مش غضب و زعل كان طلب خير اصحاب النبي ‎ﷺ أبو بكر الصديق هو إذا رأيتموني على حقٍّ فأعينوني، وإن رأيتموني على باطل فسدِّدوني. والمفروض ده يكون طلبنا كلنا فالله المستعان #دشيمامشرف

كبرنا يا أمي و عرفنا إن التربية عملية مستمرة خلص دورك في تربيتنا بس عيالنا استلموا منك وبيربونا #أنابتربي_علجنبين ياأمي #دشيمامشرف