نَبَطيّ

‏أعْرفك مثل السماحه فـ وجه المستضيق ‏ضيقتك ما هي بـ عاده، وضحكاتك جهر ‏عيّت -غيوم السماء- تخفي لنجمك بريق ‏كل ما غطّت بريقك وأراد الله؛ ظهر ‏الحزن لو كبّر -فـ نظرتك- ما لا يليق ‏خلّ عينك للتغاضي، وظهرك للسهر ‏كلّ ضيقه من حبيبه، وزلّه من صديق ‏ماهي بخيبة أماني، ولا طعنة ظهر *ماجد النفيعي.

إكتشفت إن الحياة بكبرها قطعة مسافة تغوي المفتون لين العقل يصحى ويتنبّه وإستعذت من الدروب اللي نهايتها حسافة قبل ترميني ملذات الزمن في جوف غبّة مايخاف المؤمن: اللي فيه من ربّه مخافة مصدر الخوف الحقيقي واحدٍ ماخاف ربّه والمحبّة بعد كره تكون من داعي نظافة البلا .. فاللي يحس بكره من بعد المحبّة شيمة الإنسان میزان.. اعتداله وانحرافه تنذره لا شافت الأوضاع ما هي مستتبّه إن عجزت إنك ترد النفس عن شي تعافه ماقدرت تحط نفسك فالمكان اللي تحبّه *عبدالله السراهيد

‏خلّها على التحايا، وضحكات السنون ‏يوم صمتي في محلّه، وسرّي معْقله ‏أنت والله خاطرك غالي ودايم تمون ‏تطلْق سبوق البشاير، وهمّي تعْقِله ‏والله إن ماهوب حملٍ تضيق بْه المتون ‏أو بعض حكيٍ أقوله؛ لا قالوا لي: قِله ‏واحدٍ يدري وش أسباب ضيقاته يهون ‏البلا في اللي ما يدري وش اللي مِثْقله *ماجد النفيعي

وأيضًا

«كنت أنا في لهيب القيض مرمي واليوم أنا تحت صب السحابة»

يالله ياربي سنة 2024 نقول فيها: استرحت من الدروب الموحِشة والجرهديّة ‏وأشرقت شمْس الطمأنينة على عيني وهدَبْها ‏كان عامٍ فيه فرْح، وفيه بهجَة، وشاعريّة ‏وانهمر سيلٍ من الأحلام قلبي قد طلبها

‏آه يا مِلْح السنين إن ضَاع في ضحكتك ثارِي؟ ‏الحقايق مدلهمة شور.. والفرقى مْقيمة ‏جيتني ما كنّك إلَّا من حقوق الغيم سارِي ‏واِستعضت عْن القصور الشامخة في ظِلّ خيْمة ‏فاتحٍ لك كلّ ما هبّ الهوى الغربيّ زراري ‏والله إني لو معه عطْرِك؟ تعلَّقت بـ نسيمه. *محمد السلطان

غنيمةٍ ترقى بها الجدي وسهيل وغنيمةٍ منها السلامة غنيمة وخسارةٍ يجي وراها محاصيل الذ من فوزٍ بطعم الهزيمة النفس تقبل مثل ماتقبل الخيل وتصد لو إن النعم مستديمة شيٍ تخافه من عقوبة وتنكيل وشيٍ تعافه من كرامة وشيمة لو كان تضحك من كلام المهابيل لابد تبكي من دموع اليتيمة! والوقت نفس الوقت مافيه تبديل يمضي وينسخ لك جديده.. قديمة تكثر بركته بالدعاء والتهاليل وتقل.. من قل النوايا السليمة *مدغم ابو شيبه

‏"ليت عيني من سهر ليلي بدونك مستريحة ‏كل فجرٍ ما يشعشع به سناك الغضّ باير ‏و كلّ ليلٍ ما يجيبك يدفن بقلب الجريحة ‏شوق حار ودمعتين وضيق صدر وحزن غائر ‏ياحبيبي والأماني لا غدت عقبك طريحة ‏لو تمدّلها كفوفك عمّرت لـ جلك عماير"

‏"يعلّمنا الأمل ناقف .. لـ أمانينا كما الثــــوّار ‏وأنا لولا الأمل ما كان ..لي في هالمَـدى ثوره ‏أنا أذكر من صغر عمر الدفاتر .. والحروف كبار ‏كَبَرت بصمتي الثاير .. عشان أكون جمهوره ‏تركت بداخلي طفلٍ .. أحب إحساسه المكّار ‏مِثل ما أحبّ يتمرّد .. عليّ بصادق شعوره .. ‏هذاك اللي يحبّ الصمت .. لكنّه يجي مغوار ‏يعيش الفكرة بكامل قواه .. وكامل حضوره ‏يحبّ اللي يجي عاري .. على الفطرة بدون أفكار ‏وأحاسيسه من الـداخل على الإبداع مفطورة ‏يحبّ المُبهر اللي .. ما تعمّـد فكرة الإبهـــــار ‏كذا من دون ما يقصد .. تجيه النّاس مبهورة"

خلّها على التحايا وضحكات السنون ‏يوم صمتي في محلّه وسرّي معقله ‏أنت والله خاطرك غالي ودايم تمون ‏تطلْق سبوق البشاير وهمّي تعْقِله ‏والله إن ماهوب حملٍ تضيق به المتون ‏أو بعض حكيٍ أقوله لا قالوا لي: قِله ‏واحدٍ يدري وش أسباب ضيقاته يهون ‏البلا في اللي ما يدري وش اللي مثقله!

ياربي وأنت جلاّي الظلام الراحم المنّان ‏يارب المرسلات ورب قلبي وأنت تاوي له ‏أعوذ بنور وجهك لاتصيّرني ضعيف ايمان ‏تلقّاني بعطفك يا كريم إن قلّت الحيلة*

قضى نصف عمره بالمشاوير والترحال ‏يدور بياضٍ يفضح الليل وظلمّته ‏وسواح في دنيا الطموحات والأمال ‏وهي افحمت قبله رياجيل وافحمته وهالحين اراد الله تبديل حال بحال ‏وشراي شفه ما الاوادم بلايمته وحصل ورا العزله فوايد وراحة بال ‏يسبح ويطلب ربه لحسن خاتمته ‏سمح من غثا الدنيا ومن كثر قيل وقال ‏ولايشتكي لو ان دنياه ضايمته ‏وهي عقرت والعاقره ماتجيب عيال ‏عسى الله يكفي شر حلمن تحلمته

‏جرّديني من حنيني والمعاناة العميقة ‏واجمعيني في سكون الليل واطراف الرسايل ‏كيف اعدّي كل ذكرى تردف الضيقة بْـ ضيقة ؟ ‏كيف اعاتب كل دمعٍ قامت عزومه تمايل ‏صوتك اللي صرت اخافه كيف انامه واستفيقة ؟ ‏كيف ابادْلك التجافي والجفا ماله بدايل ؟ ‏شاعرك ناحت شجونه .. في معاليق الخليقة ‏ليه رمشك لا هداه الله ولا رد الجمايل ! ___أحمد صالح

‏"محتاج دربٍ يا أول شفّي ومسعاي ‏وشعرٍ يواسي شعور الصمت والغربة ‏محتاج نورٍ يبشرني على رجواي ‏وأعرف هذا السديم إن طال يا قربه ‏محتاج فجر وسكينة لين أعس أقصاي ‏محتاج شيءٍ يرجّع روحي الطربه"