نَبَطيّ

تصدّقوا بهذ الشهر الفضيل واحتسبوا الأجر"مانقص مال من صدقة" ‏لأم ماريّا، سارة العريني رحمها الله ‏⁦ https://ehsan.sa/donationcampaign/details/1211250

تصدّقوا بهذ الشهر الفضيل واحتسبوا الأجر"مانقص مال من صدقة" ‏لأم ماريّا، سارة العريني رحمها الله ‏⁦ ehsan.sa/campaign/DF4E3…⁩

يعرّيني الشوق، وتعشّمني الأحلام ‏لا لبّسني التفكير ثوبٍ ماهو ثوبي ‏على يمِّتك من وين تبعد بك الأوهام ! ‏ما دام أعرْفك، ماني بـ ناشد عن دْروبي ‏مثل ما تدارَك في المطر خطوة الأقدام ‏تداركت في وابل مشاريهك؛ عْيوبي ‏وش أقول لو وجهك توارى مع الأيام؟ ‏وأنا "الضحكة اللي في وجْه غيرك" ذنوبي

أتعقَّل في ديارَك.. وأتجرَّد من سيوْفي ‏كلّ ظلٍّ معك أحبَّه، كلّ درب ٍفيك أضيْعه!

حتى بشهر رمضان اللي وهبناه ‏لله وفروضه الخمس وسننها ‏اصوم عن كل حاجه غير ذكراه ‏ذكراه حاجه عجزت اصوم عنها ‏— بندر الدويش

‏"وين كانت خطوتك يوم الليالي حاتميّة ‏كل جرحٍ ملتئم كم كان يحتاجك ضماد"

‏لو أقول إن البحر مثل الهوى ماهوب قدّي ‏ماقدرت أقول قلبي تاب وأعرض عن دروبه ‏َ ‏ولو أتوب من الذنوب اللّي جنت الايام ضدّي ‏ما قدرت أتوب عن ذنبٍ يعنّ القلب صوبه َ ‏كيف أتوبك يا أجمل ذنوبي وأوقف عند حدّي ‏وأنت ذنبٍ لا غفره الله ولا لي عنه توبه ؟

كل صبحٍ يبتدي بك صبح مشرق وكل صبحٍ ما تزوره ليل عاتم قلبي اللي في بحور الحزن يغرق فاتحٍ قبلك بوسط الصدر ماتم ويوم جيت بمزنةٍ بالوصل تبرق يلبس الأفراح لأجلك لبس خاتم أنت لقلوب البشر ما أظن تسرق كل من شافك بقلبه صار حاتم - فَهَدْ السعد

واعلم إن العمر ينقص مايزود ‏واللي يفوتك منه صعب ترجّعه ‏ولا تنظر لماضيك لأنه مايعود ‏فكّر بحاضرك الجديد وسنّعه ‏وأبذل عشان أحلامك أضعاف الجهود ‏وباب الأمل بين المحاني شرّعه ‏وأثبت لنفسك بين خلق الله وجود ‏ودوّر على اللي قَدر نفسك يرفعه ‏وإذا فتر عزمك وحسيت ببرود ‏حفّز خفوقك بالطموح وشجّعه

ذكرتك يا حبيبٍ كل ما حلّت علّي ذكراك نزل دمعي على خدٍ تعاصف به لواهيبه سريت بليلةٍ حالت غيومه عن ضيا قمراك على دربٍ ليا من ضقت رجلي دوم تسري به أشوفك واقف بعيني ولا لي قدرة بلقياك مثل طيفٍ ليا من مرني بالحلم أهلي به طواري الليل ماعدت على قلبٍ فقد لاماك ترفق بالذي حبك ولا تسمح بتعذيبه فهد السعد

‏«قالت: الغربة ضياع ‏وقلت: ضحكاتك — بلادي ‏كيف أبدّل بالقراح العذب، قفرٍ مهمهيّة؟» عامر بن مبشر

‏يارب.. والدنيا صغيرة بعيني ‏مع كل دمعة لأبسط احساس تنهال ‏ ‏والله ما أذكر ضاقت الأرض فيني ‏واستعسرت عن حيلتي كل الأحوال ‏ ‏الا فرجها الله وأطلق يديني ‏من وجهةٍ ماقد طرت لي على البال! ‏ ‏من رحمتك ولا الخطأ.. معتريني ‏ومن حسن ظنٍ فيك يارب مازال*

أمانة لارحلتي ودّعي قلبي شوي شوي تراني منكسر من سيرة الفرقا وطاريها ‏ ‏تراني من هذاك اليوم لاميّت ولاني حيّ ‏ولا أدري عن جميع الناس قاصيها ودانيها ‏ ‏أمانة وش معي؟ والّا وش اللي من غيابك لي ياكود الوّنة اللي ماتعدّت صدر راعيها على حطّة يدك كلّ الطعون النازفه هي هي بعد حتى انشراحة خاطري منّي سرقتيها ‏أنا مثل الغريب وغربة أحبابي طوتني طيّ ‏أجاهد ضيقتي وظروف وقتي ويش أسميّها؟ ياويّ مْن السفر ومْن الغياب المنتظر ياويّ ‏بليَّاك الحياة الهادية وش حاجتي فيها؟ بعد بان الصباح وذعذع الغربي ومال الفيّ ‏تنهّت وطرت لي ساعةٍ ماني بناسيها ‏هي اللي باقية لي من لقاك وذكريات الغيّ ‏تعزّيني بعدك مْن الجروح اللي تركتيها فمان الله روحي والّا أنا مافي يديني شيّ عسى عينٍ جفاها نومها تفرح بغاليها *مشعان البرّاق

‏أنا مهما نقلت من الحمول اللي ماهيب خفاف ‏أشوفك حلم لا يعلى عليه ولغز ما له حل ‏مع إن الناس من حولك كثير ولا عليك خلاف ‏يراودني شعور إنك حبيبي، يا حبيب الكلّ

‏"بين المحال وبين تحقيق الآمال ‏مثل الذي بالضبط بيني وبينك"

‏"جيت يمك.. يا بعد من لد يمّي"

‏دام راسي بخير ونجدتي من ذراعي ‏شرهتي بالضمير وصدتي عن قناعه ‏من يخوض المعارك لازم يكون واعي ‏الهزيمه سريعه والنصر صبر ساعه ‏والخزى والله اني عنه طاوٍ شراعي ‏ودي اني بسوقه ماتجي لي بضاعه ‏ماحتمل شرهة الطيب حميد المساعي ‏لاسمع مني اللي مايسره سماعه