Xunyager🌱

مستەفا دادار (کوردستان) کوردستان ئەی نیشتمانم هێزی دڵ، ئارامی گیانم جێی سەربڵندی و شانازی تا دڵ دەخوازێ دڵخوازی گوڵی پشکوتووی بێ پاییز سیس نابێ و ناوەری هەرگیز مێشکم، هەستم، بیرم، ژینم بۆ تۆن ئەی گیانی شیرینم تا زیندووم هەر تۆی مەبەستم خۆشم دەوێی دەتپەرەستم بشمرم لەشی بە گڵ بوو دەڕوێنێ چەند گوڵ و دڕوو گوڵم بۆ دەستی دڵدارت چقڵم بۆ چاوی بەدکارت گیانیش دەفڕێتە عاسمانت ئەوسا تێر دەکا سەیرانت 《هەژار(من و بولبول)》 #مستەفا_دادار #هەژار @Xunyager 🌱

مکائیل مەهابادی(کەنیشکە) @Xunyager 🌱 ئاسمان دەکەم بە تابلۆیەک بۆ نیگای چاوەکانت زەوی دەکەم بە پەڕەی گوڵ بۆ شەونمی لێوەکانت زەریا ئەکەم بە چەمێک و جەستەتی پێ دەشۆمەوە زارم دەکەم بە ماڵی وشە و شیعرمی پێ دەهۆنمەوە خۆزگە دەخۆم بەو ڕۆژانەی کە لە ڕێگای تۆوا دەمرم سینگت دەکەم بە ئاتەشگا و تەلاوەتی تیا هەڵ ئەگرم ئای بۆو ڕۆژانەی کە کۆچت کرد کە کۆچت کرد تۆ کەنیشکە هەموو دنیا لە دوای کۆچت کۆتایی هات کە کۆچت کرد ئەی کەنیشکە تەنیاترم لەو مەغریبەی لە ژیریدا گوڵمان دەبژارد کە کۆچت کرد ئەی کەنیشکە #مکائیل_مەهابادی @Xunyager 🌱