مسلم - Muslim

موضوع " الأذكار " ده واقعي وحقيقي لأبعد حد . . إنت حرفياً ممكن تعيش ( أسعد وأهدى ) يوم في حياتك، وممكن تعيش ( أوحش وأصعب ) يوم وتلاقيها متقفلة من كل حتة! والفرق بين اليومين دول . . ممكن جداً يكون الـ ١٠ دقايق اللي خطفت فيهم أذكار الصباح بيقين وانت نازل من بيتك أو في طريقك لشغلك. ١٠ دقايق بس بتبني حواليك حصن من الحفظ، وتصب في يومك بركة، وتيسير، وسكينة ملهاش أول من آخر. You do the math . . احسبها انت بقى وشوف الـ ١٠ دقايق دول بيوفروا عليك كام ساعة من النكد، والتعطيل، والمشاكل اللي كنت ممكن تقابلها من غير ستر وحفظ ربنا. الأذكار مش مجرد روتين .. دي طوق نجاة بنبدأ بيه يومنا، فمتستخسروش الحصن ده في نفسكم. 🩵

𝐅𝐫𝐢𝐝𝐚𝐲 𝐫𝐞𝐦𝐢𝐧𝐝𝐞𝐫 🩷 .

𝐅𝐫𝐢𝐝𝐚𝐲 𝐫𝐞𝐦𝐢𝐧𝐝𝐞𝐫 🩷 .

‏صباح الخير .. حبيت أذكركم بقيمة النعم المنسية لنستشعرها. "من أصبح منكم آمنًا في سربه، مُعافى في جسده، عنده قوت يومه، فكأنما حيزت له الدنيا بحذافِيرِها."

𝐅𝐫𝐢𝐝𝐚𝐲 𝐫𝐞𝐦𝐢𝐧𝐝𝐞𝐫 🩷 .

يا رَبَّنا، أعني على جِهادِ نفسي لأكونَ كَما تَرضَى وتُحِب أن أكون.

لا إله إلا أنت سبحانك إني كنت من الظالمين .

قيام الليل بيتصلى كالآتى.. ركعتين، ركعتين، ركعتين، ركعتين ركعتين شفع، وركعة وتر (هذا ما كان يصليه النبي صلى الله عليه وسلم، ولك أن تزيد او تقلل) بتقرآ فيهم ما تيسر لك من القرآن، مش حافظ امسك المصحف واقرا منه عادي، أو من علي الموبايل = اصل لسه ف الاول ومش بقدر اصلي غير ركعتين بس، عادي جدا وهتاخد ثواب قيام الليل كامل إن شاء الله ولكن لما تصلي اكتر بيبقي في ميزان حسناتك وكمان الركعات دي بتعوض صلواتك اللي فاتتك يوم القيامة. ميعادها من بعد صلاة العشاء إلى صلاة الفجر، ولكن أفضل اوقاتها هو الثلث الأخير من الليل. ربنا سبحان وتعالي يتنزل إلى السماء الدنيا فى الثلث الاخير وينادى: هل من سائل يعطى؟ هل من داعي يستجاب له؟ هل من مستغفر يغفر له؟ القيام مش بيحسب بعدد الركعات إنما بعدد الآيات، يعني ممكن تصلي ركعتين بس، ويكونوا بعشر آيات او بميت آيه او بألف ايه او أي عدد عموما. في حديث بيقول: من قام الليل بعشر آيات لم يكتب من الغافلين ومن قام الليل بمآئة آيه كتب من القانتين ومن قام الليل بألف آيه كتب من المقنطرين. قيام الليل لو انت إتعاملت معاه كأنه فرض سادس، ربنا هيعاملك بالمعجزات.