هذا شعوري !

ماهو بـ انا اللي مروره مرور كرام ‏" انا اللي ما يمر إلا وصنع فارق ".

وارثين الطيبّ من كل النواحي ‏ونحمد الله ما مشينا بـ الرديّـه .

على حين غرّه ياخذك رمشها الفاتك ‏لو انها تحب المزح ماهيب مزاحه 💙

فـ لا تلومني لا سعيت لخوة الطيب ‏الطيب الله يحبه .. كيف ما احبّه ؟

الصحيح ان كلمة الشر مسموعه ‏والردي من خلقته . . ما يدانينا ‏لو يشيل الحقد في داخل ضلوعه ‏ساعة الشدّه يجي يفتخر فينا ‏لا تعقد عند الاجناب موضوعه ‏ماقضى موضوعه الا بـ أسامينا (:

قبول الله المُنزل على العبد لا خاواه ‏مشى فوق روس عداه وكبود حسّاده 👌🏼

والحديث الي مهوب من البخاري ‏ماتميز بين حسناته وسيّه

كل ما دارتني الأفكار درت اكتافي ‏للبلاد وللعباد ونشدة النشّاده

يوم جرّبت الصدود اللي يجي في حله ‏والله اني ما لقيت أريح من المتغابي ‏اندمج واسج عن دق الكلام و جلّه ‏واجهل أسباب العباد ويجهلون اسبابي

ياعنك ياحكمة العاقل من سكاته ‏لا بيّنت .. هـذرة العالم سرايرها

بتلقى الهلا الاصلي مهب الهلا التمثيل ‏وتلقى القبول الزين والواهس الهادي

مر هذا العام .. ماغيّر ثباتي ‏يوم طيّح فـ الوجيه الأقنعة

من قبل لا تاخذ الدنيا .. حبايبكم ‏حنّو على بعض ، يمكن ما يجي بكرة .

نطوّف الزلات ونشوم عنها ‏ماهو بضعف إلا على شان نرتاح .

وش يبري الروح دام الروح منفطره !؟ ‏الا الأماني .. تواسيني على كسري ..

الهّوى لا مُرني من صَوب دارك ‏أنطحَه واملا ضلوعيَ من نسيمه

لو منت بـ كفو ما جتك الكلايف ‏القوي دايّـم . . صواديفه قويّه

دام ما عادك حبيبي .. لا تكلّف ‏كون كل شي فالحياه الاّ صديقي

" يا عسانيّ فِالأدب طبعِي خلُوق ‏و بالعبادة من مقيمين الصّلاة "

يا كم من مشكلة ماكان معها حل ‏" دعيت الله ييسّرها " ويسّرها .